မြန်မာပြည်မှပေးပို့သောနောက်ဆုံးဖြစ်ရပ်မှန်သတင်းများ ဇန်နဝါရီလ ၂၆ ရက်၊ ၂၀၁၂

          ***ကောင်းသတင်းလေး...ကောင်းသတင်းလေး***

 

တီယင်မင်ရင်ပြင် ကျောင်းသားမျိုးဆက်များ(အောင်မိုးဝင်း)

၁၉၈၉ တီယင်မင်ရင်ပြင်ကျောင်းသားလှုပ်ရှားမှုမှာ ပါဝင်ခဲ့တဲ့ကျောင်သားတွေအကြောင်းကို ကိုယ်ချင်းစာစိတ်နဲ့ လေ့လာဖတ်ရှု ကြည့်မိခဲ့တယ်။ တရုပ်ပြည်ကြီး စီးပွားရေးတိုးတက်လာပြီး အနာဂတ်အတွက်၊ကောင်းမွန်တဲ့ဟောကိန်းတွေ၊ မျှော်လင့်ချက်တွေနဲ့ ပြောဆိုနေကြပေမဲ့ တရုပ်ပြည်ရဲ့ အကျဉ်းထောင်ထဲမှာတော့ လူ့အခွင့်အရေးအတွက် တောင်းဆိုတိုက်ပွဲဝင်သူတွေဟာ နည်းပေါင်းစုံ နှိပ်စက် ညှင်းပမ်းခံနေကြရတယ်။ တဘက်မှာတော့ တရုပ်ပြည်ကြီးရဲ့ ကျယ်ပြန့်တဲ့ဈေးကွက် နဲ့ လူသားအရင်းအမြစ်တွေကို ဈေးပေါပေါ အသုံးချနေတဲ့ နိုင်ငံတကာအသိုင်းအဝိုင်းဟာ မျက်နှာနှစ်ဖက်နဲ့ မေတ္တာမျှတဲ့ ရည်းစားစကားတွေကိုသာ တသွင်သွင်ပြောနေခဲ့တယ်။ တီယင်မင်ရင်ပြင်လှုပ်ရှားမှုမှာ ပါဝင်ခဲ့တဲ့ကျောင်းသားတွေကလည်း သူတို့ရဲ့ဘဝတွေကို ပုံသဏ္ဍန်မျိုးစုံ မြှုပ်နှံလိုက်ကြတယ်။ တချို့က လယ်သမားတွေကြားထဲမှာ၊ တချို့က အလုပ်သမားထု ရဲ့ နစ်နာချက်တွေအတွက် တောင်းဆိုတိုက်ပွဲဝင်သံတွေကြားမှာ၊ တချို့က လူ့အခွင့်အရေးမြှင့်တင်ရေးကြွေးကြော်သံတွေကြားထဲမှာ---------
“ကမ္ဘာပျက်တဲ့နေ့မှာ ကျနော်တို့တတွေ လူပြန်ဖြစ်ခွင့်ရတယ်” တဲ့။ ၈၈ မျိုးဆက်ကျောင်းသားခေါင်းဆောင်တွေရဲ့ ရင်ဖွင့်သံကို ကျနော်ကိုယ်ချင်းစာနားလည်နေခဲ့မိတယ်။ တကယ်တော့ တီယင်မင်ရင်ပြင်ကျောင်းသားလှုပ်ရှားမှုကို ဦးဆောင်ခဲ့တဲ့ ကျောင်းသားတွေနဲ့ ကျနော်တို့နိုင်ငံက ကျောင်းသားမျိုးဆက်တွေရဲ့ ခံစားမှုတွေ၊ ရည်ရွယ်ချက်တွေက အတူတူပါပဲ။ တရားမျှတပြီး လူ့အခွင့်အရေးကို လေးစားလိုက်နာတဲ့ အစိုးရတရပ် ဖွဲ့ချင်တယ်။ ပြည်သူတွေရဲ့ဘဝကို လုံခြုံစေချင်ကြတယ်။ဒီတပတ် လွတ်လပ်တဲ့အာရှအသံ ( RFA) ရဲ့ အင်္ဂါနေ့ညပိုင်း အစီအစဉ်မှာ တရုပ်ပြည် တီယင်မင်ရင်ပြင်ကျောင်းသားမျိုးဆက် များရဲ့ ဒီမိုကရေစီရေးလှုပ်ရှားမှု အကြောင်းတွေကို တင်ပြထားပါတယ်။
“တရုတ်ပြည်သူအပေါင်းတို့   ---           ရင်ပြင်နီဟာ ငါတို့အတွက် ဖြစ်တယ်။                                                                          ငါတို့ခြေထောက်တွေဟာ ငါတို့အတွက်ဖြစ်တယ်။                                                                                                                  
ငါ တို့ ခြေထောက်တွေကို အသုံးပြုပြီး ရင်ပြင်နီဆီကို ချီတက်ကြမယ်။        
                                             (ကဗျာဆရာ ချူယူဖူ )                                                      
သောတရှင်များခင်ဗျား
ချာတာ ၂၀၀၈ လို့ ခေါ်တဲ့ ဒီမိုကရေစီကြေငြာစာတမ်းမှာ ပါဝင်ရေးသားလှုံ့ဆော်ခဲ့တဲ့ “လူရှောက်ဘို”  အပါအဝင် ပညာတတ် အများအပြားကို တရုတ်ကွန်မြူနစ်ပါတီဟာ ဖမ်းဆီးထောင်ချခဲ့ပေမဲ့ လူ့အခွင့်အရေးကြွေးကြော်သံတွေနဲ့ ဒီမိုကရေစီရေးလှုပ်ရှားမှု တွေက ရပ်တန့်မသွားခဲ့ပါဘူး။ ကဗျာဆရာ “ချူယူဖူ” က တရုပ်ပြည်သူတွေအနေနဲ့ ဒီမိုကရေစီ နဲ့ လွတ်လပ်မှုကို ကာကွယ်တားဆီး ဖို့အတွက် ရုန်းကြွချိန်တန်ပြီ ဆိုတဲ့ အထက်ပါကဗျာတပုဒ်ဟာ တရုပ်ပြည်ကွန်မြူနစ်ပါတီကို ဒေါသထွက်စေခဲ့ပါတယ်။  ဒါကြောင့်လည်း ကဗျာဆရာ “ချူယူဖူ” ကို ဖမ်းဆီး  ထိန်းသိမ်းလိုက်ပါတယ်။
“တကယ်တော့ တရုပ်ကွန်မြူနစ်ပါတီဟာ ၁၉၈၉ တီယင်မင်ရင်ပြင်ကျောင်းသားလှုပ်ရှားမှု ကို သွေးထွက်သံယိုမှုတွေနဲ့ဖြိုခွဲနိုင်ခဲ့ပေမဲ့ သူတို့ရဲ့လွတ်မြောက်ရေးဝိညာဉ်တွေကို ရပ်တန့်အောင် မလုပ်နိုင်ခဲ့ဘူး။ တီယင်မင် ရင်ပြင်လှုပ်ရှားမှုမှာ ပါဝင်ခဲ့ကြတဲ့ ကျောင်းသားတွေဟာ အကျဉ်းထောင်အသီးသီးက လွတ်မြောက်ပြီး သူတို့ရဲ့ ဒေသတွေဆီကို ပြန်ရောက်သွားတဲ့အခါ သူတို့ခါးခါးသီးသီး ခံစားခဲ့ကြရတဲ့ တရုတ်ပြည် အကျဉ်းထောင်ထဲက လူ့အခွင့်အရေးချိုးဖောက်မှုတွေ၊ တရုပ်ကွန်မြူနစ်ပါတီရဲ့ အာဏာအလွဲသုံးစားလုပ်မှုတွေကို ဆက်လက်ဝေဖန်ရေးသားခဲ့ကြတယ်။ ကဗျာဆရာ ချူယူဖူ ဟာ ၁၉၉၉ မှာ “ အတိုက်အခံပါတီ” လို့ ခေါ်တဲ့ မြေအောက် ဒီမိုကရေစီပါတီကို ထူထောင်ဖွဲ့စည်းခဲ့၊ မဂ္ဂဇင်းထုတ်ဝေခဲ့တဲ့အတွက် ထောင်ဒဏ် (၇) နှစ် အပြစ်ပေးခြင်း  ခံရတယ်။ ထောင်ကလွတ်လာတော့ သူဟာ တရုပ်ပြည်အကျဉ်းထောင်တွေဆီက ဖမ်းဆီးနှိပ်စက်မှု၊ လူအခွင့်အရေး ချိုးဖောက်မှုတွေကို ထုတ်ဖေါ်ပြောကြားခဲ့တဲ့အတွက် အာဏာပိုင်တွေနဲ့ ထိပ်တိုက် တွေ့ခဲ့တယ်။ ၂၀၀၇ ခုနှစ်မှာ ရဲအရာရှိတွေကို ဝတ္တရားနှောက်ရှက်မှု ဆိုတဲ့အကြောင်းပြချက်နဲ့  ထပ်မံထိန်းသိမ်းခဲ့တယ်။ သူ့ရဲ့ ကွန်ပြူတာတွေကို သိမ်းယူခဲ့တယ်။ အကြောင်းပြချက်ကတော့ ကဗျာဆရာ ချူယူဖူ ဟာ အင်တာနက် ကွန်ယက်တွေကနေ တရုပ်ပြည်ကြီးကို မတည်မငြိမ်ဖြစ်အောင် လုပ်နေတယ်ပေါ့။ သူပြန်လွတ်လာပြီး နောက်တနှစ်မှာ တရုပ်ပြည်ကြီးကို အဖျက်အမှောင့် လုပ်ငန်းတွေ လုပ်နေတယ် ဆိုတဲ့အကြောင်းပြချက်နဲ့ ထပ်မံဖမ်းဆီးခဲ့ပြန်တယ်။”
ဆီချွမ်ပြည်နယ်က ထင်ရှားတဲ့ လူ့အခွင့်အရေးလှုပ်ရှားမှုခေါင်းဆောင်တွေနဲ့ တရုပ်ကွန်မြူနစ်ပါတီရဲ့လူ့အခွင့်အရေးချိုးဖောက်မှုတွေကို  ဝေဖန်ခဲ့တဲ့  “လူရှင်ဘင်း” တို့ဆိုရင် တီယင်မင် ရင်ပြင် ကျောင်းသားလှုပ်ရှားမှုတုံးက ပါဝင်ခဲ့တဲ့အတွက် ဖမ်းဆီးထိန်းသိမ်းခံရတဲ့  သူတွေဖြစ်ပါတယ်။ ၁၉၉၁ မှာ ထောင်ကလွတ်မြောက်ခဲ့တဲ့ လူရှင်ဘင်းဟာ  သူ့မြို့လေးမှာ ပြန်ရောက်သွားတယ်။ တရုပ်ကွန်မြူနစ်ပါတီရဲ့ ဖိနှိပ်မှုကို ဝေဖန်ခဲ့တဲ့အတွက် ဖမ်းဆီးခံခဲ့ရပြန်တယ်။ ထောင်ကပြန်လည် လွတ်မြောက်လာပြန်တော့လည်း ၁၉၉၅ မှာ ဝမ်ဒမ်း၊ လူလျှောက်ဘို တို့နဲ့အတူ၊ “ဒီမိုကရေစီ မြှင့်တင်ရေးနှင့် ဥပဒေစိုးမိုးမှု သွေးစက်ခြေရာများမှ သင်ခန်းစာများ” ဆိုတဲ့ စာတမ်းကို ရေးသားရာမှာ ဝင်ရောက်လက်မှတ်ရေးထိုးခဲ့တယ်။ တရုပ်အစိုးရက ဖမ်းဆီးပြန်တယ်။
၁၉၉၈ မှာ တရုပ်အမျိုးသားကွန်ဂယက်ကို အိပ်ဖွင့်ပေးစာတစောင်ပေးပို့ပြီး လူ့အခွင့်အရေးကို မြှင့်တင်ဖို့၊ လူ့အခွင့်အရေးညီလာခံမှာ သဘောတူလက်မှတ်ရေးထိုးဖို့ တိုက်တွန်းခဲ့တယ်။ ၁၉၉၀ နှစ်တလျှောက်လုံးမှာ လူရှင်ဘင်း ဟာ ချုံကင်းပြည်နယ်မှာ “ဒီမိုကရေစီပါတီ” ဋ္ဌာနခွဲတွေကို ဖွင့်လှစ်ဖို့အတွက် လူ့အခွင့်အရေးတက်ကြွလှုပ်ရှားသူတွေနဲ့ ပူးပေါင်းပြီး မရပ်မနားဆောင်ရွက် ခဲ့တယ်။ ၁၉၉၉ ဒီမိုကရေစီ ပါတီကို တည်ထောင်ခဲ့တဲ့အတွက် ၁၃ နှစ်ကျတယ်
၂၀၀၈ မှာ လွှတ်ပေးခဲ့ပေမဲ့ သူဟာ လူလျှောက်ဘို နဲ့ အတူ ၂၀၀၈ ဒီမိုကရေစီကြေငြာစာတမ်းမှာ လက်မှတ်ရေးထိုးခဲ့ပြီး ဒီမိုကရေစီနည်းကျတဲ့ပြောင်းလဲမှုတွေကို လုပ်ဖို့ တရုပ်အစိုးရကို ဖိအားပေးခဲ့ပါတယ်။
“ဗက်ကလပ်ဇ် ဟာဗယ် ရဲ့ မျက်လုံးနဲ့ တရုပ်ပြည်ကို ရှုမြင်ကြည့်ခြင်း ” ၊ 
“ကျောက်ကျိယန်သေဆုံးပြီး ငါးနှစ်အကြာ”  “လမ်းပေါ်က လှုပ်ရှားမှုတွေဟာ တရုပ်ပြည် ဒီမိုကရက်တစ်လှုပ်ရှားမှုအတွက် အရေးပါတဲ့ နည်းဗျူဟာဖြစ်တယ်”   “ကိုယ်ပိုင်တဲ့ အိမ်မှာ ကိုယ်သာလျင် အရှင်သခင်ဖြစ်တယ်”                                                                  “ တရုပ်ဒီမိုကရေစီလှုပ်ရှားမှု အနှစ် (၂၀) အတွေ့အကြုံများ”  စတဲ့ဆောင်းပါးတွေကို တရုပ်ပြည် ပြည်ပ နဲ့ နယ်စပ်ဒေသ မှာ ထုတ်ဝေတဲ့စာစောင်တွေဖြစ်တဲ့  “ပီကင်းနွေဦး” “ ဒီမိုကရက်တစ်တရုပ်ပြည်၊ “ပြည်သူနှင့် လူ့အခွင့်အရေး” မဂ္ဂဇင်းတွေထဲမှာ  ရေးသားခဲ့တယ်။ ဆီချွင်းငလျင်ကြောင့် စာသင်ကျောင်းတွေပြိုကျ၊ ကျောင်းသားတွေ အမြောက်အမြားသေဆုံးခဲ့မှုဟာ တရုပ်အစိုးရရဲ့ တာဝန်ပေါ့လျှော့မှုကြောင့်ဖြစ်တယ် လို့ ဝေဖန်ခဲ့မှုကြောင့်  တရုပ်ကွန်မြူနစ်ပါတီက သူ့ကို တန်ပြန်တော်လှန်ရေးလှုံဆော်သူ အဖြစ်သတ်မှတ်ပြီး ထောင်ဒဏ် (၁၀) နှစ် ချမှတ်ခဲ့ပြန်တယ်။
လူလျှောက်ဘို နဲ့ လုပ်ဖေါ်ကိုင်ဘက်တွေဖြစ်ကြတဲ့ လူ့အခွင့်အရေးလှုပ်ရှားမှုခေါင်းဆောင်တွေဖြစ်တဲ့ “ ချန်ရှီ” “ချန်ဝေ” တို့ဟာလည်း ၁၉၈၉ တီယင်မင် ရင်ပြင်ကျောင်းသားလှုပ်ရှားမှုမှာ ပါဝင်ခဲ့ပြီး ဖမ်းဆီးထိန်းသိမ်းခံရတယ်။ အကျဉ်းထောင်တွေဆီက လွတ်မြောက်လာတော့လည်း လွတ်မြောက်မှုနဲ့ဒီမိုကရေစီရေးအတွက် အင်တာနက် မှာ ဆောင်းပါးများစွာကို ရေးသားခဲ့ကြတယ်။  ဒါကြောင့်လည်း သူတို့တတွေဟာ အကြိမ်ကြိမ်အဖမ်းခံခဲ့ရပြန်တယ်။ ထုံးစံအတိုင်း  တန်ပြန်တော်လှန်ရေးသမားများလို့  စွပ်စွဲခံရပြီး  ထောင်ဒဏ် (၁၀) နှစ် နဲ့ (၉) နှစ်အသီးသီး  ချမှတ်ခဲ့တယ်။ ကွန်မြူနစ်ပါတီက ချုပ်ကိုင်ထားတဲ့ တရားရုံးမှာ ပြန်လည်လျှောက်လှဲခွင့် ဘာတခုမှ မရခဲ့ပေမဲ့ သူတို့ကတော့ “ ဒီမိုကရေစီစံနစ် ဟာ အောင်နိုင်လိမ့်မယ်။ အာဏာရှင် စံနစ် ကျဆုံးရမယ်” လို့ အော်ဟစ်ပြီး အကျဉ်းထောင်ထဲကို ဝင်သွားခဲ့တယ်။  “တကယ်တော့ Article (35) မှာ ပြည်သူတွေဟာ လွတ်လပ်စွာဟောပြောခွင့်၊ လွတ်လပ်စွာ စုရုံးခွင့် နဲ့ လွပ်လပ်စွာ အဖွဲ့အစည်းထူထောင်ပိုင်ခွင့်ရရှိသည်” ဆိုတဲ့အချက်တွေ ပါဝင်တယ်။ ဒါပေမဲ့ တရုပ်ကွန်မြူနစ်ပါတီ ဟာ လူ့အခွင့်အရေး နဲ့ ဒီမိုကရေစီရေး မြှင့်တင်ရေး လှုံ့ဆော်သူ အားလုံးကို တိုင်းပြည်မတည်ငြိမ်အောင် အဖျက်အမှောင့်လုပ်ငန်းတွေ လုပ်ဆောင်နေသူများအဖြစ် စွပ်စွဲဖမ်းဆီးထောင်ချခဲ့တယ်။ တရုပ်ကွန်မြူနစ်ပါတီဟာ တရုပ်ပြည်ရဲ့ ဖွဲ့စည်းအုပ်ချုပ်ပုံ အခြေခံ ဥပဒေကို သူကိုယ်တိုင် ချိုးဖောက်နေသူတွေဖြစ်တယ်။”
 သောတရှင်များခင်ဗျား
 တရုပ်ပြည်ကြီးဟာ (၂၁) ရာစုမှာ စီးပွားရေး၊ နိုင်ငံရေးအရ ဆူပါပါဝါနိုင်ငံတခုဖြစ်လာလိမ့်မယ် လို့ ဟောကိန်းထုတ်နေကြပေမဲ့၊ ၁၉၈၉ ခုနှစ်ကလည်းက ရုန်းကြွလှုပ်ရှားနေတဲ့ ဒီမိုကရေစီရေး လှုပ်ရှားမှုတွေဟာ၊ ဒဏ်ရာအနာတရတွေနဲ့ တလူးလူးတလိမ့်လိမ့် ဖြစ်နေခဲ့ရပါတယ်။ ဒီအချက်ဟာ တရုပ်ပြည်ကွန်မြူနစ်ပါတီရဲ့ ဂုဏ်သိက္ခာကို အကြီးအကျယ်ထိခိုက်၊ သံသယဖြစ်စေတဲ့အရာ ဖြစ်နေပြန်ပါတယ်။ ဒီမိုကရေစီ လမ်းကြောင်းက လွဲလို့ တခြားရွေးချယ်စရာ မရှိပါလို့ ပြောဆိုနေတဲ့ မြန်မာအစိုးရသစ်ဟာ အတိတ်တုံးက ကျူးလွန်ခဲ့တဲ့ ဖိနှိပ်ချုပ်ချယ်မှုနည်းလမ်းတွေကို ရှောင်ကျဉ်ဖို့လိုပါလိမ့်မယ်။ ပြည်သူတွေ ဒဏ်ရာအနာတရဖြစ်နေသရွေ့၊ အစိုးရတရပ်ရဲ့ ဂုဏ်သိက္ခာဆိုတာ အောက်ဆုံးအဆင့်မှာ ညစ်နွမ်းနေပါလိမ့်မယ်။
သောတရှင် မြန်မာပြည်သူများ- လွတ်လပ်မှုအစစ်အမှန် ထိတွေ့ခံစားနိုင်ကြပြီး၊ လုံခြုံငြိမ်းချမ်းတဲ့ ဘဝတွေကို ပိုင်ဆိုင်ကြပါစေ။

ဗိုလ်ချုပ်ခင်ညွှန့် ထောင်ချနှိပ်စက်ခဲ့တဲ့ ဆရာတော် ဦးသုမင်္ဂလ

ပိဋကတ်သုံးပုံ နှုတ်ငုံ ဆောင်နိုင်တဲ့ ရန်ကုန်မြို့် မဟာဂန္ဓာရုံကျောင်းတိုက် ပဓာန နာယက ဆရာတော် ဦးသုမင်္ဂဆိုတာ မြန်မာပြည်မှာ နာမယ်ကြီးနေတဲ့ ဒယ်အိုးဆရာတော် မဟုတ်ပါ။
 ဆရာတော်ဘုရားကြီး ဦးသုမင်္ဂလ လင်္ကာရဟာ မြန်မာနိုင်ငံက တိပိဋကဘွဲ့ရ ဆရာတော် ၁၁ ပါးအနက် လေးပါးမြောက်ဆရာတော်ဖြစ်ပါတယ်၊ ၁၉၇၃ ခုနှစ် သက်တော် ၂၇ နှစ်အရွယ်မှာ ပိဋကတ် သုံးပုံကို ရေးဖြေ နှုတ်ဖြေ နှစ်မျိုးလုံး အောင်မြင်တော်မူတဲ့အတွက် တိပိဋကဓရ၊ တိပိဋကဝိဒ ဘွဲ့တော်နှစ်မျိုး ရခဲ့သူ ဖြစ်ပါတယ်။
 ဆရာတော်ဘုရားကြီး ဦးသုမင်္ဂလ လင်္ကာရဟာ ပတ္တနိက္ကုစ္စနကံဆောင်ပီး သပိတ်မှောက်တဲ့အတွက် မြန်မာစစ်အစိုးရက ၁၉၉ဝ ခုနှစ်ထဲမှာဖမ်းဆီးပီး နှိပ်စက်မှုတွေလုပ်ခဲ့တယ်။ ထောင်ကလွတ်အပီးမှာ စစ်အစိုးရက ဆရာတော်ကို ပြန်လည်စောင့်ရှောက်ပီး ၅ထပ် ကျောင်းတိုက်ကြီးလှူခဲ့ပါတယ်၊
 ဆရာတော်ဘုရားကြီး ဦးသုမင်္ဂလ လင်္ကာရဟာ ၂၀၀၆ခု စက်တင်ဘာ ၂၄ ရက်နေ့ မနက်ပိုင်းက ဘန်ကောက်က ရန်ကုန်အပြန် ဘန်ကောက်လေဆိပ်မှာ ဘဝနတ်ထံ ပျံလွန်တော်မူသွားပါတယ်။ ထိုင်းနိုင်ငံ ဘန်ကောက်မြို့မှာ ၂ဝဝ၄ ခုနှစ်ကစပီး ၂၆ ကြိမ်တိုင် ဆေးဝါးကုသမှုခံယူနေရသူ ဖြစ်ပါတယ်။ ရန်ကုန်မှာဘဲ ဆေးကုသတော့မယ်ဆိုပီး အပြန် ဘန်ကောက်လေဆိပ်မှာ ခုလို ပျံလွန်တော်မူခဲ့တာ ဖြစ်ပါတယ်။
 ဆရာတော်ကြီးရဲ့ ရုပ်ကလာပ်ကို ထိုင်းနိုင်ငံကနေ ရန်ကုန်ပြန်သယ်ဘို့အတွက် ဆရာတော်ကြီးကို ကြည်ညိုပီး ဆေးကုသစရိတ်တွေ တာဝန်ယူခဲ့တဲ့ ထိုင်းဗိုလ်ချုပ်ကြီး Wichit Yatib က လေယာဉ် စင်းလုံးငှားပီး ကူညီခဲ့တယ်။
 ဆရာတော်ဘုရားကြီး ဦးသုမင်္ဂလ လင်္ကာရရဲ့ အန္တိမ ဈာပနကို ရန်ကုန်မြို့ မဟာဂန္ဓာရုံကျောင်းတိုက်မှာ တရားပွဲသုံးရက်နဲ့ ကျင်းပခဲ့တယ်။ စက်တင်ဘာ ၂၇ ရက်မှာ ဆရာတော် ဦးဆေကိန္ဒနဲ့ ယောဆရာတော်က တရားဟောပြီး စက်တင်ဘာ ၂၈ ရက်မှာ ချမ်းမြေ့ဆရာတော်နဲ့ တံွံတေးဆရာတော် ဦးဣန္ဒကတို့က တရားဟောပါတယ်။ စက်တင်ဘာ ၂၉ ရက်မှာ သီတဂူဆရာတော်က တရားဟောပြီး စက်တင်ဘာ ၃ဝ ရက်နေ့ ရန်ကုန် ရေဝေးသုဿန် သီးသန့်ကွင်းမှာ လောင်တိုက်တွေနဲ့ ပူဇော်ပါတယ်၊ ဆရာတော်ဘုရားကြီး ဦးသုမင်္ဂလ လင်္ကာရဟာ ပျံလွန်တော်မူချိန်မှာ သက်တော် ၆ဝ ဝါတော် ၄ဝ ရှိပြီဖြစ်ပါတယ်။   
ဦးခင်ညွန့် ဖမ်းဆီး ထောင်ချခဲ့ တဲ့ "တိပိဋကဓရ ဆရာတော် အရှင်သုမင်္ဂလာလင်္ကာရ"
"သံဃာ့ဂိုဏ်း မသင့်စေဖို့ "
 မိမိသည် နိုင်ငံရေး ဘုန်းကြီးလည်း မဟုတ်ပါ နိုင်ငံရေး ပိုစ့်များလည်း မရေးပါ
သို့ သော် ရေးချိန်တန်လာသောကြောင့် ရေးလိုက်ပါသည်
 ­"အမရပူရ မဟာဂန္ဓာရုံဆရာတော် အရှင်ဇနကာဘိဝံသ"
 သံဃာတော်များအတွက် ပရိယတ္တိသာသနာနှင့်ဆိုင်သော ကျမ်းစာအားလုံး
ရေးသားတော်မူခဲ့သည် ။ သုတ္တန်ဘာသာ ဋီကာ တအုပ်သာ ရေးဖို့ ကျန်ခဲ့သည်
ရုပ်ပုံ ရှင်ကျင့်ဝတ်မှ စ၍ အခြေပြုသဒ္ဒါ နာမ်ဂိုဏ်းစဉ် အာချာတ်ဂိုဏ်းစဉ် မှသည်
အဆင့်မြင့်မားလွန်းသော စာပေများ သံဃာထု အားလုံး အသုံးပြုကြရသည်
 လူများအတွက် ရတနာဂုဏ်ရည် ကိုယ်ကျင့်အဘိဓမ္မာ မှသည် အဆင့်မြင့် ပုဂ္ဂိုလ်
ဖြစ်နိုင်သည့်အထိ ကျမ်းစာပေါင်း များစွာ ရေးသားတော်မူသည်
 သာသနာတော်ဝယ် နေလိုလလို ထွန်းထောက်တော်မူခဲ့၍ ၂၁ ရာစု ဗုဒ္ဓဃောသ ဟုပင်
နာမည်တွင်ခဲ့ နာမည်တင်နေဆဲဖြစ်သော ဆရာတော်ဖြစ်ပါသည်
"တိပိဋကဓရ ဆရာတော် အရှင်သုမင်္ဂလာလင်္ကာရ"
 အမရပူရ မဟာဂန္ဓာရုံဆရာတော်၏ တပည့်အရင်း တပါးဖြစ်တော်မူသည်။
သက်တော် ၂၇ သိက္ခာ ၀ါတော် ၇ ၀ါမျှဖြင့် တိပိဋကဓရ ဖြစ်တော်မူခဲ့၍
တိပိဋကဓရ ဖြစ်သည်နှစ်တွင် ရန်ကုန်မြို့  ကမ္ဘာအေး မဟာဂန္ဓာရုံ ကျောင်းတိုက်ကိုတည်ထောင်တော်မူသည်

တစ်ကြိမ်ပို့ ချလျှင် တစ်နာရီခွဲ ဖြင့် တစ်နေ့ လျှင် စာဝါ ၇ ၀ါ ၈ ၀ါမျှပို့ ချတော်မူခဲ့သည်
 မန္တလေးမြို့တွင် သံဃာတော်များကို စစ်တပ်မှ ပစ်ခတ်၍မန္တလေးသံဃာထုမှ ဗိုလ်ချုပ်မှုးကြီးစောမောင် ဦးဆောင်သော န၀တ အစိုးရအားသပိတ်မှောက် သံဃာကံပြုတော်မူကြသည်သာသနာအတွက် အသက်စွန့် လှူထားတော်မူသော တိပိဋကဓရ ဆရာတော်သည်သပိတ်မှောက်ကံဆောင်သော သတင်းကို ကြားသောအခါ မိမိတပည့်များအား
သြ၀ါဒပေးတော်မူသည် သံဃာဆိုတာ ညီညွတ်ရသည် .. သံဃာအဆက်ဆက် ညီညွတ်ခဲ့၍ ယနေ့ တိုင်အောင်သာသနာတော်တည်နေခြင်းဖြစ်သည်မန္တလေးသံဃာက အစိုးရကို သပိတ်မှောက် ကံဆောင်၍ ရန်ကုန်သံဃာက သပိတ်မမှောက်ခဲ့သော်သံဃာညီညွတ်ရေး ပျက်ပြားလိမ့်မည်သံဃာညီညွတ်ရေးကို ရှေးရှု၍ သာသနာအတွက် တာဝန်ကျေရမည်ဟု မိန်တော်မူသည်
 အင်းစိန်ရွာမ တိုက်အုပ်ဆရာတော် ။ ရွှေဘုန်းပွင့်ဆရာတော် ။ ကျောက်ကုန်းမေဒိနီ ဆရာတော်စသောထင်ရှားသောဆရာတော်များကို ပင့်ဖိတ်၍ ဆရာတော်က ဥက္ကဌ ။ အင်းစိန်ရွာမ တိုက်အုပ်ဆရာတော်ကအတွင်းရေးမှုး တာဝန်ယူကာ စစ်အစိုရအား သပိတ်မှောက်ကံပြုကြောင်း လက်မှတ်ရေးထိုး ပေးပို့ ခဲ့သည်
 တပည့် စာချဘုန်းတော်ကြီးများကို စေလွှတ်၍ ၆ ထပ်ကြီး ဘုရားတွင် အစိုးရအား
သပိတ်မှောက်ကံ ပြုစေတော်မူသည် ဒီသံဃာ သပိတ်မှောက်လျှင် ကိုးကွယ်စရာ သံဃာများစွာရှိသည်ဟု သဘောထားသောစစ်အစိုးရသည် ထိုသို့  သပိတ်မှောက်ကံပြုခံရသည်ကို အစပိုင်းတွင် မမှုခဲ့ပါနိုင်ငံတော် လမ်းဖွင့်ပွဲစသော ပွဲလမ်းများတွင် သံဃာများကိုပင့်သည် ။ မက်မောလောက်အောင်TV အောက်စက်မှ အစ လှူသည် .. သို့ သော် ငယ်ဖြူသံဃာများ ကြွရောက်တော်မမူကြတောထွက်သံဃာများသာ ကြွရောက်တော်မူကြသည်
အစိုးရပြုလုပ်သော သံဃာ့ အခန်းအနားများတွင် သံဃာ့ထိုင်ခုံနေရာများစွာ လွပ်လပ်နေသည်
ထို့ ထက်ဆိုးသည်ကား စစ်တပ် မိသားစုဝင်များ ကွန်လွန်သော်
အသုဘသို့ ကြွရောက်ခါ ရေစက်ချ သရဏဂုံတင်ပေးမည့်  သံဃာတော်မရှိဖြစ်ရသည်
မိမိတို့  တိပိဋက မဟာဂန္ဓာရုံကျောင်းသည်   ချော်တွင်းကုန်း ကပစ ၁၀၆ စစ်တပ်နှင့် နီး၍
ထိုသတင်းများကို သိခဲ့ရသည် မိသားစုဝင်သေလို့ မှ အသုဘ ရေစက်ချ သရဏဂုံတင်ပေးမည့် ဘုန်းကြီးမရှိသော် မျက်ရည်ကျကြရသောအောက်ခြေ စစ်တပ်မိသားစုနှင့် အထက်အရာရှိများမှ တဆင့် ထိပ်ပိုင်းခေါင်းဆောင်များပြဿနာ တက်ရတော့မည့်အခြေအနေတွင် န၀တ အစိုးရမှ အမိန့် ထုတ်သည်သပိတ်လှန်မပေးလျှင် ပြင်းထန်စွာအရေးယူမည်ဟု ဆရာတော့်ထံ စာပို့ သည်
မြန်မာ့အသံမှ တနာရီခြားတစ်ခါ ထိုအမိန့် ကို အသံလွှင့်သည်အမိန့် ကြေငြာစာ ထုတ်လွှင့်ပြီးချိန်အတွင်း စစ်ချီတေး စစ်သည်တေးများအဆက်မပြတ်ထုတ်လွှင့်ခဲ့သည်
 ဆရာတော်က  သပိတ်လှန်လက်မှတ်ထိုးမပေးလိုသော်လည်း အစိုးရအကြောင်းကို
သိတော်မူသော ဆရာတော်၏ ဆရာ မန္တလေး မဟာဝိသုဒ္ဓါရုံတိုက် သံတော်ဆင့်
ဆရာတော်မှ ဖျောင်းဖျပြောဆို လက်မှတ်ထိုးစေတော်မူသည်
ဆရာ့စကားကို မပယ်ရှားလို၍ သပိတ်လှန်ကြောင်း လက်မှတ်ထိုးပေးခဲ့ရသည်
ထိုညက မှတ်မှတ်ရရ မိုးကြိုး ၁၂ ကြိမ်ကျော်မျှ ပစ်သံကြားရသည်
 န၀တ အစိုးရ သတ်မှတ်ချိန် အတိုင်မီ သပိတ်လှန်လက်မှတ် ထိုးပေးခဲ့သော်လည်း
စစ်အစိုးရမှ အာဃာတတရား ကြီးမားစွာဖြင့် လက်မှတ်ထိုးပြီး နောက်တစ်နေ့ 
သံဃာတော်များ ဆွမ်းခံကြွတော်မူကြချိန် ဆရာတော်အား ဖမ်းခေါ်သွားကြသည်
 ဆရာတော် ဘယ်ဆီဘယ်ဝယ်သို့ ရောက်သည်ဟု သတင်မကြား
တလလောက်ကြာမှ မြစ်ကြီးနားထောင်သို့ ပိုဆောင်ခံရကြောင်း သိကြရသည်
 မြစ်ကြီးနားထောင်မပို့ ခင် စစ်ခုံရုံးသို့ ပိုသည် .. ဆရာတော်အား စစ်ဆေးမည့်
ဗိုလ်မှုးကြီးအား အခြားဗိုလ်မှုးတစ်ဦးမှ  မင်းစစ်ဆေးရမဲ့သူက တခြားသူမဟုတ်ဘူး
တိပိဋကဓရ ဆရာတော်ဖြစ်သည်ဟု ပြောဆိုပြီး စာရေးဆရာ ကုသလဗုဒ္ဓိ ကောင်းကြွယ်ရေးသားသောတိပိဋကဓရ ဆရာတော်ကြီးငါးပါး စာအုပ်ကိုပေးခဲ့သည်
 ထို စစ်ဆေးရန်တာဝန်ကျ ဗိုလ်မှုးကြီးလည်း ထိုတာဝန်ကို ရှောင်လွှဲခဲ့သည်
 ထိုခေတ်ထိုအခါက သတင်းစာများတွင် ဘယ်ရဟန်းသည် ဘယ်နေရာမှာ အရက်မူးနေသည်
ဘယ်မိန်ကလေးကို ဆွဲလားရမ်းလားလုပ်သည်ဟု သတင်းစာများတွင် ဓာတ်ပုံများဖြင့်
သတင်းများစွာ လွှင့်ခဲ့သည် ဗိုလ်ချုပ်မှုးကြီးစောမောင် မြစ်ကြီးနားဘက်သို့  ခရီးစဉ်ထွက်သောအခါ
တိပိဋကဓရ ဆရာတော်ဖြစ်လျှက် နိုင်ငံရေးလုပ်သော ဘုန်းကြီးများလည်းရှိဟု
သတင်းစာတွင် 8 point စာလုံးမဲကြီးများဖြင့် ရေးသားခဲ့သည်ကို
သတိထား သတိရ သူများ ရှာဖွေကြပါကုန် တိပိဋကဓရ ဆရာတော်သည် သံဃာညီညွတ်ရေး နှင့် သာသနာ့အရေးကိုသာကြည့်၍ န၀တ အစိုးရအား သပိတ်မှောက်ကံပြုခဲ့ခြင်းသာ ဖြစ်သည်
နိုင်ငံရေးလုပ်သော ဘုန်းကြီးလည်း မဟုတ်ပါ၂၀၀၇ စက်တင်ဘာတွင် လမ်းပေါ်ထွက်၍ မေတ္တာပို့ ကြသောသံဃာတော်များမှာ အစိုးရမှ ယာယီ သင်္ကန်းပတ်ပေးသော အတုအယောင်များမှလွဲ၍
စာသင်သား သံဃာတော် အစစ်အမှန်များသာဖြစ်သည်ယာယီ အတုအယောင်များသည်လည်း မိဘ ဆွေမျိုး အသက်စည်းစိမ် အိုးအိမ်ကိုကြောက်လန့်၍သာ လုပ်ကြရသည်ဟု ယူဆမိသည်
 "သီလကြီးလေးပါး လုံခြုံလျှင်"
 သီလကြီးလေးပါးလုံခြုံလျှင် သံဃာစစ် သံဃာမှန်သာ ဖြစ်သည်သံဃာဟူသည် ဘယ်ခေတ် ဘယ်အခါကမှ အတုအယောင် မရှိခဲ့ပါပေ သံဃာတော် အဆက်ဆက်သည် ဒကာ ဒကာမ တို့ အပေါ်ဝယ်တာဝန်ကျေခဲ့ကြသည်ချည်းဖြစ်သည် ကိုယ်တိုင် ပရိယတ် ပဋိပတ် သာသနာ့တာဝန်များ ကျေပွန်တော်မူကြရုံသာ မကဒကာ ဒကာမတို့ အား သံသရာဝယ် အထက်တန်း ဘ၀များသို့ တိုင်အောင်တဆင့်တက်၍ နိဗ္ဗာန်တိုင်အောင် ပို့ ဆောင်ပေးတော်မူကြသည်
 သတ္တိ ဗျတ္တိရှိ၍ ထက်မြက်သော .. အတိုက်အခံ လုပ်သည်ဟုအစိုးရမှ ယူဆသော သံဃာတော်များမှာ အကြောင်းတစ်မျိုးမျိုးဖြင့်ဖိနှိပ်၍ လူဝတ်လဲ ခံခဲ့ရသည်ချည်းဖြစ်သည်

ဟိုးယခင် ခေတ်အခါက သာသနာတော်သန့် ရှင်းရေး အမည်တပ်လျက်ထူးကြီးဆရာတော် ။ ဦးစံတင့် စတုနိကာယကောဝိဒ စသော ပုဂ္ဂိုလ်များလူဝတ်လဲခံခဲ့ရသည်ကို ကြည့်လျှင် သိနိုင်ပေသည် ။
 နိုင်ငံတော် သံဃာ့မဟာနာယက ဆရာတော်ကြီးများသည်လည်းထိုအကြောင်းကို သိ၍ ထိုသို့ ပြုလုပ်ခံခဲ့ရလျှင်သက်တော် ရွယ်တော်နှင့် မိမိတို့ ကိုယ်ကျင့်သိက္ခာကို ငဲ့ကွက်တော်မူကြရသောကြောင့်ရေငုံ နှုတ်ပိတ်သာ နေတော်မူကြရကုန်သည် ။
 ယခု အခါ သံဃာတု သံဃာယောင်ဟူသော စကားလုံးများ ကျယ်လောင်စွာသုံးလာကြသည်မြန်မာနိုင်ငံဝယ် သံဃာဦးရေ အရမ်းများနေသည်သံဃာအတွက် ခေါင်းခဲရ၍ နောင်တချိန်  သာသနာတော်သန့် ရှင်းရေး အမည်ပေးကာ နှိပ်ကွက်ဖို့  အစပျိုးခြင်းလားဟုထင်မိပါသည်
"အထူးသတိပေးချက်"
 သံဃာတော်များ ညီညွတ်တော်မူကြသည်မှာ ဘုရားရှင်၏၀ိနည်း ဥပဒေတော် ပယ်နှုတ်စရာ ပြင်ဆင်စရာ ရှိသည်ဟုပြောစရာ မလိုလောက်အောင် ဥပဒေတိကျမှန်ကန်ခဲ့၍ ဖြစ်သည်
 အကယ်၍များ မြန်မာနိုင်ငံသည် မှန်ကန်၍ အများလက်ခံသောစစ်မှန်သော ဥပဒေပေါ်ပေါက်လာပါက စီးပွါးရေး ခိုင်မာဖွံ့ ဖြိုးလာပေမည်
 ထိုအခါ သာသနာဘောင်ဝယ် အချောင်နေသည်ဟု ယူဆသူတို့ က ယူဆနေကြသောသံဃာတော်များလည်း ယခုလောက် များတော့မည် မဟုတ်ပါဥပဒေ မှန်ကန်ဖို့ နှင့် နိုင်ငံတော် ဖွံ့ဖြိုးတိုးတက်ဖို့ သာ လိုပေသည်တာဝန်ကိုယ်စီ ကျေပွန်ကြဖို့  အရေးကြီးသည် ။
 ဘုရားလောင်း ဆဒ္ဒန်ဆင်မင်းသည် သောနုတ္ထိုရ် မုဆိုးအားအသေသတ်နိုင်ပါသော်လည်း မုဆိုးခြုံထားသော သင်္ကန်းကိုမြင်ရသောအခါ ဘုရား ပစ္စေက ဗုဒ္ဓါတို့ ၏ အသုံးအဆောင်ကို ငါ့အားလာပြပေသည်
ဒီလို အ၀တ်မျိုး ဘ၀သံသရာတွင် တွေ့ကြုံရဖို့  အလွန်ခဲယဉ်းသည်
ငါသည်လည်း ပါရမီဖြည့်နေသော ယောင်္ကျားကောင်း ယောင်္ကျားမြတ်ဖြစ်သည်
သူ့ အသက်ကို မသေစေကောင်းဟု သာကြည်စွာ လွှတ်ပေးရုံမက
ဆင်စွယ် တစ်စုံ ..။ မုဆိုးအတွက် ၇ရက်အတွင်း ပြည်တော်ပြန်ရောက်စေရန်
ပရိတ်အရံအတားများ ဖြင့် ချီးမြှောက်တော်မူခဲ့သည်
 သြကာသပင်ဖြောင့်အောင် မရသော တချို့ သော လူတန်းစားများသည်
သာသနာတော်၏ ဂုဏ်ကျေးဇူး သံဃာတော်တို့ ၏ ဂုဏ်ကျေးဇူးဆိုသည်ကို သိဖို့ 
အင်မတန်မှ ခက်ခဲလေသည် ။
 မိမိဘ၀ကို မိမိမတူးဖြိုမှီ အသိနောက်မကျသေးခင် မပြစ်မှားသင့်သော
သူများအား မပြစ်မှား မိစေဖို့  စေတနာဖြင့်ရေးသားရပါသည်
 သာသနာတော်အတွက် အန္တရာယ် ကျရောက်မည့် အခါတိုင်း
သံဃာတော်သည် ကြောင့်ကြမဲ့ နေတော်မမူကြပါပေ
 မိမိရေးသားသောစာသည်  မည်သူ့ ပုဂ္ဂိုလ် အဖွဲ့ အစည်းကိုမျှ
ရည်ရွယ်၍ရေးသားသည် မဟုတ်ပါ
 နိုင်ငံရေးဆိုသည်ကိုလည်း စိတ်မ၀င်းစား ..
မပျက်စီးသင့်သောသူများ ဘ၀သံသရာ မပျက်စီးစေဖို့ 
သံဃာ့ဂိုဏ်း မသင့်စေဖို့  မိမိကိုယ်ကိုယ် မိမိပြန်လည်၍ တူးဖြိုဖျက်ဆီးသူများ
မဖြစ်စေဖို့  သာသနာအရှည်ခံ့၍ တည်တံ့စေဖို့ သာ ရည်ရွယ်ပါသည်
 သစ္စာစကား မှန်ကန်ပါက အမိမြန်ပြည် အေးချမ်းသာယာ၍
သာသနာတော်သည် နေလို လလို ထွန်းလင်းတောက်ပပါစေသတည်း ။
 အမြဲတမ်း ဘေးမသန်းပဲ အေးချမ်းသာယာ သံသရာဝယ
ချမ်းသာပျော်ရွှင်စွာ ဘ၀ခရီးကိုဖြတ် နိဗ္ဗာန်အထိ တက်လှမ်းနိုင်ကြပါစေ ။
 ဘဒ္ဒန္တ တိက္ခဥာဏာလင်္ကာရ
 (ဆရာတော် ကြီး ပျံလွန်တော်မူတဲ့ အချိန် မှာ ဦးခင်ညွန့် အကျယ်ချုပ် ဘ၀နဲ့ သွားကန်တော့သည်ဟုသိရသည် ။ သို့သော် အချိန်နှောင်းခဲ့ပြီ  )

လူ့စွမ်းအား အရင်းအမြစ် ဖွံ့ဖြိုးတိုးတက်ရေးအတွက် ပညာရေးက ပြင်ဆင်ပေးရန် ပျက်ကွက်နေဆဲ

ပညာခေတ်ကို လူ့စွမ်းအား အရင်းအမြစ်များ ဖွံ့ဖြိုးရေး စံနှုန်းများဖြင့် တိုင်းတာလာကြပါသည်။ အသိ၊ အတွေးကြွယ်သော နိုင်ငံသားများကို လေ့ကျင့်ပျိုးထောင် မွေးထုတ်ရန်အတွက် အသေချာဆုံးမှာ ဒီမိုကရက်တစ် စာသင်ခန်းများနှင့် စွမ်းဆောင်ရည်ပြည့်ဝသောကျောင်းဆရာထုဖြစ်၏။
၂၀၁၁ ခုနှစ် ကမ္ဘာ့ဆရာများနေ့ကို တကမ္ဘာလုံးမှာ ကျင်းပခဲ့အပြီး ၅ ရက်အကြာ အောက်တိုဘာလ၊ ၁၁ ရက်နေ့မှာ အခြေခံပညာကျောင်းဆရာဆရာမများ အထူးမွမ်းမံသင်တန်း အမှတ်စဉ် (၄၃) ကို အထက်မြန်မာပြည် ဗဟိုဝန်ထမ်းတက္ကသိုလ်မှာ ကျင်းပခဲ့ကြောင်းသိရှိရသည်။ ဆရာဆရာမ ၁၅၀၃ ဦးတို့ တက်ရောက်ခဲ့သည့် အထူးမွမ်းမံသင်တန်းတွင် ပညာရေးကော်မီတီဥက္ကဌ၊ ပြည်ထောင်စုဝန်ကြီး ဒေါက်တာမြအေး တက်ရောက်ပြီး ဖွင့်လှစ်ခဲ့ကြောင်းလည်း သတင်းရရှိပါသည်။ နှစ် ၃၀- နှစ်ရှည် ပညာရေးစီမံကိန်း ရည်မှန်းချက်များအကြောင်းနှင့် လူ့စွမ်းအား အရင်းအမြစ် ဖွံ့ဖြိုးရေးအတွက် ပညာရေး အရေးကြီးပုံတို့နှင့် ပတ်သက်ပြီး တင်ပြသွား၏။
မှန်၏။ ပညာရေးခေတ်၏ စိန်ခေါ်မှုတို့ကို ရင်ဆိုင်ရန် လူ့စွမ်းအားအရင်းအမြစ် တိုးတက်ရေးမှာ လွန်စွာ အခရာကျပါသည်။ သို့ရာတွင် မြန်မာ့ပညာရေးက လူ့စွမ်းအား အရင်းအမြစ်များ ဖွံ့ဖြိုးရေးအတွက် အမှန်တကယ်ပင် ပြင်ဆင်ပေးနေပါသလော။
သက္ကရာဇ် ၂၀၀၀ - ၂၀၀၁ ခုနှစ်မှ ၂၀၃၀-၂၀၃၁ အထိ အနှစ် ၃၀ ပညာရေးစီမံကိန်းကာလတွင် ပထမ ဆယ်စုနှစ်ကို ကျော်လွန်လာပြီဖြစ်သည့် ၂၀၁၁ အထိ စီမံကိန်းလုပ်ငန်းစဉ် ၁၀ ရပ်တွင် မည်သည့် စီမံကိန်းမျှ အောင်မြင်မှု မရရှိသေးသည်ကို အထင်အရှား လေ့လာတွေ့ရှိနိုင်ပါသည်။ အထူးသဖြင့် တကမ္ဘာလုံးဆိုင်ရာ ထောင်စုနှစ် ရည်မှန်းချက်များလည်းဖြစ်၊ မြန်မာ့ပညာရေးတွင် အရည်အတွက်နှင့် အရည်အချင်း တိုးတက်ရေး အတွက်လည်း အခရာကျနေသည့် လူ့စွမ်းအားအရင်းအမြစ်များ တိုးတက်ရေးတွင် ပြဿနာ ထုနှင့်ထေး ရှိနေဆဲ။ မူဝါဒအားနည်းသည့် အခြေအနေတွင် အာဏာပိုင်တို့၏ နိုင်ငံရေးဆန္ဒ ကင်းမဲ့နေမှုကြောင့်လည်း ဤအရေးကြီးသည့် ကိစ္စရပ်အတွက် အဖြေကိုမည်သို့မည်ပုံ ရှာဖွေကြမည်နည်း။ ပြည်တွင်းရှိ မြန်မာ့ ပညာရေးသမားများ၊ ပညာရှင်များက တိုက်ရိုက်တမျိုး၊ သွယ်ဝိုက်၍တဖုံ စေတနာဖြင့် တင်ပြထားချက်များ၊ သုတေသန ပြုချက်များကိုလည်း အရေးတယူ စဉ်းစားလုပ်ဆောင်ရန် ပျက်ကွက်နေပြန်ပါသည်။
ကိန်းဂဏန်းများက ခြောက်လှန့်နေလေသည်။
အသက် ၃ နှစ်မှ ၁၈ နှစ်အတွင်းကျောင်းနေအရွယ် ကလေးငယ် ဦးရေ ၁၃ သန်းခန့် ရှိသည်ဟု ခန့်မှန်းရသည်။ (၂၀၀၆ ယူနီဆက်ဖ် အစီရင်ခံစာအရ ၁၂ သန်းခန့်ရှိခဲ့ပါသည်။) သို့ရာတွင် ၂၀၁၁ အခြေခံပညာရေးတွင် ကျောင်းအပ်ထားသူဦးရေမှာ ၇.၅ သန်းမျှသာ ရှိလေရာ ကျောင်းနေအရွယ် ကလေးငယ် ၅ သန်းကျော်မျှ ကျောင်းစာသင်ခန်း အပြင်ဘက်တွင် ရှိနေရဆဲဖြစ်၏။ ကျေးရွာ ၅ ရွာတွင်မှ ကျောင်းတစ်ကျောင်းသာ ရှိနေသေးသည်။ ကျောင်းထွက်နှုန်းမှာ ကြောက်ခမန်းလိလိ။
သန်း ၆၀ လူဦးရေ ရှိသည့် အိမ်နီးချင်းထိုင်းနိုင်ငံတွင် ကျောင်းဆရာဦးရေ ၄ သိန်းခန့် ကျောင်း ၃ သောင်း ကျော်တွင် ပညာသင်ကြားပေးလျက်ရှိသည်။ လူဦးရေ မတိမ်းမယိမ်းရှိသည့် မြန်မာပြည်တွင်မူ ကျောင်းဆရာ ဦးရေမှာ ၂ သိန်း ၆ သောင်းမျှဖြင့်သာ စခန်းသွားနေဆဲ ရှိနေလေသည်။ ကျောင်းဆရာ တသိန်းကျော်ခန့် အမှန်တကယ်လိုအပ်နေလေသည်။ အကျိုးဆက်အနေဖြင့် စာသင်ခန်းတစ်ခန်းတွင် ကလေးငယ်ဦးရေ ၄၀ ကျော်- ၅၀ ကျော်ဖြင့် ပြွတ်သိပ်ကျပ်ညှပ်စွာ ကျောင်းတက်နေရလေသည်။ လူမှုစီးပွား မပြေလည်ခြင်းနှင့် ဂုဏ်သိက္ခာကျဆင်းနေခြင်းကြောင့် ဆရာ အလုပ်စွန့်နှုန်း မြင့်မားနေဆဲ အခြေအနေနှင့် အမီ ဆရာအသစ်ကို မဖြည့်ဆည်းပေးနိုင်ပြန်ပါ။ စာသင်ခန်းများစွာမှာ အသိပညာ၊ အတတ်ပညာတို့ ဖွံ့ဖြိုးပြီး ခေတ်၏ လိုအပ်ချက်တို့ကို ရင်ဆိုင်နိုင်မည့် လူသားအရင်းအမြစ်တို့ကို လေ့ကျင့်ပျိုးထောင်ရန် များစွာ အခက်အခဲ ရှိနေပါသည်။

သို့ဖြစ်လေရာ လူစွမ်းအားအရင်းအမြစ် ဖွံ့ဖြိုးရေးအတွက်ဟု ပြည်ထောင်စု ပညာရေးဝန်ကြီး၏ ကြွေးကြော်သံကို ကျောင်းဆရာထု မည်သို့ ခံစားနိုင်ပါမည်နည်း။ ပိုမိုဆိုးရွားသည်မှာ ကလေးငယ်အားလုံး စာသင်ခန်း အတွင်းဘက်သို့ ၀င်ရောက်နိုင်ရေးအတွက် မစီမံနိုင်သေးခြင်းပင်ဖြစ်သည်။ ပညာငတ်မွတ်မှုဖြင့် ရှင်သန်နေရခြင်း၊ ပညာရေး အရည်အသွေး ပြဿနာ ရှိနေခြင်းတို့၏ တရားခံမှာ မည်သူတို့နည်း။ ကျောင်းဆရာထုမှာ စာသင်ကြား ပြသပေးနေသည့် တာဝန်ကို ကျေပွန်ကြပါ၏။ နာ ၃ နာ မတိမ်ကောရန် ရုန်းကန်ကြိုးစားနေရှာကြဆဲ။
သို့ရာတွင် ဒီမိုကရက်တစ် စိတ်ထား၊ ဒီမိုကရေစီ ယဉ်ကျေးမှုအတွက် သင်ရိုးညွှန်းတမ်းကား ပျောက်ဆုံးနေဆဲ။ မည်သို့သော လူသားအရင်းအမြစ်များကို မွေးထုတ်လေ့ကျင့် ပေးနေပါသနည်း။ မြန်မာ့လူ့အဖွဲ့အစည်း၏ မျှော်မှန်းချက် ပန်းတိုင်လည်းဖြစ်သည့် ဒီမိုကရေစီ လူ့အဖွဲ့အစည်းနှင့် ငြိမ်းချမ်းရေးယဉ်ကျေးမှု၊ ဆင်းရဲမွဲတေမှု လျှော့ချရေး၊ အသိ၊ အတွေးတို့ကြွယ်သော နိုင်ငံသားတို့ကို စာသင်ခန်းများအတွင်းက စတင်တည်ဆောက်မှ သာလျှင် ခိုင်မြဲပါလိမ့်မည်။ သေချာပါမည်။
သို့ဖြစ်လေရာ လူ့စွမ်းအားအရင်းအမြစ် ဖွံ့ဖြိုးရေးတွင် အခရာ ကျနေသည့် ကလေးငယ်အားလုံး စာသင်ခန်းအတွင်း ရောက်ရှိရေးနှင့် ဒီမိုကရက်တစ် စာသင်ခန်းများ ပေါ်ထွန်းရေးအတွက် ကြိုးစားရန် အထူးလိုအပ်နေသေးကြောင်း တိုက်တွန်းလိုက်ရပါသည်။
မောက္ခပညာရေးမဂ္ဂဇင်း

ရထားစီးသူများ

 “လာကြဟေ့..လာကြ..ရထားထွက်တော့မယ်” ဟူသောအသံများကြောင့် ဘူတာတစ်ခုလုံး တဝုန်းဝုန်းဖြစ်သွား လေသည်။များပြားလှစွာသော လူအုပ်ကြီးသည် ကိုယ့်အထုပ်ကိုယ်ဆွဲ၍ အတင်း တိုးကြတော့သည်။ ရထားပေါ်သို့ သူ့ထက်ငါ အတင်းတိုးဝှေ့လျက် တက်ကြတော့သည်။ “နင့်အထုပ်ကြီး မြန်မြန်တင်စမ်း ..တကတည်းဟာ …လူတွေဒီလောက်များတာကို အထုပ်ကြီး  ကန့်လန့်ကန့်လန့်နဲ့”     “ဘာသိလို့လဲ  အဒေါ်ရဲ့…အခြေအနေကောင်းရင် ဟိုမှာအခြေချရမှာ  အဒေါ်ကကော လာလို့ ဒီခရီးကို လိုက်လာတာလဲ”   “ဟဲ့ဒီအရပ်က လူမနေသင့်တဲ့ အရပ်၊ ငါ့တသက်နေလာခဲ့တာ စိတ်ချမ်းသာရတဲ့ရက် တစ်ရက်မှမရှိဘူး၊ဒါကြောင့် ယူလာစရာလဲ ဘာမှမရှိဘူး၊ အဝတ်တစ်ထည် ကိုယ်တစ်ခုနဲ့ ဘဝသစ်ကိုစမှာ …ဟိုရောက်ရင်ကော အဆင်ပြေပါ့မလား”  ဟူသောအသံသည် မဝင့်မရဲ မယုံမရဲနှင့် ထွက်လာသည်။
“ဟေ့ ရှေ့မှာပိတ်မနေကြပါနဲ့…နောက်မှာလူတွေ တအားတိုးနေတာ  ..လူမူရေးနားလည်ကြပါအုန်း၊ လူတွေကလဲ  စုတ်ပြတ်နံစော်နေတာဘဲ”  “အောင်မယ် လူပါးဝလို့၊ဒီခရီးကို နင်တို့လိုတကိုယ်ကောင်း သမားတွေ လိုက်ဖို့တောင် မတန်ဘူး သေနာရဲ့၊ဒီင်္အရပ်မှာဘဲ နင့်အဖေ အားကိုးနဲ့ လူစွာလုပ်လို့ရမယ်၊ဒီရထားစီးပြီင်္ိဆိုမှတော့ နင့်စရိုက်ကို ပြင်ရင်ပြင် မပြင်ရင် ဟိုကလူတွေက နင့်ကိုအရေခွံခွာလိမ့်မယ် ဟဲ့အကောင်ရဲ့” ဟုဆိုသော ရန်ထောင်သံလဲ ကြားရပါသည်။
“တော်ကြပါ..တော်ကြပါ ဒီခရီးသွားဖို့ ဘယ်လောက်တောင်စောင့်ရတယ်ဆိုတာ၊ စိတ်ရှည်ရှည် ထားကြမှပေါ့၊ သည်းခံကြမှပေါ့” ဟုဆိုသော လူရည်သန့်ပုံစံဖြန်ဖြေရေးသမား တစ်ယောက်၏ စကားသံကြောင့်  လူကြီးပိုင်းထဲမှ တစ်ယောက်က   “ဟေ့ အခုပြောတဲ့ ပုဂ္ဂိုလ်လေးကို တွေ့ဖူးသလားလို့ “ ထိုအခါ လူလတ်ပိုင်းအရွယ်တစ်ယောက်က  “သူ့ကိုကျွန်တော်သိတယ်၊အထင်မကြီးကြနဲ့ သတိထားပြီး နေကြ.. အဲဒီကောင် ခါးပိုက်နှိုက်၊ လူပုံကိုကြည့်လိုက်ရင် မန်နေဂျာလိုလို၊အရာရှိလိုလို၊ ဟိုမှာဟိုမှာ အထုပ်နဲ့ကောင်မလေးနား ကပ်သွားဘီ၊ကောင်မလေးတော့ ဒုက္ခပဲဗျို့”  “ဒါဆိုတို့တွေ သတိထား စောင့်ကြည့်ပြီး  အမိဖမ်းရအောင်”  “မလုပ်နဲ့ မလုပ်နဲ့၊ဒီအကောင်တွေက အဖမ်းခံရလည်း ခဏပဲ  ပြီးရင် ယုံကြည်ချက်အကျဉ်းသမားတစ်ယောက်လွှတ်တာနဲ့ သူတို့လို လူမျိုးတွေကို ထောင်နဲ့ချီပြီး လွှတ်ပေး လိုက်တာ၊သူတို့ကို အဖမ်းခံရအောင်လုပ်တဲ့သူကို မှတ်ထားပြီး ထောင်ကလွတ်တာနဲ့ ဒုက္ခပေးတာ”  “ဟုတ်ရဲ့လားဗျာ”   “ဟုတ်, ဟုတ်နဲ့တောင်နေသေးတယ်…. ကျွန်တော့်သူငယ်ချင်းတစ်ယောက်ကို ငြိုးထားပြီး  ထောင်ကထွက်တာနဲ့ ဓားနဲ့ထိုးလိုက်တာ ပွဲချင်းပြီးကို သေရောဗျာ” ဟုဆိုပြီး သတင်းစာရှင်းလင်းပွဲလုပ်သူကြောင့် သည်အရပ်ဒေသ၌အကြောက်တရား၏ဖိနှိပ်မူကိုနဖူးတွေ့ ဒူးတွေ့ကြုံတွေ့ဖူးသော အမျိုးကောင်းသားများအားလုံး ကိုယ်နှင့်မဆိုင်သလို မျက်နှာလွှဲ နေလိုက်ကြတော့သည်။
ထိုစဉ်  “အား..နာလိုက်တာ” ဟူသောအသံနှင့် မရှေးမနှောင်းပင် “ဆောရီးဗျာ ဆောရီး မတော်လို့နော်”  “မတော်တာနောက်ထား၊ဖိနပ်ပြတ်သွားဘီ၊နေ့သွင်းနဲ့ဝယ်ထားရတဲ့ ဖိနပ်ကလေး သွားပါဘီ” ဆိုသော နွမ်းဖတ်ဖတ်ဝတ်စုံကလေးကိုသာ ဝတ်ဆင်ထားရရှာသည့် မိန်းကလေးငယ်၏ငိုမဲ့မဲ့မျက်နှာကလေးနှင့် သနားစရာ အသံကလေးကို ကြားရပြီးနောက် တဆက်တည်းပင် “တောင်းပန်ပါတယ်ဗျာ…ဟို,ဟို ဘူတာ အဆုံးရောက်ရင် ကျွန်တော်ပြန်ဝယ်ပေးပါ့မယ်…ကတိပေးပါတယ်ဗျာ”  ထိုအခါ လူကြီးတစ်ယောက်က ဝင်၍ ပြောသည်မှာ “ဟေ့လူ နေပါအုန်း ခင်ဗျားကတ်ိက ယုံရမှာလား၊  စစ်ဖက်က ပေးတဲ့ကတိမျိုးဆိုရင် တို့က သိပ်ယုံချင်တာမဟုတ်ဘူး၊ ကလေးမ ဖိနပ်ဖိုးကို အခုပဲလျော်ပေးလိုက် “ “ကျွန်တော် , ကျွန်တော် စစ်ဖက်က မဟုတ်တော့ပါဘူး၊ တိုက်ပုံပြောင်းဝတ်လိုက်ပါဘီ၊ ဒါကြောင့် နဲနဲတော့ ယုံပေးပါဗျာ၊ အခု ကျွန်တော့် သေတ္တာတွေက တပည့်တွေနဲ့ ပါသွားလို့ပါ တောင်းပန်ပါတယ်၊ကျွန်တော် ဆက်ဆက် လျော်မှာပါဗျာ”။
“ဒီမှာ…ဘေးနားမှာကပ်ပြီးထိုင်ပါရစေနော်”    “ရပါတယ် ထိုင်ပါ”  “ဟာ, ဆရာမကြီးပါလား၊ တွေ့ရတာ ဝမ်းသာလိုက်တာ”  “မင်းက ဘယ်သူလဲ”  “ဟာ ဆရာမကြီးကလဲ  ကျွန်တော် ဝင်းသိန်းလေ၊ အင်းလေ နှစ်တွေတောင် ကြာမှပဲ၊ ကျွန်တော်တောင် မြေးတစ်ယောက်ရနေပြီဆိုတော့”  “ဟဲ့, ကားပွဲစားလုပ်တဲ့ ဝင်းသိန်းလား အရင်က ကျောင်းဆရာ လုပ်တယ်လေ”   “ဟုတ်တာပေါ့, ဆရာမကြီးရယ် ခေတ်ကပြောင်းသွားတော့ ဘာလုပ်စားရမလဲတောင် မသိတော့ဘူး၊  အရင်ကတော့ လေနဲ့ပဲ ရင်းပြီး လုပ်စားနေတဲ့သူဆိုတော့၊ အခု ဘာမှလုပ်မစားတတ်တော့ဘူး၊ဒါကြောင့်သားမက်ကလေးက ဒီရထားနဲ့လိုက်၊  ဟိုရောက်လို့ ဂွင်ကောင်းရင် သူတို့ဆရာတပည့်ကိုခေါ်လိုက်၊ သူတို့လိုက်လာပြီး ကုမ္ပဏီထောင်မယ်၊ အခြေအနေ သွားကြည့်ဆိုပြီး စရိတ် ပေးလွှတ်လိုက်လို့”    “နေပါအုန်း သားမက်က ဘာလုပ်တာမို့်လို့လဲ”  “သူက တိုင်းအဆင့် အရာရှိကြီးရဲ့ တူရဲ့ တပည့်ပါ…အဲဒိ အရာရှိကြီးက ဟိုဘက်ခေတ်တုန်းကလဲ သူ့ရဲ့တိုင်းမှာ အကြီးဆုံးပဲ၊ အခု ခေါင်းပေါင်း ပေါင်းလိုက်တော့လဲ သူပဲ အကြီးဆုံး၊ နေပါအုန်း ဆရာမကြီးကကော ဘာသွားလုပ်မလို့လဲ၊ ဒီလောက်လူတွေ ကျပ်ညပ်နေတဲ့ ရထားနဲ့ လိုက်ရအောင်”  “သားရယ် ဒီရထားနဲ့ ဒီခရီးကို လိုက်ရတာတောင် ကျေုးဇူးတွေ အထပ်ထပ်တင်နေရတာ ခရီးဆုံးရောက်တော့မှသေတော့လဲ အသေဖြောင့်တာပေါ့၊ဒီိအရပ်မှာက သေရတာတောင် အသေဖြောင့်တာ မဟုတ်ဘူး၊ မင်းလဲ သိရဲ့သားနဲ့” ။
ခရီးသွားများကလဲ များသထက်များလာပါပြီ။ဘူတာကြီးသည်လည်း လူအုပ်ကြီးကြားထဲတွင် ပျောက်ကွယ် တော့မတတ်ဖြစ်နေပါပြီ။ရထားပေါ်တွင် လူများမဆန့်မပြဲ ဖြစ်နေပါပြီ။မျှော်လင့်တုန်းကျော့ဆုံးလဲ လာချေပြီ။
“ခေါင်းတွဲလာချိတ်တော့မယ်ဟေ့ ဒီတခါတော့ တကယ်ထွက်ပဟ” “အတင်းမတိုးကြပါနဲ့” “တိုးမှာပဲဟေ့ ဦးဦးဖျားဖျား ဒီရထားနဲ့လိုက်မှ ဟိုမှာနေရာကောင်းကောင်းရမှာ” “မြန်မြန်တက်” “တိုးသာတိုး” “အဖိုးကြီးတွေဘာလုပ်နေတာလဲ” “တိုးနေတာဟေ့, မင်းတို့လောက်တော့ ပျင်းတောင်ပျင်းသေးတယ်၊ ငါတို့က ရန်ကုန်မြို့လည်က ရုပ်ရှင်ရုံတွေမှာ တိုးဝှေ့ကြည့်လာတဲ့သူတွေပါကွ” ။
“ဟိုမှာအလန်းလေးတွေဟေ့” “ဒီလူအုပ်နဲ့ ဒုက္ခရောက်တော့မယ်” “မင်းကလဲတုံးလိုက်တာ သေသေချာချာ ကြည့်ပါအုန်း မင်းသမီးတွေနဲ့ မော်ဒယ်တွေလေ ရထားတွဲတွေထဲ အတင်းတိုးဝင်မယ်ထင်လို့လား ဝေးသေး ဂါတ်ဗိုလ်ကြီးကို အစောကြီးကတည်းက ကပ်ပြီးသား၊ ဂါတ်ဗိုလ်တွဲနဲ့လိုက်လိမ့်မယ်” ။
လည်ပင်းတွင်ကြီးမားသည့် ရွှေဆွဲကြိုး၊ လက်မှာရွှေဟန်းချိန်း၊ ကျောက်စိမ်းလက်စွပ်၊ ပတ္တမြားလက်စွပ်၊ အပြူးသားဆင်ယင်ထားပြီး တပည့်များခြံရံထားသည့် အသားအရေ နုဖတ်နေသည့် ဗိုက်ရွှဲရွှဲ ပုဂ္ဂိုလ်တော်မြတ်ကြီးတစ်ဦးသည် ချွေးဒီးဒီးကျနေသည့်မျက်နှာအား ရေမွှေးဆွတ်ထားသည့် လက်ကိုင်ပုဝါနှင့် သုတ်ရင်း “အိုက်လိုက်တာကွာ ချွေးတွေလဲ ရေချိုးထားတာကြနေတာပဲ” ထိုအခါ သူနှင့် မလှမ်းမကမ်းမှပါလာသော သူ၏သူငယ်ချင်းဖြစ်သူက  “မင်းက အဲယားကွန်းအခန်းထဲကနေ ရှိသမျှ လောင်းကစားဒိုင်လုပ်နေတဲ့ကောင်ပဲ၊ အခုလဲ ဟိုမှာဒိုင်သွားလုပ်အုန်းမလို့ မဟုတ်လား”၊ “အေးလေ ဘာဖြစ်လဲ လူတွေအားလုံးလိုလို လောဘသားတွေပဲ သူတို့လောဘတက်လေလေ ငါတို့အိုကေ လေလေ၊ ဟိုရောက်ရင် ပိုတောင် ကောင်းအုန်းမယ် မယုံရင်ကြည့်နေ” ။
ပိန်ပိန်ရှည်ရှည် အသားအရေခြောက်ကပ်ကပ်နှင့်လူတစ်ယောက်သည် လောင်းကစားဒိုင်လုပ်သူနှင့် အပေါင်းပါများကို စိတ်မသက်မသာ ကြည့်ကာ သူနှင့်ပါလာသူထံ အကြည့်လွှဲလျက် “ခက်တယ်ဗျာ မြန်မာပြည်ရဲ့လူ့အဖွဲ့အစည်းကို အမြစ်ကနေ လှန်ပြစ်ရမယ်၊ဟိုနားနဲနဲ ဒီနားနဲနဲ ပြောင်းလို့မဖြစ်ဘူး”  ဟုဆိုသောအခါ အတူပါလာသူက “အေးဗျာ ဒီမိုကရေစီနဲ့လူအခွင့်အရေးအတွက် အရေးဆိုတာတွေ ဆက်လုပ်ရအုန်းမယ်၊ပြည်သူတွေရဲ့ လူနေမှုဘဝ မြှင့်တင်ပေးဖို့လည်း ကျွန်တော်တို့မှာ တာဝန်ရှိတယ်ဗျ” “နေပါအုန်းဗျာ လူနေမှုဘဝတွေ ဘာတွေ၊ ကျွန်တော်ဆိုလိုတာက စိတ်ဓာတ်ပိုင်းဆိုင်ရာ မြင့်မားအောင် လုပ်ရအုန်းမယ်လို့ ပြောနေတာဗျ၊ ခုပဲကြည့်လေ ရထားပေါ်မှာ လူတွေကိုယ်ချင်းစာတရားလေးနဲ့ ဖေးဖေးမမ လုပ်ဖို့ဘယ်လောက်ကောင်းလဲ၊ ထိုင်စရာ နေရာလေး ရတာနဲ့ ကျောက်ချပြီး ထိုင်နေလိုက်တာ၊ ကိုယ်လေး တိမ်းပေးလိုက်တာနဲ့ ဘာဖြစ်သွားမှာမို့လို့လဲဗျာ” ။
ထိုစဉ်မှာပင် ရထားတွဲများနှင့် ခေါင်းတွဲကြီးချိတ်ပါပြီ။လူသံများဆူညံသထက်ဆူညံလာပါသည်။ “မြန်မြန်တက်ပါဟ မြန်မြန်” “ပြူတင်းပေါက်က ကျော်မတက်ပါနဲ့” “မတက်လို့မဖြစ်လို့ဟေ့” “လက်ကိုဆွဲထား ဆွဲထား” “ကြည့်စမ်းပါအုန်း လူတွေကို အုံခဲနေတာပဲ ဘယ်လိုလုပ် ရထားကဆန့်မှာလ”ဲ “ဟာ ရထားခေါင်မိုးမှာလဲ လူတွေအပြည့်ပဲ” “ဒုက္ခပါပဲ လူတကိုယ်စာတောင် မနည်းလိုက်ရတာ သေတ္တာကြီးကို အတင်းထိုးသွင်းနေရသလား အောက်မှာ လူတွေဟဲ့ လူတွေ” “မတော်လို့နော် ဆောရီး ဆောရီး”။
မီးရထားဝန်ထမ်းနှစ်ဦးလည်း လူအုပ်ကြီးကို ကြည့်ရင်း တပည့်ဖြစ်သူက “ဆရာ ဒီရထားအဆင်ပြေပါ့မလား လမ်းမှာတခုခုဖြစ်ရင်တော့ ဒုက္ခပဲ” ဟုဆိုသောအခါ ဆရာဖြစ်သူက “မင်းအပူမပါ,ပါဘူး၊ လိုက်ချင်လို့ လိုက်ကြတာ လိုက်ပလေ့စေ၊ တို့အလုပ်က ခရီးဆုံးအောင် စီစဉ်ပေးလိုက်ဖို့ပ”ဲ။ “ကျွန်တော်တို့ မြန်မာပြည်က သံလမ်းအကျယ်က ကမ္ဘာပေါ်မှာအကျဉ်းဆုံး၊ဘယ်လောက် လူးလိုက်မလဲ၊ လမ်းမှာလိုက်မဲ့ သူတွေကလဲ အများကြီး၊အခြေအနေမှန်ကို ဂါတ်ဗိုလ်ကြီးသိရဲ့လား” “သိမှာပေါ့ကွ တကယ်ဆိုရင် ဒီခရီးကို ထွက်ဖို့ သေသေချာချာ ပြင်ဆင်ထားရမှာ၊ ခုတော့ ထွက်ဟ, ထွက်ဟ ဆိုပြီး အာဏာပိုင်တွေက အချက်ပေးလိုက်ရော တက်သုတ်ရိုက်လိုက်ရတာ၊ ဒီလောက်တော့ ရှိမှာပေါ့ အရင်တစ်သုတ်က လူတွေကတော့ ရထားကိုလည်း သေသေချာချာပြင်၊ရထားနဲ့လိုက်မဲ့သူကိုလည်း စစ်ပြီးရွေးထားတာ၊ ကျန်ခဲ့မယ့်လူတွေအတွက်လဲ အပြည့်အစုံစီစဉ်ထားတာ” “ဒါတော့ ဟုတ်တာပေါ့ဗျာ သူတို့က နှစ်ပေါင်းများစွာ အသာစီးယူထားတာ”၊ “အခု အုပ်စုကတော့ ဘယ်သူလိုက်လိုက်ဆိုပြီးဖွင့်ပေးလိုက်တော့ တလကြမ်း အတင်းလိုက်လာတာကိုး၊ပြင်ဆင်ချိန် ဘယ်လောက်ရလို့လဲ” “ရပါတယ်ဗျာ ပြင်ဆင်ခွင့်ကို ယူမှ မယူတတ်တာ”   “ဟေ့ကောင် မင်းက ဘယ်လောက်နားလည်လို့လဲ၊သွားစမ်း ကိုယ့်အလုပ်ကိုယ်လုပ်” ။
မြန်မာပြည်၏ဒီမိုကရေစီဘူတာကြီးသို့ ရထားများဆက်တိုက်ထွက်ခွာလာကြပါပြီ။ရထားစီးလာ၊ မိတ်သဟာ၊ ကျန်းမာချမ်းသာကြပါစေ။ အန္တရာယ်ကင်း၊ ဘေးများရှင်း၊ ဘဝတွေလဲ လင်းပါစေ။လူအချင်းချင်း၊ လှည့်ပတ်ခြင်း၊ ကင်းဝေးကြပါစေ။
သန့်စင်အောင်(ရန်ကင်း)

နိုင်ငံတကာ ဆန်ဈေးကွက်

၂ဝ၁၁ ဆန်ဈေးကွက်။
တစ်ချိန်က အာရှဒေသ၏ ဆန်အိုးကြီးဟု ပြောစမှတ်တွင်ခဲ့သော မြန်မာ့ဆန်စပါးလောကမှာ ယုံတမ်းစကားသဖွယ် ဖြစ်နေသည်။ အထူးသဖြင့် လူဦးရေချင်း စိုက်ဧကချင်း မကွာလှပါပဲနှင့် ထိုင်းနိုင်ငံက ထိပ်တန်းဆန်တင်ပို့သော နိုင်ငံဖြစ်ပြီး မြန်မာက အဘယ့်ကြောင့် နောက်ကောက်ကျသွားရသနည်းဟူသော မေးခွန်းကို အမျိုးမျိုးဖြေဆိုရန် ကြိုးစားနေကြသည့်အတွက် နုန်းနိမ့်ကျခြင်း၊ ရေမဝင်ထွက်ပေါက်များ ရှိနေခြင်းတို့၊ အပြင်ဆန်ကို အဓိကထား၍ စားသုံးသော ဖွံ့ဖြိုးဆဲနိုင်ငံတို့၏ စရိုက်လွှမ်းမိုးဆဲ၊ ဝင်ငွေမြင့် လူလတ်တန်းစားက ရှားပါးဆဲနိုင်ငံတစ်ခုအဖြစ် မြန်မာနိုင်ငံကို ဖော်ပြနေရဆဲဖြစ်သည်။
၂ဝ၁၂ခုနှစ်တွင် ကမ္ဘာ့ဆန်စပါး အထွက်နှုန်းတန်ချိန် ၇၂ဝ.၇ သန်း ရှိမည်ဟု တွက်ဆကြရာ မှတ်တမ်းတင်နိုင်သော ကာလများအတွင်း ၃ ရာခိုင်နှုန်း ပိုမိုမြင့်မားလာခြင်း ဖြစ်သည်။ တကယ်တော့ လပေါင်းများစွာ ရာသီဥတု မကောင်းသည့်ကြားမှ အထွက်တိုးလာခြင်းမှ သီးထပ်အဖြစ် စိုက်ပျိုးခြင်းများကြောင့်လည်း ဖြစ်သည်။ အထူးသဖြင့် လယ်သမားတွေ မနစ်နာစေသော ဆန်ဈေးနှုန်း ရပါစေမည်ဟု အာမခံသော အစီအစဉ်တွေကြောင့် စိုက်ဧကတိုးခဲ့ရာ ကမ္ဘာ့ဆန်စပါး စိုက်ဧက ၂.၂ ရာခိုင်နှုန်း တိုးမည်ဟု မျှော်လင့်ရသည်။
အာရှဒေသရှိ ဆန်စိုက်နိုင်ငံ အတော်များများတွင် ရေလွှမ်းမိုးမှုနှင့် ကြုံတွေ့နေရသော်လည်း တရုတ်နှင့် အိန္ဒိယတို့တွင် သိသိသာသာ အထွက်တိုးမည်ဟု မျှော်လင့်ရပြီး ဘင်္ဂလားဒေ့ရှ်၊ ပါကစ္စတန်နှင့် ဗီယက်နမ်တို့လည်း အထွက်တိုးမည်။ တရုတ်(တိုင်ပေ)၊ အီရန်၊ တောင်ကိုရီးယား၊ မလေးရှား၊ နီပေါနှင့် တူရကီတို့လည်း အထွက်တိုးမည်။ အာဖဂန်နစ္စတန်၊ အင်ဒိုနီးရှား၊ မြောက်ကိုရီးယားနှင့် ဂျပန်တို့တွင် အထွက်ကျမည်။
၂ဝ၁၁ ခုနှစ်တွင် နိုင်ငံတကာ ဆန်စပါးကုန်သွယ်မှု ၉ ရာခိုင်နှုန်း တိုးပွားခဲ့သည်။ အာရှနှင့် အာဖရိက နိုင်ငံများက အလုံးအရင်း လိုက်ဝယ်ယူမှုများကြောင့် ဆန်စပါးကုန်သွယ်မှု တိုးတက်အောင် ဆောင်ရွက်နိုင်ခဲ့ခြင်း ဖြစ်သည်။ ထိုနိုင်ငံက အမြောက်အမြား တင်ပို့မှု၊ အိန္ဒိယနိုင်ငံက ဘာစမာတီမျိုး မဟုတ်သော အခြားဆန်များကို တင်ပို့ရောင်းချနိုင်ခဲ့ခြင်းတို့ကလည်း ဆန်စပါးကုန်သွယ်မှုကို တိုးပွားစေသည်။
၂ဝ၁၂ ဆန်ဈေးကွက်အလားအလာ
ကမ္ဘာ့စားနပ်ရိက္ခာအဖွဲ့က လက်ရှိအခြေအနေကိုကြည့်ကာ ယခင်ခန့်မှန်းချက်၏ ၁ ရာခိုင်နှုန်း လျော့ကျပြီး ကမ္ဘာ့ဈေးကွက်တွင် အရောင်းအဝယ်ဖြစ်မည်ဟု ခန့်မှန်းသမျှ တစ်နည်းအားဖြင့် တန်ချိန် ၃၃.၈ သန်း လျော့ကျမည်။ ယခင်က ဆန်တင်သွင်းနေကျ နိုင်ငံများသည် ပြည်ပမှ တင်သွင်းမှုကို လျှော့ချကာ ပြည်တွင်း၌ ဆန်ဖူလုံရန် ကြိုးစားလာကြသဖြင့် ဝယ်လိုအား လျော့နည်းလာခဲ့သည်။ ပို့ကုန်ဘက်တွင် ပြည်တွင်း၌ ဆန်ဈေးမြှင့်ဝယ်ယူသော ထိုင်းနိုင်ငံသည် ကမ္ဘာ့ဈေးကွက်တွင် ယှဉ်ပြိုင်နိုင်စွမ်း လျော့ကျကာ ပို့ကုန်တင်ပို့ရောင်းချမှု ထိခိုက်နိုင်သည်။ ဆန်တင်ပို့မှုကို ပိတ်ပင်ထားသော အိန္ဒိယနိုင်ငံက ထိုင်းပို့ကုန် လျော့ကျမှုကို အစားထိုးနိုင်သည်။ သြစတြေးလျ၊ တရုတ်၊ ပါကစ္စတန်နှင့် ဗီယက်နမ်တို့တွင် တင်ပို့နိုင်မည့် အလားအလာကောင်းသလောက၊် မြန်မာ အပါအဝင် အာဂျင်တီးနား၊ ဘရာဇီး၊ အမေရိကန်နှင့် ဥရုဂွေးတို့တွင် အရောင်းကျနိုင်သည်။
ယခင်နှစ်ကထက် ၃ ရာခိုင်နှုန်းလျှော့ပြီး တင်သွင်းမည်ဟု ခန့်မှန်းသော အာရှနိုင်ငံများထဲ၌ အများဆုံးလျှော့မှ ဝယ်ယူမည့်နိုင်ငံမှာ ဘင်္ဂလားဒေ့ရ်ှဖြစ်သည်။ ယခင်နှစ်က ဝယ်ယူထားသော လက်ကျန်များ ရှိနေခြင်း၊ ၂ဝ၁၁ ခုနှစ်တွင် သီးနှံအထွက်ကောင်းခဲ့ခြင်းတို့ကြောင့်၊ ဘင်္ဂလားဒေ့ရ်ှတွင် ဆန်ဈေးနှုန်းများ ကျဆင်းခဲ့သည်။ အင်ဒိုနီးရှား၌ ကိုရီးယားက ဝယ်ယူမှု မြင့်မားနိုင်သည်။ ဖိလစ်ပိုင်က ယခင်နှစ်၏ ထက်ဝက်ခန့် ပိုမိုတင်သွင်းမည်။ သီရိလင်္ကာ၌ ရေလျှံခဲ့သော်လည်း လယ်မြေသစ်ဖော်ထုတ်မှုများ၊ ပြည်တွင်းဒေသအချို့တွင် အထွက်ကောင်းခြင်းများကြောင့် ပြည်တွင်း၌ ဖူလုံသော ဆန်လက်ကျန် ရှိနေသည်။ ဥရောပသမဂ္ဂက ၈ ရာခိုင်နှုန်း တိုးချဲ့ဝယ်ယူနိုင်သည်။
လက်ရှိအခြေအနေတွင် မြန်မာနိုင်ငံ၏ တင်ပို့မှု ၁၄ ရာခိုင်နှုန်း ကျဆင်းမည်။ ကမ္ဘောဒီးယားက ပြည်တွင်းတွင် ကြိတ်ခွဲခြင်း မပြုနိုင်၍ အိမ်နီးချင်းနိုင်ငံများသို့ တင်ပို့ခြင်း၊ ပြန်လည်တင်ပို့ရောင်းချခြင်းများ ပြုလုပ်မည်။ ထိုင်းနိုင်ငံတွင် ဆန်ဈေးတက်ခြင်းကြောင့် ကမ္ဘောဒီးယားနှင့် မြန်မာတို့ကဲ့သို့သော အိမ်နီးချင်းနိုင်ငံများမှ ဆန်များ ထိုင်းနိုင်ငံသို့ ဝင်ရောက်နိုင်သည်။
Rice Market Moniton Nov,2011


တခါက လူနှစ်ယောက်ရှိတယ်။ တယောက်က မျက်စိမမြင်တဲ့သူ။ ဒါပေမယ့် ဉာဏ်တော့ရှိတယ်။ သူ့ နာမည်က ဖိုးဉာဏ် တဲ့၊ နောက်တယောက်တော့ ဗလကောင်းကောင်းနဲ့ လူပဲ။ ဆိုးတာက သူကဉာဏ်တော့မရှိဘူး။ အဲ့ သူသိတာတခုတော့ ရှိတယ်အဲ့ဒါ ဖိုးဉာဏ်ကို ဆရာတင်ရမယ် ဆိုတာပဲ။
သူ့ နာမည် ဗလတဲ့။ သူတို့က အတွဲတော့ညီသား။ ဗလ က ဖိုးဉာဏ် ကို ကုန်းပိုးပြီးသွားတတ်သလို ဖိုးဉာဏ်တော့ ဗလ ပြောတာနားထောင်ပြီး ဆုံးဖြတ်ပေးတတ်တယ်။ ဘယ်လောက်တောင် လဲဆိုတော့ တခါက သူတို ညပိုင်းကြီးပြန်လာတာ ဗလ က …

“ဟေ့ကောင် ဖိုးဉာဏ်ငါတို့ဆီကို ခပ်လင်းလင်းဟာကြီးနှစ်ခု ပြေးဝင်လာတယ်”
ဖိုးဉာဏ် ကစဉ်းစားပြီး
“ဘယ်လိုဟာလဲ ဟ”
“ခပ်လင်းလင်းနဲ့ အသံတွေလဲ ထွက်နေတယ် နှာမူတ်သံကြီးနဲ့ ငါတို့နဲ့တောင် အတော်နီးလာပြီ”
“လင်းလဲ လင်းတယ် အသံလဲထွက်နေတယ် ဟုတ်လား”
“အေး ငါတို့နဲ့တောင် သိပ်မကွာတော့ဘူး”
“ဘယ်လိုအသံလဲကွ”
“တ တီတီတပွမ်ပွမ်နဲ့ ကွ”
“ဟာ …. မင်း အဘ … အဲ့ဒါ… ကားဟ… ရှောင်ရှောင်…”
အသေအလဲရှောင်လို့ မတိုက်မိပေမယ့် နှစ်ယောက်လုံး လမ်းဘေးကို ဒိုင်ဗင်ပစ်လိုက်ရလို့ အကွဲကွဲ အပြဲပြဲပဲ။ အဲ့လိုနှစ် ယောက်ပါ။ ဒါပေမယ်အပေးအယူတော့ဖြောင်လို့။ အဲ့လိုနဲ့ တနေ့ညတညမှာ သူတို့ အိမ်အပြန်မှာ အပင်ကြီးတပင်ကြီး အောက် ကဖြတ်ပြန်ရတယ်။
အဲ့အပင်မှာ ညဂျူတီကျတဲ့ သရဲတကောင် ရောက်နေတယ်။ သူ့တာဝန်က ဒီညမှာ ဒီအပင်အောက်ကိုဖြတ်တဲ့ လူနှစ် ယောက်ကို ခြောက်ရမှာ။ တခါတည်း နှစ်ယောက်ကိုတွေ့တော့ ပိုင်ပြီပေါ့  ပိုတဲ့အချိန်ကို ဘီယာဆိုင်ထိုင်မယ်၊ မာဆတ် သွားမယ်ပေါ။ ဒါကြောင့် ၀ုန်းထခနဲခုန်ချပြီး သူရဲ့ကြောက်စရာကောင်းတဲ့ လက်တွေကို ဆန့်ထုတ်လိုက်တယ်။ ဗလ က သူရှေ့ရောက်လာတဲ့ သရဲကို သေချာကြည့်ပြီး …

“ဖိုးဉာဏ်ရေ ငါတို့ရှေ့ကို အဖြူရောင်အ၀တ်နဲ့လူတယောက် ခြေကားယား လက်ကားယား လုပ်နေတယ်”
“ဟေ …. မော်တော်ပီကယ်နေမှာပါကွာ သူတို့ဖလားကြီးတောင် ပါဦးမယ် ”
“အဖြူရောင်အ၀တ်က အစုတ်စုတ်အပြတ်ပြတ်နဲ့ကွ”
“အော် ၀န်ထမ်းနေမှာပေါ့”
“ မျက်လုံးပြူးကြီးနဲ့ ဟ ”
“ဝေဖန်ရေးဆရာ နေမှာဟ”
“လျှာကလဲ တတောင် လောက်ထွက်နေတယ်”
“ကျူရှင်ဆရာနေမှာ”

သူတို့ပြောနေတာတွေ ကြားပြီး ကြာတော့ သရဲလဲစိတ်က မရှည်တော့ဘူး။
“ဟိတ်လူတွေကြောက်ကြလေဗျာ ကျုပ်က တစ္တေ ခင်ဗျားတို့တွေ ကိုခြောက်နေတာ”
“ဖိုးဉာဏ်ရေ ငါတို့ကို သူက တစ္ဆေခြောက်နေတာတဲ့”
“အာ သူက သရဲဆိုတိုင်း ယုံလို့မရဘူးကွ ဒီခေတ်ကြီးက အလိမ်အညာတွေများတယ်။ သူ့မှာ ဘာအထောက်အထားပါ လဲ၊ မေးကြည့်ကွာ”
သရဲလဲ အတော်တင်းနေပြီ ဒါနဲ သူ့ရဲ့ သရဲမှတ်ပုံတင်ကတ်ပြားကို ပြလိုက်တယ်။ သူ့ဘ၀သက်တမ်းမှာ ဒီလိုကတ်ပြား ပြပြီး ခြောက်ရတဲ့ လူမျိုးမတွေ့ဖူးဘူး။ ဗလ က မှတ်ပုံတင်ကိုကြည့်ပြီး

“ကတ်ပြားကတော့ဟုတ်တယ် ပုံက၀ါးနေတယ်ကွ”
“ပုံက၀ါးတယ်ဆိုတော့ ယုံလို့မရသေးဘူး ပြီးတော့ အဲ့ ကတ်ပြားကို ငါကမြင်ရတာ မဟုတ်ဘူး။ ဗလ ဒီကောင် ကြည့်ရ တာ မသင်္ကာစရာဘဲကွ၊ ကြာတယ်ကွာ ဒီကောင်ကို မင်းချုပ်ထားလိုက်စမ်းကွာ”
ဒါမျိုးကတော့ ဗလတို့ ဘာသွက်သလဲမမေးနဲ့ ချုပ်ထားလိုက်တာ သရဲခမျာ ယှက်ကန်ယှက်ကန်နဲ့ မိပါရော။

“ဟေ့… လူတွေ…. ကျုပ်က… သ… ရဲနော်.. ကျုပ်… ကိုင်လိုက်ရမလား”
“အောင်မာ အခုထိ သရဲက တပြားသားမှ မလျော့သေးဘူး…၊ အေး မင်းကိုငါမေးမယ် မင်းသရဲ ဆိုသိရမယ် လူဟာသေ ရင် ဒွါရကိုးပေါက်က အသက်ထွက်တယ်လို့ဆိုတယ်၊ မင်းဟာ သေဖူးတဲ့ သရဲ ဆိုတော့ သိရမယ်၊ ပြော မင်း ဘယ်အ ပေါက်ကထွက်သလဲအသက်။”
သရဲ လဲ အတော် ညစ်သွားတယ်၊ ကို့ဟာကို ဘယ်က ထွက်မှန်းမသိဘူး။ ဒါနဲ့ ရမ်းဖြီး လိုက်တယ်။
“ နာ… နား … က… ထွက်တာ”
ဒီအခါဖိုး ဉာဏ်က တောက်တချက် ပြင်းပြင်းခေါက်ပြီး
“လူ့ရဲ့ မြင့်မြတ်တဲ့ နားနှခေါင်းထွက်ရင် ကောင်းတဲ့ဘုံရောက်တယ် ကွ။ ဟေ့ကောင်ဗလ ဒီကောင်လူလိမ်ကွ ချကွာ”
ဘာပြောကောင်းမလဲ ဗလ သမလိုက်တာ သရဲ ခွေခွေ လေးကျန်ခဲ့တယ်။

ဒီဇာတ်ကပြီးမသွားခဲ့ဘူး။တစ္ဆေလောကမှာ ဂယက်ထသွားတယ်။ သရဲတွေ ကိုယ့်ကိုယ်ကိုယ် ပြန်မေးကြတယ်။ ငါတို့က ဘာလဲ ဘာတွေလဲ ဘာကောင်တွေလဲ။ ဆောက်တည်ရာမရ ဖြစ်ကုန်တယ်။ တစ္ဆေအကြီးအကဲကြီးကတော့
ပြောရှာပါတယ်…
“တို့တွေက သရဲတွေပါ သံသယ မရှိကြပါနဲ့”
ဒါပေမယ့် သူစကား ဘယ်သူမှနားမထောင်ကြဘူး ။ခေါင်းဆောင်ကြီးလဲ တဖွဖွပြောရင်း သူ့ဘ၀ နောက်ဆုံးအချိန် ရောက်တော့ သေတမ်းစာမှာ မှာခဲ့တယ်။

မျက်စိ မမြင်တဲ့သူနဲ့ ဉာဏ်နည်းတဲ့ သူတွေကို ဘယ်တော့မှ မခြောက်ပါနဲ့တဲ့။ ခုချိန်ထိ ဘယ်မျက်မမြင် ဘယ်အရူးကိုမှ
တစ္ဆေခြောက်တယ်လို့ မကြားမိတာ အမှန်ပါပဲ ။

 
Lwin Pwin