ကမ္ဘာ့သတင်းများ 07/07/2012
နိုင်ငံတကာသတင်း
မြောက်ကိုရီးယား စားနပ်ရိက္ခာအခြေအနေ ဆိုးရွား
မြောက်ကိုရီးယားနိုင်ငံရဲ့ စားနပ်ရိက္ခာအခြေအနေကို ရှားရှားပါးပါးကြည့်ခွင့်ရလိုက်တဲ့ ဒိန်းမတ်အခြေစိုက် အကူအညီပေးအဖွဲ့ တဖွဲ့က အခြေအနေတွေဟာ ဆိုးဆိုးရွားရွား ဖြစ်နေတယ်လို့ ပြောလိုက်ပါတယ်။
မြောက်ကိုရီးယားနိုင်ငံ၊ တောင်ပိုင်း Hwanhae ပြည်နယ်က Haeju မြို့မှာ စာနပ်ရိက္ခာပို့ဆောင်ပေးခဲ့စဉ် ပြီးခဲ့တဲ့သီတင်းပတ်က ကြီးကြပ်ပေးခဲ့ပြီး အဲဒီလောက် ဆိုးဝါးတဲ့ အာဟာရမပြည့်ဝတဲ့ အခြေအနေမျိုးကို ဘယ်တုန်းကမှ မတွေ့ခဲ့ဖူးဘူးလို့ Mission ဆိုတဲ့အဖွဲ့ရဲ့ အမှုဆောင် ညွှန်ကြားရေးမှူး Kim Hartzner က ကိုရီးယားဘာသာစကားဌာနကို ပြောခဲ့ပါတယ်။
နေရာတခုမှာ သူတွေ့ခဲ့ရတဲ့ ကလေးငယ် ၂၁၈ ယောက်ဟာ စားရေရိက္ခာအကူအညီတွေကိုသာ မရဘူးဆိုရင်တော့ သေကုန်ကြလိမ့်မယ်လို့ သူကပြောပါတယ်။
မြောက်ကိုရီးယားက သူရောက်ခဲ့တဲ့နေရာမှာ ဘယ်လို ဆည်မြောင်းစနစ်မျိုးကိုမှ မတွေ့ခဲ့ရဘူးလို့ မစ္စတာဟာ့တ်ဇ်နာက ပြောပါ တယ်။ ရေပုံးတွေနဲ့ လူတန်းရှည်ကြီးဟာ မြစ်ထဲကနေ ရေခပ်ပြီး အနားကပြောင်းခင်းတွေကို ရေလောင်းကြရတယ်လို့ သူက ဆိုပါတယ်။
သူသွားခဲ့တဲ့နေရာအများစုမှာ ဆန်တွေ ရနေတုန်းပဲဖြစ်ပေမဲ့ တချို့နေရာတွေမှာတော့ ဆန်မရှိတော့ဘူးလို့ Kim Hartzner ကပြောပါတယ်။
ဆီးရီးယားကိုဖိအားပိုပေးဖို့ နိုင်ငံအများတောင်းဆို
ဆီးရီးယားသမ္မတ Bashar al-Assad ရဲ့ အုပ်ချုပ်မှုရပ်တန့်ရေးအတွက် ကြိုးပမ်းလုပ်ဆောင်ကြ တဲ့ နိုင်ငံပေါင်း ၁၀၀ ကျော်က ကိုယ်စားလှယ်တွေက ဆီးရီးယားအစိုးရအပေါ် ပိုမို ပြင်းထန်ပြီး ကျယ်ပြန့် တဲ့ ပိတ်ဆို့ အရေးယူ မှုတွေ ချမှတ်လုပ်ဆောင်ဖို့ တောင်းဆိုလိုက်ပါတယ်။ ဆီးရီးယားနိုင်ငံက ဗိုလ်ချုပ် တဦး အစိုးရထဲကနေ ထွက်ပြီး ပြည်ပကို ထွက်ပြေးသွားတယ်ဆိုတဲ့ သတင်းတွေ ထွက်လာနေတဲ့ အချိန် မှာပဲ အခုလို အစည်းအဝေး ကျင်းပ တောင်းဆိုလိုက်တာပါ။
လွန်ခဲ့တဲ့ ၁၆ လအတွင်း အတိုက်အခံ အင်အားစုတွေကို အစိုးရက အကြမ်းဖက် နှိပ်ကွပ်နေတာတွေ ရပ်တန့်ဖို့ အတွက် ပြင်သစ်နိုင်ငံ၊ ပဲရစ်မြို့မှာ တွေ့ဆုံနေကြတဲ့ သံတမန်တွေက တောင်းဆိုလိုက်တာပါ။ အစိုးရကို ဆန့်ကျင် တော်လှန်နေတဲ့ အတိုက်အခံ အင်အားစုတွေကို ဆက်သွယ်ရေး ပစ္စည်းတွေ အပါ အ၀င် အကူအညီ အထောက်ပံ့တွေ အလုံးအရင်းနဲ့ပေးဖို့အတွက် ဆီးရီးယားနိုင်ငံရဲ့ မိတ်ဆွေနိုင်ငံများလို့ အမည်ပေးထားတဲ့ ဒီအဖွဲ့က တောင်းဆိုလိုက်ပါတယ်။
ကုလသမဂ္ဂလုံခြုံရေးကောင်စီအနေနဲ့လည်း ဆီးရီးယားနိုင်ငံအပေါ် အရေးယူပိတ်ဆို့မှုတွေ ချက်ခြင်း ချ မှတ်ဖို့ အတွက် တောင်းဆိုမယ်လို့ အမေရိကန် နိုင်ငံခြားရေးဝန်ကြီး ဟီလာရီ ကလင်တန် က ပြောပါ တယ်။ အစိုးရ အနေနဲ့ သူ့ပြည်သူတွေကို သတ်ဖြတ်နေတဲ့ လုပ်ရပ်ဟာ နိုင်ငံတကာ ဥပဒေတွေနဲ့ လူ့ကျင့် ၀တ်သိက္ခာတွေ အားလုံးကို ချိုးဖောက် လုပ်ဆောင်နေတာဖြစ်တယ်လို့ သမ္မတ အာဆဒ်အစိုးရကို ၀န်ကြီး ကလင်တန်က ရှုတ်ချ ပြောဆို လိုက်ပါတယ်။
ဒီအတောအတွင်း ဆီးရီးယားသမ္မတ Bashar al-Assad ရဲ့ တချိန်က ယုံကြည် စိတ်ချရသူတဦးဖြစ်ခဲ့သူ ဗိုလ်ချုပ်တဦးဟာ အစိုးရအဖွဲ့ထဲက နုတ်ထွက်ပြီး အခု ပြင်သစ်နိုင်ငံ၊ ပဲရစ်မြို့ကိုလာနေပြီလို့ ပြင် သစ်နိုင်ငံခြားရေးဝန်ကြီးဌာက ပြောပါတယ်။ ဆီးရီးယား ဗိုလ်ချုပ် Manaf Tlas အခုလို တိုင်းပြည်က ထွက်ပြေးလာတာကို ကြည့်ခြင်းအားဖြင့် သမ္မတအာဆဒ်ရဲ့ အစိုးရဟာ ရေရှည်တည်တံ့မှာ မဟုတ်ဘူး ဆိုတာကို ပြသလိုက်တာပဲလို့ ပြင်သစ်နိုင်ငံခြားရေးဝန်ကြီး Laurent Fabius က ပြောပါတယ်။ ဗိုလ်ချုပ် Manaf Tlas အခုလို ထွက်ပြေးသွားတာဟာ ဆီးရီးယားသမ္မတ အာဆဒ်အတွက် ပြင်းထန်တဲ့ ထိုးနှက်မှု ကြီး တခု ဖြစ်လာနိုင်ခြေ ရှိတယ်လို့လည်း ခန့်မှန်း ပြောဆိုနေကြပါတယ်။
အာဂျင်တီးနား အာဏာရှင်ဟောင်းနှစ်ဦးကို ထောင်ဒဏ် ချမှတ်
အာဂျင်တီးနားနိုင်ငံကို ၁၉၇၆ ခုနှစ်ကနေ ၈၃ ခုနှစ်အထိ အုပ်ချုပ်ခဲ့တဲ့ အာဏာရှင်အစိုးရကို ဆန့်ကျင်တဲ့ အတိုက်အခံအင်အားစုတွေရဲ့ ကလေးငယ်တွေကို ပြန်ပေးဆွဲမှုနဲ့ အရင်အာဏာရှင်ဟောင်း ၂ ဦးကို နှစ် ရှည် ထောင်ဒဏ်ချမှတ် အပြစ်ပေးလိုက်ပါတယ်။
အာဏာရှင်ဟောင်း Jorge Videla ကို ထောင်ဒဏ် အနှစ် ၅၀ နဲ့ သူ့အရိုက်အရာကို ဆက်ခံတဲ့ Reynaldo Bignone ကို ထောင်ဒဏ် ၁၅ နှစ် အသီးသီး ချမှတ်ကြောင်း တရားသူကြီးက မနေ့က စီရင်ချက် ချလိုက် တာနဲ့ Buenos Aires တရားရုံးအပြင်မှာ စောင့်နေကြတဲ့ တက်ကြွ လှုပ်ရှားသူတွေနဲ့ မိသားစုဝင်တွေ က သောင်းသောင်းဖြဖြ ကြိုဆိုလိုက်ကြပါတယ်။
သူတို့ရဲ့ အုပ်ချုပ်ရေးအဖွဲ့ကို ဆန့်ကျင်ကြတဲ့ အတိုက်အခံတွေကို လုံးဝသုတ်သင် ရှင်းလင်းပစ်ဖို့ ရည်ရွယ် ချက်နဲ့ လုပ်ဆောင်ခဲ့တဲ့ Dirty War ခေါ် မလျော်ကန်တဲ့ လုပ်ရပ်တွေမှာ ပြစ်မှု ထင်ရှားကြောင်း တွေ့ရှိ ခဲ့တဲ့အတွက် တရားရုံးက အခုလို စီရင်ချက် ချလိုက်တာ ဖြစ်ပါတယ်။ သူတို့ဟာ အတိုက်အခံ မိသားစုတွေ ရဲ့ မွေးကင်းစ ကလေးငယ်တွေနဲ့ တခြား ကလေးငယ်တွေကို အကွက် ကျကျ ပြန်ပေးဆွဲ၊ ညှဉ်းပန်းနှိပ်စက်၊ သတ်ဖြတ်တာတွေ လုပ်ခဲ့တယ်လို့ စွဲချက် တင်ခံထားရတာပါ။
သူတို့ အုပ်ချုပ်ခဲ့တဲ့ အဲဒီ အမှောင်ကာလအတွင်း ကလေးငယ်ပေါင်း ၅၀၀ လောက် ပြန်ပေးဆွဲခံခဲ့ရတယ် လို့ Plaza de Mayo ရဲ့ အဖွားအိုများလို့ အမည်ပေးထားတဲ့ လူ့အခွင့်အရေး လှုပ်ရှားမှုအဖွဲ့က ပြောပါတယ်။ ဒါပေမယ့် အထောက်အထား စာရွက် စာတမ်းတွေကို ဖျက်ဆီးပစ်လိုက်တဲ့အတွက် ဘယ်နှစ်ယောက် ပြန်ပေး ဆွဲခံခဲ့ရတယ်ဆိုတဲ့ စာရင်းအတိအကျတော့ မသိနိုင်ပါဘူး။ ဖေဖော်ဝါရီလမှာစခဲ့တဲ့ ဒီအမှုမှာတော့ ကလေး ငယ်ပေါင်း ၃၄ ယောက်ရဲ့အမှုကို အခြေခံပြီး စစ်ဆေးခဲ့တာပါ။
LWIN PWIN
NLABR
Web-site: www.nlabr.com
Subscribe to:
Post Comments (Atom)
0 comments:
Post a Comment