ရဲဘော်သုံးကျိပ်ဝင် ဗိုလ်မှူးချုပ်ဟောင်း ကျော်ဇော တရုတ်ပြည်၌ ကွယ်လွန်
တရုတ်နိုင်ငံ၌ နိုင်ငံရေးခိုလှုံနေရသော
ရဲဘော်သုံးကျိပ်ဝင် ဗိုလ်မှူးချုပ်ဟောင်း ကျော်ဇော (အသက် ၉၃ နှစ်) သည် ကူမင်းမြို့
ဆေး ရုံကြီး တွင် ယနေ့ နံနက် ၃ နာရီခွဲခန့်က ကွယ်လွန်သွားကြောင်း သမီးဖြစ်သူ
ဒေါက်တာ လှကျော်ဇော က ဧရာဝတီသို့ ပြောသည်။
“ကျမတို့ကတော့ ဘာမှပြောစရာ မရှိပါဘူး၊ နာရေးကို
ပါတီက ဆက်ပြီး ကြေညာ ချက်ထုတ်ပါလိမ့်မယ်”ဟု ၎င်းက ဆိုသည်။
ဗိုလ်မှူးချုပ်ဟောင်း ကျော်ဇော ၏ ဈာပန
အခမ်းအနားကိုလည်း ဗမာပြည် ကွန်မြူနစ်ပါတီ ၏ အစီအစဉ်ဖြင့် ဆောင်ရွက်မည် ဖြစ်
ကြောင်း သိရသည်။ အသေးစိတ် အစီအစဉ်ကိုမူ မသိရှိရသေးပေ။။
ဗိုလ်မှူးချုပ်ကျော်ဇောသည် မကြာသေးခင်က
အအေးဒဏ်ကြောင့် အဆုတ်ကိုပါ ထိခိုက်သည့်အပြင် ကျောက်ကပ် လည်း မကောင်းတော့ကြောင်း၊
ကွယ်လွန်ချိန်အထိ အောက်ဆီဂျင်ဖြင့် အသက်ရှုရကြောင်း သားဖြစ်သူ ဦးအောင်ကျော်ဇော က
လည်း ပြောပြသည်။
အမျိုးသား ဒီမိုကရေစီအဖွဲ့ချုပ်
ခေါင်းဆောင် တဦးဖြစ်သည့် ကာကွယ်ရေး ဦးစီးချုပ်ဟောင်း သူရ ဦးတင်ဦး ကလည်း
ဗိုလ်မှူးချုပ် ဟောင်း ကျော်ဇော သည် မိမိ၏ ဆရာသမား ဖြစ်သကဲ့သို့ တပ်မတော်တွင်
အစဉ်အလာကြီးပြီး မဟာဗျူဟာ၊ နည်းဗျူဟာ ထက်မြက်သည့် စစ်ရေး ခေါင်းဆောင်တဦး
ဖြစ်ကြောင်း၊ စစ်ပြီးခေတ် မြန်မာ့ တပ်မတော်၌ ဗိုလ်ချုပ်ကြီး နေ၀င်း ပြီးလျှင်
ဒုတိယ ခေါင်း ဆောင်ဖြစ်ကြောင်း၊ မြန်မာပြည် ပြန်လာရန် ကြံရွယ်နေချိန်တွင်
ယခုကဲ့သို့ ကွယ်လွန်ခြင်းအတွက် ပိုမိုကြေကွဲရပါကြောင်း၊ မိသားစုနှင့် ထပ်တူ ၀မ်းနည်းရပါကြောင်း
ပြောဆိုသည်။
“ကျနော် အသက် ၁၉ နှစ်
ဗိုလ်သင်တန်းကျောင်း တက်တုန်းက ကျနော့်ကိုပြောတာ၊ ခင်ဗျားက စစ်ဗိုလ်လေးနဲ့ မတူဘူး၊
ကျောင်း သားလေးနဲ့ တူတယ် ဆိုတဲ့ စကားလေးကို အမှတ်ရနေတယ်”ဟု ဦးတင်ဦးက ဆိုသည်။
ထို့အပြင်
ဗိုလ်မှူးချုပ်ကျော်ဇော တပ်မတော်တွင် စစ်ခေါင်းဆောင်အဖြစ် တာဝန်ယူစဉ်က
တပ်မှူးများကို တိုင်းရင်းသားများနှင့် ပတ် သက်လာလျှင် အမြဲတမ်း တရားမျှတစွာ
ဆက်ဆံရန်၊ မဆက်ဆံပါက အရေးယူမည်ဟု အမြဲသတိပေး ဆုံးမကြောင်းလည်း ဦးတင်ဦး က ဆက်လက်
ပြောပြသည်။ဗိုလ်မှူးချုပ် ကျော်ဇော ကွယ်လွန်ချိန်တွင် သမီး ဒေါက်တာ လှကျော်ဇော၊
ဒေါ်စန်းကျော်ဇော ၊ သား ဦးအောင်ကျော်ဇော နှင် မြေး ၇ ယောက် ကျန်ရစ် ခဲ့ကြောင်း
သိရသည်။တိုင်းပြည် လွတ်လပ်ရေးကြိုးပမ်းရာတွင် ပါဝင်ခဲ့သည့် ရဲဘော်သုံးကျိပ်ဝင်များ အနက် ဗိုလ်မှူးချုပ် ကျော်ဇောသည် ပြည်ပရှိ နောက်ဆုံး လက်ကျန် တဦး ဖြစ်သည်။
ဗိုလ်မှူးချုပ် ကျော်ဇောသည် ပဲခူးတိုင်း သာယာဝတီ ခရိုင် ဆိုင်းစုရွာ ဇာတိ ဖြစ်ပြီး နယ်ချဲ့ဆန်ကျင်ရေး လှုပ်ရှားမှုများတွင် ပါဝင် ခဲ့သည်။
ကိုလိုနီခေတ်က ဟိုင်နန်ကျွန်းသို့ သွားရောက်၍ ဗိုလ်ချုပ်အောင်ဆန်းနှင့်အတူ စစ်ပညာ သင်ယူခဲ့ပြီးနောက် မြန်မာ့သမိုင်းတွင် ထင်ရှားသည့် ရဲဘော်သုံးကျိပ်ဝင် တဦး ဖြစ်လာသည်။
ဂျပန်တော်လှန်ရေး ကာလအတွင်း စစ်တောင်းမြစ် အရှေ့ဘက်ခြမ်း တိုင်း အမှတ် ၄ စစ်ရေး ခေါင်းဆောင်တဦး အဖြစ် တာဝန် ယူ ရသည်။
လွတ်လပ်ရေးရပြီး ပြည်တွင်းစစ် အစပိုင်း တောင်ပိုင်းတိုင်း စစ်ဌာနချုပ် တိုင်းမှူး တာဝန်ယူ၍ ကရင် ကာကွယ်ရေး တပ် (KNDO)များ ၀ိုင်းထားသည့် ရန်ကုန်မြို့ကို ကာကွယ်နိုင်ခဲ့ပြီး ပဲခူး၊ ဖြူး၊ တောင်ငူမြို့များကို ဆက်လက် သိမ်းယူနိုင်ခဲ့သည်။
၁၉၄၉ ခုနှစ် KNDO တပ်များနှင့် သုံးလကြာ တိုက်ခိုက်ခဲ့ရသည့် အင်းစိန်တိုက်ပွဲသည် သူ၏ ဘ၀တွင် မမေ့နိုင်သော တိုက်ပွဲဖြစ် သည် ဟု ၎င်း၏ အတ္ထုပ္ပတ္တိ တွင် ရေးသားထားသည်။
၁၉၅၄ ခုနှစ်တွင် ကျူးကျော်သူ ကူမင်တန် တရုတ်ဖြူ တပ်များကို မြန်မာပြည်မှ မောင်းထုတ်နိုင်ခဲ့သည့် ဘုရင့်နောင် စစ်ဆင် ရေး ကို ဦးဆောင်ခဲ့သည်။
စစ်တိုက်ရာတွင် ရဲဘော် ရဲဘက်များနှင့် အတူ ယှဉ်ပေါင်တန်း တိုက်ပွဲဝင်တတ်သူ သတ္တိပြောင်မြောက်သူ တဦးအဖြစ် အများ က အသိအမှတ် ပြုပြောဆိုရသူ ဖြစ်သည်။
၁၉၅၇ ခုနှစ်တွင် စစ်ရေးဆိုင်ရာ လျှို့ဝှက်ချက်များ ပေါက်ကြားသည်ဟု စွပ်စွဲခံရပြီး တပ်မတော်မှ ထုတ်ပယ်ခြင်း ခံခဲ့ရသည်။
ထို့နောက် ဆရာကြီး သခင်ကိုယ်တော်မှိုင်း ၏ ဦးဆောင်မှုဖြင့် ပြည်တွင်း ငြိမ်းချမ်းရေး လုပ်ငန်းများကို ဆက်လက် လုပ်ကိုင်ခဲ့ပြီး ၁၉၇၆ ခုနှစ်တွင် ဗမာပြည် ကွန်မြူနစ်ပါတီ အခြေစိုက်ရာ တရုတ်-မြန်မာ နယ်စပ်သို့ ထွက်ခွာခဲ့ခြင်း ဖြစ်သည်။
မကြာသေးခင် က သမ္မတ ဦးသိန်းစိန်က ရဲဘော် သုံးကျိပ်ဝင် ဗိုလ်မှူးချုပ် ကျော်ဇော ကို မြန်မာပြည်သို့ ပြန်လာရန် ဖိတ်ခေါ်ခဲ့သေးသည်။
ဗမာပြည် ကွန်မြူနစ် ပါတီကလည်း မကြာသေးခင်က ၀မ်းနည်းကြောင်း ကြေညာချက် ထုတ်ပြန်ခဲ့ပြီး ဗိုလ်မှူးချုပ်ဟောင်း ကျော်ဇော ၏ အရိုးပြာသည် ရန်ကုန်မြို့ ရွှေတိဂုံဘုရား ခြေရင်းရှိ သခင်ကိုယ်တော်မှိုင်း ၏ အုတ်ဂူခြေရင်းတွင် ထားရှိသင့်သည်ဟု သဘောထား ပါရှိသည်။
သို့သော် သမ္မတဦးသိန်းစိန်က ဗိုလ်မှူးချုပ်ဟောင်းကျော်ဇော မြန်မာပြည်သို့ ပြန်လာရန် ခွင့်ပြုစဉ်ကမူ ဗမာပြည်ကွန်မြူနစ် ပါတီ ပြောခွင့်ရ ပုဂ္ဂိုလ် ရဲဘော်ဖိုးသံချောင်းက ဗိုလ်မှူးချုပ်ကျော်ဇောလို အိပ်ရာပေါ်လဲနေသော လူမမာ တဦးကို ပြန်လာရန် ခွင့်ပြုခြင်း သည် အစိုးရ၏ နိုင်ငံရေး အမြတ်ထုတ်မှုတခုဖြစ်ကြောင်း ဘီဘီစီ နှင့် မေးမြန်းခန်းတွင် ပြောဆိုထားသည်။
ဗိုလ်မှူးချုပ် ကျော်ဇော အတ္ထုပ္ပတ္တိ စာအုပ် ထုတ်ဝေ
“ဒီစာအုပ်ကို ထုတ်ဝေခွင့်ပေးတဲ့အတွက် အားလုံးကိုကျေးဇူးတင်ပါတယ်။ ဗိုလ်ချုပ်ကျော်ဇောရဲ့စာအုပ်က ပြည်ပမှာပဲ ထုတ်သေးတာ။ ပြည်တွင်းမှာ မထုတ်သေးတဲ့အတွက် လိုအပ်ချက်တခုကြောင့် ထုတ်တာပါ။ ပြည်ပမှာ ထုတ်ထားတဲ့အတိုင်း မူရင်းစာလုံးတွေအားလုံး မပျက်အောင် လုပ်ထားပါတယ်။ အမှာစာပဲ ပြောင်းမှာပါ။ နောက်ထပ် ဦးကျော်ဇောနဲ့ပတ်သက်တဲ့ စာအုပ်တွေကိုလည်း ထုတ်သွားမှာပါ”ဟုလည်း ၄င်းက ဆိုသည်။
ထို့အပြင် ယင်းစာအုပ်ကို အကျိုးအမြတ်တခုမှမယူဘဲ လူငယ်များ၊ နိုင်ငံရေးသမားများ၏လက်ထဲသို့ ရောက်ရှိစေချင်သည့် ဆန္ဒနှင့် စာအုပ် အရည်အသွေးကိုလည်း အကောင်းဆုံးဖြစ်အောင် ကြိုးစားထားကြောင်း ယမန်နေ့က ရန်ကုန်မြို့ တော်ဝင်နှင်းဆီ ခန်းမ၌ ကျင်းပသော စာအုပ်ထုတ်ဝေခြင်းနှင့် ပတ်သက်သည့် စာနယ်ဇင်း ရှင်းလင်းပွဲ၌ ဦးဘိုဘိုက ဆက်လက် ပြောဆိုသွားသည်။
ဗိုလ်မှူးချုပ်ဟောင်း ကျော်ဇော ၏ သားဖြစ်သူ ဦးအောင်ကျော်ဇောက“အဖေ့ရဲ့ကိုယ်တိုင်ရေး အတ္ထုပ္ပတ္တိ စာအုပ်ကို ထုတ်ဝေပေး တဲ့ သူနဲ့ လူငယ်မျိုးဆက်တွေ လက်ထဲရောက်အောင် ပို့ပေးတဲ့အတွက် ကျေးဇူးတင်ပါတယ်”ဟု ပြောသည်။
ထင်ရှား ကြည်ညိုသူများ၏ အတ္တုပ္ပတ္ထိ စာအုပ်များ ထုတ်ဝေသည့်အတွက် အလွန်ဝမ်းသာကြောင်း၊ တနေ့တချိန်တွင် ထိုပုဂ္ဂိုလ်များ ၏ ဇာတ်လမ်းကို ရုပ်ရှင်ရိုက်ကူးသည့်အခါ အလွယ်တကူ ရှာ၍ရမည်ဖြစ်ကြောင်း၊ ဗိုလ်ချုပ်အောင်ဆန်း ၏ ဇာတ်လမ်းကို ရိုက် သည့် အခါ အတ္တုပ္ပတ္တိ ရှာဖွေရသည်မှာ အလွန်ပင် အခက်အခဲဖြစ်သည့်အတွက် ယခု စာအုပ် ထုတ်ဝေခြင်းကို ကြိုဆိုကြောင်း စာနယ်ဇင်း ရှင်းလင်းပွဲ တက်ရောက်လာသော စာရေးဆရာ မောင်မိုးသူ ကလည်း ပြောဆိုသည်။
မကြာသေးခင် ကလည်း နေရီရီ စာအုပ်တိုက် က ဗိုလ်မှူးချုပ်ဟောင်း ကျော်ဇော ၏ “အမျိုးသား လွတ်မြောက်ရေး တိုက်ပွဲများ” စာအုပ်ကို ပထမဆုံး ပြန်လည် ထုတ်ဝေခဲ့သေးသည်။
မြန်မာနိုင်ငံတွင်း၌ နှစ်ပေါင်းများစွာ ပိတ်ပင်ထားသည့် ဗိုလ်မှူးချုပ်ဟောင်း ကျော်ဇော၏ စာအုပ်များ ပြန်လည်၍ စတင် ထုတ်ဝေခွင့် ရလာခြင်း ဖြစ်သည်။
ဗိုလ်မှူးချုပ်ဟောင်း ကျော်ဇောသည် ရဲဘော်သုံးကျိပ်ဝင် တဦးဖြစ်ပြီး စစ်ပြီးခေတ် မြန်မာ့ တပ်မတော်ကို ပြန်လည်ဖွဲ့စည်းရာတွင် ပါ ၀င် ခဲ့သူတဦး ဖြစ်သည်၊၊
ပြည်တွင်းစစ် ကာလ၌ ကရင်အမျိုးသားကာ ကွယ်ရေးတပ်(KNDO)များ ၀န်းရံထားသည့် ရန်ကုန်မြို့ကို ကာကွယ်ပေးခဲ့ပြီး ကျူးကျော် သူ တရုတ်ဖြူ တပ်များကိုလည်း ရန်ကြီးအောင်၊ ဘုရင့်နောင် စစ်ဆင်ရေးများ ပြုလုပ်ကာ တိုက်ခိုက်ခဲ့သူ ဖြစ်သည်။
၁၉၇၆ ခုနှစ် ရန်ကုန်မြို့ စမ်းချောင်းနေအိမ်မှ ဗမာပြည် ကွန်မြူနစ်ပါတီ အခြေစိုက်ရာ တရုတ်-မြန်မာ နယ်စပ်သို့ ထွက်ခွာသွားသည့် နောက်ပိုင်း ပြည်တွင်းစစ်ကာလနှင့် တရုတ်ဖြူကျူးကျော်မှု အကြောင်း ရေးသားသည့် သမိုင်းနှင့် စစ်ဖက်ဆိုင်ရာ စာအုပ်များ တွင် ဗိုလ်မှူးချုပ်ကျော်ဇော အမည်အစား စစ်ဆင်ရေးမှူးကြီး၊ တိုင်းမှူးကြီး စသည့် နာမ်စား စကားလုံးများကိုသာ စာပေစိစစ်ရေး က သုံးစွဲခွင့်ပြုခဲ့သည်။
ယခုအခါ အသက် ၉၃ နှစ် ရှိပြီဖြစ်သည့် ဗိုလ်မှူးချုပ်ဟောင်း ကျော်ဇောသည် တရုတ်နိုင်ငံ ကူမင်းမြို့တွင် နိုင်ငံရေးခိုလှုံနေရပြီး လက်ရှိ အချိန်တွင် ကျန်းမာရေးလည်း ဆိုးရွားနေကြောင်း သိရသည်။
LWIN PWIN
NLABR
Web-site: www.nlabr.com
Subscribe to:
Post Comments (Atom)
0 comments:
Post a Comment