ဘင်္ဂလားဒေ့ရ်ှနိုင်ငံတွင် ဗုဒ္ဓဘာသာ ဘုန်းကြီးကျောင်းနှင့် လူနေအိမ်များ မီးရှို့ဖျက်ဆီးခံရ

ဘင်္ဂလားဒေ့ရ်ှနိုင်ငံ ကော့ဘဇားခရိုင်အတွင်းက ပန်းဝါလို့ လူသိများတဲ့ ရာမူးမှာ မနေ့ညက သောင်းဂဏန်းရှိတဲ့ မူဆလင် အစွန်းရောက်တွေက အနည်းဆုံး ဗုဒ္ဓဘာသာ ဘုန်းကြီးကျောင်း ၁၀ ကျောင်းနဲ့ အိမ်အလုံးရေ ၄၀ နီးပါးလောက်ကို မီးရှို့ဖျက်ဆီးခဲ့ကြပါတယ်။
ပန်းဝါ ခေါ် ရာမူးဒေသမှာ မနေ့ည ၁၀ နာရီလောက်ကနေ မနက် ၃ နာရီကျော်လောက်အထိ မူဆလင် အစွန်းရောက် နှစ်သောင်းငါးထောင်လောက် ချီတက်ဆန္ဒပြကြရင်း ဗုဒ္ဓဘာသာ ဘုန်းကြီးကျောင်းတွေနဲ့ လူနေအိမ်တွေကို မီးရှို့ခဲ့ကြတာပါ။
အဲဒီလို မီးရှို့တိုက်ခိုက်ဖျက်ဆီးမှုမှာ အနည်းဆုံးလူပေါင်း ၂၀ လောက် ဒဏ်ရာရခဲ့တယ်လို့ သိရပါတယ်။ အကြမ်းဖက်မှု စတင်ခဲ့တာက ဖေ့စ်ဘွတ် အင်တာနက် စာမျက်နှာမှာ မီးလောင်ကျွမ်းနေတဲ့ ကိုရမ်ကျမ်းစာဓာတ်ပုံ တွေ့ရှိရာက စတင်ခဲ့တာလို့ဆိုပါတယ်။
ဘင်္ဂလားဒေ့ရ်ှနိုင်ငံက နာမည်ကြီး အင်္ဂလိပ်သတင်းစာ Daily Star အဆိုအရ ဆယ်ကျော်သက် လူငယ်တစ်ဦးက မီးလောင်ကျွမ်းနေတဲ့ ကိုရမ်ကျမ်းစာဓာတ်ပုံကို အမှတ်မထင် ဖေ့စ်ဘွတ် အင်တာနက် စာမျက်နှာပေါ် တင်လိုက်မိရာက အခုလို အကြမ်းဖက်မှုတွေ ဖြစ်စေခဲ့တာလို့ ရေးသားပါတယ်။
အခုတော့ အဲဒီလူငယ်ရဲ့ ဖေ့စ်ဘွတ် စာမျက်နှာကို လည်း ပိတ်လိုက်ပြီး သူနဲ့ သူ့မိခင်ကိုလည်း ဘင်္ဂလားဒေ့ရ်ှ အာဏာပိုင်တွေက လုံခြုံတဲ့နေရာကို ပို့ဆောင်ထားတယ်လို့ အေပီ သတင်းဌာနက ရေးသားပါတယ်။
ကော့ဘဇားခရိုင် ဒုတိယအကြီးအကဲ Jashim Uddin ပြောတာက ခရိုင်အတွင်းမှာ လူ ၄ ယောက်ထက် ပိုမစုရ အမိန့်ထုတ်ပြန်ထားလိုက်ပြီး ဘင်္ဂလားဒေ့ရ်ှ နယ်ခြားစောင့်တပ် အပါအ၀င် ရဲတပ်ဖွဲ့ဝင်တွေကိုလည်း အခင်းဖြစ်တဲ့နေရာတွေမှာ လုံခြုံရေးတိုးမြှင့် ချထားလိုက်တယ်လို့ ပြောပါတယ်။ လတ်တလောမှာတော့ အခြေအနေကို ထိန်းချုပ်ထားလိုက်နိုင်ပေမယ့် တင်းမာမှုတွေတော့ ရှိနေဆဲလို့ ဆိုပါတယ်။

ဘင်္ဂလာဒေ့ရ်ှ Cox's Bazaar မှာ ဘုန်းကြီးကျောင်းအချို့ တိုက်ခိုက်ခံရ

ဘင်္ဂလားဒေ့ရ်ှနိုင်ငံရှိ ဘုန်းကြီးကျောင်းများ၊ နေအိမ်များကို မူဆလင်တို့ မီးရှို့ – Bangladesh: Muslims torch Buddhist temples, homes

Facebook တွင် ရှိသော ကိုရမ်ကျမ်းစာအုပ်ကို စော်ကားထားသည်ဟုဆိုသည့် ဓာတ်ပုံတစ်ပုံကြောင့် ဒေါသထွက်နေကြသည့် ထောင်ပေါင်းများစွာသော  ဘင်္ဂလားဒေ့ရ်ှမူဆလင်တို့က
မြန်မာနယ်စပ်အနီးရှိ အနည်းဆုံး ဘုန်းကြီးကျောင်း ၁၀ ကျောင်း နှင့် နေအိမ် ၄၀ ကို မီးရှို့လိုက်ကြောင်း အာဏာပိုင်တို့က တနင်္ဂနွေနေ့တွင် ပြောဆိုလိုက်သည်။
စနေနေ့ညနှောင်းပိုင်းတွင် စတင်သည့် အကြမ်းဖက်မှုသည် တနင်္ဂနွေနေ့အစောပိုင်းအထိ ကြာခဲ့ကြောင်း ကော့ဆက်ဘဇားခဒေသ  ရဲချုပ် Nojibul Islam က ပြောသည်။
ထိုဒေသအတွင်း လူစုလူဝေးမှု တားမြစ်ခြင်း၊ လုံခြုံရေးအစီအစဉ်များ တိုးချဲ့ခြင်းများ ပြုလုပ်ပြီးနောက်ပိုင်း တနင်္ဂနွေနေ့ခင်းပိုင်းတွင် အခြေအနေကို ထိန်းချုပ်နိုင်လိုက်ပြီဖြစ်ကြောင်း အဆိုပါအရာရှိက ပြောကြားလိုက်သည်။
တိုက်ခိုက်မှုအတွင်း ဒဏ်ရာရသူ အနည်းဆုံး ၂၀ ရှိသည်ဟု ၎င်းက ဆက်လက် ပြောကြားသည်။
ဆူပူသူတို့က ဓာတ်ပုံကို ဒေသခံ ဗုဒ္ဓဘာသာဝင် အမျိုးသားငယ်တဦးက Facebook တွင် ဖော်ပြခဲ့ခြင်းဖြစ်သည်ဟု ပြောဆိုကြကြောင်း၊ သို့သော်လည်း ဓာတ်ပုံကို ထိုကလေးက အမှန်တကယ် ဖော်ပြခဲ့ခြင်း ရှိမရှိ အတိအကျ မသိရသေးပေ။
ဓာတ်ပုံကို Facebook တွင် မတော်တဆ ဖော်ပြမိခြင်းဖြစ်သည်ဟု ထိုကလေးက ပြောဆိုကြောင်း အင်္ဂလိပ်ဘာသာဖြင့် ထုတ်ဝေသော ဘင်္ဂလားဒေ့ရ်ှ သတင်းစာ Daily Star က ရေးသားထားသည်။
ဆူပူမှုပေါ်ပေါက်ပြီးမကြာမီမှာပင် သူ၏ Facebook အကောင့် ပိတ်သွားကြောင်း၊ သူနှင့် သူ့မိခင်ကို ရဲတို့က လုံခြုံရာသို့ ခေါ်သွားကြောင်း  Daily Star သတင်းစာက ရေးသားထားသည်.
ကော့ဆက်ဘဇားခဒေသ အုပ်ချုပ်ရေးအဖွဲ့ အကြီးအကဲ Joinul Bari က ပြောဆိုရာတွင် အာဏာပိုင်များက ထိုသားအမိကို ထိန်းသိမ်းပြီး စစ်ဆေးမေးမြန်းနေသည်ဟု ဆိုသည်။
မူဆလင်အများစုနေထိုင်သော ဘင်္ဂလားဒေ့ရ်ှတွင် လူဦးရေ သန်း ၁၅၀ ရှိပြီး ထိုအထဲတွင် ဗုဒ္ဓဘာသာဝင် အရေအတွက်မှာ ၁% ထက် လျော့နည်းသည်။
AP သတင်းကို မိုးမခမီဒီယာက ဘာသာပြန်သည်။


၂၀၁၂ ခုနှစ် မတ်လမှ ၂၀၁၃ ခုနှစ် ဖေဖော်ဝါရီလအထိ ကချင်ပြည်နယ်နှင့် ရှမ်းပြည်နယ်မြောက်ပိုင်းရှိ စစ်ဘေးရှောင်ဒုက္ခသည်များ အတွက် လိုအပ်ချက်များကို ဖြည့်ဆည်းနိုင်ရန် အမေရိကန်ဒေါ်လာ ၃၅ ဒသမ ၈ သန်းလိုအပ်သည်ဟု ကုလသမဂ္ဂလူသားချင်း စာနာ ထောက်ထားမှုဆိုင်ရာ ပူးပေါင်းဆောင်ရွက်ရေး အဖွဲ့၏ ဦးဆောင်မှုဖြင့် ကုလအဖွဲ့အစည်းများ၊ နိုင်ငံတကာ ကူညီထောက်ပံ့ရေး အဖွဲ့အစည်းများ ပူးတွဲလုပ်ဆောင်ထားသည့် Kachin Response Plan အရ သိရသည်။
၂၀၁၂ ခုနှစ်အတွင်း နယ်မြေ မတည်ငြိမ်မှုများကြောင့် ကချင်ပြည်နယ်နှင့် ရှမ်းပြည်နယ်မြောက်ပိုင်း တွင်ရွှေ့ပြောင်းနေထိုင်ရသူဦးရေမှာ ပြီးခဲ့သည့် ဇူလိုင်လအထိ တိုးလာနေပြီး ၎င်းတို့အတွက် ကူညီထောက်ပံ့မှုများမှာ ၂၀၁၃ခုနှစ်အထိ လိုအပ်နေဦးမည်ဖြစ်ကြောင်း ကချင်ပြည်နယ် အစိုးရက ပြောကြားခဲ့သည်ဟု သိရှိရသည်။
အထောက်အပံ့ ပစ္စည်းများတွင် ဦးစားပေးအဖြစ် အစားအစာထောက်ပံ့ပေးမှု၊ အသက်မွေးမှုဖန်တီးပေးမှု၊ အစားအသောက် မဟုတ်သော ပစ္စည်းများထောက်ပံ့မှု၊ စခန်းများ ဆောက်လုပ်ပေးမှု၊ ကျန်းမာရေးနှင့် အာဟာရထောက်ပံ့မှု၊ ရေသန့်ရှင်းမှု များဆိုင်ရာ အထောက်အပံ့များပေး အပ်မှု၊ ပညာရေးအတွက် သင်ကြား ရေးပစ္စည်းများ ထောက်ပံ့ပေးမှုနှင့် ယာယီကျောင်းများ ဆောက်လုပ်ပေး မှု၊ ကလေးသူငယ်များဆိုင်ရာကာ ကွယ်စောင့်ရှောက်မှုတို့ကိုလုပ်ဆောင် ပေးရန်ဖြစ်သည်ဟု သိရသည်။
၂၀၁၁ ခုနှစ် အောက်တိုဘာလမှ ၂၀၁၂ ခုနှစ် သြဂုတ်လအထိ အလှူရှင်အဖွဲ့အစည်း အသီးသီးမှ လူသားချင်းစာနာ ထောက်ထားသည့် အစီအစဉ်များအတွက် အမေရိကန် ဒေါ်လာ ၂၁ သန်း ရရှိထားပြီး ဖြစ် ကြောင်း အဆိုပါထုတ်ပြန်ချက်အရ သိရသည်။ အဆိုပါငွေကြေးကို Response Plan ၏ဦးစားပေး အစီအစဉ်များအတိုင်း အသုံးချပြီးဖြစ်သည်ဟု ဆိုသည်။
ဒုက္ခသည်များအတွက် ငွေကြေး လိုအပ်မှုတွင် အစားအသောက်အတွက် လိုအပ်မှုက အများဆုံးဖြစ်ပြီး အမေ ရိကန်ဒေါ်လာ ၁၄၃ သိန်းကျော် ရှိနေကြောင်း အစီအစဉ်ထုတ်ပြန်မှုအရ သိရသည်။ မိုးရာသီကာလအတွင်း တွင် ကျိုးပျက်နေသော တံတားများနှင့် ရေကြီးမှုများကြောင့် ဒုက္ခသည် စခန်းများသို့ အထောက်အပံ့ပစ္စည်း များပေးအပ်ရန် စိန်ခေါ်မှုများရှိနေ ကြောင်းလည်း သိရသည်။
စက်တင်ဘာလအတွင်း ကွင်းဆင်းလေ့လာမှုများအရ ဒုက္ခသည်စခန်းများတွင် နေထိုင်သူများ၏ ၅၄ ဒသမ ၄ ရာခိုင်နှုန်းမှာ အမျိုးသမီးများဖြစ်ကြပြီး အသက် ၁၈ နှစ် အောက်ကလေးများ က ၅၀ ရာခိုင်နှုန်း ရှိနေသည်ဟု သိရသည်။
ဒုက္ခသည်စခန်းများတွင် ဆေးဝါးရှားပါးမှု၊ ခြင်ထောင်ရှားပါးမှုများနှင့် ကြုံတွေ့နေရပြီး မကြာခဏ ဖြစ်ပွားသည့် ရောဂါများတွင် ၀မ်းရောဂါ၊ အရေပြားရောဂါနှင့် အသက်ရှူ လမ်းကြောင်းဆိုင်ရာ ရောဂါများ ဖြစ်ကြောင်း အစီအစဉ် တင်ပြချက်အရ သိရသည်။
Facebook:                   Sa Maung