မြန်မာ သတင်းများ  အောက်တိုဘာ ၁၃ ၊ ၂၀၁၂


မြန်မာနိုင်ငံတွင် ခေတ်အဆက်ဆက်ငြိမ်းချမ်းရေးဆွေးနွေးပွဲများ မအောင်မြင်ရခြင်းမှာ နိုင်ငံရေးပြဿနာအား နိုင်ငံရေးအရမဖြေရှင်း၍ဖြစ်ကြောင်း ရခိုင်ဒီမိုကရေစီအဖွဲ့ချုပ်ဥက္ကဋ္ဌပြောကြား


မြန်မာနိုင်ငံတွင် ခေတ်အဆက်ဆက် ငြိမ်းချမ်းရေးဆွေးနွေးပွဲများ မအောင်မြင်ရခြင်းမှာ နိုင်ငံရေး ပြဿနာအား နိုင်ငံရေးအရမဖြေရှင်း ၍ဖြစ်ကြောင်း ရခိုင်ဒီမိုကရေစီအဖွဲ့ချုပ်ဗဟိုဥက္ကဋ္ဌ ဦးအေးသာအောင်က ပြောကြားခဲ့သည်။ အောက်တိုဘာလ ၁၂ ရက်နေ့က ဗဟန်းမြို့နယ်ရှိ ဒို့ရိုးရာစားသောက်ဆိုင်တွင်ပြုလုပ်သော ပါတီ ၂၄ နှစ်ပြည့်အထိမ်းအမှတ်အခမ်းအနား၌ နှုတ်ခွန်းဆက်စကား ပြောကြားရာတွင် ထည့်သွင်းပြောကြားခဲ့ခြင်းဖြစ်သည်။
လက်ရှိငြိမ်းချမ်းရေးဆွေးနွေးပွဲများဆွေးနွေးစဉ်အချိန်မှာပင် တိုက်ပွဲများဆက်လက်ဖြစ်ပွားနေသည်ကို ကြားသိရကြောင်း၊ အစိုးရအနေဖြင့် ပြည်တွင်းစစ်ရပ်စဲချင်သည် ငြိမ်းချမ်းရေးလိုလားသည်ဆိုရုံဖြင့် ပြုလုပ်၍မရဘဲ အကောင်အထည်ဖော်ရန် လုပ်နည်းလုပ်ဟန်မှန်ဖို့လိုကြောင်း၊ လတ်တလောတွင် ကရင်ပြည်နယ်၌ တပ်နှင့်ဗဟို တစ်ကွဲတစ်ပြားစီဆွေးနွေးမှုများသည် လုပ်နည်းလုပ်ဟန်မမှန်ဘူးဟု ပြောချင်ပါကြောင်း၊ စေတနာရှိရုံဖြင့်မရကြောင်း စသည်ဖြင့်ရခိုင်ဒီမိုကရေစီအဖွဲ့ချုပ်ဗဟိုဥက္ကဋ္ဌ ဦးအေးသာ အောင်က ပြောကြားခဲ့သည်။
"ငြိမ်းချမ်းရေးရဖို့ဆွေးနွေးတဲ့အခါမှာ နှစ်ပေါင်း ၆၀ ကျော်အတွေ့အကြုံအရ ယခင်ကတည်းက ပြည်တွင်းအေးချမ်းဖို့ ပြည်တွင်းငြိမ်းချမ်းရေးရဖို့ ဆွေးနွေးခဲ့တာတွေလည်း ရှိပါတယ်။ မကြာသေးခင်ကလည်း န၀တ၊ နအဖခေတ်မှာလည်း ဆွေးနွေးခဲ့တာတွေရှိပါတယ်။ ဘာကြောင့်မအောင်မြင်တာလဲ။ ဘာကြောင့်ပြန်ပြီးတော့တိုက်ပွဲတွေဖြစ်လာရတာလဲ ဒါကိုမှန်မှန်ကန်ကန် သုံးသပ်ဖို့လိုတယ်။ ဒီနေရာမှာ ကျွန်တော်ပြောချင်တာက ခေတ်အဆက်အဆက်ဆွေးနွေးပွဲတွေ မအောင်မြင်ရတာဟာ နိုင်ငံရေးပြဿနာကို နိုင်ငံရေးနည်းနဲ့ဖြေရှင်းရန် မကြိုးစားလို့ဖြစ်ပါတယ်" ဟု ဥက္ကဋ္ဌ ဦးအေးသာအောင်က ပြောကြားခဲ့သည်။ 
ပါလီမန်ခေတ်၊ တော်လှန်ရေးကောင်စီခေတ်၊ လမ်းစဉ်ပါတီခေတ်၊ ခေတ်အဆက်ဆက် တိုင်းရင်းသားများတင်ပြခဲ့သည့် နိုင်ငံရေးအရဆွေးနွေးရန်တောင်းဆိုချက်မှာ ပင်လုံအခြေခံသဘောတူညီချက်ဖြင့် ဖြေရှင်းရန်တောင်းဆိုခဲ့ကြောင်း၊ ပင်လုံတွင်တိုင်းရင်းသားခေါင်းဆောင်များနှင့် အမျိုးသားခေါင်းဆောင်ကြီးဗိုလ်ချုပ်အောင်ဆန်းတို့ တွေ့ဆုံဆွေးနွေးရာတွင် အဓိကသုံးချက်ရှိကြောင်း၊ ပထမအချက်မှာ တန်းတူညီတူပြည်ထောင်စုအနေဖြင့်ပေါင်းစည်းရေး၊ ဒုတိယအချက်မှာ ပြည်နယ်များတွင်ကိုယ်ပိုင် ပြဌာန်းခွင့်ရရှိရေးနှင့် ကိုယ့်ကြမ္မာကိုဖန်တီးခွင့်ရရှိရေး၊ တတိယအချက်မှာ ခွဲထွက်ဖို့ကြောင်းဖြစ်ကြောင်း၊ ဥက္ကဋ္ဌဦးအေးသာအောင်က ယခင်ကတိုင်းရင်းသားများ၏တောင်းဆိုချက် များကို ထည့်သွင်းပြောကြားခဲ့ခြင်းဖြစ်သည်။
ဆက်လက်၍ ဥက္ကဋ္ဌဦးအေးသာအောင်က "ဒီနေ့ဒီအချိန်မှာ တိုင်းရင်းသားလက်နက်ကိုင်အဖွဲ့အစည်းများ အနေနဲ့ပဲဖြစ်ဖြစ်၊ ကျွန်တော်တို့လို တိုင်းရင်းသားပါတီများအနေနဲ့ပဲဖြစ်ဖြစ် ခွဲထွက်ဖို့ဘယ်အဖွဲ့အစည်း ဘယ်ပါတီမှ ဒီနေ့ ဒီအချိန်အခါ ဒီအခြေအနေအရ ဒါတွေကိုတောင်းဆိုတာ ပြောဆိုတာတွေမရှိတော့ပါဘူး။ အဲဒီတော့ တန်းတူညီတူပြည်ထောင်စုမူ၊ ပြည် နယ်တွေမှာကိုယ့်ကြမ္မာကိုယ်ဖန်တီးခွင့်နဲ့ ကိုယ်ပိုင်ပြဌာန်းခွင့်ကို အဓိကတင်ပြတောင်းဆိုနေတာဖြစ်ပါတယ်" ဟုပြောကြားခဲ့သည်။
ယခုအချိန်ကာလသည်  နိုင်ငံရေးပါတီများ၏ပြောခွင့်ဆိုခွင့်၊ စည်ရုံးခွင့်များ ယခင်ကထက်အတော်အသင့်ရရှိလာကြောင်း၊ စာနယ်ဇင်းရေးသားခွင့်၊  လွတ်လပ်ပြောဆိုခွင့်ရှိလာပြီဖြစ်ကြောင်း၊  မိမိတို့ရှေ့ဆက်သွားမည့်နေရာတွင် အခွင့်အရေးများ မျှော်လင့်ချက်များ အတော်အသင့်ရှိလာပြီဟုထင်ရကြောင်း၊ သို့သော် ပြည်သူအများမျှော်လင့်နေသည့် တိုင်းပြည်ကလိုလားနေသည့် ဒီမိုကရေစီနိုင်ငံဖြစ်ရေး၊ တိုင်းရင်းသားများအားလုံးစည်းလုံးညီညွတ်ပြီး ဖက်ဒရယ်ပြည်ထောင်စုကိုထည်ထောင်နိုင်ရေး၊ စစ်ပွဲများရပ်စဲရန်နှင့် ပြည်တွင်းငြိမ်းချမ်းရေးတည်ဆောက်ရေး အဓိကကဏ္ဍများတွင် ချောချောမောမောဖော်ဆောင်နုိုင် မဖော်ဆောင်ဆိုသည်မှာ ယနေ့အချိန်အခါတွင် ပြောရန်အလွန်စောသေးကြောင်းကိုလည်း ဦးအေးသာအောင်က ထည့်သွင်းပြောကြားခဲ့သည်။


မန္တလေး သံဃာများ OIC ကန့်ကွက် ဆန္ဒပြ

 

မန္တလေးမြို့၌ ယနေ့ နေ့လယ်ပိုင်းတွင် ဦးပွား ဘုရားကြီး မှ စတင်၍ ထောင်နှင့်ချီသည့် သံဃာတော်များ ငြိမ်းချမ်းစွာ လမ်း လျှောက် ဆန္ဒပြကြောင်း သတင်းရသည်။ အဆိုပါ သံဃာများက မြန်မာနိုင်ငံ၌ အစ္စလမ်မစ် ပူးပေါင်းဆောင်ရွက်ရေးအဖွဲ့(OIC) ရုံးဖွင့်မည်ကို ဆန့်ကျင်ကြောင်း နှင့် ဘင်္ဂလား ဒေ့ရှ် နိုင်ငံတွင် ဗုဒ္ဓဘာသာ ဘုန်တော်ကြီးကျောင်းများ ဖျက်ဆီးခံရမှုကို ကန့်ကွက် ဆန္ဒပြခြင်း ဖြစ်ကြောင်း ဒေသခံ တဦးက ပြောသည်။

ဗိုလ်မှူးချုပ် ဟောင်း ကျော်ဇော နာရေးသတင်း အစိုးရ သတင်းစာများ ဖော်ပြ


တရုတ်နိုင်ငံ ကူမင်းမြို့တွင် နိုင်ငံရေး ခိုလှုံနေရင်း အောက်တိုဘာ ၁၀ ရက်က ကွယ်လွန်သွားသည့် ရဲဘော် သုံးကျိပ်ဝင် ဗိုလ်မှူးချုပ် ဟောင်း ကျော်ဇော(အသက် ၉၃ နှစ်)၏ နာရေးသတင်းကို ယနေ့ထုတ် အစိုးရ သတင်းစာများက ဖော်ပြသည်။ ၎င်း၏ဈာပနအခမ်း အနားကို ကူမင်းမြို့တွင်ပင် အကျဉ်းရုံး ကျင်းပကြောင်း သိရသည်။ လွတ်လပ်ရေး တိုက်ပွဲဝင် ဗိုလ်မှူးချုပ် ဟောင်း ကျော်ဇော သည် စစ်ရေး လျှို့ဝှက်ချက်များ ပေါက်ကြားမှုဖြင့် စွပ်စွဲခံရပြီး တပ်မတော်မှ ထုတ်ပယ် ခံထားရသူ ၊ ထို့နောက် တရုတ်-မြန်မာ နယ်စပ်သို့ ထွက်ခွာလာပြီး ဗမာပြည် ကွန်မြူနစ်ပါတီ ၏ ဦးဆောင်သူ တဦးအဖြစ် တာဝန် ယူ ခဲ့သူ တဦးဖြစ်သည်။ ယခင်က ထိုသို့သော ပုဂ္ဂိုလ်မျိုးကို အစိုးရ သတင်းစာများက ယခုကဲ့သို့ အရေးတယူ ဖော်ပြခြင်း မရှိခဲ့ပေ။ လက်ရှိ အစိုးရ သမ္မတ ဦးသိန်းစိန် က လည်း ဗိုလ်မှူးချုပ် ဟောင်း ကျော်ဇော မကွယ်လွန်ခင် မြန်မာပြည်သို့ ပြန်လာရန် ဖိတ်ခေါ်ခဲ့သေးသည်။

တရုတ်မင်းသမီး Xu Fan မြန်မာပရိသတ်များနဲ့ တွေ့ဆုံမည်

ရန်ကုန်မြို့တွင် အောက်တိုဘာ ၁၅ ရက်မှ ၂၀ ရက်နေ့ထိ ကျင်းပမည့် တရုတ် ရုပ်ရှင်ပွဲတော် သို့ မင်းသမီး Xu Fan လည်း လာရောက်မည်ဖြစ်ပြီး မြန်မာပရိသတ်များနှင့် တွေ့ဆုံမည်ဖြစ်ကြောင်း တရုတ်သံရုံးမှ သိရှိရသည်။

ကျောက်တံတားမြို့နယ်ရှိ နေပြည်တော်ရုပ်ရှင်ရုံတွင် တနေ့လျှင် နှစ်ပွဲ ပြသမည့်တရုတ်ကား ၆ ကားတွင် အချစ်၊ သက်ကြီးရွယ်အို လူနေမှုဘဝ သရုပ်ဖော်ကားများအပြင် ကျောင်းသားဘဝ သရုပ်ဖော်ကားနှင့် သိုင်းကားများလည်း ပါဝင်မည်ဟု သိရသည်။

တရုတ်နိုင်ငံတွင် အောင်မြင်ကြော်ကြားနေသည့် မင်းသမီး Xu Fan မှာ ရန်ကုန်မြို့သို့ တနင်္ဂနွေနေ့တွင် ရောက်ရှိပြီး တနင်္လာနေ့ပွဲစဉ်သို့ လာရောက်ကြည့်ရှုကြသည့် ပရိသတ်များနှင့် တွေ့ဆုံမည် ဖြစ်သည်။အသက် ၄၅ နှစ် ရှိပြီဖြစ်သည့် Xu Fan မှာ ၁၉၈၈ ခုနှစ် ကတည်းက အနုပညာ လောကထဲသို့ ဝင်ရောက်ခဲ့ပြီး ရုပ်ရှင်ကားများအပြင် တီဗီဇာတ်လမ်းတွဲများလည်း ရိုက်ကူးခဲ့သည်။

၁၉၇၆ ငလျင်ကြီးအကြောင်း ရိုက်ကူးထားသည့် After Shock ဇာတ်ကားတွင် Xu Fan က Asian Film Award For Best Actress ဆုနှင့် Huabiao Award For Outstanding Actress ဆုများ ၂၀၀၉ ခုနှစ်က ဆွတ်ခူးနိုင်ခဲ့သည်။

၁၉၉၈ ခုနှစ်တွင် Be There Or Be Square ဇာတ်ကားဖြင့် Huabiao Award for Out Standing Actress ဆုနဲ့ Student's Choice Award For Favorite Actress ဆု တို့ကို ရရှိ ခဲ့သည်။ ၂၀၀၀ ခုနှစ်တွင်လည်း A Sigh ဇာတ်ကားဖြင့် Student's Choice Award For Favorite Actress ဆုနှင့် Cairo International Film Festival For Best Actress ဆုတို့ကို ထပ်မံရရှိသည်။

တရုတ်ရုပ်ရှင်ပွဲတော် ဇာတ်ကားများကို ကြည့်ရှုလိုသူများအတွက် လက်မှတ်များကို ရန်ကုန်ရှိ တရုတ်ပြည်သူ့
သမ္မတနိုင်ငံ သံရုံးတွင် အောက်တိုဘာ ၁၂ ရက် နေ့က စပြီး နံနက် ၉ နာရီမှ ၁၁ နာရီအတွင်း ထုတ်ယူရရှိနိုင်
ကြောင်း သိရှိရသည်။

၂၀၁၁ ခုနှစ်ကလည်း တရုတ် ရုပ်ရှင်ပွဲတော်ကို ရန်ကုန်အပြင် နေပြည်တော်တွင်ပါ ကျင်းပခဲ့သေးသည်။


ဗုံးဖောက်ခွဲမည့် အစီအစဉ် သတင်းကြောင့် ဗုဒ္ဓဂါယာ လုံခြုံရေး အနည်းငယ်တိုး

အိန္ဒိယအခြေစိုက် မူဂျာဟစ်ဒင်များ၏ ဗုံးဖောက်ခွဲရန် အစီအစဉ်များထဲတွင် ဘီဟား
ပြည်နယ်ရှိ ဗုဒ္ဓဂါယာ စေတီတော်ကြီးလည်း ပါဝင်နေသည်ဆိုသည့် သတင်းများ ထွက်ပေါ်လာပြီးနောက် လုံခြုံရေး အနည်းငယ် တိုးမြှင့်လုပ်ဆောင်နေကြောင်း သိရှိရသည်။

ပူနေးမြို့ကြီးတွင် သြဂုတ်လ ၁ ရက်နေ့က ပဒေသာဗုံး ပေါက်ကွဲမှုနှင့် ပတ်သက်၍ မကြာမီကမှ ဖမ်းဆီးရမိထားသော မူဂျာဟစ်ဒင် အကြမ်းဖက်သမား သုံးဦးအား စစ်ဆေးရာ ၎င်းတို့အဖွဲ့မှ ဗုံးခွဲတိုက်ခိုက်မည့် အစီအစဉ် စာရင်းတွင် ဗုဒ္ဓဂါယာ ဘုရားကျောင်းလည်း ပါဝင်နေသည်ဟု သောကြာနေ့ထုတ် အိန္ဒိယ အင်္ဂလိပ် သတင်းစာကြီးများတွင်ဖော်ပြပါရှိသည်။သို့သော် ကြာသပတေးနေ့က ပြုလုပ်သည့် ဒေလီအထူးရဲတပ်ဖွဲ့ ကော်မရှင်နာမင်းကြီး Neeraj Kumar ၏ သတင်းစာ ရှင်းလင်းပွဲတွင်မူ “သူတို့ကို ကြိုးကိုင်သူတွေရဲ့ ညွှန်ကြားချက်အရ သူတို့ဟာ ဒေလီမြို့တော်မှာ ဖောက်ခွဲတိုက်ခိုက်မှုတွေ လုပ်ဖို့ စီစဉ်နေခဲ့ကြပြီး သူတို့ရဲ့ပစ်မှတ်ထဲမှာ ဘီဟာပြည်နယ်မှာရှိတဲ့ ဗုဒ္ဓဂါယာ ဟိန္ဒူ ဘုရားကျောင်းလည်း ပါတယ်” ဟု ဒေသခံ ဟင်န္ဒူစတန်နီစကားဖြင့် ပြောဆိုသွားသည်။

သို့သော် ဗုဒ္ဓဓါရာ ဟိန္ဒူဘုရားကျောင်း ဆိုသည်မှာလည်း ဗုဒ္ဓဘုရား ပွင့်တော်မူရာ မဟာဗောဓိ ညောင်ပင် တည်ရှိ သည့် မဟာဗောဓိ စေတီတော်နှင့် ကပ်လျက်တည်ရှိပြီး အကယ်၍ အကြမ်းဖက်သမားများ ဗုံးဖောက်ခွဲလိုပါက လူစည်ကားရာ မဟာဗောဓိ စေတီတော်ကြီးတွင် ဖောက်ခွဲနိုင်ခြေရှိသည်ဟု သုံးသပ်သူများက ဆိုသည်။ယခုကဲ့သို့ ဆောင်းအဝင်နှင့် ဆောင်းအထွက် ရာသီမျိုးမှာ ဗုဒ္ဓဂါယာ အပါအဝင် မဇ္ဈိမဒေသသို့ မြန်မာနိုင်ငံမှ ဘုရားဖူးများ စည်ကားသည့် ဘုရားဖူးရာသီ ဖြစ်သည်။

အကြမ်းဖက်သမားများ ဖမ်ဆီးရမိပြီးနောက် ဗုဒ္ဓဂါယာတွင် လုံခြုံရေးတိုးမြှင့်ထားပြီး ပုံမှန်ဘုရား လုံခြုံရေးထက် ပိုမိုကြောင်း ဗုဒ္ဓဂါယာတွင် ခေတ္တသီတင်းသုံးနေသည့် မြန်မာရဟန်းတော် တပါးက မိန့်ဆိုသည်။

“မဟာဗောဓိမှာ လုံခြုံရေး နည်းနည်းတော့ တိုးထားတယ်။ ပုံမှန်ထက် နည်းနည်းတော့ စစ်ဆေးတာရှိတယ်။ အရင် ကတော့ ဂိတ် လုပ်ထားတာပဲရှိတယ်။ အခုဆိုရင်တော့ သတင်းရှိထားတော့ တဦးချင်း စစ်ဆေးမှာပေါ့” ဟု မိန့်ဆိုသည်။

ဖမ်းဆီးရမိထားသော အကြမ်းဖက်သမားများ၏ ဖြောင့်ချက်အရ ၎င်းတို့အုပ်စုထဲမှ သုံးဦး လွတ်မြောက်နေသေး
ကြောင်းလည်း သိရှိရသည်။ဂါယာမြို့တွင် မြန်မာရဟန်းတော် အပါး ၈ဝ ခန့်ရှိပြီး “တပါးနှင့် တပါး သတိရှိစေရန်” ဖုန်းဖြင့် အသိပေးကြကြောင်း ဦးပဉ္ဇင်းမှ ဆက်လက် မိန့်ကြားသွားသည်။


မြိတ်မြို့တွင်ဆိုင်ကယ်များဖြင့် အုပ်စုဖွဲ့ကာ ကားများ၊နေအိမ်များ၏မှန်များကို ဖျက်ဆီးခဲ့သူများအား စုံစမ်းစစ်ဆေးလျက်ရှိကြောင်းသိရ


မြိတ်မြို့တွင် ဆိုင်ကယ်များဖြင့် အုပ်စုဖွဲ့ကာ ရပ်နားထားသောကားများနှင့် နေအိမ်များ၏မှန်တံခါးများကို ဖျက်ဆီးခဲ့သူများကို ဖမ်းဆီးရမိရန်စုံစမ်းစစ်ဆေးလျက်ရှိကြောင်း သိရသည်။
အောက်တိုဘာလ ၁၀ ရက်နေ့ ညပိုင်းတွင် ဖြစ်ပွားခဲ့သော အဆိုပါဖြစ်ရပ်ကြောင့် မြို့ပေါ်ရှိရပ်ကွက်အတော်များများတွင် ရပ်နားထားသောကားများ၏ မှန်တံခါးများမှာ ဖျက်ဆီးခံခဲ့ရကြောင်းသိရသည်။ကန်ကြီးကွက်သစ်၊ဆိပ်ငယ်ရပ်ကွက်၊ထားဝယ်စုရပ်ကွက်၊မြစ်ငယ်ရပ်ကွက်၊ ကန်ဖျားရပ်ကွက်၊မြိတ်တောင်နယ်မြေ၊အလယ်ကျွန်းရပ်ကွက်များရှိ ရပ်နားထားသောကားများမှာ ဖျက်ဆီးခံခဲ့ရပြီး ဆိပ်ငယ်ရပ်ရှိနေအိမ်နှင့် လေဆိပ်အနီးရှိ ရုံးတစ်ခုမှာလည်းခဲနှင့်ပစ်ပေါက်မှုကြောင့် မှန်များပျက်စီးခဲ့ကြောင်း သိရသည်။ တစ်ညအတွင်းဖြစ်ပွားခဲ့ပြီး ဆိုင်ကယ်များဖြင့် အုပ်စုဖွဲ့ကာရပ်ကွက်အလိုက် နေရာအနှံ့ပြုလုပ်သွားကြောင်း ဒေသခံများကပြောကြားခဲ့သည်။
'' ကျွန်တော့်ကားဆိုရင် ဆိပ်ငယ်ရပ်၊ဈေးကြီးရှေ့မှာ နားထားတာပါ။မြို့လယ်ကောင်ကြီးမှာဖြစ်တဲ့အ ပြင် အစောင့်တွေလည်းရှိတဲ့နေရာမှာဖြစ်သွားတာပါ ဆိုင်ကယ်သုံးစင်းလောက်နှင့်လာပြီး ကားမှန်ကိုဖျက်ဆီးသွားခဲ့တာလို့သိရတယ်။အောက်တိုဘာလ ၁၁ရက်နေ့ နံနက် ၃ နာရီလောက်မှာ ဖျက်ဆီးခံလိုက်ရပြီး အနီးနားမှာရှိတဲ့အစောင့်တွေထကြည့် တော့ ဆိုင်ကယ်တွေမောင်းထွက်ပြေးသွားတယ်လို့ သိရတယ်။အဲဒီလိုပဲ ကျွန်တော်တို့တစ်လမ်းထဲမှာရှိတဲ့ ကားတွေကိုလည်း တွေ့သမျှဖျက်ဆီးသွားတယ်''လို့ ဖျက်ဆီးခံခဲ့ရသော ကားပိုင်ရှင်တစ်ဦးက ပြောကြားခဲ့သည်။
မြိတ်မြို့တွင် အုပ်စုဖွဲ့ဂိုဏ်းဂနဆန်ဆန် မိုက်ကြေးခွဲနေသည့်အဖွဲ့များပေါ်ပေါက်နေကြောင်း ပြီးခဲ့သည့်အပတ်ကလည်း ကန်ဖျားရပ်ကွက်တွင်အုပ်စုဖွဲ့ကာ မိသားစုတစ်စုအားဓားများဖြင့် ၀င်ရောက်ခုတ်သွားသည့်ဖြစ်ရပ်အပြင် ညအချိန်လမ်း များတွင် အုပ်စုဖွဲ့ကာဆိုင်ကယ်များဖြင့်သွားလာနေပြီး လမ်းသွားလမ်းလာများကိုမိုက်ကြေးခွဲကာ ရိုက်နှက်ခြင်း၊ ရန်ရှာခြင်းများပြုလုပ်နေကြောင်း ဒေသခံများက ပြောကြားခဲ့သည်။ ယခုဖြစ်ရပ်တွင် ရပ်ကွက်အသီးသီး၌ဖျက်ဆီးခံရသည့် ကားအရေတွက်မှာ ၁၄ စီးခန့်ရှိနိုင်ပြီး သက်ဆိုင်ရာမှလည်း အဆိုပါအဖွဲ့များကို ဖမ်းဆီးရမိရန် စုံစမ်းစစ်ဆေးနေကြောင်း သိရသည်။
'' ဖျက်ဆီးသွားတဲ့လူတွေကိုတော့မမိသေးပါဘူး စုံစမ်းစစ်ဆေးနေဆဲပါပဲ၊ ကားအရေအတွက်လည်းကောက်ယူနေပြီး ဖမ်းဆီးရမိရင်တော့ဆက်သွယ်ပါ့မယ်''ဟု မြိတ်မြို့မှ ရဲဝန်ထမ်းတစ်ဦးက အောက်တိုဘာလ ၁၁ ရက်နေ့တွင် ပြောကြားခဲ့သည်။ အဆိုပါအဖြစ်အပျက်များ ဖြစ်ပွားပြီးနောက်ရပ်ကွက်အတွင်း တာဝန်ကျသည့် အရန်မီးသတ်တပ်ဖွဲ့များ၊ ရပ်ကွက်လူကြီးများနှင့် ရဲတပ်ဖွဲ့များပူးပေါင်းကာ ရပ်ကွက်အလိုက်လုံခြုံရေးတာဝန်များယူထားကြောင်း သိရသည်။
'' ဒီလိုဖြစ်ရပ်ကမြို့ပုံရိပ်လည်းထိခိုက်တဲ့အပြင် အရင်ကမရှိဖူးခဲ့တဲ့အရာတွေပါ၊ဒါကိုအားလုံးပူးပေါင်းဖော်ထုတ် သင့်ပါတယ်၊ကားတွေပေါပါတယ်ဆိုတဲ့ ရန်ကုန်မြို့ကြီးမှာတောင် တစ်ညတည်းဒီလိုကားအစီးအရေ အများကြီးဖျက်ဆီးခံရတယ်ဆိုတာ မရှိခဲ့ဖူးဘူးလို့ထင်ပါတယ်၊ဒီလိုအုပ်စုဖွဲ့ပြီး ဥပဒေမဲ့လုပ်ရပ်တွေကိုလက်မခံနိုင်ပါဘူး၊ သက်ဆိုင်ရာနှင့် ပူးပေါင်းပြီး ကျွန်တော်တို့လည်း အတတ်နိုင်ဆုံးဖော်ထုတ်သွားပါ့မယ်''ဟု ရပ်ကွက်လူကြီးတစ်ဦးက ပြောကြားခဲ့သည်၊
အဆိုပါအဖွဲ့တွင် လူငယ်အများစုဖြစ်ကြောင်း၊ဆိုင်ကယ်များဖြင့် နေရာအနှံ့လိုက်လံဖျက်ဆီးရာတွင် အုပ်စုများခွဲပြီး တချို့နေရာတွင်၂ စီး တစ်ချို့နေရာများတွင် သုံးစီးမှ ငါးစီးအထိရှိကြောင်း ကားရပ်နားပြီး လက်ဖက်ရည်သောက်နေစဉ် လူစည်ကားသည့်နေရာတွင်ပင် ဖျက်ဆီးထွက်ပြေးသွားကြောင်း မည်သူမည်ဝါဖြစ်သည်ကိုမတွေ့လိုက်သော်လည်း ဆိုင်များဖြင့် အုပ်စုဖွဲ့လိုက်လံဖျက်ဆီးနေသူများတွင် လူငယ်များအများစုပါဝင်ကြောင်း သိရသည်။


LWIN PWIN
NLABR
Web-site:                   www.nlabr.com
Blog:                         http://wanna23-23.blogspot.com/
Facebook:                   Sa Maung

0 comments:

Post a Comment