မြန်မာပြည်မှပေးပို့သောနောက်ဆုံးဖြစ်ရပ်မှန်သတင်းများ ဇန်နဝါရီလ ၂၆ ရက်၊ ၂၀၁၂

မေတ္တာမွန်ဂိုဒေါင် ပြင်းထန်စွာ မီးလောင်ပေါက်ကွဲရခြင်း အကြောင်းမှန် ဖော်ထုတ်နိုင်ပြီဆို

မင်္ဂလာတောင်ညွန့်မြို့နယ်၊ ကူးတို့ဆိပ်ရပ်ကွက်ရှိ မေတ္တာမွန်သိုလှောင်ရုံဝင်းအတွင်း ဒီဇင်ဘာ ၂၉ ရက်နေ့ကဖြစ်ပွားခဲ့သည့် ပရ ဆေးဂိုဒေါင်မီးလောင်ရာ၌ ပေါက်ကွဲမှုအား များစွာပြင်းထန်ရခြင်းမှာ သိုလှောင်ထားသော ဓာတုပစ္စည်းများကြောင့်ဖြစ်သည်ဟု စုံစမ်း စစ်ဆေးရေးအဖွဲ့မှ သုံးသပ်ကြောင်း သိရသည်။
''ပေါက်ကွဲမှုဖြစ်တဲ့ ဂိုဒေါင် အမှတ်(၇၉)ထဲမှာ ပရဆေးနဲ့ ဓာတု ပစ္စည်းစုစုပေါင်း ၆၈ မျိုး၊ တန်ချိန် အားဖြင့် ၂ဝ၅ ဒသမ ၁၂၂ တန် သိုလှောင်ထားတယ်။ အဲဒီထဲမှာ ပေါက်ကွဲမှုဖြစ်စေတဲ့ ဓာတုပစ္စည်း က ၅၈ ဒသမ ၂၅ဝ တန်နဲ့ အပူရှိန် မြင့်မားမှုကို ပိုမိုအားပေးတဲ့လောင် စာက ၄၁ ဒသမ ၄၃၆ တန် ပါဝင် တာတွေ့ရတယ်။ မီးလောင်တဲ့ အချိန်မှာ ဒီဓာတုပစ္စည်း ၉၉ ဒသမ ၆၈၆ တန်က မြင့်မားတဲ့ အပူရှိန်နဲ့ ထိတွေ့ပြီး ဓာတုအချင်းချင်း ပေါင်း စပ်ဓာတ်ပြုကာ အသေးစားကြီးမား ပြင်းထန်တဲ့ပေါက်ကွဲမှုဖြစ်တာ တွေ့ ရတယ်'' ဟု စုံစမ်းစစ်ဆေးရေး အဖွဲ့ဝင်တစ်ဦးက ပြောသည်။
ဂိုဒေါင်ပိုင်ရှင်အား စစ်ဆေးရာ တွင် ¤င်းသည် ပရဆေးများကို အရောင်းအဝယ်ပြုစဉ် ထိုင်း၊ တရုတ်၊ အိန္ဒိယတို့နှင့် အဆက် အသွယ်ရှိခဲ့ပြီး ထိုလမ်းကြောင်းများ မှတစ်ဆင့် တရားမဝင် ဓာတုပစ္စည်း များကိုပါ သယ်ယူသိုလှောင် ရောင်း ချခဲ့ကြောင်း၊ ဓာတုပစ္စည်းများကို သိုလှောင်ရာတွင် ရောနှောစုပုံခဲ့ ကြောင်း၊ ၂ဝ၁၁ အောက်တိုဘာ ပထမပတ်ထဲတွင် မီးလောင်ပေါက် ကွဲလွယ်သည့် Potassium Chlorate ၅ဝဝဝ ကီလိုဂရမ် (၂၅ ကီလို ဂရမ်ဝင် ၂ဝဝ အိတ်) Red Phosphorous ၁၆ဝဝ ကီလိုဂရမ်တို့ကို ဝယ်ယူ၍ ဂိုဒေါင်အတွင်းရှိ ယမ်း စိမ်းအိတ်များအနီး စုပုံထားခဲ့ ကြောင်း Potassium Chlorate အိတ် ၂ဝဝ မှ ၆ဝ ခန့်သာ ရောင်း ချခဲ့ရပြီး ကျန်အိတ်များနှင့် Red Phosphorous ၁၆ဝဝ ကီလို ဂရမ် တို့မှာ မီးလောင်သွားခဲ့ကြောင်း ထို့ ပြင် မီးမလောင်မီ ၁ဝ ရက်ခန့်က ဝယ်ယူသိုလှောင် ထားသော Ammonium Nitrate ငါးတန်နှင့် လက်ကျန် တစ်အိတ်လျှင် ၅ဝ ကီလိုပါသော ၁ဝ အိတ်မှာလည်း မီးလောင်မှုတွင် ပါဝင်သွားကြောင်း၊ ထို့ကြောင့် ပေါက်ကွဲမှု ပြင်းထန် သွားသည်ဟု စစ်ဆေးတွေ့ရှိရ ကြောင်း သိရသည်။ ထိုပေါက်ကွဲမှုအား အမြန်ဆုံး ဖော်ထုတ်ရန် ဒုတိယသမ္မတဒေါက် တာ စိုင်းမောက်ခမ်းက ဇန်နဝါရီလ ၁ ရက်နေ့တွင် အခင်းဖြစ်ပွားရာ နေရာသို့ သွားရောက် စစ်ဆေးစဉ် က သက်ဆိုင်ရာဌာနအဖွဲ့အစည်း များသို့ မှာကြားခဲ့သည့်အတွက် ဗဟို စုံစမ်းစစ်ဆေးရေးအဖွဲ့နှင့်တိုင်းဒေသ ကြီး စုံစမ်းစစ်ဆေးရေးအဖွဲ့ဟူ၍ အဖွဲ့နှစ်ဖွဲ့ခွဲကာ မီးလောင်ပေါက် ကွဲမှု အကြောင်းရင်းကို အပူတပြင်း ဖော်ထုတ်ခဲ့ခြင်း ဖြစ်သည်။
ထိုသို့ မီးလောင်ပေါက်ကွဲမှု အကြောင်းရင်းအား စစ်ဆေးရာ၌ ကနဦးအနေဖြင့် မီးလောင်မှု အ ကြောင်းရင်းအား စတင်စစ်ဆေး ခဲ့ရာ ထွက်ဆိုချက်များအရ ဂိုဒေါင် အမှတ်(၈ဝ)မှ မီးစတင်လောင် ကျွမ်းခဲ့ပြီး ကပ်လျက်ရှိသော ဂိုဒေါင် အမှတ်(၇၉)သို့ ကူးစက်လောင် ကျွမ်းကာ ပေါက်ကွဲမှု ဖြစ်ပွားခဲ့ ကြောင်း၊ မီးစတင်လောင်ကျွမ်း စဉ်က ဝါယာကြိုးညှော်နံ့များရကာ အဆိုပါနေ့၏ ည ၁ နာရီခန့်မှ မီး စတင်လောင် ကျွမ်းနေ ခဲ့ခြင်း ဖြစ် ကြောင်း၊ ထိုဂိုဒေါင် အမှတ်(၈ဝ) တွင် မီးလောင်မှုမဖြစ်မီက ခဲဂဟေ ဆော် သည့် ဂေါက်အသုံးပြုခြင်းနှင့် အင်ဗာတာ အားသွင်းခြင်းများကို ဆောင်ရွက်ခဲ့သော်လည်း လုပ်ငန်း ပြီးဆုံးချိန်၌ ထိုမီးခလုတ်များကို မပိတ်ခဲ့ကြောင်း၊ အဆိုပါ မေတ္တာ မွန်ဂိုဒေါင်ဝင်းအတွင်းရှိ ဂိုဒေါင်များ အား လုံခြုံရေးမီးသာ သွယ်တန်း ခွင့်ပြုထားပြီး ကျန်လျှပ်စစ်မီးသွယ် တန်းခြင်းကို မြန်မာ့ဆိပ်ကမ်း အာ ဏာပိုင် လျှပ်စစ် အင်ဂျင်နီယာဌာန ၏ ခွင့်ပြုချက်ရယူပြီးမှသာ ဆောင် ရွက်ရမည်ဖြစ်သော်လည်း ဂိုဒေါင် အမှတ်(၈ဝ)၏ လျှပ်စစ်မီးသွယ်တန်း ခြင်းကိုမူ ဌာန၏ခွင့်ပြုချက် မရမီ သွယ်တန်းခဲ့ကြောင်း စစ်ဆေးတွေ့ ရှိရသည်ဟု စုံစမ်းစစ်ဆေးရေးအဖွဲ့ မှ အဖွဲ့ဝင်မီးသတ်အရာရှိတစ်ဦးက ပြောသည်။
''အခုတွေ့ရှိရတဲ့ စစ်ဆေးချက် တွေအရ ဒီမီးလောင်မှုဟာ လျှပ်စစ်ပစ္စည်းတွေ အပူလွန်ကဲပြီး မီး လောင်မှု စတင်ဖြစ်ပွားတယ်လို့ သုံး သပ်ရတယ်။ ဘာကြောင့်လဲဆို တော့ မီးလောင်မှုဖြစ်တဲ့ညမှာ မီး မလောင်ခင် အချိန်အထိ လျှပ်စစ် မီးလာနေပြီး ပေါက်ကွဲမှု ကြီးဖြစ် တော့မှ လျှပ်စစ်မီးပြတ်သွားတယ် ဆိုတဲ့ အချက်ရယ်၊ မီးလောင်မှု မဖြစ်ခင် သုံးရက်လောက်က ဒီဂို ဒေါင်မှာရှိတဲ့ ဝါယာကြိုးတွေ ပူနေ တယ်လို့ ဂိုဒေါင်စောင့် ဝန်ထမ်းတွေ ရဲ့ ထွက်ဆိုချက်တွေအရ လျှပ်စစ် ပစ္စည်းတွေ အပူလွန်ကဲရာကနေ စလောင် တယ်လို့ ပြောနိုင်တာပါ။ ဒါ့အပြင် ဂိုဒေါင်အမှတ်(၈ဝ) အတွင်း မှာလည်း မီးလောင်ပျက်စီးနေတဲ့ အင်ဗာတာတစ်လုံးကိုလည်း ရှာဖွေ တွေ့ရှိခဲ့တယ်''ဟု ၄င်းက ဆက် လက်ပြောကြားသည်။ ထို့ကြောင့် ဓာတုပစ္စည်းများ တင်သွင်း၊ သိုလှောင်၊ ဖြန့်ဖြူးခြင်း လုပ်ငန်းများကို ထိန်းချုပ်သည့် လုပ်ထုံးလုပ်နည်း ညွှန်ကြားချက် များ၊ ဘေးဥပဒ်ဖြစ်စေသော ဓာတု ပစ္စည်းများကို လူနေရပ်ကွက်အနီး သိုလှောင်ခြင်းမရှိစေရန် ညွှန်ကြား ချက်များ ထုတ်ပြန်သင့်ကြောင်း စုံစမ်းစစ်ဆေးရေးအဖွဲ့က အကြံပြု တင်ပြထားကြောင်း သိရသည်။
ပေါ်ပျူလာဂျာနယ်

 မြန်မာနိုင်ငံကိုအလည်အပတ်ရောက်ရှိနေတဲ့ ပါကစ္စတန် သမ္မတာ မစ္စတာ ဇာဒါရီ ဟာ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ ယနေ့ ဇန်နဝါရီလ ၂၅ ရက်နေ့ လည် ၂ နာရီမှ၃နာရီခွဲအထိရန်ကုန်မြို့ တက္ကသိုလ်ရိပ်သာလမ်းရှိ ဒေါ်အောင်ဆန်းစုကြည်နေအိမ်တွင် တွေ့ 

ဗဟိုဘဏ်သီးခြားလွတ်လပ်သွားလျှင် နိုင်ငံသုံးစွဲငွေတစ်ဦးတည်း ထုတ်ဝေသွားမည်

Popular News Journal — မြန်မာနိုင်ငံတော် ဗဟိုဘဏ်အား သီးခြား လွတ်လပ် သည့် အဖွဲ့တစ်ခု အဖြစ် လက်ရှိ တွင် ဆောင်ရွက်နေသည်ဟု ဗဟိုဘဏ်မှ တာဝန်ရှိသူ တစ်ဦး က ပြောသည်။
“ငွေကြေး မူဝါဒနဲ့ နိုင်ငံခြား ငွေလဲလှယ်နှုန်း မူဝါဒကို အကောင်အထည် ဖော်ဆောင်ရွက် သွားမယ်၊ ငွေရေးကြေးရေး အဖွဲ့ အစည်းတွေကို ကြီးကြပ် စစ်ဆေးခြင်းနဲ့ ကြပ်မတ်ကွပ်ကဲ သွားမယ်။ နိုင်ငံခြားသုံး သီးသန့် ငွေကို စီမံခန့်ခွဲ သွားမယ်။ ထိ ရောက်တဲ့ ငွေပေးချေမှုနဲ့ စာရင်း ရှင်းလင်းမှု စနစ် ဖော်ဆောင်ခြင်း အပါအဝင် နိုင်ငံရဲ့ တရားဝင် သုံးစွဲ ငွေကိုပါ တစ်ဦးတည်း ထုတ်ဝေသူ အဖြစ် အဓိက ထားတာဝန်ယူ သွားမှာပါ” ဟု အထက်ပါ ပုဂ္ဂိုလ်က ဆိုသည်။
သီးခြား ရပ်တည်ချိန်၌ ဗဟိုဘဏ်၏ လက်ရှိဖွဲ့စည်းပုံနှင့်လုံ လောက်မှု ရှိလိမ့်မည် မဟုတ်သဖြင့် ဌာနများ တိုးချဲ့ဖွဲ့စည်း သွားမည် ဖြစ်သည် ဟုလည်း ဗဟိုဘဏ်မှ သိရသည်။
မြန်မာ့ စက်မှုလက်မှု ဖွံ့ဖြိုးမှုဘဏ်၏ ဒါရိုက်တာ ဖြစ်သူ ဒေါက်တာ သန်းထွန်းက “ဗဟိုဘဏ်က သီးခြားဆိုရင် နိုင်ငံတော် သမ္မတရဲ့ အုပ်ချုပ်မှုအောက် ပဲ ရောက် သွား မှာပေါ့။ ဒီလိုဆိုရင် ပိုပြီး ကောင်းသွားမယ်။ ဆုံးဖြတ်ချက် တစ်ခုကို ချတဲ့အခါမှာ ဝန်ကြီးအထိ တင်ရတာမျိုး တွေလုပ်ဖို့ မလိုတော့ဘဲ ကိုယ်တိုင် လုပ်ရဲကိုင်ရဲ လာမယ် ။ နောက်ပြီး တာဝန်ယူ ရမှုအပိုင်း မှာလည်း ပိုပြီး လေးနက်လာမယ်” ဟု ပြောသည်။

လွတ်လပ်စွာ ဆောင်ရွက်ခြင်းဖြင့် ဗဟိုဘဏ်၏ ဆောင်ရွက်မှုများကို ပြည်သူလူထုက ထင်သာမြင်သာ ရှိသွားမည် ဖြစ်သည့်အပြင် အကောင်အထည် ဖော်ဆောင် ရွက် နိုင်စွမ်း အပေါ် လူထုက ယုံကြည် ကိုးစားမှုများ ပါ ရရှိသွားနိုင်မည် ဟု ဗဟိုဘဏ် ထံမှ သိရသည်။
လက်ရှိတွင် ဗဟိုဘဏ် အနေဖြင့် ၁၉၉ဝ ခုနှစ်၊ ဇူလိုင် ၂ ရက်က ပြဋ္ဌာန်းခဲ့သည့် တည်ဆဲ ဥပဒေအရ ဆောင်ရွက်နေပြီး ၁၉၉၅ ခုနှစ်၊ ၁၉၉၇ ခုနှစ် များက ထပ်မံ ၍ ပြင်ဆင် ဖြည့်စွက်မှုကို ပြုလုပ်ခဲ့သေးကြောင်း၊ ယခုခေတ် လိုအပ်ချက် နှင့်အညီ ဖြစ်စေရန် ပြင်ဆင် ဖြည့်စွက်ခြင်းနှင့် အသစ် ပြန်လည် ရေးဆွဲခြင်း တို့ကိုစီ စဉ်ဆောင်ရွက် နေသည်ဟု ဗဟိုဘဏ်၏ တရားဝင် ထုတ်ပြန်ချက် အရ သိရသည်။
မင်းသုအောင်

ဘုရင့်နောင်ဈေး အဆောင်သစ် တည်ဆောက်ရေး မဲခွဲဆုံးဖြတ်မည်

ဈေးသူဈေးသားများက ကန့်ကွက်လျက်ရှိသည့်  ဘုရင့်နောင်ဈေး ယာဉ်ရပ်နားရာနေရာတွင် ဆောက်လုပ်မည့် အဆောင်သစ် တည်ဆောက်ရေးစီမံကိန်းအား ဈေးသူဈေးသားများ၏ ဆန္ဒကိုခံယူပြီး ယခုလ ၂၈ ရက်နေ့တွင် မဲခွဲဆုံးဖြတ်မည်ဖြစ်ကြောင်း ယင်းဈေးတာဝန်ခံရုံးမှ ပြောရေးဆိုခွင့်ရှိသူတစ်ဦးက YPI သို့ပြောသည်။ ယခုကဲ့သို့ မဲခွဲရန်အတွက် အဆောင်သစ်တည်ဆောက်လိုသည့် ဈေးများဋ္ဌာနနှင့် ယင်းအစီအစဉ်အားကန့်ကွက်သည့် ဈေးသူဈေးသားများ ကြား ယခုအချိန်တွင်အပြိုင်အဆိုင် မဲဆွယ်မှုများ ပြုလုပ်လျှက်ရှိကြောင်း ယင်းဈေးတွင်  ယာဉ်အပိုပစ္စည်းရောင်းချသူ ဦးဗဟာဒူးက ဆိုသည်။
 “သူတို့ဘက်ကလည်း အဆောင်သစ်ဆောက်မှ ဈေးခိုင်မာမယ်။ မဟုတ်ရင် ဈေးပြောင်းရတော့မယ်ဆိုပြီး မဲဆွယ်နေတယ်။ ကျွန်တော်တို့ကလည်း ကန့်ကွက်မဲပေးကြဖို့ အတွက်ဆိုင်တွေကို စာရွက်တွေ လိုက်ဝေနေတယ်။ ဘယ်သူ အားသာမလဲတော့ စနေနေ့မှာတွေ့မှာပဲ” ဟု ၎င်းကဆိုသည်။
 အခြား ယာဉ်အပိုပစ္စည်းဆိုင်ပိုင်ရှင် တဦးဖြစ်သည့် ဦးထွန်းထွန်းဝင်းကလည်း ကားရပ်နားရာနေရာတွင် အဆောင်သစ် တည်ဆောက်ပါက ဈေးသူဈေးသားများအတွက် များစွာထိခိုက်မှုရှိနိုင်ကြောင်း၊ အဆိုပါ ကားရပ်နားဝင်းသည် တစ်ဈေးလုံး အသုံးပြုသည့်နေရာဖြစ်ပြီး အချို့သောယာဉ်အပိုပစ္စည်းဝယ်ယူသူများအား ထိုနေရာတွင်ပင် တပ်ဆင်ပေးရလေ့ရှိကြောင်း၊ ထိုနေရာတွင် အဆောင်သစ်ဆောက်လုပ်ပါက ဈေးတွင်းယာဉ်ကြောပိတ်ဆို့မှုများလည်း ဖြစ်နိုင်ပြီး ပစ္စည်းအတင်အချလည်း ခက်ခဲသွားမည်ဖြစ်ကြောင်း ပြောကြားသည်။ ပြီးခဲ့သည့် ဒီဇင်ဘာလဆန်းပိုင်းတွင် ဘုရင်နောင်ဈေးရှိ ယာဉ်ရပ်နားရာနေရာအား အဆောင်သစ်ဆောက်လုပ်ရန်အတွက် စည်ပင်သာယာရေးကော်မတီမှ ဈေးသူဈေးသားများအား အသိပေးခြင်းမရှိဘဲ ခြံစည်းရိုးကာရံခဲ့ကြောင်း၊ ထိုကိစ္စနှင့်ပတ်သတ်ပြီး ဈေးသူဈေးသားများက နိုင်ငံတော်သမ္မတထံ လိပ်မူတိုင်ကြားခဲ့ကြောင်း၊ ထိုသို့တိုင်ကြားခဲ့သဖြင့် စည်ပင်သာယာ ရေးကော်မတီ ဈေးများဌာနမှ ခေါ်ယူဆွေးနွေးမှုများပြုလုပ်ခဲ့ပြီး နောက်ဆုံးတွင် ယခုကဲ့သို့ မဲခွဲဆုံးဖြတ်ရန် စီစဉ်ပေးခဲ့ခြင်းဖြစ်ကြောင်း ဈေးသူဈေးသားအချို့ကပြောကြားသည်။
ယခုကဲ့သို့ ဆုံးဖြတ်ချက်မချမီက ဈေးသူဈေးသားများနှင့် ရန်ကုန်မြို့တော် စည်ပင်သာယာရေးကော်မတီ၏ ဈေးများဌာနမှ တာဝန်ရှိသူများတွေ့ဆုံရာတွင် လက်ထောက်ဌာနမှူးဖြစ်သူ ဦးမောင်မောင်အေးက ယခုဈေးမြေအား ကာကွယ်ရေးဝန်ကြီးဋ္ဌာနမှ ပိုင်ဆိုင်ကြောင်းပြောကြားခဲ့သည့်အပြင် အာဏာရှင်ဆန်သော ပြောဆိုမှုများလည်း ရှိခဲ့ကြောင်း ဦးဗဟာဒူးကပြောကြားသည်။
 “ကျွန်တော်တို့ကိုသူကပြောတယ်။ ခင်ဗျားတို့ အကြံပေးလို့ရတယ်။ ကန့်ကွက်လို့မရဘူး။ ကန့်ကွက်လည်း လုပ်မှာပဲလို့ပြောတယ်။ ပြီးတော့ ကျွန်တော်တို့ကို ဘာလို့ကြိုအသိမပေးလဲ မေးတော့ ခင်ဗျားတို့ထက်ကျုပ်တို့ပိုသိတယ်။ ခင်ဗျားတို့ သိစရာမလိုဘူးလို့ပြောတယ်” ဟု ၎င်းကဆိုသည်။
 ယခုဈေးဆောင်သစ်တည်ဆောက်မည့် စီမံကိန်းအား ရန်ကုန်မြို့တော် စည်ပင်သာယာရေးကော်မတီနှင့် ဂမုန်းပွင့်င့် ကုမ္ပဏီတို့ ပူးပေါင်း စီစဉ်ခြင်းဖြစ်ပြီး ယင်းအဆောင်သစ်တွင် ဆိုင်ခန်းပေါင်း၄၀ ပါဝင်မည်ဖြစ်ကာ အဆိုပါဆိုင်ခန်းများကို တခန်းလျှင် သိန်း ၂၅၀၀ သတ်မှတ်ကာ ကြိုပွိုင့်စနစ်ဖြင့် အခန်းစေ့ရောင်းချပြီးကြောင်း သတင်းများလည်း ထွက်ပေါ်လျက်ရှိသည်။ မီးဘေးသင့်ခဲ့သည့် သင်္ဃန်းကျွန်းဈေးသစ် ဆောက်လုပ်ပြီးနောက် မကြာမီလပိုင်းအတွင်းက ပြန်လည် နေရာချထားပေးရာတွင် စည်ပင်သာယာဈေးများဋ္ဌာနနှင့် ဈေးသာယာရေးမှ တာဝန်ရှိသူအချို့ပူးပေါင်းပြီး မသမာမှုများ ပြုလုပ်ခဲ့သဖြင့် ရန်ကုန်တိုင်းဒေသကြီးဝန်ကြီးချုပ်နှင့် နိုင်ငံတော်သမ္မတထံသို့ တိုင်ကြားခြင်းခံခဲ့ရသည်။          ။

အစိုးရဝန်ထမ်းများ အရစ်ကျစနစ်ဖြင့် ကားဝယ်နိုင်ပြီ

Popular News Journal — အာမခံစနစ်မလိုဘဲ အရစ်ကျစနစ်ဖြင့် အစိုးရဝန်ထမ်းများအား ပြည်တွင်းထုတ်မော်တော်ယာဉ်များကို ရောင်းချပေးသွား မည်ဟု အားမာန်သစ်ကားထုတ်လုပ်ရေးမှတာ ဝန်ရှိသူက ဇန်နဝါရီလ ၁၉ ရက်နေ့တွင် ပြောသည်။
”နိုင်ငံဝန်ထမ်းဖြစ်ကြောင်း သက်သေခံလက်မှတ်ရှိရမယ်။ ဘယ်ဌာန ဘယ်အဆင့်ဖြစ်ဖြစ် ရောင်းပေးသွားမယ်”ဟု ၄င်းက ပြောသည်။ရန်ကုန်၊ မန္တလေး နှစ်နေရာ၌ အရောင်းပြခန်းဖွင့်လှစ်ကာ ရောင်းချပေးသွားမည်ဖြစ်ပြီး ဝယ်ယူသူအနေဖြင့် ယာဉ်တန်ဖိုး၏ တစ်ဝက်ကို ဦးစွာပေးချေရမည်ဟု သိရသည်။ ထိုသို့ ရောင်းချပေးမည့်  ကားများမှာ ကုန်းလမ်းပို့ဆောင်ရေးညွှန်ကြားမှုဦးစီးဌာန(ကညန)လိုင်စင် အပြီးအစီးဖြစ်ကြောင်း သိရသည်။အားမာန်သစ်ကားထုတ်လုပ်ရေးမှလိုက်ထရပ်အမျိုးအစား တူ AMTOBအားကျပ် ၁၂၃ သိန်း၊MTO 16  အားကျပ် ၉၈ သိန်း၊ မီနီဘတ်စ် အားကျပ်သိန်း ၅ဝ ဖြင့် ဇန်နဝါရီ ၁၉ ရက်မှ၂၂ ရက်နေ့ထိ မင်းဓမ္မလမ်း  MCC ခန်းမကားပြ ပွဲတွင် ရောင်းချခဲ့ကြောင်းသိရသည်။
မေမြန်မာ

ချေးငွေဖြင့် လူ့အသုံးဆောင်နှင့် အိမ်ရာများ ဝယ်ယူနိုင်ရေး AGD ဘဏ်စီစဉ်

Popular News Journal — အခြေခံလူတန်းစားများ လက်လှမ်းမမီနိုင်သေးသော လူ့ အသုံးအဆောင်၊ လုပ်ငန်းသုံးနှင့် အိမ်ရာ၊ တိုက်ခန်းများကို အာရှစိမ်းလန်းမှုဖွံ့ဖြိုးရေးဘဏ် (AGD)မှ   ချေးငွေ ရယူ၍ ဝယ်ယူခွင့်ရနိုင်ရန်စီစဉ်နေပြီဖြစ်ကြောင်း ယင်းဘဏ်က ကြေညာချက် တစ်ရပ်ထုတ်ပြန် လိုက်သည်။ လျှပ်စစ်ပစ္စည်း၊ ကွန်ပျူတာပစ္စည်း၊ တယ်လီဖုန်း ဆင်းကတ်နှင့် ဆက်စပ်ပစ္စည်းများ၊ ဆေးရုံသုံးပစ္စည်းများ၊ စိုက်ပျိုးရေးလုပ်ငန်းသုံး စက်ကိရိယာများ၊စက်ဘီးဆိုင် ကယ်များ၊မော်တော်ယာဉ်နှင့်ယန္တရားများ၊လုပ်ငန်းသုံးစက်ပစ္စည်းများနှင့်ဂျင်နရေတာများ၊တိုက်ခန်းများနှင့် လုံးချင်းအိမ်ရာများ စသည့်အမျိုးအစား ကိုးမျိုးကို ယခု လနောက်ဆုံး ပတ်မှစတင်၍ ယင်းဘဏ်မှ ချေးငွေရယူ ပြီး ဝယ်ယူခွင့်ရရှိမည်ဖြစ် ကြောင်း ယင်းဘဏ်မှ တာဝန်ရှိသူတစ်ဦးက ဆိုသည်။တန်ဖိုး ကျပ်သန်း ၅ဝမှအများ ဆုံးကျပ်သန်း ၃ဝဝ အထိ ချေးငွေထုတ်ချေးပေးသွား မည်ဖြစ်ပြီး ပြန်လည်ပေးသွင်းရမည့် ကာလ မှာ တစ်နှစ်မှ သုံးနှစ်သက်တမ်းအတွင်း သတ်မှတ်ထားကြောင်း ၄င်းက  ပြောကြားသည်။ ချေးငွေအနည်းအများအလိုက် လက်ငင်းပေးချေရမည့် တန်ဖိုးကို ပုံသေ၂ဝ ရာခိုင်နှုန်းသတ်မှတ်ထားပြီး၊ ငှားရမ်းခနှုန်းထားမှာ ၇ ရာခိုင်နှုန်းမှ ၂ဝ ရာခိုင်နှုန်းအထိ ပေးချေရမည်ဖြစ်ပြီး ဝန်ဆောင်ခမှာ မူ တစ်ရာခိုင်နှုန်းသာယူ၍ဝန်ဆောင်မှုပေးသွားမည်ဖြစ်ကြောင်း ၄င်းက ထပ်လောင်းပြောကြားသ ည်။ ငွေချေြး ခင်းနှင့်ပတ်သက်၍ ဖြစ်ပေါ်လာ မည့် ပြဿနာရပ်များအား အခြားဘဏ်များ၏ လုပ်ထုံးလုပ်နည်းများ နည်းတူ ဥပဒေအရ ကိုင်တွယ်ဖြေရှင်းသွားမည်ဖြစ်ကြောင်း ၄င်းက ဆိုသည်။မြန်မာနိုင်ငံအတွင်းရှိ အချို့သော ပုဂ္ဂလိက၊ အစိုးရဖက်စပ်ဘဏ် များမှ လတ်တလောကာလများတွင်ဘဏ်ချေးငွေများဖြင့် ပစ္စည်းများ ဝယ်ယူ၍ အရစ်ကျ   ငွေပေးသွင်းခြင်းစနစ်များကို လုပ်ဆောင်လာကြ သော် လည်း၊ အခြေခံလူတန်းစားများနှင့်လူလတ်တန်းစား အချို့အတွက်ထိုစနစ်များမှာထိရောက်မှုမရှိသေးကြောင်း၊ လုပ်ခလစာ နှုန်းထားများနှင့် လစဉ်ဝင်ငွေမြင့်မားခြင်း မရှိသေးသူများအတွက် ထိုစနစ်များမှာ အလှမ်းဝေးနေဦးမည်ဖြစ်ကြောင်း ဝါရင့်စီးပွားရေးပညာရှင်ကြီးတစ်ဦး ကသုံးသပ်ပြောကြားသည်။
နိုင်လင်း

ချင်းတွင်းမြစ်နှင့် ဥရုမြစ်အတွင်းသွား ရှော်တယ်များ ရေကြောင်းကျပ်၍ အချို့နေရာများတွင် ခရီးသည်များ ဆင်းတွန်းရ

ချင်းတွင်းမြစ်နှင့်ဥရုမြစ်အတွင်းသွားလာနေသော ရှော်တယ်များသည် မြစ်အတွင်း ရေကြောင်းကျပ်သောကြောင့် အချို့နေရာများတွင် ခရီးသည်များမြစ်အတွင်းသို့ ဆင်းတွန်း ခဲ့ကြရသည်ဟု သိရှိရပါသည်။
“ကျွန်တော်တို့အထက် ဆယ်စင်းဘက်ကပြန်လာတာ လမ်းမှာ ရေကြောင်းမကောင်းတော့ ဆင်းတွန်း ကြရတယ်။ ဒီလိုရေနည်းကာလမှာ ဆို ဥရုမြစ်အတွင်းမှာက ရေကြောင်း က တော်တော်လေးကျပ်တယ်။ ကုန်မော်တော်ကြီးတွေဆိုရင် ဥရုမြစ်ဝမှာ ရှော်တယ်၊ စက်လှေအသေးလေးတွေ နဲ့ ကုန်တွေကိုကဲ့ပြီးမှ ဥရုမြစ်ထဲကို ၀င်ကြရတယ်။ ဥရုမြစ်ဖျားမှာရှိတဲ့ ကျောက်လုပ်ငန်းနဲ့ မြစ်လယ်မှာရှိတဲ့ ရွှေလုပ်ငန်းတွေကြောင့် ဥရုမြစ်က ပျောက်ဆုံးလု နီးပါးဖြစ်နေတာ အတော်ကိုကြာပါပြီ။ အရင်ကဆိုရင် ဥရုမြစ်ဖျားမှာ မြစ်ကြောင်းကိုလွှဲပြီး ကျောက်ရှာကြတဲ့ ခေတ်တစ်ခေတ် ရှိခဲ့ဖူးတယ်”ဟု အဆိုပါဒေသမှ ပြန်လာသူတစ်ဦးက ပြောကြားခဲ့သည်။ ချင်းတွင်းမြစ် အတွင်းတွင်လည်း  မုံရွာတံတားအနီးရေကြောင်း၊ ကနီ မြို့အနီးမှ ရေကြောင်း၊ မင်းကင်းမြို့ အနီးမှရေကြောင်း၊ မော်လိုက်မြို့ အနီးမှရေကြောင်း၊ ရိုးလာရေကြောင်း၊ ဟုမ္မလင်းမြို့ရှေ့မှ ရေကြောင်းများ နှင့်အထက်ပိုင်းတွင်လည်း ရေကြောင်း ကျပ်သည့် နေရာအများအပြား ရှိသေးသည်ဟု သိရှိရပါသည်။
“ကျွန်တော် ပြန်လာခဲ့တုန်းက ရေကြောင်းက တော်တော်ကျပ်တယ်။ ရှော်တယ်က သောင်ပေါ်ကို တစ်စင်းလုံးတင်သွားတာ တစ်နာရီကျော်ကျော်လောက် ကြာတယ်။ ဒါတောင်ရှော်တယ်ပေါ် မှာ ရာဂဏန်းလောက်ပါခဲ့လို့။ ဒါမှ မဟုတ်ရင် မလွယ်ဘူး။ မှုန်အိုးနဲ့ သဲတွေကိုစုပ်ထုတ်ပြီး၊ ရှော်တယ်ကို သောင်တင်တာ ပြန်ကျအောင် လုပ်ကြရတာ။ ခုတော့ လူအားနဲ့ပြီးသွားတယ်။ တကယ် မြစ်လယ်ကောင်မှာ သောင်တင်ပြီး ရေလယ်မှာဆင်းတွန်း ခဲ့ကြရတာပါ”ဟု အဆိုပါဒေသမှ ပြန်လာသူကလေးမြို့မှ ဒေသခံတစ်ဦးက ပြောကြားခဲ့ပါသည်။
ချင်းတွင်း မြစ်ကြောင်း ရေလမ်းကောင်းမွန်ရေး အတွက် ကုမ္ပဏီများသို့ ရေလမ်းထိန်းသိမ်းရန် လုပ်ကွက်များ ချပေးခဲ့သော်လည်း ကုမ္ပဏီများမှ ရွှေလုပ်ငန်းကို ဇောင်းပေးလုပ်ခဲ့ပြီး ရေလမ်းများပိုမို ပျက်စီးခဲ့သည်ဟု ဒေသခံများ၏ ပြောပြချက်အရ သိရသည်။

၅၀၀၀ တန် ဆင်းမ်ကတ်အတွက် တရားဝင်ပူးပေါင်ဆောင်ရွက်မည်

DVB — တယ်လီဖုန်း ဆင်းမ်ကတ်တခုကို ကျပ် ၅,၀၀၀ နဲ့ အများပြည်သူ အသုံးပြုနိုင်ဖို့ ရွှေပြည်တံခွန် ကုမ္ပဏီက မြန်မာ့ဆက်သွယ်ရေး စာတိ်ုက်၊ ကြေးနန်း ဝန်ကြီးဌာနနဲ့ ပူးပေါင်းဖို့ တရားဝင် လျှောက်လွှာတင်လိုက်ပြီလို့ မန်းနေဂျင်း ဒါရိုက်တာ ဦးလွင်နိုင်ဦးက ပြောပါတယ်။
“ဒီ နေ့ပဲ ကျနော် ဆက်သွယ်ရေးကို တင်လိုက်တယ်။ အခုထိ ဘာမှ မသိရသေးဘူး။ တင်တယ်ဆိုတာ ကျနော်တို့ ဒီလုပ်ငန်းအတွက် ပူးပေါင်းဆောင်ရွက်ဖို့ ကိစ္စတွေ၊ စီးပွားရေး အစီအစဉ်တွေပေါ့။ နည်းပညာပိုင်း ဆိုင်ရာတွေပါ နှစ်ခုလုံးပါတယ်။ ပြည်သူတွေ စရိတ် သက်သက်သာသာနဲ့ တယ်လီဖုန်းတွေ ကိုင်နိုင်အောင် ကျနော် ကြိုးစားနေပါတယ်။ ဆက်သွယ်ရေး ဝန်ကြီးဌာနလည်း ပူးပေါင်း ဆောင်ရွက်ပြီး ဘယ်လိုလုပ်လို့ ရနိုင်မလဲ ဆိုတဲ့ နည်းလမ်းတွေပေါ့။ ကျနော်တို့က ဥပဒေအရ၊ မူဘောင်အရ သွားနေတာပါ။”
မြန်မာပြည်မှာ ဆက်သွယ်ရေး နည်းပညာအတွက် ပြဋ္ဌာန်းထားတဲ့ ဥပဒေ မရှိသေးတဲ့အတွက် အစိုးရမဟုတ်တဲ့ ကုမ္ပဏီ အဖွဲ့အစည်းတွေ အတားအဆီးလည်း ဖြစ်နေတယ်လို့ ဦးလွင်နိုင်ဦးက ပြောပါတယ်။
“ကျနော်တို့ ဆီမှာ ဆက်သွယ်ရေးနဲ့ ပတ်သက်လို့ ပြင်သင့်တာတွေ ပြင်ဖို့ နိုင်ငံတော်အကြီးအကဲတွေ၊ သက်ဆိုင်ရာ ဝန်ကြီးဌာနတွေက ကျနော်တို့ကို ပြောထားတယ်။ ပြည်သူတွေအတွက် လိုအပ်လို့ရှိရင် မြစ်ဆုံ ကိစ္စပဲကြည့်၊ ထားဝယ်ကျောက်မီးသွေးကိစ္စပဲ ကြည့်ကြည့်၊ နိုင်ငံတော် သမ္မတကြီးက မှန်ကန်တဲ့ ဆုံးဖြတ်ချက်တွေ ချခဲ့တယ်။ အခုလောလောဆယ် အစိုးရရဲ့ ဆက်သွယ်ရေး ကွန်ရက်ကလည်း လုပ်နိုင်စွမ်း မရှိတာတို့၊ အင်တာနက်တွေက နှေးနေတာ၊ ဆက်သွယ်ရေးကို မြှင့်တင်အောင် လုပ်မှာဆိုတော့ အဲဒီအပိုင်းတွေကိုလည်း စဉ်းစားထားပါတယ်။”
အစိုးရက ခွင့်ပြုချက်ရရင် ၂၀၁၃ ခုမှာ အများပြည်သူလက်ထဲ ထုတ်ရောင်း နိုင်မယ်လို့လည်း ပြောပါတယ်။ဆင်းမ်ကတ်တခုရဲ့ မူလတန်ဖိုးဟာ မြန်မာကျပ်ငွေ ၃၀၀ ပတ်ဝန်းကျင်သာ ရှိတယ်လို့လည်း သိရပါတယ်။
မြန်မာဆက်သွယ် ရေး၊ စာတိ်ုက်နဲ့ ကြေးနန်းဝန်ကြီးဌာနနဲ့ နီးစပ်တဲ့ ကုမ္ပဏီတွေကတော့ ဂျီအက်စ်အမ် ဟန်းဖုန်း ဆင်းမ်ကတ် တကတ်ကို ကျပ် ငွေ ၃သိန်း နဲ့ ၂၀၁၂ မှာ ရောင်းချမယ်လို့လည်း သိရပါတယ်။
မင်းလွင် DVB

ပြည်သူတွေအား စော်ကားတဲ့ကြံ့ဖွံ့များကို အရေးယူမှုများရှိလာနိုင်ဟု ဦးရွှေမန်းပြော

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီဝင်များ အနေဖြင့် ပြည်သူများအား အနိုင်အထက်ပြုကျင့်ခြင်း၊ မောက်မာစော်ကားခြင်း၊ စည်းကမ်းပျက်ခြင်း၊ ပါတီတွင်း ဒီမိုကရေစီ ဖော်ဆောင်မှုကို အနှောင့်အယှက် ပြုသူများအား ပါတီတွင် နေရာရှိမှာ မဟုတ်သကဲ့သို့ ဒဏ်ခတ်အရေးယူမှုများ ရှိလာနိုင်သည်ကို သတိပြုရန် လိုအပ်ကြောင်း ဇန်န၀ါရီလ ၂၁ ရက်နေ့က ကျင်းပသည့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ အထူးအစည်းအဝေးတွင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ဒုတိယဥက္ကဋ္ဌ သူရဦးရွှေမန်းက ပြောကြားခဲ့သည်။
”ပါတီဝင်များအနေနဲ့ ပြည်သူသာအမိ၊ ပြည်သူသာအဖလို့ ခံယူပြီး ပြည်သူကို ဘက်ပေါင်းစုံကနေ နည်းလမ်းပေါင်းစုံနဲ့ ကူညီဖြည့်ဆည်းပေးရမှာဖြစ်ပါတယ်။ ဒီမိုကရေစီစနစ်သို့ ပြောင်းလဲနေမှုများကိုလည်း ပြောင်းလဲလို့ ကောင်းတာပဲဖြစ်ရမယ်၊ကောင်းတာဖြစ်ဖို့ပြောင်းလဲတာပဲ ဖြစ်ရမယ်” ဟုလည်း ၎င်းက ပြောကြားခဲ့သည်။ ဧပြီလ ၁ ရက်နေ့တွင် ကျင်းပမည့်ကြားဖြတ်ရွေးကောက်ပွဲများတွင် ပြုလုပ်မည်ဖြစ်သော လစ်လပ် မဲဆန္ဒနယ် ၄၈ နေရာအားလုံးတွင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ ၀င်ရောက်ယှဉ်ပြိုင်မည်ဖြစ်ကြောင်း သိရသည်။

တရုတ်နယ်စပ်ရွာထဲ မြန်မာအစိုးရတပ်မှ လက်နက်ငယ်ဖြင့် ပစ်ခတ်

တရုတ်နှစ်သစ်ကူးအကြို ဇန်န၀ါရီ ၂၂ တနင်္ဂနွေနေ့ ညနေပိုင်းတွင် နယ်စပ် တရုတ်နိုင်ငံ လားယိန်းရွာနှင့် ၎င်းတွင် တရားမ၀င် ခိုလုံနေသော ကချင်စစ်ပြေးဒုက္ခသည်စခန်းများရှိရာ သို့ မြန်မာအစိုးရတပ်က လက်နက်ငယ်အကြိမ်ပေါင်းများစွာ ချိန်ရွယ်ပစ်ခတ်ခဲ့ကြောင်း ဒုက္ခသည်နှင့် ရွာသားများဆိုသည်။ မြန်မာနယ်စပ် လွယ်ဂျယ်မြို့ တပ်စခန်း နှစ်နေရာမှ မြန်မာစစ်သားများ၏ပစ်ခတ်မှုတွင် တရုတ်ရွာသားများနှင့် ကချင် ဒုက္ခသည်များ ထိခိုက်မှုမရှိသော်လည်း ကျည်ဆန်မှ လွတ်ရန် မြေပြင်ပေါ် ပြားပြားဝပ်နေရသည့် အခြေအနေရှိခဲ့သည်ဟု ရွာသားများဆိုသည်။ ယင်းပစ်ခတ်မှုသည် မြန်မာစံတော်ချိန် ညနေ ၇ နာရီခန့်တွင် ဖြစ်ပွားသည်ဟု ပြောသည်။
 တရုတ်ပြည်သူများနှင့် စစ်ပြေးဒုက္ခသည်များအား စိုးရိမ်ထ်ိတ်လန့်မှုဖြစ်ပေါ်စေသည့် နယ်စပ်မြန်မာစစ်တပ်၏ ပစ်ခတ်မှုအား တရုတ်အာဏာပိုင်များက တစုံတရာ တုန့်ပြန်မှုမရှိသေးဟု လားယိန်းဒေသခံ တစ်ဦး ပြောသည်။
 မြန်မာစစ်တပ်နှင့် ၎င်း၏မဟာမိတ် တိုးတက်သောကရင်ဗုဒ္ဓဘာသာတပ်မတော် (DKBA) တို့မှ ထိုင်းနိုင်ငံရှိ ဒုက္ခသည်စခန်းထဲသို့ လက်နယ်ငယ်များပစ်ခတ်လေ့ရှိသော်လည်း အလားတူပစ်ခတ်မှုများ တရုတ်နယ်စပ်၌ ပြီးခဲ့သည့်နှစ် KIO ကို ထိုးစစ်ကြီးပြုလုပ်လာသည်အထိ မရှိသလောက်နည်းပါးသည်။ မြန်မာအစိုးရနှင့် KIO တိုက်ပွဲဖြစ်လာ၍ လားယိန်းသို့ ဒုက္ခသည် ထောင်ဂဏန်း ထွက်ပြေးခိုလှုံနေရခြင်းဖြစ်သည်။ နှစ်ဖက် တွေ့ဆုံမှုများရှိသော်လည်း ငြိမ်းချမ်းရေးသဘောတူနိုင်ခြင်း မရရှိဘဲ ကချင်ပြည်နယ်နှင့် ရှမ်းပြည်နယ်မြောက်ပိုင်းတွင် နှစ်ဖက်တိုက်ပွဲများဆက်လက်ဖြစ်ပွားနေဆဲဖြစ်သည်။ တရုတ်နိုင်ငံသားတဦးကို တရုတ်နိုင်ငံထဲ မြန်မာအစိုးရတပ်က ရက်ရက်စက်စက် သတ်ဖြတ်
 ယခုပစ်ခတ်မှုမတိုင်ခင် ဇန်န၀ါရီ ၁၂ ရက်က တရုတ်နိုင်ငံသားတစ်ဦးကို တရုတ်နိုင်ငံထဲ မြန်မာအစိုးရစစ်သားများ ၀င်ရောက်ပြီး ရက်ရက်စက်စက် သတ်ဖြတ်ခဲ့သည်။သေဆုံးသူ လဖိုင်ဇော်လောန်သည် ဂျိန်းဖော(ကချင်)လူမျိုးဖြစ်၍ ၀မ်းဗိုက်နှင့် ဦးခေါင်း၌ အနီးကပ် ပစ်ခတ်ခံရကာ မျက်နှာတွင်လည်း သေနတ်ဒင်ဖြင့်ထုထောင်းခံရသည် ဟု ဆွေမျိုးများဆိုသည်။

တရုတ်အာဏာပိုင်များကလည်း အခင်းဖြစ်နေရာတွင် သွေးကွက်နှင့် ကျည်ခွံများတွေ့ရှိကြ၍ အသက် ၅၃ နှစ်ရှိ ထိုကချင်အမျိုးသားမှာ မြန်မာဘက် နယ်စပ်ဖြတ်ကျော်ခြင်းမရှိဘဲ တရုတ်နယ်မြေအတွင်း ဖမ်းဆီး သတ်ဖြတ် ခံရခြင်းဖြစ်သည်ဟု ဆက်ဆိုသည်။ အလောင်းကို အသတ်ခံရသည့်နေရာမှ အနည်းငယ်အကွာတွင် တွေ့ရှိ၍ မြန်မာတပ်က သွေးကွက်တွေ့ရှိရာတွင် မြေမြုပ်မိုင်းတစ်ခု၊ အလောင်းရှိရာအနီး နောက်ထပ်မြေမြုပ်မိုင်းတစ်ခု တပ်ဆင်သွားကြသည်ဟု မျက်မြင်များဆိုသည်။
 သတ်ဖြတ်သည့်တပ်မှာ နယ်စပ် မုဘွမ် (Mu Bum) တောင်တွင် တပ်စွဲထားသော ၀ိုင်းမော်မြို့နယ် ရွှေညောင်ပင် နယ်မြေခံ ခမရ (၃၂၁) မှ စစ်သားများဖြစ်သည်ဟု ဆိုသည်။ ဒီဇင်ဘာ ၂၂ ရက်က အသတ်ခံရသူ ဇော်လောန်နေထိုင်သည့် လွယ်လုံးရွာသားများက တရုတ်နိုင်ငံထဲ ခိုးဝင်လာသည့် မြန်မာတပ်သားနှစ်ဦးကို ဖမ်းဆီး၍ တရုတ်အာဏာပိုင်များထံ အပ်နှံလိုက်ရာ ၎င်းအားတုန့်ပြန်သည့်အနေဖြင့် ယခုလို တရုတ်နိုင်ငံသားကို သတ်ဖြတ်လိုက်ခြင်းဖြစ်နိုင်သည်ဟု ဒေသခံများ ယူဆကြသည်။ မုဘွမ်စခန်းမှ မြန်မာစစ်သားများသည် ရိက္ခာပြတ်လပ်မှုကြောင့် တရုတ်နိုင်ငံထဲ ခိုးဝင်ကာ ဒေသခံများ၏ လယ်ကွက်များမှ အစားအစာများ ခိုးယူလေ့ရှိကြောင်း ဒေသခံများပြောသည်။