ရှစ်လေးလုံး ငွေရတုအကြို အခမ်းအနားတွေ ကျင်းပဖို့ဆွေးနွေး

 (၂၄) နှစ်မြောက် ရှစ်လေးလုံး နှစ်ပါတ်လည် ငွေရတုအကြို အခမ်းအနားကို မန္တလေးမြို့မှာ သြဂုတ်လ (၈) ရက်နေ့ ကျင်းပသွားဖို့ရှိပြီး တစ်နိုင်ငံလုံးက နိုင်ငံရေး တက်ကြွလှုပ်ရှားသူ အများအပြား လာရောက်ဖို့ စီစဉ်နေကြတယ်လို့ သတင်းရပါတယ်။
ဒီအခမ်းအနား ဖြစ်မြောက်ရေးအတွက် ညှိနှိုင်း ဆွေးနွေးပွဲတစ်ခုကို မန္တလေးမြို့ မဟာမြတ်မုနိဘုရားကြီး ဒက္ခိဏရာမ အလယ်တိုက်မှာ မနေ့က မနက်ပိုင်းက ကျင်းပခဲ့ပါတယ်။
ပြီးခဲ့တဲ့ တနင်္လာနေ့က (၈၈) မျိုးဆက်ကျောင်းသားခေါင်းဆောင် ကိုမင်းကိုနိုင် မန္တလေးမြို့ကို လာရောက်ခဲ့စဉ်က ဆွေးနွေးခဲ့တဲ့ အတိုင်း တစ်နိုင်ငံလုံး အတိုင်းအတာနဲ့ ရှစ်လေးလုံး ငွေရတုအကြိုပွဲ မန္တလေးမြို့မှာ ကျင်းပနိုင်ရေး အစီအစဉ်နဲ့ ပတ်သက်လို့ အသေးစိတ် ညှိနှိုင်းဆွေးနွေးခဲ့ကြတာ ဖြစ်တယ်လို့ ပွဲဖြစ်မြောက်ရေး ကော်မတီဝင် ကိုမောင်မောင်ဦးက ပြောပါတယ်။
"ရန်ကုန်က ကိုယ်စားလှယ်အဖွဲ့နဲ့ မန္တလေးက စိတ်ဝင်စားသူ၊ ရှစ်လေးလုံးမှာ ဖြတ်သန်းဖူးသူ၊ နိုင်ငံရေးမှာ စိတ်ဝင်စားသူ အဖွဲ့တွေ လုပ်ငန်းညှိနှိုင်းပွဲပါ။ ဒီညှိနှိုင်းပွဲမှာ ပွဲလုပ်တဲ့အခါမှာ အသုံးပြုမယ့် လိုဂို (logo) ဒီဇိုင်းတွေ၊ အလံတွေ၊ အခမ်းအနား ကျင်းပတဲ့အခါမှာ ဖိတ်ကြားမယ့် လူတွေ၊ နေရာ၊ Agenda၊ အဲဒါတွေကို အကြိုညှိနှိုင်းဆွေးနွေးတာ ဖြစ်ပါတယ်။ "
ဒီအခမ်းအနားနဲ့ ပတ်သက်လို့ မြန်မာနိုင်ငံ အထက်ပိုင်း အတွက် မန္တလေးမြို့ ပွဲဖြစ် မြောက်ရေး ဦးဆောင်ကော်မတီနဲ့ မြန်မာနိုင်ငံ အောက်ပိုင်း အတွက်ကိုတော့ (၈၈) မျိုးဆက်ကျောင်းသားများ အဖွဲ့က တာဝန်ယူ ဖိတ်ကြားမယ်လို့ သိရပါတယ်။
ဒီကနေ့ကျင်းပတဲ့ အခမ်းအနား ဖြစ်မြောက်ရေး အစည်းအဝေးကို ရန်ကုန်မြို့က (၈၈) မျိုးဆက်ကျောင်းသားများ အဖွဲ့ကိုယ်စားလှယ် အဖြစ် ကိုပြုံးချိုနဲ့ ကိုဘသက်အောင်တို့ တက်ရောက်ခဲ့ပြီး၊ မန္တလေးမြို့က မြ၀တီကျောင်းတိုက် ဆရာတော် ဦးအရိယာဘိဝံသ၊ အလယ်တိုက် ဆရာတော် ဦးခေမာစာရ၊ ရဲဘက်စခန်းပြန် နိုင်ငံရေး အကျဉ်းသားဟောင်း ဆရာတော် ဦးဝိသုတနဲ့ နိုင်ငံရေး တက်ကြွ လှုပ်ရှားသူတွေ၊ ဗကသ ကျောင်းသူ ကျောင်းသားတွေ စုစုပေါင်း (၁၀၀) ကျော်လောက် တက်ရောက်ခဲ့ကြပါတယ်။

သမ္မတ ဦးသိန်းစိန် ထိုင်းနိုင်ငံ ဒီကနေ့ ရောက်မည်

သမ္မတ ဦးသိန်းစိန်ဟာ ထိုင်းနိုင်ငံ ဘန်ကောက်မြို့ ဒွန်မောင်း လေဆိပ်ကို အထူးလေယာဉ်နဲ့ ဒီကနေ့ ရောက်ရှိမှာ ဖြစ်ပါတယ်။
ခရီးစဉ်အရ Chon Buri မှာရှိတဲ့ Laem Chabang ရေနက်ဆိပ်ကမ်းကို ဒီကနေ့ သွားရောက် ကြည့်ရှုမှာဖြစ်ပြီး၊ မနက်ဖြန် ထိုင်းဝန်ကြီးချုပ် ယင်လပ် ရှင်နာဝပ်ထရာနဲ့ တွေ့ဆုံအပြီးမှာ ပူးတွဲကြေညာချက် ထုတ်ပြန်မှာ ဖြစ်ပါတယ်။အင်္ဂါနေ့မှာ မြန်မာပြည်ကို မပြန်ခင် မြဘုရားကို သွားရောက် ကြည်ညိုမှာ ဖြစ်ကြောင်း ဘန်ကောက်ပို့စ် သတင်းစာက ဖော်ပြပါတယ်။ထိုင်းဝန်ကြီးချုပ်နဲ့ တွေ့ဆုံတဲ့အခါ နားလည်မှု စာချွန်လွှာတစ်ရပ် လက်မှတ်ရေးထိုးကြမယ်လို့ ထိုင်းနိုင်ငံခြားရေး ၀န်ကြီးက ပြောပါတယ်။ ဒါပေမဲ့ အသေးစိတ် မပြောဆိုပါဘူး။
ထိုင်း စီးပွားရေး လုပ်ငန်းရှင်တွေကတော့ သမ္မတ ဦးသိန်းစိန်ရဲ့ ထိုင်းခရီးစဉ်အတွင်း မြန်မာနဲ့ ထိုင်း စီးပွားရေး တိုးတက် ဆောင်ရွက်နိုင်ရေးနဲ့ မြန်မာနိုင်ငံမှာ စီးပွားရေး လုပ်မယ်ဆိုရင် မိမိတို့ရဲ့ ရင်းနှီးမြှုပ်နှံမှုတွေ အပေါ် ဘယ်လိုဘယ်ပုံ အကာအကွယ် ပေးမယ်ဆိုတာတွေ အပါအ၀င် တရားဝင် စာချုပ် စာတမ်းတွေ ချုပ်ဆိုနိုင်ရေး ဆွေးနွေးစေချင်ကြောင်း ထိုင်း အစိုးရကို ပြောဆိုပါတယ်။
ထိုင်းဝန်ကြီးချုပ် အနေနဲ့ ကချနဘူရီ၊ မယ်ဟောင်ဆောင်၊ ချင်းမိုင်နဲ့ Prachuap Khiri Khan ဒေသတွေမှာ နယ်စပ် ဂိတ် (၄) ခု ဖွင့်လှစ်ရေး၊ မြန်မာရွှေ့ပြောင်း အလုပ်သမားတွေရဲ့ နိုင်ငံသား စိစစ်ရေး နှေးကွေးနေပြီး ဈေးကြီးနေတဲ့ကိစ္စ၊ ထားဝယ် ရေနက်ဆိပ်ကမ်းကိစ္စနဲ့ မြန်မာနိုင်ငံတွင်း တရားမ၀င် ၀င်ရောက်မှုနဲ့ ကော့သောင်းမြို့နယ်မှာ ဖမ်းဆီးခံခဲ့ရတဲ့ ထိုင်းလူမျိုး (၉၂) ဦးအကြောင်း စတာတွေ ဆွေးနွေးဖွယ် ရှိတယ်လို့ လေ့လာသူတွေက ဆိုပါတယ်။
သမ္မတ ဦးသိန်းစိန်ရဲ့ ထိုင်းခရီးစဉ်ဟာ နှစ်ကြိမ်တိုင်တိုင် ရွှေ့ဆိုင်းခဲ့ပါတယ်။ အခုခရီးစဉ်ဟာ နှစ်နိုင်ငံ ဆက်ဆံရေး တိုးမြှင့်ရေး အပါအ၀င် သူဟာ မြန်မာနိုင်ငံရဲ့ ခေါင်းဆောင်ဖြစ်တယ်ဆိုတာ ထိုင်းနိုင်ငံကို သတိရ သွားအောင် လုပ်နိုင်ခွင့်ပေးမယ့် ခရီးလည်း ဖြစ်ပါလိမ့်မယ်လို့ လေ့လာသူတစ်ဦးက ပြောဆိုပါတယ်။

ဒေါ်အောင်ဆန်းစုကြည် အတ္ထုပ္ပတ္တိ စတင်ရိုက်ကူး

ဒေါ်အောင်ဆန်းစုကြည်ရဲ့ ဘဝဖြတ်သန်းမှုတွေကို အခြေခံတဲ့ အတ္ထုပ္ပတ္တိ မှတ်တမ်းရုပ်ရှင်ကို ဒီနေ့မှာပဲ ဒါရိုက်တာ မင်းထင်ကိုကိုကြီးက စတင်ရိုက်ကူးတယ်လုိ့ သိရှိရပါတယ်။တကယ်တော့ ဒီဇာတ်ကားကို ရိုက်ကူးဖို့ လွန်ခဲ့တဲ့ တနှစ်ကျော်လောက် ကတည်းက ဒေါ်အောင်ဆန်းစုကြည်ရဲ့ ခွင့်ပြုချက်ကို ရယူထားခဲ့ကြောင်း ကိုမင်းထင်ကိုကိုကြီးက ပြောပါတယ်။
ကြည့်ရှုချိန် (၁) နာရီခွဲစာလောက် ကြာမြင့်မယ့် အဲဒီ မှတ်တမ်းရုပ်ရှင်ကို အခန်း (၉) ခန်းခွဲပြီး (၁) နှစ်ခွဲကြာ ရိုက်ကူးမယ်လို့ ဒါရိုက်တာ မင်းထင်ကိုကိုကြီးက ပြောပါတယ်။

ရှပ်ပြေးရေယာဉ် တွေ့ရှိ၊ လူ ၅၀ ပျောက်ဆုံးနေဆဲ

မနေ့ မနက် ၉ နာရီခွဲက တာပိန်မြစ်ထဲ တိမ်းမှောက် နစ်မြုပ်သွားခဲ့တဲ့ မြမင်းအောင် (၁) ရှပ်ပြေးရေယာဉ်ကို အဲဒီ ဂိတ်နဲ့ ၁၀ ကိုက်အကွာ ပေ၃၀ အနက်ရှိတဲ့ တာပိန်မြစ်ကြမ်းပြင်မှာ ရေငုပ်သမားတွေနဲ့ ရှာဖွေတွေ့ရှိပြီ ဖြစ်ပေမဲ့၊ လူ ၅၀ ကျော်လောက်ကတော့ ပျောက်ဆုံးနေဆဲ ဖြစ်ပါတယ်။ လောလောဆယ် အဲဒီ သင်္ဘောကို ဒီကနေ့ ညဦးပိုင်းလောက်မှာ ကမ်းဖက်ကို ဆွဲကပ်နိုင်ဖို့ ကြိုးစားနေကြတယ်လို့ ကယ်ဆယ်ရေး လုပ်ငန်းတွေ ကူညီ ဆောင်ရွက်နေတဲ့ ဗန်မော်မြို့သူ တစ်ဦးက ပြောပါတယ်။
မနေ့က ကယ်တင်နိုင်ခဲ့တဲ့ ၇၄ ယောက်ထဲက တစ်ဦးဖြစ်တဲ့ စစ်မြေပြင် အင်ဂျင်နီယာ တပ်ရင်း ၉၁၄ က ဒုတပ်ကြပ် ကိုသီဟနိုင် ဆိုသူကတော့ သေဆုံးသွားခဲ့ပါတယ်။  အခုလ ၂၃ ရက်နေ့မှာ ကျင်းပမယ့် မြစ်ကြီးနား တက္ကသိုလ်ဇုန် ဘောလုံးပွဲကို ကစားဖို့ လာရောက်တဲ့ ဗန်းမော် တက္ကသိုလ် သချာင်္ဋ္ဌာန ပါမောက္ခ ဒေါက်တာ မျိုးသန့်နဲ့ ကျောင်းသား ၁၅ ယောက်ကိုတော့ ကယ်တင်နိုင်ခဲ့ပြီး တခြားဆရာ ၁ ယောက်နဲ့ ကျောင်းသား ၅ ယောက်ကတော့ ပျောက်ဆုံးနေဆဲ ဖြစ်ပါတယ်။နစ်မြှုပ်နေဆဲ ရှပ်ပြေးယာဉ်ကို ဆွဲကပ်နိုင်ဖို့ ပြည်တွင်းရေကြောင်းက သဘောင်္နှစ်စီး၊ ကားကြီး နှစ်စီး အပါအဝင် ဒေသခံ ပြည်သူတွေနဲ့ ကြိုးစားဆောင်ရွက်နေကြတာ ဖြစ်ပါတယ်။မနေ့က နေ့လည်ပိုင်းမှာတော့ သင်္ဘောနစ်မြုပ်တဲ့ နေရာအနီးကို ကချင်ပြည်နယ် လူမှုရေးဝန်ကြီး ဒေါ်ဘောက်ဂျာ ရောက်ရှိခဲ့ပြီး ပျောက်ဆုံးနေဆဲ လူ ၅၀ ကျော်အတွက် ဝမ်းနည်းစကား ပြောကြားခဲ့ပြီး ဒေသခံ အုပ်ချုပ်ရေး အာဏာပိုင်တွေနဲ့ နိုင်ငံရေးပါတီတွေ ပူးပေါင်းဆောင်ရွက်ကြဖို့ တိုက်တွန်းသွားခဲ့ပါတယ်။

ကျူးကျော်ရပ်ကွက် ရုတ်တရက်ဝင် ဖျက်သိမ်း

ရန်ကုန်တိုင်း မရမ်းကုန်းမြို့နယ်၊ (၅) ရပ်ကွက်၊ ရန်ကြီးအောင်ပတ်လမ်းနားမှာ ရှိတဲ့ ကျူးကျော်တဲ (၁၀၀) ကျော်ကို အာဏာပိုင်တွေက မနေ့က ရုတ်တရက် စတင် ဖျက်ဆီးခဲ့ပြီး၊ အားလုံးကို မနေ့က အပြီးတိုင်ဖျက်ဖို့ ဆောင်ရွက်နေကြောင်း နေအိမ် ဖျက်ခံရတဲ့ ကာယကံရှင်တစ်ဦးက ပြောပါတယ်။
"မနေ့က ဆိုလို့ ရှိရင် လူပေါင်း ၂၀၀ လောက်ရှိတယ်။ ရဲ၊ စစ်တပ်လည်းပါတယ်။ စစ်တပ်က ကုန်းပေါ်က ရပ်ပြီးတော့ ကျနော်တို့ကို ပိတ်ဆို့ပြီးတော့ ဖြတ်သွားတာ။ မနက် ၅ နာရီလောက် ကားနဲ့ ၀င်လာပြီးတော့ အိမ်တွေ ရွှေ့ပေးပါပြောတယ်။ ပြီး ရွှေ့ပေးပါမယ် ပြောတာတောင် မရဘူး။ အခုချက်ခြင်း လူဆင်း၊ အကုန်လုံး ချိတ်တွေနဲ ဆွဲချ၊ ရဲဒင်းနဲ့ခုတ်၊ ပေါက်ဆိန်နဲ့ ပေါက်၊ အကုန် ဆွဲချ ဖျက်ချသွားတယ်။ အခုညဆက်နေမယ်ဆိုလည်း ကျနော်တို့ကို ဖမ်းမယ်။  ဒီထဲမှာလည်း ကွင်းထဲမှာ ပစ္စည်းရော လူရော ဘာတခုမှ မမြင်ချင်ဘူး။ သူတို့က ပြောတယ်။"
အာဏာပိုင်တွေက ကြိုတင်အသိမပေးဘဲ အဲဒီလို မနေ့က မနက်လင်းအားကြီး အချိန်မှာ ရုတ်တရက် ၀င်ရောက် ဖျက်ဆီးခဲ့တာကြောင့် နေထိုင်သူတွေ ကြောက်လန့်တကြား ထွက်ပြေးခဲ့ကြရတယ်လို့လည်း သူကပြောပါတယ်။
အဲဒီနေရာဟာ လေကြောင်းပို့ဆောင်ရေးဌာန ပိုင်နက်နယ်မြေဖြစ်တဲ့အတွက် ဖယ်ရှားပေးဖို့ အခုနှစ် ဖေဖော်ဝါရီလက စတင်ပြီး အာဏာပိုင်တွေက ညွှန်ကြားခဲ့တယ်လို့ ဆိုပါတယ်။ ကျူးကျော် နေထိုင်သူတွေက  မိုးတွင်းကာလ လွန်မြောက်တဲ့အထိ ဆက်လက် နေထိုင်ခွင့်ပေးဖို့ နိုင်ငံတော်သမ္မတ ဦးသိန်းစိန်ထံ စာရေးသား အသနားခံခဲ့ကြောင်း သိရပါတယ်။အခုတော့ ဖယ်ရှားခံရတဲ့ ကျူးကျော် နေထိုင်သူတွေဟာ သူတို့ နေထိုင်ခဲ့တဲ့နေရာတွေ အနီးက လမ်းဘေးနဲ့ ချောင်ခြိုချောင်ကြား ကွက်လပ်တွေမှာ ဖြစ်သလို နေထိုင်နေကြရ ပါတယ်။ အဲဒီ ကျူးကျော်ရပ်ကွက်မှာ နေထိုင်သူ အိမ်ထောင်စု ၂၀၀ လောက် ရှိပြီး၊ တချို့ဆိုရင် အဲဒီနေရာမှာ နေထိုင်ခဲ့ကြတာ အနှစ် (၂၀) လောက် ရှိပြီလို့ ဆိုပါတယ်။

စာချုပ်ဖောက်ဖျက်၍ မိုးထိ-မိုးမိ ရွှေလုပ်သားများက တရားစွဲမည်

 

မီဇိုရမ်မှာ ကားမှောက်၊ ချင်းလူမျိုး ၂ ဦးသေဆုံး

ချင်းပြည်နယ် နှင့် နယ်နိမိတ်ချင်း ထိစပ်နေတဲ့ အိန္ဒိယနိုင်ငံ အရှေ့မြောက်ဒေသ မီဇိုရမ်ပြည်နယ်မှာ ဒီကနေ့နံနက် ၁ နာရီခန့်က ညလိုင်း ပြေးဆွဲနေတဲ့ ခရီးသည်တင် မှန်လုံဘတ်စ်ကားတစီး တိမ်းမှောက်ခဲ့တာကြောင့် ခရီးသည် ၁၈ ဦး သေဆုံးပြီး ၁၉ ဦး ဒဏ်ရာရရှိတယ်လို့ သိရပါတယ်။
အိန္ဒိယ-မြန်မာ အမှတ် ၂ နယ်စပ် ကုန်သွယ်ရေးစခန်း တည်ရှိရာမြို့ဖြစ်တဲ့ မီဇိုရမ်ပြည်နယ် ကျန်ဖိုင်းမြို့ ကနေ မြို့တော် အိုင်ဇောကို ခရီးသည် ၄၀ နီးပါးခန့် တင်ဆောင်ပြီး ဇူလိုင် ၂၀ ရက်ညက ခရီးနှင်လာတဲ့   မှန်လုံ ကားတစီးဟာ ကိုက်ဖန်း (Keihfang) လို့ခေါ်တဲ့ ကျေးရွာနားက ကျောက်တူးဖော်ရေး လုပ်ငန်း ရှိရာနေရာ အရောက်မှာ အရှိုန်အဟုန်နဲ့ ပြိုကျလာတဲ့ ကျောက်တုံးကြီးတွေနဲ့ ထိမှန်ပြီး  ကျောက်ကမ်းပါးထဲကို ထိုးကျသွားတာ ဖြစ်တယ်လို့ ကျန်ဖိုင်းမြို့ ရဲစခန်း တာဝန်ရှိသူတဦးက RFA ကို ပြောပါတယ်။
“ကိုက်ဖန်း quarry (ကျောက်ကျင်း) ပြိုနေတဲ့ချိန်နဲ့ သွားတိုးမိတာနေမှာ၊ ဘတ်စ်ကားက ကျောက်ကမ်းပါး ထဲကို လွင့်ကျသွားတာ ဟိုးတောင်အောက်မှာ ရှိတဲ့ ချောင်းအထိကို လိမ့်ကျသွားတာ’’
ဘတ်စ်ကား တိမ်းမှောက်မှုကြောင့် သေဆုံးသူ အများစုဟာ ဒေသခံ မီဇိုး (Mizo) လူမျိုးတွေဖြစ်ကြပြီး အိန္ဒိယနိုင်ငံသား ၄ ဦး နဲ့ မြန်မာနိုင်ငံသား ချင်းလူမျိုး ၂ ဦး ပါဝင်တယ်လို့ သိရပါတယ်။ ဒဏ်ရာရတဲ့ ခရီးသည်တွေကို အိုင်ဇောလ်မြို့ ပြည်သူ့ဆေးရုံကြီးကို ပို့ဆောင်ပြီး ဆေးဝါး ကုသပေးနေတယ် လို့လည်း သိရပါတယ်။အခု ဘတ်စ်ကား တိမ်းမှောက်သွားတဲ့လမ်းဟာ အိန္ဒိ-မြန်မာအမှတ် ၂ နယ်စပ် ကုန်သွယ်ရေး လမ်းကြောင်းအဖြစ် အဓိက အသုံးပြုနေကြတဲ့ လမ်းကြောင်း ဖြစ်ပါတယ်။ ဒီလို ကားတိမ်းမှောက်မှုတွေဟာ မိုးတွင်းကာလတွေမှာ အဖြစ်များလေ့ရှိတယ် လို့လည်း သိရပါတယ်။

ဘင်္ဂါလီများ စုဖွဲ့ချီတက်သဖြင့် သေနတ် မိုးပေါ်ထောင်ဖောက် လူစုခွဲ

ရခိုင်ပြည်နယ် စစ်တွေမြို့၌ ယမန်နေ့ မွန်းလွဲပိုင်းတွင် ဘင်္ဂါလီ ၁၅၀ ကျော် စုရုံးချီတတ်လာသဖြင့် အစိုးရ လုံခြုံရေးအဖွဲ့များက သေနတ် မိုးပေါ်ပစ်ဖောက်၍ လူစုခွဲခဲ့ရကြောင်း စစ်တွေမြို့ အာဏာပိုင်များနှင့် ဒေသခံများက ပြောသည်။
စစ်တွေမြို့စွန်ရှိ မင်းဂံရပ်ကွက်၏ အနောက်ဘက် ၂ ဖာလုံခန့်ဝေးသော ဘင်္ဂါလီလူမျိုးများ နေထိုင်ရာ ဒွိဝပြင် ရွာမှ ဗလီတက်ပြီး ပြန်လာကြသော ဘင်္ဂါလီများက အုပ်စုဖွဲ့၍ မင်းဂံရွာဖက်သို့ စုရုံးတက်လာခဲ့ပြီး လုံခြုံရေးအဖွဲ့များက နှုတ်ဖြင့် တားမြစ်ခြင်းကို ဆန့်ကျင်သဖြင့် သေနတ်ဖောက်၍ တားဆီးခဲ့ရခြင်းဖြစ်ကြောင်း ရခိုင်ပြည်နယ်အတွင်း အဓိကရုဏ်းများဖြစ်ပွားခဲ့မှုကြောင့် သမ္မတ ဦးသိန်းစိန်က ဇွန်လ ၁၀ ရက် ညမှ စတင်၍ ရခိုင်ပြည်နယ်ကို ပုဒ်မ ၁၄၄ ညမထွက်ရ အမိန့်ထုတ်ပြန်ထားသကဲ့သို့ အရေးပေါ် အခြေအနေလည်း ထုတ်ပြန်ထားသည်။
ထိုသို့ ထုတ်ပြန်ပြီးနောက် ဗလီများတွင် ယခုကဲ့သို့ အများအပြား စုရုံးခြင်းမရှိသော်လည်း ယမန်နေ့က အစ္စလမ် ဘာသာဝင်များ၏ ရာမာဒန် ခေါ် ဥပုသ်လ စတင်သည့်နေ့ဖြစ်ခြင်းကြောင့် ဗလီတွင် ဘင်္ဂါလီများ စုခဲ့ကြပြီး မင်းဂံရွာဖက်သို့ တက်လာခြင်း ဖြစ်နိုင်ကြောင်း ဘင်္ဂါလီများ အုပ်စုဖွဲ့၍ စစ်တွေမြို့ဘက် တက်လာကြောင်း မြို့တွင်း၌ ပြန့်နှံ့ခဲ့ပြီးနောက် မြို့ခံများလည်း စိုးရိမ်ပူပန်မှုများ ဖြစ်ခဲ့ရကြောင်း၊ သို့သော် ညနေပိုင်းတွင် မြို့ပေါ်၌ တည်တည်ငြိမ်ငြိမ် ပြန်ဖြစ်သွားကြောင်း အစ္စလမ် ဘာသာဝင်များနှင့် စုဖွဲ့ထားသော အမျိုးသား ဖွံ့ဖြိုးတိုးတက်ရေး ဒီမိုကရက်တစ်ပါတီ (NDPD) ဗဟို ကော်မတီအဖွဲ့ဝင် ဦးခင်ကျော်က ယနေ့မှစ၍ တလအတွင်း အစ္စလမ်ဘာသာဝင်တိုင်း အထွဋ်အမြတ်ထားရာ ရာမာဒန် (ဥပုသ်လ) ဖြစ်ကြောင်း ထို့ကြောင့် အစ္စလမ် ဘာသာဝင်အများစုမှာ တလတိတိ ဥပုသ်ဝင်ကြလိမ့်မည်ဖြစ်ကြောင်း အကြမ်းဖက်မှုများ ဖြစ်ပွားခဲ့သော မောင်တော၊ ဗူးသီးတောင်နှင့် တခြားမြို့များတွင် တည်ငြိမ်နေပြီး ထိုမြို့နယ်များရှိ  ဒေသခံများအနေဖြင့် လယ်ယာလုပ်ငန်းများ ပြန်လည် လုပ်ကိုင်နေကြပြီးဖြစ်ကြောင်း ထို့အတူ ယခင်က ဘင်္ဂါလီများ အန္တရာယ်ပေးမည်ကို စိုးရိမ်နေကြသော ဘင်္ဂလားဒေ့ရ်ှနိုင်ငံဘက်အခြမ်းရှိ ရခိုင်လူမျိုးများနေထိုင်ရာ ကျေးရွာများကို ဘင်္ဂလားဒေ့ရှ် နယ်ခြားစောင့်တပ် (BGB) က လုံခြုံရေး ဆက်လက်ယူထားပေးသဖြင့် လတ်တလော အခြေအနေများအရ စိုးရိမ်စရာမရှိဟု ဆိုသည်။