ကမ္ဘာ့သတင်းများ 23/02/2012 နိုင်ငံတကာသတင်း

2012

နိုင်ငံတကာသတင်း

ဆီးရီးယားမှာ သတင်းထောက်နှစ်ဦးအပါအ၀င် လူ ၇၀ ကျော် သေဆုံး

အတိုက်အခံတွေရဲ့ အမာခံခြေကုပ်စခန်း Homs မြို့နဲ့ တခြားနေရာတွေမှာ အစိုးရတပ်တွေက အဆက်မပြတ် လက်နက်ကြီးတွေနဲ့ ပစ်ခတ်နှိမ်နင်းရာက အနောက်နိုင်ငံသား သတင်းထောက် ၂ ဦးအပါအ၀င် လူ ၇၄ ယောက်ထက်မနည်း သေဆုံးသွားကြောင်း

Homs မြို့မှာ သေဆုံးသွားသူ သတင်းထောက် ၂ ဦးဟာ ဗြိတိန်နိုင်ငံထုတ် Sunday Times သတင်းစာက နာမည်ကျော် အမေရိကန် စစ်သတင်းထောက် Marie Colvin နဲ့ ပြင်သစ် သတင်းထောက် Remi Ochlik တို့ ဖြစ်ကြတဲ့အကြောင်း ပြင်သစ် အစိုးရက အတည်ပြုခဲ့ကြောင်း

Homs မြို့က သူပုန်တွေ ထိန်းချုပ်ထားရာ Baba Amr အရပ်က သတင်းသမားတွေ စုဝေးရာ ယာယီ စခန်းတခုကို တိုက်ခိုက်ခဲ့မှုကြောင့် တခြားသတင်းထောက်တွေလည်း ထိခိုက်ဒဏ်ရာတွေ ရခဲ့တယ်လို့ တက်ကြွ လှုပ်ရှားသူတွေက ပြောကြောင်း သတင်းသမားတွေရှိရာ နေရာကို တမင်ရည်ရွယ် တိုက်ခိုက်ပုံ ရတယ်လို့လည်း ဆိုကြောင်းဗြိတိန်ဝန်ကြီးချုပ် David Cameron ကတော့ ထူးချွန်ထက်မြက်တဲ့ သတင်းထောက် တဦးအဖြစ် Marie Colvin သေဆုံးမှုအပေါ် ၀မ်းနည်းစကား ပြောခဲ့ကြောင်းပဋိပက္ခတွေ ကြီးထွားလာနေတာနဲ့အမျှ ကုလသမဂ္ဂကတော့ အရေးပေါ် အကူအညီတွေ ပေးအပ်နိုင်ရေး အတွက် လူသားချင်း စာနာမှုဆိုင်ရာရုံးရဲ့ အကြီးအကဲ Valerie Amos ကို စေလွှတ်လိုကြောင်း ပြောဆိုခဲ့သလို၊ နိုင်ငံတကာ ကြက်ခြေနီအဖွဲ့ (ICRC) ကလည်း ပြဿနာဖြစ်ပွားနေတဲ့ ဒေသတွေကို အရေးပေါ် ထောက်ပံ့မှုတွေ ပေးအပ်နိုင်ဖို့နဲ့ ဒဏ်ရာရသူတွေကို ဘေးကင်းရာ ရွှေ့ပြောင်းနိုင်ဖို့ ၂ ရက်ကြာ အပစ်အခတ် ရပ်စဲရေး ကြေညာဖို့လည်း တောင်းဆိုခဲ့ကြောင်း

ဆီးရီးယား အဓိက အတိုက်အခံ အဖွဲ့တဖွဲ့ကတော့ အရေးပေါ် အကူအညီပေးနိုင်ဖို့ နိုင်ငံတကာက စစ်ရေးအရ ၀င်ရောက်တဲ့ နည်းလမ်းပဲ ရှိမယ်လို့ ပြင်သစ်နိုင်ငံမှာ ရောက်နေစဉ် ဗုဒ္ဓဟူးနေ့က ပြောဆိုလိုက်ကြောင်းသိရသည်။

တရုတ်အစိုးရနှိမ်နင်းမှု ရင်ဆိုင်ရင်း တိဘက်နှစ်ကူးပွဲတော် ကျရောက်

တရုတ်အစိုးရရဲ့ အုပ်ချုပ်မှုကို ဆန့်ကျင်ပြီး ကိုယ့်ကိုယ်ကို အဆုံးစီရင် ဆန္ဒပြပွဲတွေ ဆက်တိုက်ဆိုသလို ကြုံခဲ့ရပြီးနောက် တရုတ်နိုင်ငံ အနောက်ဘက် ဒေသက တိဘက်လူမျိုးတွေ ဗုဒ္ဓဟူးနေ့မှာ နှစ်သစ်ကူး အခမ်းအနားတွေ ကျင်းပနေကြကြောင်း နှစ်သစ်ကူး အခမ်းအနားတွေ မကျင်းပမီ သီတင်းပတ်တွေ အတွင်းမှာတော့ တရုတ်အစိုးရက တိဘက်ဒေသ တခုနဲ့တခုကြား ဆက်သွယ်မှု ဖြတ်တောက်တာတွေ၊ တိဘက်လှုပ်ရှားမှုတွေရှိရာ မြို့ကြီးမြို့ငယ်တွေမှာ ရဲတပ်ဖွဲ့ဝင်ပေါင်း ထောင်ချီပြီး တိုးမြှင့် ချထားတာတွေ လုပ်ခဲ့ကြကြောင်း

တိဘက်လူမျိုးတွေရဲ့ ဘာသာရေးနဲ့ ယဉ်ကျေးမှုအပေါ် ဖိနှိပ်မှုတွေ ရှိတယ်ဆိုတဲ့ ခံယူချက်နဲ့ ကိုယ့်ကိုယ်ကို မီးရှို့အဆုံးစီရင်ရာက တိဘက် ဗုဒ္ဓဘာသာ ဘုန်းတော်ကြီးတွေ၊ သီလရှင်တွေနဲ့ နောက်လိုက် နောက်ပါ အရပ်သား စုစုပေါင်း ၂၀ လောက် သေဆုံးခဲ့တဲ့အထိ တနှစ်လောက်ကြာ ဆန္ဒပြပွဲတွေကို ထိန်းချုပ်ဖို့ ရည်ရွယ်ပြီး ကန့်သတ်မှုတွေ လုပ်ခဲ့တာ ဖြစ်ကြောင်း
တရုတ်အစိုးရကတော့ ကိုယ့်ကိုယ်ကို အဆုံးစီရင်တာကို အကြမ်းဖက်လုပ်ရပ်အဖြစ် သတ်မှတ်ထားကြောင်း အဝေးရောက် တိဘက် အစိုးရရဲ့အကြီးအကဲ Lobsang Sangay ကတော့ တိဘက်နှစ်သစ်ကူး အခါ သမယမှာ တရုတ်အစိုးရရဲ့ ဖိနှိပ် အုပ်ချုပ်မှုအောက် နေထိုင်ကြရသူတွေ အတွက် ဆုမွန်ကောင်းတောင်းရင်း ကုန်လွန်ကြဖို့ ဗုဒ္ဓဟူးနေ့မှာပဲ တိုက်တွန်း လိုက်ကြောင်း

မကြာသေးခင်က ဆန္ဒပြပွဲတွေ ကြုံခဲ့ရတဲ့ Gansu ပြည်နယ် Labrang ဘုန်းတော်ကြီး ကျောင်းမှာတော့ အင်္ဂါနေ့က အခြေအနေတွေ တည်တည်ငြိမ်ငြိမ် ရှိနေပေမဲ့ အမည်မဖော်လိုသူ တိဘက်ဘုန်းတော်ကြီး တပါးကတော့ နှစ်သစ်ကူး အခမ်းအနားကို တိဘက်လူမျိုး အများအပြား ဆင်နွှဲမှာ မဟုတ်ဘူးလို့ ပြောကြောင်းသိရသည်။

ကျန်းမာရေးအထောက်အကူ လျှော့ချမှု မြန်မာအပေါ် ထိခိုက်နိုင်

မြန်မာနိုင်ငံမှာ HIV နဲ့ တီဘီအဆုတ်ရောဂါ ဝေဒနာရှင်တွေအတွက် ဆေးဝါးကုသပေးဖို့ အရေးပေါ် အကူအညီတွေ လိုအပ်နေတယ်လို့ MSF ခေါ် နယ်စည်းမထား၊ ဆရာဝန်များအဖွဲ့က ပြောဆိုလိုက် ကြောင်း HIV ဝေဒနာရှင် ၈၅,၀၀၀ ရဲ့ အသက်တွေ ကယ်ဆယ်နိုင်ရေးအတွက် ART ခေါ် ရောဂါ ထိန်းဆေး အရေးအကြီးလိုအပ်နေတဲ့အကြောင်း၊ ဆေးမတိုးတော့တဲ့ တီဘီအဆုတ်ရောဂါ ဝေဒနာသည်ပေါင်း ၉,၃၀၀ အတွက်အလည်း ဆေးဝါးတွေလိုအပ်နေတဲ့အကြောင်း၊ အခု လောလောဆယ် လူနာ ၃၀၀ လောက်သာ ကုသမှု ခံယူနေရတဲ့အကြောင်း MSF ရဲ့ ဒီကနေ့ ထုတ်ပြန်တဲ့ အစီရင်ခံစာမှာ ဖော်ပြလိုက်ကြောင်းရောဂါကြီး သုံးမျိုးဖြစ်တဲ့ အိတ်ဒ်-စ်(AIDS)၊ အဆုတ်ရောဂါနဲ့ ငှက်ဖျားရောဂါတွေအတွက် Global Fund ရန်ပုံငွေအဖွဲ့က အထောက်အပံ့တွေ မရရှိတော့တာကြောင့် အခုလို အခက်အခဲတွေနဲ့ ကြုံနေရကြောင်းမြန်မာအစိုးရရဲ့ ကျန်းမာရေး ပြုစုစောင့်ရှောက်မှုစနစ်ဟာလည်း လုံလောက်တဲ့ရန်ပုံငွေ ခွဲဝေချထားတာ မတွေ့ရဘူးလို့ MSF ရဲ့ ကြေညာချက်မှာ ဖော်ပြထားကြောင်းဒါ့ကြောင့် မြန်မာပြည်က HIV နဲ့ ဆေးမတိုးတော့တဲ့ အဆုတ်ရောဂါ ဝေဒနာသည်တွေအတွက် အလှူရှင်တွေကနေ ကူညီပံ့ပိုးပေးဖို့ဟာ သိပ်ကို အရေးကြီးပါတယ်လို့ MSF ခေါ် ပြင်သစ်အခြေစိုက်၊ နယ်စည်းမထား ဆရာဝန်များအဖွဲ့က မေတ္တာရပ်ခံလိုက်တာ ဖြစ်ကြောင်းသိရသည်။

သြစတြေးလျနိုင်ငံခြားရေးဝန်ကြီးရာထူးမှ နုတ်ထွက်

သြစတြေးလျနိုင်ငံမှာ နိုင်ငံခြားရေးဝန်ကြီး ကေဗင်ရပ်ဒ် (Kevin Rudd) က သူ့ကို နုတ်ထွက်ခွင့် ပြုဖို့ စာတင်လိုက်ကြောင်း ဒါဟာ အစိုးရပါတီဖြစ်တဲ့ အလုပ်သမားပါတီအတွင်း ပြဿနာတွေ တက်နေတာမှာ နောက်ဆုံးဖြစ်လာခဲ့တဲ့ ဖြစ်ရပ် ဖြစ်ပါကြောင်း

ဝန်ကြီးရပ်ဒ်ရဲ့ ဒီနေ့ဆုံးဖြတ်ချက်ကို မနေ့က အင်္ဂါနေ့မှာ ဝါရှင်တန်မြို့ကို တရားဝင်လာလည်စဉ် ကြေညာလိုက်ကြောင်း မစ္စတာရပ်ဒ်က သူ့အနေနဲ့ ဝန်ကြီးချုပ် ဂျူလီယာ၊ ဂေးလပ်ဒ် (Julia Gillard) ရဲ့ ထောက်ခံမှုမရရင် နိုင်ငံခြားရေးဝန်ကြီးအဖြစ် ဆက်တာဝန်ထမ်းလို့ မရတော့ဘူး၊ ဒါကြောင့် သိက္ခာရှိရှိလုပ်ဖို့ ကြံနေတာက အခုလို နုတ်ထွက်တာပဲဖြစ်တယ်လို့ ဆိုကြောင်း

သြစတြေးလျ သတင်းမီဒီယာတွေကလည်း အရင် ၂၀၁၀ တုန်းက မစ္စတာရပ်ဒ်ကို ဝန်ကြီးချုပ်နေရာကနေ ဖယ်ပစ်ပြီး လက်ရှိဝန်ကြီးချုပ် ဂျူလီယာဂေးလပ်ကို အစားထိုးခဲ့သလို မကြာမီရက်ပိုင်းအတွင်းမှာလည်း သူ့ပါတီအတွင်းပိုင်းထဲကနေ အာဏာသိမ်းဖို့ ကြံစည်နေတာတွေ သတင်းထွက်နေခဲ့ကြောင်း ဝန်ကြီးချုပ် ဂေးလပ်ကို ထောက်ခံသူတွေဘက်က မစ္စတာရပ်ဒ်ကို ဝန်ကြီးနေရာကနေ ထုတ်ပစ်ဖို့ တောင်းဆိုလာနေခဲ့ကြကြောင်း

မစ္စတာရပ်ဒ်က မစ္စက် ဂေးလပ်အနေနဲ့ ဒီ တောင်းဆိုချက်တွေကို ချေဖျက်ပေးဖို့ ပျက်ကွက်နေခဲ့တယ်လို့ ဝေဖန်လိုက်ကြောင်းသိရသည်။

အီရန် အဏုမြူ ဓာတ်ပေါင်းဖိုတွေကို ကုလအဖွဲ့ စစ်ဆေးမည်မဟုတ်

အီရန်နိုင်ငံရဲ့ နျူကလီးယားစက်ရုံတွေက နျူကလီးယားလက်နက် တည်ဆောက်ဖို့အတွက် တိတ်တိတ်ပုန်း ကြိုးပမ်းနေတယ်လို့ နိုင်ငံတကာက စိုးရိမ် ပူပန်မှုတွေ ဖြစ်နေတဲ့ကြားကပဲ ကုလသမဂ္ဂရဲ့ နျူကလီးယားလေ့လာရေး အရာရှိအဖွဲ့အနေနဲ့ အဲဒီ နျူကလီးယားစက်ရုံတွေကို ဝင်ရောက် စစ်ဆေးခွင့် မပြုဘူးလို့ အီရန်က ပြောကြားလိုက်ကြောင်း အီရန်နိုင်ငံမှာရောက်နေတဲ့ နိုင်ငံတကာ အဏုမြူစွမ်းအင် အေဂျင်စီ IAEA အဖွဲ့ဟာ အနာဂတ် ပူးပေါင်းလုပ်ဆောင်ရေး အစီအစဉ်တွေအတွက် အခြေခံ အချက်တွေကို ဆွေးနွေးဖို့ ရောက်လာတာဖြစ်ပြီး နျူကလီးယားစက်ရုံတွေကို စစ်ဆေးဖို့အတွက် မဟုတ်ဘူးလို့ အီရန် နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် Ramin Mehmanparast က အင်္ဂါနေ့မှာ ပြောလိုက်ကြောင်း

IAEA အဖွဲ့ဟာ သူတို့ရဲ့ ၂ ရက်ကြာ ခရီးစဉ်အတွက် တီဟီရန်မြို့ကို တနင်္လာနေ့က ရောက်သွားကြတာပါ။ သူ့ခရီးစဉ်ရဲ့ အဓိက ရည်ရွယ်ချက်ဟာ အီရန်အနေနဲ့ သူ့ရဲ့ နျူကလီးယားအစီအစဉ်တွေကို စစ်ဘက် အသုံးပြုရေးအတွက် လုပ်ဆောင်နေခြင်း ရှိမရှိ စုံစမ်း စစ်ဆေးဖို့အတွက် ဖြစ်တယ်လို့ IAEA အဖွဲ့ခေါင်းဆောင် Herman Nackaerts က ပြောကြောင်း အစ္စရေးနဲ့ အနောက်နိုင်ငံတွေကတော့ အီရန်အနေနဲ့ နျူကလီးယားလက်နက် တည်ဆောက်ဖို့အတွက် လုပ်ဆောင်နေတာလို့ ပြောနေကြောင်း IAEA အဖွဲအနေနဲ့ အဲဒီ နျူကလီးယားစက်ရုံတွေကို သွားရောက် လည်ပတ်ခွင့် ရမရဆိုတာတော့ မသိရသေးကြောင်း

IAEA အဖွဲ့နေနဲ့ အီရန် နျူကလီးယား သိပ္ပံပညာရှင်တွေနဲ့ တွေ့ဆုံမှာဖြစ်သလို တီဟီရန်မြို့အပြင်က သမားရိုးကျ လက်နက်တွေ တည်ဆောက်တဲ့ Parchin ကို သွားရောက် လေ့လာကြမှာဖြစ်တယ်လို့ အီရန်အစိုးရပိုင် ရေဒီယိုက တနင်္လာနေ့မှာ ပြောကြောင်းသိရသည်။

ပင်လယ်ဓားပြတွေကို နှိမ်နင်းဖို့ ဥရောပ ပြင်ဆင်

အေဒင် ပင်လယ်ကွေ့ဒေသတွင်းနဲ့ ဆိုမားလီးယားပိုင် ရေနယ်နမိတ်အနီးတဝိုက်က ပင်လယ်ဓားပြတွေရဲ့ လှုပ်ရှားမှုတွေ ချေမှုန်းနေမှုကို ဥရောပ အင်အားကြီးနိုင်ငံတွေက အရှိန်အဟုန်မြှင့်တင် လုပ်ဆောင်မယ်လို့ ဆိုပါကြောင်းဗြိတိန်အစိုးရက ပင်လယ်ဓားပြ တိုက်ဖျက်ချေမှုန်းရေး ဌာနတခုကို ဆိုက်ချဲလ်မှာ ဆောက်လုပ်ပေးဖို့နဲ့ အုပ်ချုပ်ရေးမှူးတယောက် ထောက်ပံ့ ခန့်ထားပေးမယ်လို့ ဗြိတိန်နိုင်ငံခြားရေးဝန်ကြီး ဝီလျှံဟိတ်က ပြောဆိုကြောင်း ဒေသတွင်း ပင်လယ်ဓားပြဆန့်ကျင်ရေး၊ တရားစွဲဆိုရေးနဲ့ ထောက်လှမ်းရေး ညှိနှိုင်းဆောင်ရွက်မှု ဌာနဟာ ပင်လယ်ဓားပြ ခေါင်းဆောင်တွေနဲ့ သူတို့ရဲ့လုပ်ငန်းတွေ လည်ပတ်နိုင်အောင် ငွေကြေးတွေ၊ ဘဏ်ငွေစာရင်းတွေ ကိုင်တွယ်သူတွေကို ပစ်မှတ်ထား လုပ်ဆောင်မှာဖြစ်ကြောင်း အဲဒီဌာန တည်ဆောက်ဖို့အတွက် ဗြိတိန်နိုင်ငံက အမေရိကန်ဒေါ်လာ ၉၀၀,၀၀၀ နီးပါး ထောက်ပံ့ပေးမှာ ဖြစ်တယ်လို့ ဆိုကြောင်းနယ်သာလန်နဲ့ ဆိုက်ချဲလ်နိုင်ငံအစိုးရတွေနဲ့ နိုင်ငံတကာ ရဲတပ်ဖွဲ့ အင်တာပိုတို့ကလည်း ဒီကိစ္စကို ပူးပေါင်းကူညီကြမယ်လို့ပြောကြောင်း

မနှစ်က ကမ္ဘာ့စီးပွားပွားရေးမှာ ဆိုမားလီးယား ပင်လယ်ဓားပြတွေကြောင့် အမေရိကန်ဒေါ်လာ သန်းပေါင်း ၇,၀၀၀ လောက် ထိခိုက်ခဲ့ရတယ်လို့ အမေရိကန်အခြေစိုက် One Earth Foundation အဖွဲ့က ပြောကြောင်းသိရသည်။

နိုင်ငံခြားသားအလုပ်သမားများ ၀င်ရောက်မှုကို စင်ကာပူက ထပ်မံတင်းကျပ်သွားမည်

စင်ကာပူ၏ အခြေခံအဆောက်အအုံမှာ ပိုမိုအကန့်အသတ်ရှိလာနေပြီး နိုင်ငံ၏ အမျိုးသားအမှတ်လက္ခဏာများမှာ ထိပါးခံနေရသဖြင့် နိုင်ငံခြားသားအလုပ်သမားများဝင်ရောက် မှုကို ထပ်မံတင်းကျပ်သွားမည်ဖြစ် ကြောင်း အစိုးရက ဖေဖော်ဝါရီလ ၁၇ ရက်နေ့တွင် ကြေညာခဲ့သည်။
နိုင်ငံခြားသားအလုပ်သမား များပြားသည့် ပြဿနာသည် ပြီးခဲ့ သည့်နှစ်က ရွေးကောက်ပွဲတွင် အာဏာရပါတီကို အထိနာစေခဲ့သည့် အရေးအကြီးဆုံးပြဿနာများထဲမှ တစ်ခုဖြစ်သည်။ အစိုးရအနေဖြင့် ကုန်ထုတ်လုပ်ငန်း များ၊ ဆောက်လုပ်ရေးလုပ်ငန်းများ၊ ၀န်ဆောင်မှု လုပ်ငန်းများတွင် နိုင်ငံခြားသားအလုပ်သမားများရှိရမည့် အချိုးအစားကို ချိန်ညှိသွားမည်ဖြစ်ကြောင်း ဒုတိယ၀န်ကြီးချုပ်လည်းဖြစ်သော ဘဏ္ဍာရေးဝန်ကြီး သာမန်ရှာမူဂါရက်နန်က ၂၀၁၂ ခုနှစ် ဘတ်ဂျက်ကို ကြေညာစဉ် ပါလီမန်၌ ပြောကြားခဲ့ခြင်းဖြစ်ကြောင်း အိမ်နှင့် လူနေအိမ်ရာများ ထပ်မံတည်ဆောက်ရန်နှင့် သယ်ယူပို့ဆောင်ရေးစနစ်ကို ထပ်မံတိုးချဲ့ရန်အတွက် ကြိုးပမ်းနေသော်လည်း နေရာနှင့် အခြေခံအဆောက်အအုံတို့အတွက် အကန့်အသတ်များရှိကြောင်း ၎င်းက ပြောကြားခဲ့သည်။ ထို့ပြင် နိုင်ငံခြားသားအလုပ်သမားများကို အလွယ်တကူရရှိနိုင်မှုကြောင့် ကုမ္ပဏီများအနေဖြင့် ကုန်ထုတ်လုပ်မှု တိုးမြှင့်ရန် အလုပ်အကိုင်ကောင်း များဖန်တီးရန်အတွက် မက်လုံးများ လျော့ကျစေကြောင်း စင်ကာပူလူဦးရေသည် ၂၀၁၁ ခုနှစ်က ၅ ဒသမ ၁၈ သန်းရှိခဲ့ရာ လေးပုံတစ်ပုံကျော်မှာ နိုင်ငံခြားသားများ ဖြစ်ကြကြောင်း
နိုင်ငံခြားသား အလုပ်သမားများဝင်ရောက်မှုကို လူထု၏ဆန့်ကျင်မှုကြောင့် စင်ကာပူအစိုးရသည် နိုင်ငံခြားသားများ ၀င်ရောက်မှုကို လျော့ချရန် ကြိုးပမ်းခဲ့သည်။ ပြီးခဲ့သည့်နှစ် သြဂုတ်လက နိုင်ငံခြားမှပညာရှင်များ အလုပ်ခန့်ထားမှုအတွက် လိုအပ်ချက်များကို တင်းကျပ်သွားမည်ဟု ၀န်ကြီးချုပ်က ကတိပြုခဲ့သည်။ ပြီးခဲ့သည့် နှစ်နှစ်အတွင်း နိုင်ငံခြားသားများ ၀င်ရောက်မှုသည် ၇ ဒသမ ၅ ရာခိုင်နှုန်းကျော် တိုးတက်ခဲ့ကြောင်းသိရသည်။

ဘရာဇီးနိုင်ငံတစ်ဝန်းတွင် ကာနီဗယ်ပွဲတော်ကျင်းပ

ဘရာဇီးနိုင်ငံ၏ နှစ်စဉ်ကျင်းပနေကျ ကာနီဗယ်ပွဲတော်ကို ဖေဖော်ဝါရီ ၁၇ ရက်နေ့က စတင်ကျင်းပခဲ့ပြီး မြို့တော်ရီယိုဒီဂျနေးယိုးရှိ Sam-badrome အားကစားကွင်းတွင် ခမ်းနားလှပသည့် အ၀တ်အစားများ ၀တ်ဆင်ပြီး စီတန်းလှည့်လည်ခဲ့သည်။ ငါးရက်ကြာကျင်းပမည့် ကာနီဗယ်ပွဲတော်ကို နိုင်ငံခြားသား ၈၅၀၀၀၀ အပါအ၀င် ကြည့်ရှုသူ ငါးသန်းရှိလိမ့်မည်ဟု ရီယိုမှ တာဝန်ရှိသူများက ခန့်မှန်းခဲ့သည်။
၂၀၁၂ ခုနှစ် ဘရာဇီးကာနီဗယ်ပွဲတော်ကို ဂျနီဖာလိုပက်ဇ်၊ Black Eyed Pea အဖွဲ့၊ ရှရွန်စတုန်း၊ မက်ဒေါနား၊ ဘီယွန်းစေး၊ ဂျုဒ်လော၊ ပဲရစ်ဟီတန်၊ ပါမီလာအန်ဒါဆန်၊ Kevin Spacey စသည့် နာမည်ကျော် အနုပညာရှင်များ လာရောက်ဆင်နွှဲ ခဲ့ကြောင်း အေပီသတင်းဌာနတွင် ဖော်ပြခဲ့သည်။ ရီယိုဒီဂျနေးယိုးမြို့ရှိ ထိပ်တန်း ဆမ်ဘာအကကျောင်း ခုနစ်ခုမှ အဆိုတော်များ၊ အကနှင့် ဂီတပညာ ရှင်ရာပေါင်းများစွာသည် ငှက် အမွှေးအတောင်များဖြင့် အလှဆင်ထားသည့် ၀တ်စုံများဝတ်ဆင်ပြီး အလှပြယာဉ်များနှင့် လမ်းမများတွင် စီတန်းအလှပြခဲ့ကြသည်။
ကာနီဗယ်ချန်ပီယံဆုအတွက် ဆမ်ဘာအကကျောင်း ၁၃ ခုမှ လက် ရွေးစင်အဖွဲ့များက ယှဉ်ပြိုင်ခဲ့ကြပြီး ကာနီဗယ်ချန်ပီယံဆုကို ကကွက် စီစဉ်ဖန်တီးမှု၊ ဂီတ၊ အကနှင့်တီထွင် ဖန်တီးနိုင်မှုများကို အကဲဖြတ်ရွေးချယ်ခြင်း ဖြစ်သည်။ ဘရာဇီး၏ အထင်ရှားဆုံး အားလပ်ရက်ဖြစ်သည့် ကာနီဗယ်ပွဲ တော်အတွက် Sambadrome အားကစားကွင်းတွင် စီတန်းလှည့်ပြမှုများကို လပေါင်းများစွာ ကြိုတင်ပြင်ဆင်ခဲ့ရသည်။ ကာနီဗယ်အတွက် စီတန်းလှည့်လည်ကပြသည့် ဆမ်ဘာအကသည် အာဖရိကကျွန်များက ဘရာဇီးသို့ ယူဆောင်လာသည့်အကဖြစ်ပြီး အဆိုပါအကကို ဘောလုံးပွဲတစ်ပွဲကဲ့သို့ ပြင်းပြင်းပြပြ အားပေးခဲ့ကြသည်။
Sambadrome အားကစားကွင်းတွင် ပြုလုပ်ခဲ့သည့် အလှပြစီတန်းလှည့်လည်မှုများကို ကြည့်ရှုရန်အတွက် ထိုင်ခုံလက်မှတ်များကို ဒေါ်လာ ၅၀ မှ ထောင်ကျော်အထိ သတ်မှတ်ရောင်းချခဲ့ကြောင်း သိရှိရသည်။ ကာနီဗယ်ပွဲတော်သည် အလုပ်အကိုင် ၂၅၀၀၀၀ ကျော်ကို ဖန်တီးပေးခဲ့ပြီး ဟိုတယ်နှင့်စားသောက်ဆိုင်များအတွက် ၀င်ငွေဒေါ် လာသန်း ၆၄၀ ခန့် ရရှိနိုင်ကြောင်း အစိုးရက ခန့်မှန်းခဲ့သည်။ ကာနီဗယ်ပွဲတော်ကို ဘရာဇီးနိုင်ငံ၏ စီးပွားရေးမြို့တော်နှင့် လက်တင်အမေရိက၏ အထင်ရှားဆုံးမြို့ဖြစ်သည့် ဆာပေါ်လို၊ အာဖရိက-ဘရာဇီးယဉ် ကျေးမှုဗဟိုချက်ဖြစ်သည့် ဆာဗေးဒိုးတို့ အပါအ၀င် နိုင်ငံတွင်းရှိ မြို့များစွာတွင် မြို့လုံးကျွတ် ပါဝင်ဆင်နွှဲခဲ့ကြောင်း သိရှိရသည်။

Lwin Pwin

Blog: http://wanna23-23.blogspot.com/

Web-site: www.nlabr.com