လယ်သမားများ၏ အခွင့်အရေးများ ကာကွယ်ပေးနိုင်မည့် နိုင်ငံလုံးဆိုင်ရာ တောင်သူ လယ်သမား သမဂ္ဂကြီး ပေါ်ပေါက်ရေးအတွက် ဆောင်ရွက်လျက် ရှိကြောင်း မစုစုနွေး က ပြောသည်။တောင်သူလယ်သမား သမဂ္ဂ အဖွဲ့ငယ်များအား ရပ်/ကျေး အဆင့်မှ စတင်ကာ ဖွဲ့စည်းနေကြောင်း မုံရွာမြို့သို့ရောက်ရှိနေသည့် အမျိုးသားဒီမိုကရေစီ အဖွဲ့ချုပ် လူငယ်အဖွဲ့ဝင် မစုစုနွေး က ပြောဆိုလိုက်ခြင်း ဖြစ်သည်။

“တောင်သူလယ်သမား သမဂ္ဂ (မုံရွာခရိုင်) ပေါ့။ ၃ဝ ရှိရင် အသင်းအဖွဲ့ ဖွဲ့ခွင့်ရှိတယ်လေ။ ကျမတို့မှာ ၃ဝ မကပါဘူး။ ရပ်/ကျေး အဆင့်သမဂ္ဂ အဖွဲ့တဖွဲ့တိုင်းမှာ အနည်းဆုံး အလုပ်အမှုဆောင် ၄ဝ-၅ဝ ရှိတယ်။ ဝင်ခွင့်လျှောက်လွှာမှာ မည်သူမဆို ဝင်ခွင့် ပေးထားတယ်။ အဓိက က မြန်မာတနိုင်ငံလုံးဆိုင်ရာ တောင်သူလယ်သမား သမဂ္ဂ အဖွဲ့ချုပ်ကြီးပေါ်ပေါက်ဖို့ပဲ” ဟု သည်။

စစ်ကိုင်းတိုင်းအတွင်း ကျေးရွာအုပ်စုများ စုစည်း၍ တောင်သူလယ်သမား သမဂ္ဂ အဖွဲ့ငယ်ပေါင်း ၁ဝ ဖွဲ့ ဖွဲ့စည်းနိုင်ခဲ့ပြီ ဖြစ်ကြောင်း သိရသည်။တိုင်းပြည်၏ အခြားနေရာများကဲ့သို့ စစ်ကိုင်းတိုင်းတွင်လည်း လယ်ယာမြေသိမ်းခံရမှုများ ဖြစ်ပွားနေကြောင်း သူက ဆက်ပြောသည်။

“ဓါးမဦးချ တောင်သူတွေက တောရိုင်းမြေတွေကို ခုတ်ထွင်တယ်ရှင်။ တောရိုင်းတွေ ကျသွားတော့ ထွန်ကြယက်ကြ တယ်။ မြေတွေ ကောင်းလာတော့ ကုမ္ပဏီတွေက သူတို့ပိုင်ဆိုင်တယ်ဆိုပြီး ပြောလာတယ်ရှင်။ တဧကကို သိန်း တရာကျော်လောက် ရှိတယ်။ တောင်သူတွေ သွားပြောတဲ့ အခါကျတော့ ဥပဒေနဲ့ ရှင်းတယ်ပေါ့။ ပုဒ်မတပ် တရားစွဲ ခံနေရတဲ့ တောင်သူတွေ တရားရုံးမှာ ရင်ဆိုင်နေရတာတွေ ရှိနေတယ်” ဟု မစုစုနွေး က ဆိုသည်။

မြန်မာ့စီးပွားရေး ဦးပိုင်လီမိတက်နှင့် တရုတ်ကုမ္ပဏီ ဝမ်ပေါင်တို့ ဖက်စပ် လုပ်ဆောင်သည့် ဆားလင်းကြီး မြို့နယ်ရှိ လက်ပံတောင်းတောင် ကြေးနီစီမံကိန်းမှလည်း လယ်ယာဧကပေါင်း ၇,၈ဝဝ ကျော် သိမ်းယူထားသည်။လယ်သမား သမဂ္ဂများ ဖွဲ့စည်းနိုင်ရေး အစိုးရအား တရားဝင်တင်ပြသွားမှာဖြစ်ပြီး တောင်သူလယ်သမား အခွင့်အရေး ကာကွယ်သည့် သင်တန်းများ၊ တောင်သူများ သိသင့်သိထိုက်သည့် ဥပဒေများအား ကျွမ်းကျင်သူများနှင့် တိုင်ပင်ကာ ပို့ချသွားမည်ဟု ဆိုသည်။

“ဘဘ ဝိဓူရ သခင်ချစ်မောင်တို့ လုပ်ခဲ့တဲ့ အတိုင်းပဲ ကျမတို့လုပ်မယ်။ အရင် တောင်သူလယ်သမား သမဂ္ဂအလံက အနီအောက်ခံမှာ ကြယ်ဖြူတလုံးတည်း။ ဘဘတို့ ခေတ်တုန်းက တရားပွဲတွေ၊ ဟောပြောပွဲလုပ်ခဲ့တယ်။ တောင်သူ လယ်သမားတွေကို အကာအကွယ်ပေးဖို့ တနိုင်ငံလုံးနဲ့ဆိုင်တဲ့ တောင်သူလယ်သမားအဖွဲ့ကြီး တဖွဲ့ ပေါ်ဖို့ ကြိုးစား ခဲ့ဖူးတယ်” ဟု ပြောသည်။

၁၉၃၉ ခုနှစ်က မြန်မာနိုင်ငံတွင် ပထမဆုံး ပေါ်ပေါက်လာသည့် ဗမာနိုင်ငံလုံးဆိုင်ရာ တောင်သူလယ်သမား အစည်းအရုံး (ဗတလစ)ကို သခင်မြ ဥက္ကဋ္ဌ အဖြစ် ဆောင်ရွက်ပြီး သခင်အောင်ဆန်း၊ သခင်သန်းထွန်း စသည်တို့က အမှုဆောင်များအဖြစ် ပါဝင်ကာ လွတ်လပ်ရေးကြိုးပမ်းမှုတွင် ရှေ့တန်းမှ ညီညွတ်စွာ ပါဝင်ခဲ့ကြသည်။တလညစ ကိုမူ လွတ်လပ်ရေးရပြီး ၁၉၅ဝ ခုတွင် အာဏာရ ဖဆပလ ၏ ဆိုရှယ်လစ် ပါတီတွင်းမှ သခင်ချစ်မောင်တို့ ဆိုရှယ်နီများ ခွဲထွက်ပြီးနောက် ဖွဲ့စည်းခဲ့ခြင်းဖြစ်ပြီး အတိုက်အခံ ပမညတ တွင် ပါဝင်ခဲ့သည်။ သို့သော် ၁၉၆၂ ခုနှစ် ဗိုလ်ချုပ်ကြီးနေဝင်း ဦးဆောင်၍ စစ်အာဏာသိမ်းပြီးနောက် ဗတလစ၊ တလညစ တို့အပါအဝင် သမဂ္ဂအားလုံး တရားမဝင် ဖျက်သိမ်းခံခဲ့ရသည်။

တရားသေလွှတ်ပေးရန် NLD ဦးဉာဏ်ဝင်း လျှောက်လဲချက် တရားရုံး ပယ်ချ

အမျိုးသားဒီမိုကရေစီအဖွဲ့ချုပ် NLD ၏ ဗဟိုအောင်နိုင်ရေးအဖွဲ့ မန်နေဂျာ ဦးဉာဏ်ဝင်း ကို မမှန်သတင်းပေးမှုဖြင့် စွဲဆိုထားသည့် အမှုအား တရားသေလွှတ်ပေးရန် ဇမ္ဗူသီရီမြို့နယ် တရားလွှတ်ရုံး၌ အင်္ဂါနေ့ ရုံးချိန်းတွင် လျှောက်လဲခဲ့သော်လည်း ပယ်ချလိုက်ကြောင်း ဦးဉာဏ်ဝင်း က ပြောသည်။
ဧပြီလ ၁ ရက်နေ့က ကျင်းပခဲ့သော ကြားဖြတ် ရွေးကောက်ပွဲတွင် ဆန္ဒမဲလက်မှတ် တချို့ပေါ်တွင် ဖယောင်းသုတ် ထားသည်ဟု ဦးဉာဏ်ဝင်း က ရွေးကောက်ပွဲ ကော်မရှင်ထံ သတင်းပို့တိုင်ကြားခဲ့မှုကို မမှန်မကန် သတင်းပေးမှု ပုဒ်မ ၁၈၂ ဖြင့် ပြည်ထောင်စု ရွေးကောက်ပွဲ ကော်မရှင်က တရားစွဲဆိုခဲ့မှုအား တရားသေလွှတ်ပေးရန် လျှောက်လဲချက် အား တရားသူကြီး ဦးမြသိန်း က ပယ်ချခဲ့ခြင်း ဖြစ်သည်။

“ဒါက ဥပဒေအရ တရားစွဲနိုင်တာက မမှန်သတင်းပေးခံရတဲ့လူ၊ ဒါမှမဟုတ် သူ့ထက် ရာထူးအဆင့် အနိမ့်အမြင့်ပဲ စွဲရမှာ။ အခုဟာက ပြည်ထောင်စု ရွေးကောက်ပွဲကော်မရှင်ရဲ့ ရုံးအဖွဲ့က ညွန်ကြားရေးမှူးက စွဲတာ ဥပဒေပြဋ္ဌာန်းချက် အရ ဒီလိုစွဲခွင့် မရှိဘူး။ ရုံးက တနာရီလောက်ပဲ စဉ်းစားပြီးတော့ ဒါက ပြည်ထောင်စု ကော်မရှင် ဆုံးဖြတ်ချက်အရ စွဲတာမို့လို့ နည်းဥပဒေနဲ့ ညီပါတယ်လို့ ကျနော်တို့ လျှောက်လွှာကို ပယ်ပါတယ်” ဟု ဦးဉာဏ်ဝင်း က ပြောသည်။

ပြစ်မှုဆိုင်ရာ ကျင့်ထုံးဥပဒေအရ ပြည်ထောင်စု ရွေးကောက်ပွဲကော်မရှင်က တရားစွဲဆိုပိုင်ခွင့် မရှိဘဲ တိုင်ကြားခံရ သည့် ပုဂ္ဂိုလ်သော်လည်းကောင်း၊ ၎င်းထက်အဆင့် မြင့်သည့် ပြည်သူ့ဝန်ထမ်းသော်လည်းကောင်း တင်ပြမှသာလျှင် တရားစွဲဆိုပိုင်ခွင့် ရှိသည်ဟု ပြဋ္ဌာန်းချက်အရ လျှောက်လဲခဲ့ခြင်း ဖြစ်သည်ဟု ဦးဉာဏ်ဝင်း က ပြောသည်။ မဲပြားအချို့တွင် ဖယောင်းသုတ်သည်ဟု ဦးဉာဏ်ဝင်း က သတင်းပေးပို့သည်မှာ ပြည်ထောင်စု ရွေးကောက်ပွဲကော်မရှင် ဥက္ကဋ္ဌထံ ဖြစ်သည်ဟု သူက ပြောသည်။

ယခု တရားလိုအဖြစ် တရားစွဲဆိုသူမှာ ကော်မရှင် ရုံးအဖွဲ့မှ ညွန်ကြားရေးမှူး ဦးသောင်းလှိုင် ဖြစ်၍ ၎င်းက တရားစွဲဆို ပိုင်ခွင့် မရှိကြောင်း လျှောက်လဲချက်အား ပယ်ချခဲ့၍ တရားသူကြီး၏ ဆုံးဖြတ်ချက်သည် ဥပဒေနှင့် မညီညွတ်ကြောင်း ရှုမြင်သည်ဟု ဦးဉာဏ်ဝင်း က ဆိုသည်။ နံနက် ၁ဝ နာရီမှာ မွန်လွဲ ၂ နာရီထိ မကွေးတိုင်း ကော်မရှင်အဖွဲ့ဝင် တဦးအား စစ်ဆေးမေးမြန်းခဲ့ပြီး နိုဝင်ဘာလ ၁ ရက်နေ့ ရုံးချိန်းအတွက် တရားလိုပြ သက်သေ တဦးသာ စစ်ဆေးရန် လိုတော့သည်ဟု သိရသည်။ ၎င်းအမှုနှင့်ပတ်သက်၍ တရားရုံးမှ စစ်ဆေးနေဆဲ ဆုံးဖြတ်ချက် မချမှတ်မီ ပြစ်မှု ကျူးလွန်သည်ဟု ရေးသားခဲ့သည့် ဟူသော စွပ်စွဲချက်ဖြင့် အပတ်စဉ်ထုတ် ‘ပြည်မြန်မာ’နှင့် ‘Messenger’ ဂျာနယ်တို့အား ဦးဉာဏ်ဝင်း က တရားစွဲဆို ထားသည်။  တရားရုံးအား မထီမဲ့မြင်ပြုမှု ပုဒ်မ ၃ ငြိမ်စွန်းနေသည်ဟူ၍ အောက်တိုဘာလ ၂ ရက်နေ့က တရားစွဲဆိုမှုအားအောက်တိုဘာလ ၂၉ ရက်နေ့တွင် တရားလွှတ်တော်ရုံး၌ တရားလိုဘက်မှ လျှောက်လဲချက်ပေးမည် ဖြစ်ကြောင်း ဦးဉာဏ်ဝင်း က ပြောသည်။

“တရားစွဲထားတာက ပထမအဆင့် ကြားနာမယ်။ ကျနော်တို့ တဖက်တည်းပဲ ကြားနာမယ်။ ပထမအဆင့် ပြီးလို့ လက်ခံလိုက်ပြီဆိုရင် နှစ်ဖက်ကြားနာတာ။ ကျနော်တို့ဘက်က တရားရုံးကို ဦးတိုက်လျှောက်ထားတယ်လို့လျှောက်လဲချက် ပေးရမှာ” ဟု ပြောဆိုသွားသည်။

 ဘင်္ဂလားဒေ့ရှ်-မြန်မာ နယ်စပ် နတ်မြစ်အတွင်း လှေတစီးပေါ်တွင် စိတ်ကြွဆေး အလုံး ၄၀၀၀၀ ကျော်နှင့် မြန်မာနိုင်ငံသား ၃ ဦး ကို ပြီးခဲ့သည့် စနေနေ့ က ဘင်္ဂလားဒေ့ရှ် နယ်ခြားစောင့် တပ်က ဖမ်းမိကြောင်း သတင်းရသည်။ ယင်း စိတ်ကြွဆေးများသည် မြန် မာ နိုင်ငံဘက်မှ ဘင်္ဂလားဒေ့ရှ် နိုင်ငံဘက်သို့ မှောင်ခိုသွင်းလာခြင်း ဖြစ်ကြောင်း၊ အောက်တိုဘာ ၁၁ ရက်နေ့ကလည်း ဘင်္ဂလား ဒေ့ရှ် နိုင်ငံဘက် မှောင်ခိုသွင်းမည့် မြန်မာနိုင်ငံထုတ် ဘီယာ အလုံး ၃၀၀၀ နီးပါးကို နတ်မြစ်အတွင်း လှေတစီးပေါ်၌ ဖမ်းမိခဲ့ကြောင်း ဘင်္ဂလားဒေ့ရှ် နယ်ခြားစောင့် တပ်က ပြောသည်။

ကော့သောင်း ကျောက်မီးသွေးသုံး လျှပ်စစ်စက်ရုံအား ဆန္ဒပြ

တနင်္သာရီတိုင်း၊ ကော့သောင်းမြို့ လူနေအိမ်များအနီး တည်ဆောက်ထားသည့်
ကျောက်မီးသွေးသုံး လျှပ်စစ် ဓါတ်အားပေးစက်ရုံကို ဖျက်သိမ်းပေးရန် (သို့) အစားထိုး လောင်စာဆီဖြင့် လည်ပတ်ပေးရန်အတွက် ဒေသခံများက အင်္ဂါနေ့တွင် ပထမဆုံးအကြိမ်အဖြစ် စီတန်းလှည့်လည် ဆန္ဒပြခဲ့ကြသည်။ဆန္ဒပြခွင့်ရရန် သြဂုတ်လအတွင်းက မြို့နယ်နှင့် တိုင်းသို့ အဆင့်ဆင့် တင်ပြခဲ့သော်လည်း လူဦးရေ များပြားခြင်းနှင့် စီတန်းလှည့်လည်ချိန် ကြာမြင့်၍ ခွင့်ပြုမိန့် မရခဲ့သော်လည်း လူဦးရေနှင့် စီတန်းလှည့်လည်ချိန် လျှော့ချကာ ထပ်မံ တင်ပြပြီးနောက် အောက်တိုဘာလ ၁၃ ရက်နေ့တွင် လူဦးရေ ၅ဝ၊ အချိန် ၃ နာရီ ဝန်းကျင်ခန့်ဖြင့် ခွင့်ပြုမိန့် ရခဲ့ခြင်းဖြစ်သည်။

ဆန္ဒပြသူများက “ကျောက်မီးသွေး အလိုမရှိ”၊ “အဆိပ်ရှိ မိုးတိမ်များ အလိုမရှိ”၊ “အန္တရာယ်ကို ခေါင်းပေါ် မရွက်ကြပါ နဲ့” စသည့် ပိုစတာ စာသား ၁၇ မျိုးကို ကိုင်ဆောင်ထားကြပြီး “ကျောက်မီးသွေးစက်ရုံ လုံးဝ (လုံးဝ) ဖျက်သိမ်းပေးရေး” ကြွေးကြော်သံများဖြင့် မြို့ပေါ် ၁ဝ ရပ်ကွက်အတွင်း စီတန်းလှည့်လည်ခဲ့ကြသည်။

“ကျနော်တို့က လူလည်း နည်းတယ်။ ရဲတွေကလည်း လုံခြုံရေး ပေးတယ်။ ဘာမှ အနှောင့်အယှက် မရှိပါဘူး။ ချောချောမောမောပါပဲ” ဟု ဆန္ဒပြပွဲကို ဦးဆောင်စီစဉ်သူ ကော့သောင်း ဒီမိုကရက်တစ်ပါတီ (မြန်မာ) မှ ကိုသန်းထွန်း က ပြောသည်။

ဆန္ဒပြရာလမ်းတလျှောက်တွင် ခရိုင်နှင့် မြို့နယ် ရဲတပ်ဖွဲ့ဝင် အင်အား ၂ဝ က လုံခြုံရေးအတွက် လိုက်ပါ
စောင့်ရှောက်ပေးခဲ့သည်ဟုလည်း ကော့သောင်း မြို့မရဲစခန်းက အတည်ပြု ပြောကြားသည်။
ဆန္ဒမပြမီ တနင်္လာနေ့ ညပိုင်းတွင် ကျောက်မီးသွေးသုံး စက်ရုံ ထောက်ခံကြောင်း နံရံကပ်စာများ လိုက်လံကပ်ထား သည်ကို ရဲများက လိုက်လံခွာယူရခြင်းမှအပ အခြား အနှောင့်အယှက်များ မရှိဟုလည်း ဆိုသည်။ဆန္ဒပြရာတွင် ပါဝင်သူတဦးက “စက်ရုံက ကျမတို့ ရပ်ကွက်မှာ ရှိတယ်။ ဆိုးကျိုးကို ကြားသိရတော့ ကျမတို့အတွက် စိတ်အနှောင့်အယှက် ဖြစ်တယ်။ ဒါ့ကြောင့် ဒီလို ဆန္ဒပြဖို့ ဖြစ်လာတာ” ဟု ပြောသည်။
ဆန္ဒပြလိုသူ အများအပြား ရှိသော်လည်း လူဦးရေ ကန့်သတ်ထားသည့်အတွက် အခြားသူများ ဆန္ဒပြရာတွင် ပါဝင်နိုင်ခြင်း မရှိဟုလည်း ၎င်းက ပြောသည်။

ရွှေပြည်သာနှင့် အေးရိပ်ငြိမ် ရပ်ကွက်ကြားရှိ သန်းဖြိုးသူ ကုမ္ပဏီ လိမိတက်ပိုင် စက်ရုံသည် လူနေအိမ်နှင့်
ပေအနည်းငယ် သာ ကွာဝေးပြီး သောက်သုံးရေအဖြစ် အားထားနေရသည့် ယင်းဝါ ရေလှောင်တမံနှင့် မိုင်ဝက်ခန့် သာ ကွာဝေးသည့်အတွက် ဆိုးကျိုးများ ဖြစ်ပေါ်လာနိုင်သည်ဟု ဆန္ဒပြသူများက ဆိုသည်။
၂ဝ၁၁ ခုနှစ်၊ အောက်တိုဘာလကပင် စက်ရုံဆောက်လုပ်ခြင်း ရပ်တန့်ပေးရန် ကန့်ကွက်ခဲ့ပြီး သမ္မတထံသို့လည်း အကြိမ်ကြိမ် အသနားခံ တင်ပြခဲ့ကြသော်လည်း ထူးခြားမှု မရှိခဲ့ကြောင်း ဒေသခံများက ပြောသည်။စက်ရုံ တာဝန်ရှိသူများဘက်ကမူ စက်ရုံကို ကောင်းမွန်သည့် တရုတ်နည်းပညာဖြင့် လည်ပတ်မည် ဖြစ်သည့်အတွက် ပတ်ဝန်းကျင် ထိခိုက်မှု မရှိနိုင်ကြောင်း ပြောဆိုခဲ့ပြီး လည်ပတ်ရန် ပြင်ဆင်နေဆဲ ဖြစ်သည်။

ကုမ္ပဏီက မြို့ပေါ် ၁ဝ ရပ်ကွက်သို့ တယူနစ်လျှင် ကျပ် ၂ဝဝ နှုန်းဖြင့် လျှပ်စစ်ဓါတ်အား ဖြန့်ဝေမည် ဖြစ်ပြီး စတင် လည်ပတ်ပါက ယူနစ် ၁၅ဝ ကို အခမဲ့ ပေးဝေမည်ဟု ကြေညာထားသည်။ ဒေသခံမျာကမူ လက်ရှိ သုံးစွဲနေရသည့် လျှပ်စစ်ဓါတ်အား နှုန်းထားထက် များစွာ သက်သာသည့်အတွက် လိုလားကြသော်လည်း အန္တရာယ် ကင်းသည့် လျှပ်စစ်ဓါတ်အားကိုသာ လိုချင်ကြကြောင်း လက်ရှိ ကော့သောင်းမြို့တွင် ဖိုးသီးချို (P.T.C ) မီးလင်းရေးမှ တယူနစ်လျှင် ၆ဝဝ ကျပ်ကျော် နှုန်းဖြင့် လျှပ်စစ်ဓါတ်အား ဖြန့်ဝေလျက် ရှိသည်။
တနင်္သာရီတိုင်းတွင် မဂ္ဂါဝပ် ၄,ဝဝဝ ထုတ် ထားဝယ်၊ ၈ မဂ္ဂါဝပ်ထုတ် ကော့သောင်းနှင့် ၅ဝ မဂ္ဂါဝပ်ထုတ် မြိတ်
ကျောက်မီးသွေး လောင်စာသုံး လျှပ်စစ်ဓါတ်အားပေး စက်ရုံ စီမံကိန်း သုံးခု ရှိခဲ့ရာ ဒေသခံများ၏ ကန့်ကွက်မှုကြောင့် ထားဝယ် ရေနက် ဆိပ်ကမ်း၏ အစိတ်အပိုင်း တခု ဖြစ်သည့် ထားဝယ် ကျောက်မီးသွေးသုံး စက်ရုံကို ဇန်နဝါရီ လဆန်းပိုင်းတွင် အစိုးရက ရပ်ဆိုင်းပေးမည်ဟု ကြေညာခဲ့ရသည်။

ကျန်စက်ရုံ နှစ်ခုမှာလည်း ကန့်ကွက်မှုများနှင့် ကြုံနေရဆဲ ဖြစ်ပြီး မြိတ်မြို့၏ အရှေ့ဘက် ၁၇ မိုင်အကွာ လော့လော့ကျေးရွာ အနီးရှိ ၅ဝ မဂ္ဂါဝပ် ထုတ်လွှတ်မည့် ကျောက်မီးသွေးသုံး စက်ရုံ ဆောက်လုပ်မည့် စီမံကိန်းကိုလည်း ဖျက်သိမ်းပေးရန် ဒေသခံများက သမ္မတထံ နှစ်ကြိမ်တိုင် အသနားခံစာ တင်ပြခဲ့ပြီး ဖြစ်သည်။
ပအိုးဝ် လူငယ်များ အစည်းအရုံးမှ ၂ဝ၁၁ ခုနှစ်တွင် ထုတ်ပြန်သည့် ‘အဆိပ်သင့် တိမ်များ’ အစီရင်ခံစာအရ
မြန်မာနိုင်ငံတွင် ကျောက်မီးသွေး လောင်စာသုံး လျှပ်စစ်ဓါတ်အားပေး စက်ရုံ ခုနှစ်ရုံ ရှိသည့်အနက် မဂ္ဂါဝပ် ၁၂ဝ ထုတ် တီကျစ်နှင့် မဂ္ဂါဝပ် ၃၆၉ ထုတ် မိုင်းခုတ် ကျောက်မီးသွေး လျှပ်စစ်ဓါတ်အားပေး စက်ရုံများမှာ လည်ပတ် လျက်ရှိပြီး ကျန် ငါးရုံမှာ လျာထားအဆင့်တွင် ရှိကြောင်း သိရသည်။

LWIN PWIN

NLABR

Web-site:                   www.nlabr.com

Blog:                         http://wanna23-23.blogspot.com/

Facebook:                   Sa Maung