မြန်မာ သတင်းများ အောက်တိုဘာ ၂၁ ၊ ၂၀၁၂
ဥပဒေနဲ့ မညီ မသဲကွဲလည်း ခွထိုင်လို့ ရပါတယ်
တရားဥပဒေစိုးမိုးရေး၊ လူ့အခွင့်အရေး၊ ရင်းနှီးမြှုပ်နှံမှုများ အထူးသဖြင့် သယံဇာတ တူးဖော်ရေး လုပ်ငန်းများတွင် ပွင့်လင်းမြင်သာမှုရှိရေးနှင့် စစ်မှန်သောအမျိုးသား ပြန်လည် ရင်ကြားစေ့ရေးတို့တွင် တိုးတက်မှု များ မြင်တွေ့ရန် မျှော်လင့်ပါသည်ဟုလည်း သတင်းထုတ်ပြန်ချက်တွင် ဖော်ပြထားသည်။ထို့ပြင် နိုင်ငံရေးအကျဉ်းသား များ လွှတ်ပေးခြင်းအတွက် မိမိတို့ ကြိုဆိုပြီး ကျန်ရှိနေသေးသော နိုင်ငံ ရေးအကျဉ်းသားများကို လွှတ်ပေး ရန်၊ ကျန်ရှိနေသေးသော မသဲကွဲ သေးသည့် အမှုတွဲများကိုလည်း ပွင့် လင်းမြင်သာသော လုပ်ငန်းစဉ်ကျင့် သုံးကာ ပြန်လည်သုံးသပ်ရန်နှင့် လွတ်မြောက်ပြီးဖြစ်သော အကျဉ်း သားဟောင်းများအပေါ်ထားရှိသည့် ခြွင်းချက်များကို အဆုံးသတ်ရန် အရေးကြီးသည်ဟု မိမိတို့အလေးအနက် ထားပါသည်ဟု သတင်းထုတ်ပြန်ချက်တွင် ဖော်ပြထားသည်။
အမေရိကန် ဒုတိယနိုင်ငံခြားရေးဝန်ကြီး ၀ီလျံဘန်းစ်သည် ၎င်း၏ နေပြည်တော် ခရီးစဉ်အတွင်း သမ္မတ ဦးသိန်းစိန်၊ ပြည်သူ့လွှတ်တော်ဥက္ကဋ္ဌ သူရဦးရွှေမန်း၊ နိုင်ငံခြားရေးဝန်ကြီးဌာန ပြည်ထောင်စု ၀န်ကြီး ဦးဝဏ္ဏမောင်လွင်၊ ကာကွယ် ရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ဝေလွင်၊ အမျိုးသားဒီမိုကရေစီအဖွဲ့ချုပ် ဥက္ကဋ္ဌပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည်၊ တိုင်းရင်းသား လွှတ်တော်ကိုယ်စားလှယ်များနှင့် သီးခြားစီ တွေ့ဆုံဆွေးနွေးခဲ့သည်။
အဆိုပါတွေ့ဆုံမှုများနှင့် ပတ်သက်၍ အမေရိကန် ဒုတိယနိုင်ငံခြားရေး ၀န်ကြီး ၀ီလျံဘန်းစ်က “အတိုင်းထက်အလွန် ကောင်းမွန်ပြီး အကျိုးဖြစ်ထွန်းသော ဆွေးနွေးပွဲများ” ဟု ပြောကြားခဲ့ပြီး နှစ်ဖက်ပုဂ္ဂိုလ် များသည် နှစ်ဦးနှစ်ဖက်၏ တူညီသော အကျိုးစီးပွားနှင့် စတင်ဆောင်ရွက်လျက်ရှိသော နိုင်ငံရေးနှင့် စီးပွားရေး ပြုပြင်ပြောင်းလဲရေးများတွင် ရှေ့ဆက်ကာ တိုးပွားလာသော မိတ်ဖက် ဆက်ဆံရေးအခြေအနေများကို ဆွေးနွေးခဲ့ကြကြောင်း သိရသည်။
အမေရိကန် ဒုတိယနိုင်ငံခြားရေး ၀န်ကြီး ၀ီလျံဘန်းစ်သည် နေပြည်တော်တွင် အောက်တိုဘာလ ၁၆၊ ၁၇ ရက်များက ကျင်းပခဲ့သော ပထမအကြိမ် မြန်မာ-အမေရိကန် နှစ်နိုင်ငံ လူ့အခွင့်အရေး ဆွေးနွေးပွဲသို့ လည်း တက်ရောက်ခဲ့သည်။မြန်မာနိုင်ငံတွင် သမ္မတ ဦးသိန်းစိန် အစိုးရ ၂၀၁၁ ခုနှစ် မတ်လက စတက်လာပြီး နောက်ပိုင်း နိုင်ငံရေးနှင့် စီးပွားရေး ပြုပြင်ပြောင်းလဲမှုများကို ဖော်ဆောင်နေသောကြောင့် အမေရိကန်၊ ဥရောပသမဂ္ဂ နှင့် အနောက်နိုင်ငံများသည် မြန်မာနိုင်ငံအပေါ် ချမှတ်ထားသော အရေးယူပိတ်ဆို့မှုများကို ဖြေလျှော့ ဆိုင်းငံ့မှုများ ပြုလုပ်ခဲ့ကြသလို အဆိုပါနိုင်ငံများမှ အစိုးရအဖွဲ့ အကြီးအကဲများ၊ ၀န်ကြီးများသည်လည်း မြန်မာနိုင်ငံသို့ လာရောက် လည်ပတ်ခဲ့ကြသည်။အလားတူ မြန်မာသမ္မတ ဦးသိန်းစိန်နှင့် အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် တို့သည်လည်း အမေရိကန် ပြည်ထောင်စုသို့ ပြီးခဲ့သည့်လက သီးခြားစီ သွားရောက်ခဲ့ကြသည်။ပြီးခဲ့သည့်လက ဒေါ်အောင် ဆန်းစုကြည်နှင့် သမ္မတ ဦးသိန်းစိန် တို့၏ အမေရိကန်နိုင်ငံ ခရီးစဉ်ပြီးနောက် အမေရိကန်ပြည်ထောင်စုနှင့် မြန်မာနိုင်ငံတို့သည် နှစ်နိုင်ငံဆက်ဆံရေးတွင် အရေးကြီးသော မှတ်တိုင်သစ်ကို ဖြတ်သန်းခဲ့ပြီး ဖြစ်ပါသည် ဟုလည်း ၀ီလျံဘန်းစ်က ပြောကြားခဲ့သည်။
နိုင်ငံတော်သမ္မတကို ပြည်ခိုင်ဖြိုးပါတီ၏ ဥက္ကဋ္ဌအဖြစ် ပြန်လည်ရွေးချယ်ခြင်းသည် ဖွဲ့စည်းပုံ အခြေခံဥပဒေနှင့် မကိုက်ညီပါက အမျိုးသား ဒီမိုကရေစီအဖွဲ့ချုပ် ပြည်ထောင်စုလွှတ်တော်သို့ တင်ပြဆွေးနွေးမည်
ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၏ ပထမအကြိမ်ပါတီ ညီလာခံတွင် နိုင်ငံတော်သမ္မတ ဦးသိန်းစိန်ကိုပါတီ၏ ဥက္ကဋ္ဌအဖြစ် ပြန်လည်ရွေးချယ်ခြင်းသည် ဖွဲ့စည်းပုံ အခြေခံဥပဒေနှင့် ကိုက်ညီခြင်း ရှိ၊ မရှိကို အမျိုးသားဒီမိုကရေစီအဖွဲ့ချုပ် အနေဖြင့် လေ့လာသုံးသပ်၍ မကိုက်ညီပါက ပြည်ထောင်စုလွှတ်တော် သို့ တင်ပြဆွေးနွေးသွားမည်ဖြစ် ကြောင်း အမျိုးသားဒီမိုကရေစီ အဖွဲ့ချုပ်မှ ပြောရေးဆိုခွင့်ရှိသူ ဦးအုန်းကြိုင်က ပြောပါသည်။
နိုင်ငံတော်သမ္မတသည် ပါတီ၏ ဥက္ကဋ္ဌအဖြစ် ဆောင်ရွက်ခြင်းကို ကန့်ကွက်လိုခြင်း မဟုတ်ဘဲ ဥပဒေ နှင့် မကိုက်ညီပါက နောင်လာနောက်သားများအတွက် အစဉ်အလာကောင်း မဟုတ်၍ ပြုလုပ်ရခြင်းဖြစ်ကြောင်း၊ ယင်းကိစ္စကို ဥပဒေပညာရှင်များ၊ အမျိုးသားဒီမိုကရေစီအဖွဲ့ချုပ်မှ ဥပဒေပညာရှင်များက လေ့လာသုံး သပ်ပြီး ဖွဲ့စည်းပုံအခြေခံဥပဒေနှင့် မကိုက်ညီဟု ယူဆပါက အနီးဆုံး ပြည်ထောင်စုလွှတ်တော်၌ တင်ပြ ဆွေးနွေးသွားရန် ရှိကြောင်း ၎င်းက ပြောကြားပါသည်။
“ဒါဟာအများပြည်သူရဲ့အမြင် မှာ မသင့်လျော်ဘူး။ ၀ိဝါဒတွေ ဖြစ်ကုန်နိုင်တယ်။ ဆိုလိုတာက ဖွဲ့စည်းပုံ အခြေခံဥပဒေကို ကိုယ့်ဟာကိုယ် အဓိပ္ပာယ်ဖွင့်၊ ကိုယ့်ဟာကိုယ်လုပ်တယ်ဆိုတာမျိုး ပြည်သူလူထု နားလည်သွားရင် နောင်လာနောက်သားတွေအတွက် အစဉ်အလာမကောင်းနိုင်ဘူးဆိုတဲ့ အကြောင်းကို ဥပဒေနဲ့ အညီ အမြင်ရှင်းအောင်ဆောင်ရွက် တဲ့သဘောပါ။ ဖွဲ့စည်းပုံအခြေခံဥပဒေ ဟာ ပြည်သူလူထုတစ်ရပ်လုံး လိုက်နာရမယ်လို့ ပြဋ္ဌာန်းထားတာ။ ဒါကို ပါတီရဲ့ခေါင်းဆောင်တာဝန် လုပ်တာ မဟုတ်ဘူး။ ခန့်ရုံပဲခန့်တာလို့ ပြောလို့ရလားမေးရမှာပဲ။ အဲဒါကို ပြည်သူလူထုက လက်ခံလားဆိုတာ မေးရမှာပဲ။ လက်ခံတယ်ဆိုလည်း ပြည်သူလူထုရဲ့ အဆုံးအဖြတ်ပေါ့။ ကျွန်တော်တို့က ပြည်သူ့ကိုယ်စားလှယ်ဆိုတော့ ပြည်သူထဲမှာ ပြောဆိုနေကြတာ ကို တင်ပြပေးရမှာ ကျွန်တော်တို့ရဲ့တာဝန်ပဲ”ဟု အမျိုးသား ဒီမိုကရေစီအဖွဲ့ချုပ်မှ ဦးအုန်းကြိုင်က ပြောပါသည်။
ပြည်ထောင်စုကြံ့ခိုင်ရေးနှင့် ဖွံ့ ဖြိုးရေးပါတီ၏ ပထမအကြိမ်ပါတီ ညီလာခံကို တတိယနေ့ဖြစ်သည့် အောက်တိုဘာလ ၁၆ ရက်နေ့၌ သမ္မတဦးသိန်းစိန်အား ပါတီဥက္ကဋ္ဌ အဖြစ် ပြန်လည်ရွေးချယ်တင်မြှောက် ခဲ့သည်။
“သမ္မတကြီးက နဂိုကတည်းက ကျွန်တော်တို့ရဲ့ဥက္ကဋ္ဌပဲ။ ဥက္ကဋ္ဌကနေ သမ္မတဖြစ်သွားတဲ့အတွက် ဖွဲ့စည်းပုံ အခြေခံဥပဒေအရ ပါတီရဲ့တာ ၀န်တွေကိုထမ်းဆောင်ခြင်းမပြုရဘူး။ ရာထူးကနေ ဖယ်ပေးရမယ်ဆိုတာ မရှိပါဘူး။ ဒါကြောင့်ဖွဲ့စည်းပုံ အခြေခံဥပဒေကို မဆန့်ကျင်ပါဘူး။ သမ္မတကြီးကသာ ပါတီလုပ်ငန်းတွေ လာလုပ်နေမယ်ဆိုရင်တော့ ဆန့်ကျင်တာပေါ့။ ဒီဟာတော့ မဆန့်ကျင်ပါဘူး။ ဖွဲ့စည်းပုံအခြေခံဥပဒေကို သေချာဖတ်ကြည့်ရင်တွေ့မှာပါ”ဟု ပြည်ထောင်စု ကြံ့ခိုင်ရေးနှင့်ဖွံ့ဖြိုးပါတီမှ ဒုတိယဥက္ကဋ္ဌဦးဌေးဦးက ပြောကြားခဲ့သည်။
၂၀၀၈ ခုနှစ် ဖွဲ့စည်းပုံအခြေခံ ဥပဒေပုဒ်မ ၆၄ တွင် “နိုင်ငံတော် သမ္မတ သို့မဟုတ် ဒုတိယသမ္မတ များသည် နိုင်ငံရေးပါတီတစ်ခုခု၏ အဖွဲ့ဝင်ဖြစ်လျှင် နိုင်ငံတော်သမ္မတ သို့မဟုတ် ဒုတိယသမ္မတများအဖြစ် ရွေးချယ်တင်မြှောက်ခြင်း ခံရသည့် နေ့မှစ၍ မိမိတို့ရာထူး သက်တမ်းအတွင်း ယင်းပါတီအဖွဲ့အစည်း၏ ပါ တီလုပ်ငန်းများတွင် ပါဝင်ဆောင် ရွက်ခြင်းမပြုရ”ဟု ပြဋ္ဌာန်းထားပြီး ၂၀၀၈ ခုနှစ် ဖွဲ့စည်းပုံအခြေခံဥပဒေ ပုဒ်မ ၆၃ တွင်လည်း “နိုင်ငံတော် သမ္မတ သို့မဟုတ် ဒုတိယသမ္မတ များသည် လွှတ်တော်ကိုယ်စားလှယ် ဖြစ်လျှင် လွှတ်တော်ကိုယ်စားလှယ် အဖြစ်မှလည်းကောင်း၊ နိုင်ငံ့ဝန်ထမ်း ဖြစ်လျှင် နိုင်ငံ့ဝန်ထမ်းအဖြစ်မှလည်း ကောင်း နိုင်ငံတော်သမ္မတ သို့မဟုတ် ဒုတိယသမ္မတများအဖြစ် ရွေးချယ် တင်မြှောက်ခြင်း ခံရသည့်နေ့မှစ၍ နုတ်ထွက်ပြီး သို့မဟုတ် အငြိမ်းစားယူပြီးဖြစ်သည်ဟု မှတ်ယူရမည်”ဟု ပြဋ္ဌာန်းထားသည်။
သမ္မတဦးသိန်းစိန်သည် နေပြည်တော်ဇမ္ဗူသီရိ မဲဆန္ဒနယ်မှ ပြည်သူ့လွှတ်တော် ကိုယ်စားလှယ်အဖြစ် ရွေးချယ်ခံရပြီး သမ္မတအဖြစ် ရွေးချယ်တင်မြှောက်ခံ ခဲ့ရသည်။
နိုင်ငံပိုင်သတင်းစာတွေ အသွင်ပြောင်းဖို့ အုပ်ချုပ်ရေးအဖွဲ့ ဖွဲ့
အစိုးရပြန်ကြားရေး ၀န်ကြီးဌာနကနေ ထုတ်ဝေနေတဲ့ မြန်မာ့အလင်း၊ ကြေးမုံနဲ့ The New Light of Myanmar သတင်းစာ ၃ စောင်ကို အစိုးရနဲ့ကင်းပြီး သီးခြား လွတ်လပ်တဲ့ လူထုဝန်ဆောင်မှု သတင်းစာတွေအဖြစ် ပြောင်းလဲနိုင်ဖို့အတွက် သတင်းစာအုပ်ချုပ်ရေးအဖွဲ့ကို ဒီရက်ပိုင်းမှာပဲ ဖွဲ့စည်းခဲ့ပါတယ်။ ဒီအဖွဲ့အနေနဲ့ ဒီသတင်းစာတွေ လည်ပတ်နိုင်ရေး လက်ရှိ ပြန်ကြားရေး ၀န်ကြီးဌာနရဲ့ ငွေကြေး ထောက်ပံ့မှု အကူအညီတွေကိုလည်း နောက်ပိုင်းမှာ ရယူတော့မှာမဟုတ်ဘဲ သီးခြား ရပ်တည်သွားနိုင်အောင် ပြောင်းလဲသွားမှာ ဖြစ်တယ်လို့ သတင်းစာအုပ်ချုပ်ရေးအဖွဲ့ အဖွဲ့ဝင်တဦးဖြစ်တဲ့ ဦးရဲနိုင်မိုး က ပြောပါတယ်။
“သူတို့ ပြောင်းလဲမယ့် ပုံစံကတော့ ပြန်ကြားရေးဝန်ကြီးက နေပြီးတော့ မြန်မာ့အလင်း၊ ကြေးမုံနဲ့ New Light of Myanmar သတင်းစာတွေကို ငွေကြေးထောက်ပံ့ပြီး ချုပ်ကိုင်ထားတာကို ရှေ့မှာ ဆက်လုပ်တော့မှာ မဟုတ်ဘဲနဲ့ ဒီထက်ပိုပြီးတော့ လွတ်လွတ်လပ်လပ် ရှိပြီးတော့ Public Service Media ပုံစံကို လုပ်ပါမယ်လို့ ပြောလာပါတယ်။ သဘောကတော့ ပြန်ကြားရေး ၀န်ကြီးဌာနက တဖြည်းဖြည်းနဲ့ နောက်ဆုတ်သွားမယ်။ လောလောဆယ်မှာတော့ ငွေကြေးအရ အထောက်အပံ့ ဖြစ်နေသော်လည်းဘဲ Public Service Media ဖြစ်လာပြီဆိုတဲ့အခါမှာ အရှေ့မှာ ဥပမာအားဖြင့် ပြည်သူကို ကိုယ်စားပြုတဲ့ လွှတ်တော်က ငွေကြေး ထောက်ပံ့ မလား။ ရာခိုင်နှုန်း တစုံတရာကို ပြည်သူတွေကြားထဲမှာ ရှယ်ယာကို ထုတ်ရောင်းမလားလို့ သူတို့ စပြီးတော့ ပြင်ဆင်လာပါတယ်။ အဲ့ဒါတွေကို လုပ်ဖို့အတွက် အစိုးရပြန်တမ်းအရတော့ အမြင့်ဆုံးအာဏာပိုင် အဖွဲ့ဖြစ်တဲ့ ဒီ Governing Body အုပ်ချုပ်ရေးအဖွဲ့ကို ဖွဲ့တယ်လို့ ဖြစ်လာပါတယ်ခင်ဗျ။”
မြန်မာနိုင်ငံမှာ အစိုးရက ထုတ်ဝေတဲ့ သတင်းစာ ၃ စောင်ပဲရှိပြီး ဒီသတင်းစာတွေကို အစိုးရရဲ့ ၀ါဒဖြန့်ချိရေး၊ အစိုးရအာဘော် သတင်းစာတွေအဖြစ် ပြည်သူအများက လက်ခံထားပြီး ပြည်သူတွေရဲ့ ယုံကြည်မှုကို မရခဲ့တာ ဆယ်စုနှစ်ပေါင်းများစွာ ရှိခဲ့ပြီဖြစ်ပါတယ်။
ဒါကြောင့်လည်း နိုင်ငံတကာအဆင့်မှီ သတင်းလမ်းကြောင်းပေါ်ကနေ သွေဖီနေတာကြာပြီဖြစ်တဲ့ ဒီသတင်းစာတွေမှာ အစိုးရရဲ့ နေ့စဉ်လုပ်ဆောင်ချက်တွေကို ဖော်ပြမယ့်အစား ပြည်သူတွေ ဘ၀အတွက် အရေးပါတဲ့ သတင်းတွေကို ဖော်ပြဖို့ လိုအပ်ကြောင်း အစိုးရနဲ့ တွေ့ဆုံစဉ် ထောက်ပြ အကြံပြုခဲ့တယ်လို့ ဦးရဲနိုင်မိုး က ပြောပါတယ်။ ဒီလို အစိုးရနဲ့ကင်းပြီး သီးခြား လွတ်လပ်တဲ့ လူထုဝန်ဆောင်မှု သတင်းစာတွေအဖြစ် ပြောင်းလဲနိုင်ဖို့အတွက် ရှေ့မှာ ရင်ဆိုင်ရမယ့် စိန်ခေါ်ချက်တွေတော့ အများကြီး ရှိနေဆဲဖြစ်တယ်လို့ သူက အခုလို ဆက်ပြောခဲ့ပါတယ်။
“ကျနော့်အမြင် ပြောရရင် အခု ပုံစံက နှစ် ၄ - ၅ ဆယ်လောက် အရိုးစွဲလာနေတဲ့ ပုံစံ ဖြစ်နေပါတယ်။ ဒီ သတင်းစာ ၃ စောင်မှာ လုပ်နေတဲ့ အယ်ဒီတာတွေ သတင်းထောက်တွေ၊ ဒီသတင်းစာ ၃ စောင်ကို အမှီပြုပြီး အစိုးရ၀န်ကြီးဌာနတွေ၊ ခေါင်းဆောင်ပိုင်းတွေက ချက်ချင်း သူတို့ရဲ့ အတွေးအခေါ်တွေကို ပြောင်းလဲဖို့ဆိုတာ အတော်လေး ခက်ခဲမှာပါ။ ဒါက ကျနော်တို့ အဖွဲ့အနေနဲ့ အကြီးမားဆုံး ရင်ဆိုင်ရမယ့် စိန်ခေါ်မှု ဖြစ်ပါတယ်။ ကျနော်တို့မှာ ရှိနေတဲ့ စိန်ခေါ်မှုတွေနဲ့ အဓိက ပြောင်းလဲရမယ့် အရေးကြီးဆုံး အချက်ကတော့ ပြီးခဲ့တဲ့နှစ်တွေ တော်တော်များများ လုပ်နေတဲ့ ၀န်ထမ်းတွေရယ်၊ နောက်ပြီးတော့ သူတို့ကို လွှမ်းမိုးထား တဲ့ အတွေးအခေါ်တွေရယ်၊ နောက်ပြီးတော့ သူတို့ကို လေ့ကျင့်သင်ကြားထားတဲ့ ပုံစံတွေရယ်ဟာ နိုင်ငံတကာက နားလည်ထားတဲ့ သတင်းစာပုံစံနဲ့ အရမ်းကြီးကို အလှမ်းဝေးနေပါတယ်။ အဲ့ဒါကို ပြောင်းလဲဖို့က အဓိက အကျဆုံးပဲလို့ ကျနော် ထင်ပါတယ်။ စိန်ခေါ်မှုတွေ ရှိပေမဲ့လည်း ကျနော်တို့ ပြောင်းလဲလို့ရမှာပါ။ ဒါပေမဲ့ အဲ့လိုပြောပေမဲ့ ကျနော်တို့ လုပ်ပိုင်ခွင့် ချက်ချင်း ၁၀၀ ရာခိုင်နှုန်း ပြုပြင် ပြောင်းလဲ လို့ အဆင်ပြေမယ်လို့ ကျနော် မမျှော်လင့်ပါဘူး။ ဒါပေမဲ့ သိသိသာသာ ပြောင်းလဲခွင့် ရဖို့အတွက်တော့ ရာခိုင်နှုန်း တစုံတရာရှိတယ်လို့ ယုံကြည်ထားပါတယ်။”
သတင်းစာအုပ်ချုပ်ရေးအဖွဲ့ အဖွဲ့ဝင် ဦးရဲနိုင်မိုး ဖြစ်ပါတယ်။ ပြီးခဲ့တဲ့ ကြာသပတေးနေ့ ကတော့ နှစ်ပေါင်းများစွာ အဖြူ အမည်း ထုတ်ဝေလာခဲ့တဲ့ ဒီ သတင်းစာ ၃ စောင်စလုံးကို ရောင်စုံ သတင်းစာတွေအဖြစ်နဲ့ စတင်ထုတ်ဝေလာခဲ့ပါတယ်။ နေပြည်တော် နဲ့ မန္တလေးမြို့တွေ မှာ ရောင်စုံ နေ့တိုင်း ထုတ်ဝေသွားမှာ ဖြစ်ပြီးတော့ ရန်ကုန်မှာတော့ မြန်မာ့အလင်းနဲ့ ကြေးမုံ သတင်းစာတွေကို တပတ်စီ ရောင်စုံ ထုတ်ဝေသွားမှာပြီး ဒီဇင်ဘာလကျမှ အားလုံးကို ရောင်စုံ ထုတ်ဝေသွားမယ်လို့ သတင်းစာတွေရဲ့ အယ်ဒီတာ့ အာဘော်မှာ ရေးသားထားပါတယ်။
မြန်မာနိုင်ငံမှာ အရင် စစ်အစိုးရလက်ထက်က သတင်းလွတ်လပ်ခွင့် မရှိဆုံး နိုင်ငံများစာရင်းမှာ ထည့်သွင်းခံခဲ့ရပြီး ပြင်သစ်အခြေစိုက် RSF နယ်ခြားမဲ့သတင်းထောက်များအဖွဲ့က ထုတ်ပြန်တဲ့ ၂၀၁၁ - ၂၀၁၂ ခုနှစ် သတင်းလွတ်လပ်မှု အညွှန်းကိန်းမှာတော့ နိုင်ငံပေါင်း ၁၇၉ နိုင်ငံစာရင်းမှာ မြန်မာနိုင်ငံက ၁၆၉ အဆင့်မှာ ရှိနေတာဖြစ်ပါတယ်။ ဒါဟာဆိုရင် သတင်းလွတ်လပ်ခွင့် မရှိဆုံး နိုင်ငံတွေ စာရင်းမှာ မြန်မာနိုင်ငံက ၁၁ နေရာမှာ ရှိနေတာလည်း ဖြစ်ပါတယ်။
၁၉၆၂ ခုနှစ် ပုံနှိပ်သူများနှင့် ထုတ်ဝေသူများ မှတ်ပုံတင်ဥပဒေ တည်ရှိနေဆဲဖြစ်သောကြောင့် မီဒီယာသမားများ သတိပြုရန်လို
ပြန်ကြားရေးဝန်ကြီးဌာန စာပေစိစစ် နှင့်မှတ်ပုံတင်ဌာနအနေဖြင့်
ဂျာနယ်ထုတ်ဝေခြင်း မပြုမီ ကြိုတင်စိစစ်သည့်အဆင့်အား ဖြေလျှော့ခဲ့ပြီး ဖြစ်သော်လည်း
၁၉၆၂ ခုနှစ် ပုံနှိပ်သူများနှင့်ထုတ်ဝေသူများ မှတ်ပုံတင်ဥပဒေမှာ
တည်ရှိနေဆဲဖြစ်သောကြောင့် မီဒီယာသမားများ သတိပြုရန် လိုကြောင်း သုံးသပ်မှုများ
ရှိနေပါသည်။ ပြည်တွင်းထုတ် အားကစားဂျာနယ် အချို့တွင် လောင်းကြေးများ ထည့်သွင်းဖော်ပြလျက်ရှိသဖြင့်
ယင်းဂျာနယ်များကို မြန်မာနိုင်ငံစာနယ်ဇင်း ကောင်စီ(ယာယီ)မှ
ထိန်းကျောင်းကြပ်မတ်ပေးရန် ပြန်ကြားရေးဝန်ကြီးဌာနမှ အကြောင်းကြားထားကြောင်း
အောက်တိုဘာလ ၈ ရက်နေ့က ပြန်ကြားရေးဝန်ကြီးဌာန၏ ၀က်ဘ်ဆိုက်စာမျက်နှာတွင်
ဖော်ပြခဲ့သည်။
ယင်းသို့ဖော်ပြခဲ့ပြီးနောက်
စာနယ်ဇင်းကောင်စီ (ယာယီ) အတွင်းရေးမှူးဖြစ်သူ The Voice ဂျာနယ်အယ်ဒီတာချုပ်
ကိုကျော်မင်းဆွေနှင့် ပြန်ကြားရေးဝန်ကြီး ဌာန ဒုတိယ၀န်ကြီး ဦးရဲထွဋ်တို့သည်
၎င်းတို့၏ Facebook စာမျက်နှာများမှတစ်ဆင့် ၎င်းတို့၏အမြင် သဘောထားများအား အပြန်အလှန်
ရေးသားဖော်ပြခဲ့ကြသည်ကို တွေ့ရှိရပြီး ၁၉၆၂ ခုနှစ် ပုံနှိပ်သူများနှင့်
ထုတ်ဝေသူများ မှတ်ပုံတင်ဥပဒေမှာ တည်ရှိနေဆဲဖြစ်သောကြောင့် မီဒီယာသမားများ
သတိပြုရန်လိုကြောင်း သုံးသပ်မှုများလည်း ထွက်ပေါ်ခဲ့ခြင်းဖြစ်သည်။ပြန်ကြားရေးဝန်ကြီးဌာန
ဒုတိယ၀န်ကြီးဦးရဲထွဋ်၏ Facebook စာမျက်နှာတွင် ‘ပြန်ကြားရေးဝန်ကြီးဌာနက
အားကစားဂျာနယ်တွေမှာ လောင်းကြေးတွေ ဖော်ပြနေတာနဲ့ ပတ်သက်ပြီး စာနယ်ဇင်း
ကောင်စီအနေနဲ့ လိုအပ်သလို ကြပ်မတ်ထိန်းကျောင်းနိုင်ဖို့အတွက်
အကြောင်းကြားခဲ့ပါတယ်။ အကြောင်းကြားတဲ့စာနဲ့ အတူ လောင်းကြေးဖော်ပြထားတဲ့ ဂျာ
နယ်စာမျက်နှာများရဲ့ မိတ္တူများပါပေးပို့ ခဲ့ပါတယ်။
အဲဒီလိုအကြောင်းကြားတာနဲ့
ပတ်သက်ပြီး မီဒီယာများပေါ်မှာ ဒီလိုဖော်ပြတာဟာ စာပေစိစစ်ရှိထဲက လုပ်နေတာပဲလို့
သက်ရောက်တဲ့ ပြောဆိုမှုများကို တွေ့ရပါတယ်။ အောက်တိုဘာ ၁၃ ရက် နေ့ အာရ်အက်ဖ်အေ
သတင်းမှာတော့ စာနယ်ဇင်းကောင်စီ(ယာယီ)ရဲ့ အထွေထွေ အတွင်းရေးမှူး ဦးကျော်မင်းဆွေက
အခုလိုအားကစားဂျာနယ်တွေမှာ လောင်းကြေးထည့်တာဟာ သတင်းစာစောင် တွေကို
စာပေစိစစ်ရေးအဖွဲ့ ကိုင်တွယ်ချိန်ထဲကဖြစ်ပြီး အဲဒီအချိန်ကတည်းက ဘာ့ကြောင့်
မပိတ်ပင်ခဲ့သလဲဆိုတာ မေးခွန်းပြန်ထုတ်စရာ ဖြစ်နေတယ်လို့ပြောဆိုတဲ့
အကြောင်းဖော်ပြထားတာကို တွေ့ ရပါတယ်။ စာနယ်ဇင်းကောင်စီရဲ့
အတွင်းရေးမှူးကိုယ်တိုင်က ဒီလိုပြောတာမှန်တယ်ဆိုရင် ပြန်ကြားရေးဝန်ကြီးဌာန
ကိုယ်စား ကျွန်တော်က စာပေစိစစ်လက်ထက်မှာ ဘယ်လိုအရေးယူမှုတွေ ပြုလုပ်ခဲ့သလဲဆိုတာ
ရှင်းပြဖို့တာဝန်ရှိလာပါတယ်’ဟု ဖော်ပြထားပြီး အားကစားဂျာနယ်များတွင်
လောင်းကြေးများကို သွယ်ဝိုက်ဖော်ပြခြင်း ကြိုးစားမှု ပြုလုပ်ခဲ့သည်များကို
သတိပေးမှုများပြုလုပ်ခဲ့ကြောင်း အချက်အလက်များဖြင့် ရေးသားခဲ့ကာ ဦးကျော်မင်းဆွေ၏
ပြောဆိုချက်များ မှားယွင်းကြောင်း ရေးသားခဲ့ပါသည်။‘. . . ဒါ့ကြောင့် ဦးကျော်မင်းဆွေပြောဆိုတယ် ဆိုပြီး အာရ်အက်ဖ အေက ထုတ်လွှင့်သွားတဲ့ စာပေစိစစ်က အားကစားဂျာနယ်တွေမှာ လောင်းကြေး ထည့်တာကို မပိတ်ပင်ခဲ့ဘူးဆိုတဲ့ သတင်း အချက်အလက်ဟာ မှားယွင်းကြောင်း ပြန်လည်ထောက်ပြလိုပါတယ်’ဟု စသည် ဖြင့် ဦးရဲထွဋ်၏ Facebook စာမျက်နှာ တွင် ဆက်လက်ဖော်ပြထားပါသည်။
‘ဦးရဲထွဋ်က အဲလိုပြောလာတဲ့ အတွက် ကျွန်တော့်ဖက်ကလည်း ပြန်ရှင်းပြဖို့ တာဝန်ရှိလာတယ်။ ပထမအချက်က ပြန်ကြားရေးဝန်ကြီးဌာနအနေနဲ့ ဒီနေ့အထိ ဦးရဲထွဋ်ပြောသလို စာနယ်ဇင်းကောင်စီကို တရားဝင်အကြောင်းကြားတာ လုံးဝ(လုံးဝ)မရှိသေးဘူး။ စာ နဲ့ရော၊ လူကိုယ်တိုင်ရော၊ တယ်လီ ဖုန်းနဲ့ကော၊ ဖက်စ်နဲ့ကော၊ အီးမေးလ်နဲ့ ရော ဘာဆိုဘာနဲ့မှ အကြောင်းကြားတာ ဒီနေ့၊ ဒီအချိန်အထိမရှိသေးဘူး။ အဲဒါကြောင့် ပြန်ကြားရေးဝန်ကြီးဌာနက သူ့ဘာသာတစ်ဖက်သတ် သူ့ဝက်ဘ်ဆိုက်မှာ ကြေညာတာ သက်သက်ပဲ။
နောက်တစ်ချက်က ကျွန်တော်မီဒီယာအားလုံးကို ဖြေလိုက်တာတွေက မဆိုစလောက်လေးသာ ကွားခြားချက် ရှိချင်ရှိမယ်၊ အခြေခံ အချက်အလက်က အတူတူပဲ။ ကျွန်တော်က အားကစားစာစောင် တွေမှာ ဒီလိုဖော်ပြနေတာက အခုမှ မဟုတ်ဘူး။ စာပေစိစစ်ရေးမှာ ကြိုက်တဲ့စာစောင်ကို ကြိုက်သလိုအရေးယူခွင့်၊ ပိတ်သိမ်းခွင့်၊ သတိပေးခွင့်ရှိနေစဉ်ကတည်းက ရေးနေကြတာ။ အခု စာပေစိစစ် ရေးလုပ်ငန်းတွေ ရပ်နားလိုက်တဲ့အချိန် ကျမှ ဒီကိစ္စကိုဖော်ပြီး စာနယ်ဇင်းကောင်စီကို အကြောင်းကြားထားသယောင် ပြောတာမေးခွန်း ထုတ်စရာရှိတယ်လို့ ပြော လိုက်တာ။ စာနယ်ဇင်းကောင်စီအနေနဲ့ တကယ်လို့သာ တရားဝင်အကြောင်းကြားတယ်ဆိုရင် ကျွန်တော်တို့ ပြီးခဲ့တဲ့ ရက်ပိုင်းမှာ ကော်မတီတွေ သီးသန့် ဆွေးနွေးကြတုန်းမှာ ဒီကိစ္စဘယ်သူ့ဆီတော့ တရားဝင်စာရောက်တယ်၊ ဘယ်လိုစဉ်းစား ဆုံးဖြတ်ကြမယ်စသဖြင့် တိုင်ပင်ကြ ပြီးပြီပေါ့။ ဒီနေ့အထိ ဘယ်ကော်မတီဝင်ဆီကိုမှ မရောက်ဘူး။ ရောက်တယ်ဆိုရင် ကော်မတီဝင်အားလုံးကို အသိပေးရမယ်။ ဘယ်သူ့ဆီမှ တရားဝင်မရောက်တဲ့အတွက် ဘယ်သူကမှမသိဘူး။ အဲဒါပြော တာ။ အရင်ကဆိုအသေးအဖွဲကစတယ် လီဖုန်းဆက်ပြောနေတဲ့ ပြန်ကြားရေးဝန်ကြီးဌာနက ဒီကိစ္စကျမှ ဖုန်းမဆက်၊ စာမလာဘဲ ၀က်ဘ်ဆိုက်ကနေထပြီး အသိ ပေးထားတယ်ပြောတော့ နားမလည်နိုင်ဘဲ မေးခွန်းထုတ်စရာရှိတယ်လို့ပြောတာ။ အခုကျနော်တို့ စာနယ်ဇင်းကောင်စီ(ယာယီ)မပေါ်ခင်က ပြန်ကြားရေးနဲ့ သမ္မတရုံးက အချို့နဲ့ပေါင်းပြီး အမြုတေကောင်စီ ဖွဲ့တယ်။ အဲဒီအမြုတေကောင်စီမှာပါတဲ့ လူအချို့က အငြင်းပွားဖွယ် ပုဂ္ဂိုလ်တွေဖြစ် နေပြီး အမြုတေကောင်စီရဲ့ တာဝန်နဲ့လုပ်ပိုင်ခွင့်တွေက စာပေစိစစ်ရေးနဲ့ မှတ်ပုံ တင်ဌာနရဲ့ အလုပ်တာဝန်တွေဖြစ်နေ တယ်။ အဲဒါကြောင့် စာနယ်ဇင်းသမား အားလုံးက သဘောမတူကြလို့ အမြုတေ ကောင်စီပျက်သွားတယ်။ အဲဒီအမြုတေကောင်စီရဲ့ တာဝန်နဲ့လုပ်ပိုင်ခွင့် တွေကို ဘယ်သူက အခြေခံဆွဲပေးထားလဲဆိုတာ ကျွန်တော်ပြောစရာတောင် မလိုဘူးထင်တယ်။ စာနယ်ဇင်းလောက သားအားလုံးသိတယ်။ ဘယ်သူတွေက အပေါ်ယံ ဟန်ဆောင်ပျော့ပျောင်းပြီး အတွင်းသဘောမှာ ဘယ်လောက်တင်းမာ တယ်ဆိုတာ ဒီလောကသားအားလုံးနီး ပါးသိတယ်။ အခုဖြစ်နေတဲ့ အားကစား စာစောင်တွေကိစ္စက ဒါတွေနဲ့ ဆက်စပ် နေတယ်။ ပြောရင်ရှည်ပြီး ဇာတ်ရှုပ်သွားမှာစိုးလို့ မပြောတော့ဘူး။
တကယ်တော့ အရင်အစိုးရလက်ထက်က စာပေစိစစ်ရေးက အရေးယူတာမယူတာ သူ့ကိစ္စ။ သူ့အစိုးရနဲ့ လိုက် ဖက်အပ်စပ်တဲ့ လုပ်ဆောင်မှုတွေလုပ်ခဲ့တာလို့ နားလည်ထားတယ်။ ကိုယ်ကိုယ်တိုင်လည်း ခြောက်ကြိမ်တိတိထုတ်ဝေ ခွင့်ရပ်နားခံခဲ့ရတဲ့အတွက် အရေးယူ တဲ့ကိစ္စတွေကိုလည်း ဘယ်တုန်းကမှ သဘောမတူခဲ့ဘူး။ အဲဒါကြောင့် ဘယ် သူ့ကိုမှ ပိတ်သိမ်းဆိုတဲ့ စကားမသုံးခဲ့ဘူး။ နောက်တစ်ခုက စာနယ်ဇင်းကောင် စီရဲ့အလုပ်က အရေးယူ၊ အပြစ်ပေးဖို့ မဟုတ်ဘူး။ စာနယ်ဇင်းကောင်စီက စာနယ်ဇင်းသမားတွေရဲ့ အခွင့်အရေးအကာ အကွယ်ပေးဖို့၊ ပဋိပက္ခဖြစ်လာရင် ညှိနှိုင်းဖြေရှင်းပေးဖို့၊ ကျင့်ဝတ်စောင့်ထိန်း လိုက်နာအောင် တိုက်တွန်းဖို့၊ အရည် အသွေးတိုးတက်ရေး တစ်နည်းအားဖြင့် စာနယ်ဇင်းလောက ဖွံ့ဖြိုးရေးလုပ်ဖို့ ဒါ အဓိကရည်ရွယ်ချက်ပဲ။ ဘယ်သူ့ကိုမှ အရေးယူစရာ အကြောင်းမရှိဘူး။ အရေး ယူခြင်းကလည်း အကောင်းဆုံးဖြေရှင်း နည်းလို့ ဘယ်တုန်းကမှ မယူဆခဲ့ဘူး’ ဟု စသည်ဖြင့် ဦးကျော်မင်းဆွေက ၎င်း ၏ Facebook စာမျက်နှာတွင် ပြန်လည် ရှင်းလင်းထားသည်ကို တွေ့ရှိရပါသည်။
အားကစားဂျာနယ်များနှင့် ပတ်သက် ပြီးပြန်ကြားရေးဝန်ကြီးဌာန၏ စာနယ်ဇင်း ကောင်စီ(ယာယီ)သို့ တရားဝင်အကြောင်း ကြားစာကိုလက်ခံရရှိသေးခြင်းမရှိကြောင်း ဦးကျော်မင်းဆွေက ပြောဆိုထားသော် လည်း ပြန်ကြားရေးဝန်ကြီးဌာန ဒုတိယ၀န်ကြီး ဦးရဲထွဋ်က အောက်တိုဘာလ ၁၂ ရက်နေ့တွင် စာနယ်ဇင်းကောင်စီ (ယာယီ)၏ ဥက္ကဋ္ဌဦးခင်မောင်အေးထံ အကြောင်းကြားစာ ပေးပို့အပ်နှံပြီးဖြစ် ကြောင်း ရေးသားခဲ့သည်။ဦးကျော်မင်းဆွေ၏ ရှင်းလင်းချက်များကို ဦးရဲထွဋ်က ၎င်း၏ Facebook စာမျက်နှာမှ ထပ်မံရှင်းလင်းခဲ့ပြီး ထိုရှင်းလင်းချက်တွင် သတင်းဌာနများ၌ ဦးကျော်မင်းဆွေ ပြောကြားခဲ့သည့် အသံ ဖိုင် Link များကို ဖော်ပြခဲ့သည်။
‘စာပေစိစစ်ရေးဆိုတာ မရှိတော့ဘူးဆိုပေမယ့် သူတို့က ပြန်ကြားရေးဆိုတဲ့ လက်တံကြီးနဲ့ ကျွန်တော်တို့တွေကို ထိန်းချုပ်ဖို့ကြိုးစားနေတယ်လို့ ကျွန်တော် အဲလိုပဲ ခံစားလိုက်ရတယ်’ဟု စာနယ် ဇင်းကောင်စီ(ယာယီ) ၏ အဖွဲ့ဝင်တစ်ဦး ဖြစ်သူ ဦးချစ်ဝင်းမောင်(အယ်ဒီတာချုပ်၊ တက်လမ်းဂျာနယ်)က ပြောပါသည်။
‘တခြားသတင်းဂျာနယ်တွေနဲ့ ပတ်သက်လို့ တစ်ခုခု လွန်လွန်ကဲကဲဖြစ်လာရင် ပြန်ကြားရေးအနေနဲ့ စာနယ်ဇင်းကောင် စီ(ယာယီ)ကိုလာပြီးတော့ တစ်စုံတစ်ခု ဖိအားမယ်လို့ ကျွန်တော်က ထင်နေတယ်’ ဟု ၎င်းက ဆက်လက်သုံးသပ်ပါသည်။
‘၆၂ ပုံနှိပ်ဥပဒေ ရှိနေသေးတဲ့ အခါမှာ အချိန်မရွေးတရားစွဲဆိုပြီး ပြဿနာ ရှာနိုင်တာပေါ့လေ။ ဒါပေမယ့်စတုတ္ထ မဏ္ဍိုင်အားကောင်းအောင် စာနယ်ဇင်း ကောင်စီ(ယာယီ)က လုပ်ဆောင်ဖို့ အားထုတ်နေချိန်မှာ ဒီဟာက ပူးပေါင်းကူညီ ဆောင်ရွက်တာမျိုး မဟုတ်ဘဲ အခက်တွေ့အောင် လုပ်တာမျိုး ဖြစ်နေတယ်လို့ ရိုးရိုးသားသား ခံစားမိတယ်’ဟု စာနယ်ဇင်း ကောင်စီ(ယာယီ) အဖွဲ့ဝင်တစ်ဦးဖြစ်သူ ကိုဇော်သက်ထွေးက ပြောပါသည်။
‘လူကျွံဘောဖမ်း ကစားတတ်တဲ့ သူတွေ မီဒီယာမှာရှိနေတုန်းပဲ။ ၆၂ ဥပဒေကလည်း ရှိနေသေးတယ်။ အမြဲတမ်း သတိထားနေဖို့လိုတယ်။ ဒါကြောင့် စည်းမျဉ်းစည်းကမ်းတွေနဲ့ ပတ်သက်ရင် သေချာ လေ့လာထားဖို့လိုပါတယ်။ အခုဟာ က တင်ထုတ်စနစ်ကနေ ထုတ်တင်စနစ်ကို ပြောင်းတာပဲ ရှိသေးတယ်။ အချိန်မရွေး နောက်ပြန်သွားနိုင်တဲ့ဟာတွေ ရှိနေ တယ်။ သတိထားဖို့လိုအပ်တယ်။ ခေတ်နောက်ပြန်ဆွဲတဲ့ သူတွေက အမြဲတမ်းပဲ စာနယ်ဇင်းတွေဟာ အကျင့်ပျက်တယ်။ လွတ်လပ်ခွင့်ကို လိုအပ်တာထက် ပိုပြီး အသုံးချတယ်လို့ပြောတယ်။ အဲဒီလိုပြောတဲ့သူတွေကိုယ်တိုင် ကျင့်ဝတ်ဆိုတာကို နားမလည်ဘဲ ကျင့်ဝတ်နဲ့မညီဘူးလို့ လာပြောတော့ခက်တာပေါ့။ သူတို့ဟာ လက် ကိုင်တုတ်အုပ်စုတွေမွေးထားပြီး သတင်း မီဒီယာကို သိက္ခာချဖို့ ကြိုးစားနေတယ်။ ရှင်းရှင်းပြောရရင် မီဒီယာကိုနည်းမျိုးစုံ နဲ့ထိန်းချုပ်လိုတဲ့ အာဏာရှင်စိတ်ဓာတ် မျိုးရိုးစဉ်ဆက် မဖျောက်နိုင်တဲ့သူတွေပါ။ သူတို့ကြောင့် ကျွန်တော်တို့ဟာ အစိုးရရဲ့ သတင်းမီဒီယာတွေအပေါ် သဘောထားကို အမြဲတမ်းသတိထား စောင့်ကြည့်နေရ တယ်။ တစ်ယောက်နဲ့တစ်ယောက် ပူးပေါင်းဖြေရှင်းရမယ့် ပြဿနာတွေရှိ တယ်။ မကျွံသွားဖို့ ကိုယ့်ရဲ့သတင်း ထောက်တွေ၊ အယ်ဒီတာအဖွဲ့တွေကို ထိန်းထိန်းသိမ်းသိမ်းနဲ့ ထိန်းကျောင်းဖို့ လိုတယ်။ Weekly Eleven မှာပါတဲ့ ဆရာဇော်ဇော်အောင်ရဲ့ ‘Incorporation အယူအဆ’ ဆိုတဲ့ ဆောင်းပါးကို ကျွန်တော်အရမ်းသဘောကျတယ်’ဟု Eleven Media Group ၏ CEO ဒေါက်တာသန်းထွဋ်အောင်က ပြော ကြားခဲ့ပါသည်။
LWIN PWIN
NLABR
Web-site: www.nlabr.com
Subscribe to:
Post Comments (Atom)
0 comments:
Post a Comment