ကမ္ဘာ့သတင်းများ 13/07/2012
နိုင်ငံတကာသတင်း
ဆီးရီးယားဟာမာဒေသမှာ လူ ၂၀၀ ကျော် သေဆုံး
ဆီးရီးယားနိုင်ငံ၊ ဟာမာခရိုင်ထဲက ရွာတရွာမှာ အစိုးရစစ်တပ်က အရပ်သားအများစုဖြစ်တဲ့ လူ ၂၀၀ ကျော်ကို အစုအဝေးလိုက် သတ်ပစ်ခဲ့တယ်လို့ ဆီးရီးယား အတိုက်အခံ လှုပ်ရှားသူတွေက ပြောပါတယ်။
မြို့ကို ၀င်မစီးခင်မှာ အစိုးရတပ်တွေက Treimsa ရွာကို အမြောက်တွေနဲ့ ပစ်ခတ်ခဲ့တယ်လို့ လှုပ်ရှားသူတွေနဲ့ မျက်မြင်တွေက ပြောပါတယ်။
အတိုက်အခံတွေနဲ့ အရပ်သားတွေကို လက်နက်ကြီးတွေနဲ့ ဆက်ပြီး ပစ်ခတ် တိုက်ခိုက်နေမယ်ဆိုရင် ဆီးရီးယား အစိုးရအပေါ် ပြင်းထန်တဲ့ ဒဏ်ခတ်အရေးယူမှုအသစ်တွေ ချမှတ်ဖို့ ကုလသမဂ္ဂလုံခြုံရေးကောင်စီမှာ အကြိတ် အနယ် ဆွေးနွေးနေချိန်မှာပဲ ကြာသပတေးနေ့က အဲဒီတိုက်ခိုက်မှုဖြစ်ခဲ့တာပါ။
အနောက်နိုင်ငံတွေက ထောက်ခံထားတဲ့ လုံခြုံရေးကောင်စီဆုံးဖြတ်ချက်အရ စစ်ရေးအရ အရေးယူနိုင်တဲ့ အလားအလာကို ဖွင့်ထားတာပါ။ ဒါပေမဲ့လည်း ရုရှားက တချက်လွှတ် ဗီတိုအာဏာသုံးမယ်လို့ ခြိမ်းခြောက် ထားပါတယ်။ ဆီးရီးယားက ကုလသမဂ္ဂ လေ့လာစောင့်ကြည့်ရေးအဖွဲ့ကို နောက်ထပ် သုံးလ သက်တမ်းတိုးဖို့ပဲ ရုရှားတို့က လိုလားနေတာပါ။
ရုရှားနိုင်ငံဟာ ဆီးရီးယားအစိုးရရဲ့ အနီးကပ်ဆုံး မဟာမိတ်နိုင်ငံတခုဖြစ်ပြီး အရင် ကုလသမဂ္ဂ ဆုံးဖြတ်ချက်တွေ ကိုလည်း ဗီတိုအာဏာသုံး ပယ်ချခဲ့ဖူးပါတယ်။
တောင်တရုတ်ပင်လယ်အငြင်းပွားမှု ညှိနှိုင်းဖြေရှင်းရန် ကလင်တန်တိုက်တွန်း
တောင်တရုတ်ပင်လယ် ပိုင်ဆိုင်မှုဆိုင်ရာ နယ်မြေအငြင်းပွားမှုတွေအပေါ် ပူးပေါင်းပြီးတော့ သံတမန်နည်းလမ်း အရ ညှိနှိုင်းအဖြေရှာကြဖို့ အမေရိကန် နိုင်ငံခြားရေးဝန်ကြီး ဟီလာရီ ကလင်တန်က အရှေ့တောင် အာရှနိုင်ငံတွေ ကို တိုက်တွန်းလိုက်ပါတယ်။
အငြင်းပွားနေတဲ့ ပင်လယ်ရေပြင်ပိုင်ဆိုင်မှုမှာ ပါဝင်ပတ်သက်နေတဲ့ နိုင်ငံတွေအားလုံးအနေနဲ့ ခြိမ်းခြောက် တာတွေကို ရှောင်ရှားပြီး အရှေ့တောင် အာရှနိုင်ငံများအဖွဲ့အတွင်းမှာ ဆွေးနွေးပြောဆိုပြီးတော့ လုပ်ဆောင် သင့်တယ်လို့ ကြာသပတေးနေ့ကလုပ်တဲ့ သတင်းစာရှင်းလင်းပွဲအတွင်း ကလင်တန်က ပြောခဲ့ပါတယ်။
တရုတ်နိုင်ငံအနေနဲ့ နယ်မြေပိုင်ဆိုင်မှုဆိုင်ရာ အငြင်းပွားနေတာနဲ့ပတ်သက်ပြီး ညှိနှိုင်းဆွေးနွေးပွဲတွေမှာ စက်တင် ဘာလ အစောဆုံးထားပြီး ပါဝင်ဖို့ ဆန္ဒရှိတယ်ဆိုတာကို ကလင်တန်နဲ့ တွေ့ဆုံ ဆွေးနွေးပြီးတဲ့နောက် တရုတ်နိုင် ငံခြားရေးဝန်ကြီး ယန်ကျီးချီက သတိထားပြောဆိုခဲ့တယ်လို့ အမေရိကန် တာဝန်ရှိသူတွေက ပြောပါတယ်။
ဘရူနိုင်း၊ တရုတ်၊ မလေးရှား၊ ဖိလစ်ပိုင်၊ တိုင်ဝမ်နဲ့ ဗီယက်နမ်နိုင်ငံတွေက တောင်တရုတ်ပင်လယ် တစိတ်တပိုင်း ဒါမှမဟုတ် အားလုံးကို ပိုင်ဆိုင်တယ်လို့ ပြောထားကြပါတယ်။
ဥရောပနဲ့အမေရိကန် စီးပွားရေးအကျပ်အတည်း အာရှကိုထိခိုက်နေ
တရုတ်နဲ့ အိန္ဒိယနိုင်ငံတွေရဲ့ စီးပွားရေးတိုးတက်မှုနှေးကွေးကျဆင်းနေတာကြောင့်လည်း အာရှဒေသတွင်း စီးပွားဖွံ့ဖြိုးမှု တိုးတက်အောင် ကြိုးပမ်းတဲ့နေရာမှာ အခက်အခဲတွေ ကြုံခဲ့ရတယ်လို့လည်း အစီရင်ခံစာ က ထောက်ပြပါတယ်။
ဒါတွေကြောင့် ဒေသအတွင်း ၂၀၁၂ နဲ့ ၂၀၁၃ ခုနှစ်တွေမှာ ဖွံ့ဖြိုးတိုးတက်မှုဟာ နိမ့်ကျနေအုံးမှာဖြစ်တယ်လို့ အာရှဖွံ့ဖြိုးရေးဘဏ်က ခန့်မှန်းပါတယ်။
ဥရောပတိုက်မှာ ဖြစ်ပွားနေတဲ့ ငွေကြေးဆိုင်ရာပြဿနာတွေနဲ့ အမေရိကန်ပြည်ထောင်စုမှာလည်း စီးပွားရေး ပြန်လည် နလံထလာမှု နှေးကွေး နေတဲ့ဖြစ်ရပ်တွေကြောင့် အာရှဒေသတွင်း နိုင်ငံတွေရဲ့ ဖွံ့ဖြိုးမှုကို ထိခိုက်နေတယ်လို့ အာရှ ဖွံ့ဖြိုးရေးဘဏ် ADB က ထုတ်ဖော် ပြောဆိုလိုက်ပါတယ်။
ဥရောပနဲ့ အမေရိကန်ပြည်ထောင်စုတို့မှာ ဖြစ်ပွားနေတဲ့ အခက်အခဲတွေကြောင့် အာရှတိုက်ကနေ တင်သွင်းတဲ့ ကုန်ပစ္စည်းတွေကို ဖြတ်တောက်မှုတွေ ရှိခဲ့တဲ့အတွက် အာရှရဲ့ အခုနှစ် ပထမနှစ်ဝက် ဖွံ့ဖြိုးတိုးတက် မှုနှေးကွေးသွားကြောင်း ADB အဖွဲ့က ကြာသာပတေးနေ့မှာ ထုတ်ပြန်တဲ့ ကြေညာချက်ထဲမှာ ဖော်ပြထားပါတယ်။
ဝယ်လိုအားတွေကျဆင်းသွားတာကြောင့် ကမ္ဘာအနှံ့မှာ အစားအသောက်နဲ့ လောင်စာဆီဈေးနှုန်းတွေ ကျဆင်းသွားနိုင်ပြီး ငွေဖောင်းပွမှုဖြစ်စေနိုင်တဲ့ အခြေအနေမျိုးက ကင်းဝေးနိုင်ကြောင်းလည်း အစီရင်ခံ စာမှာ ဖေါ်ပြထားပါတယ်ခင်ဗျား။
LWIN PWIN
NLABR
Web-site: www.nlabr.com
Facebook: Sa Maung
Subscribe to:
Post Comments (Atom)
0 comments:
Post a Comment