ဆီးရီးယားနိုင်ငံမှာ မငြိမ်မသက်ဖြစ်မှုတွေကို စစ်ရေးအရ ရှေ့တိုးဆောင်ရွက် အရေးယူမှုတွေ ရှိမယ်ဆိုရင် အခြေအနေတွေပို ဆိုးလာလိမ့်မယ်လို့ ကုလသမဂ္ဂအာရပ် အဖွဲ့ချုပ်ရဲ့ ဆီးရီးယား နိုင်ငံဆိုင်ရာ အထူးကိုယ်စားလှယ် Kofi Annan က သတိပေး ပြောဆိုလိုက်ပါတယ်။ဆီးရီးယားနိုင်ငံရဲ့ ပဋိပက္ခတွေကို ပြင်ပကတပ်ဖွဲ့တွေက အင်အားသုံး နှိမ်နင်းဖြေရှင်းမယ်ဆိုရင် အဲဒီတွက်ဆချက်က မှားမှာဖြစ်ပြီး ဒေသထဲမှာ ကျယ်ကျယ်ပြန့်ပြန့် ထိခိုက်မှုတွေ ရှိလိမ့်မယ်လို့ ကြာသာပတေးနေ့က အီဂျစ်နိုင်ငံ၊ ကိုင်ရိုမြို့ကို ရောက်လာတဲ့ Mr. Anan က ပြောပါတယ်။
အာရပ်အဖွဲ့ ချုပ် အတွင်းရေးမှူးချုပ် Nabil Elaraby နဲ့ တွေ့ဆုံအပြီးမှာ ကုလသမဂ အကြီးအကဲဟောင်း Mr. Anan က ခုလို ပြောဆိုခဲ့တာဖြစ်ပါတယ်။ Syria သမ္မတ Bashar Al Assad ရဲ့ ၁၁ နှစ်ကြာ အာဏာချုပ်ကိုင်ထားတဲ့ အစိုးရကို ပြန်ပြီး တိုက်ခိုက် နေတဲ့ Syrai သူပုန်တွေရဲ့ တိုက်ပွဲတွေ အဆုံးသတ်သွားအောင် Syria သူပုန်တပ်တွေကို လက်နက် ထောက်ပံ့ပေးဖို့ Qartar နဲ့ Saudi Arabia နိုင်ငံတွေက တောင်းဆိုခဲ့ကြပါတယ်။ ဒါပေမယ့် Syria နိုင်ငံတည်ငြိမ်မှုကို ထိခိုက်မှာစိုးတယ်ဆိုတဲ့ ပူပန်မှုတွေကို အကြောင်းပြပြီး အနောက်အင်အားကြီး နိုင်ငံတွေက Syria ကို အရေးဝင်ရောက်ဆောင်ရွက်ဖို့ကို တုံ့ဆိုင်းနေခဲ့ကြတာ ဖြစ်ပါတယ်။
Syria နိုင်ငံကို ဒေသတွင်း အင်အားကြီးနိုင်ငံမဟုတ်တဲ့ နိုင်ငံတွေကဝင်ပြီး အရေးယူဆောင်ရွက်မယ့် အရေးကို တူရကီက ဆန့်ကျင်တယ်လို့ သမ္မတ Abdullah Gul က ကြာသာပတေးနေ့က ပြောပါတယ်။ Tunisian မြို့တော် Tunis ကို အလည်အပတ်ခရီး လာရောက်စဉ်မှာ တူရကီသမ္မတက ခုလို ပြောဆိုခဲ့တာဖြစ်ပါတယ်။

တရုတ်နိုင်ငံမှာ သံသယရှိသူတွေကို လျှို့ဝှက်စခန်းတွေမှာ ထိန်းသိမ်းနိုင်ခွင့် ဥပဒေကို အတည်ပြုဖို့ ပြင်ဆင်နေချိန်မှာ လူတွေပျောက်ဆုံးမှုတွေအတွက် လူထုမကျေနပ်တဲ့ ဆန္ဒပြပွဲတွေဖြစ်လာအပြီးမှာ ဒီဥပဒေကို အတည်ပြုဖို့ရှိတာကို အလျှော့ပေးလိုက်ပါတယ်။ တရုတ်လွှတ်တော်ထဲမှာ ဒီနေ့ ပြင်ဆင်တင်သွင်းလိုက်တဲ့ ပြစ်မှုဆိုင်ရာ ဥပဒေကြမ်းထဲမှာ နိုင်ငံတော် လုံခြုံရေးကို ခြိမ်းခြောက်မှုအတွက် သံသယရှိနိုင်သူတွေကို ထိန်းသိမ်းရာမှာ သူတို့ရဲ့မိသားစုတွေကို ရဲတွေ အနေနဲ့ အကြောင်းကြား စရာ မလိုဖူးဆိုတဲ့ အပိုဒ်ကို ဖြုတ်ပေးခဲ့ပါတယ်။
တရုတ်အမျိုးသားလွှတ်တော် ဒုဥက္ကဌ Wang Zhaoguo က တရုတ်နိုင်ငံရဲ့ ပြစ်မှုဆိုင်ရာ ဥပဒေဟာ ကျိုး ကြောင်း ဆီလျှော်မှု ရှိတယ်၊ ဒါပေမဲ့ ပြစ်မှုဆိုင်ရာ အပြစ်ရှိသူတွေရဲ့ အခွင့်အရေးကို ကာကွယ်ပေးတဲ့ အနေနဲ့ ခုလို ဥပဒေကို ပြင်ပေးတာ ဖြစ်တယ်လို့ ဆိုလိုက်ပါတယ်။ ဒုဥက္ကဌ Wang က ဒီဥပဒေကို ဆွေးနွေးပြင်ဆင်ပေးရတာက လုပ်ငန်း အတွေ့အကြုံအရနဲ့ လူထုရဲ့အသံကို နားထောင်လိုလို့ဖြစ်တယ်၊ တရားရေးစနစ် ပြုပြင်ပြောင်းလဲရေးလုပ်နေတာတွေကို ပိုလေးနက်စေချင်လို့ ဖြစ်တယ်လို့ ထုတ်ပြောလိုက်ပါတယ်။
လူ့အခွင့်အရေး လှုပ်ရှားသူတွေဖက်ကလဲ ခုလိုပြင်ဆင်လိုက်လျောပေးလိုက်တဲ့ ဥပဒေကို ကြိုဆို လိုက်ကြပါ တယ်။ အာဏာရှင်နိုင်ငံမှာ လူ့အခွင့်အရေးတွေ တိုးတက်စေဖို့ ပထမခြေလှမ်းဖြစ်တယ်လို့ သူတို့က ဆိုကြပါတယ်။ဒါပေမဲ့ ဒီပြင်ဆင်ပြီးသား ဥပဒေမှာတောင် ဒီလျှို့ဝှက်ဖမ်းဆီးတာတွေကို လုံးဝတာဆီးနိုင်မှာ မဟုတ်သေးဘူး၊ အကြမ်းဖက် သူလို့ သံသယရှိသူတွေကို ဖမ်းရာမှာ အစဉ်အလာရှိထားပြီသား ထိန်းသိမ်းရေး စခန်းတွေမှာ သူတို့မိသားစုတွေကို အသိ မပေးပဲ ထားလို့ရသေးလို့ ဖြစ်တယ်လို့ ဆိုပါတယ်။
ဒီလျှို့ဝှက်ဖမ်းဆီမှုကြောင့် ပျောက်ဆုံးမှု့လုပ်လိုက်တာတွေကို တရုတ်နိုင်ငံမှာ ဖွဲ့စည်းပုံအရ ဆန့်ကျင်မှုရှိပေမဲ့ အစိုးရဆန့်ကျင်ရေးသမားတွေကို ဖမ်းဆီးရာမှာ အာဏာပိုင်တွေက အသုံးပြုလာခဲ့ပြီး၊ ဒီပျောက်ဆုံးမှုတွေဟာ ပြီးခဲ့တဲ့နှစ်ထဲကစပြီး တရုတ်အစိုးရက အာရပ်ကမ္ဘာမှာလို ဆန္ဒပြပွဲတွေဖြစ်လာမှာ စိုးရိမ်ခဲ့အပြီးမှာ ပိုများလာ ခဲ့ပါတယ်။


သြစတြေးလျရှိ မူရမ်ဘစ်ဂျီမြစ် ရေများမြင့်တက်လာကာ မြစ်ကမ်းဘေး၌ ကာရံထားသော ရေကာတာများ ကျိုးပေါက်လာတော့မည်ဖြစ်သောကြောင့် နိုင်ငံအရှေ့တောင်ပိုင်းရှိ ထောင်ပေါင်းများစွာသော ပြည်သူများသည် မတ်လ ၅ ရက်နေ့တွင် ၎င်းတို့၏ နေအိမ်များအား စွန့်ခွာထွက် ပြေးခဲ့ရသည်။
မူရမ်ဘစ်ဂျီမြစ်သည် နယူးဆောက်ဝေးလ်ပြည်နယ်၏ အဓိကမြစ်ကြီးတစ်စင်းဖြစ်ပြီး ယခုသီတင်းပတ်အတွင်းတွင် မြစ်ရေကြီးရေလျံမှု ကြောင့် နိုင်ငံအရှေ့ပိုင်းရှိ နယူး ဆောက်ဝေး၊ ကွင်းစ်လန်း၊ ဗစ်တိုးရီးယား ပြည်နယ် တို့ကို ထိခိုက်စေခဲ့ပြီး အိမ်ရာပေါင်းများစွာ ပျက်စီးခဲ့ရ၍ ဒေါ်လာသန်းပေါင်းများစွာ ဆုံးရှုံးခဲ့သည်။နယူးဆောက်ဝေးပြည်နယ်တွင် အကြီးဆုံးမြို့ဖြစ်သော ၀က်ဂါဝက်ဂါ (Wagga Wagga)မြို့တွင် မတ်လ ၆ ရက်နေ့က လူ ၉၀၀၀ ခန့်ကို နေရာ ရွှေ့ပြောင်းပေးခဲ့ရသည်။
''ရေကာတာကနေ ရေတွေဆက်မထိန်းနိုင်တော့ရင် မြစ်ရေတွေဟာ ၀က်ဂါဝက်ဂါမြို့ရဲ့ စီးပွားရေးအချက်အချာ CBD နေရာအပြင် အခြားနေရာတွေကိုပါ ရေလွှမ်းသွားနိုင်ပါတယ်''ဟု ဒေသဆိုင်ရာ အရေးပေါ် ကယ်ဆယ်ရေးဌာနမှ ကိုယ်စားလှယ် Dieter Geske က ပြောကြားခဲ့သည်။ မူရမ်ဘစ်ဂျီမြစ်ရေသည် ရေကာတာ၏ အမြင့်ဆုံးရေထိန်းသိမ်းနိုင်သော ၁၀ ဒသမ ၉ မီတာ(၃၆ ပေ) အထိ မြင့်တက်လာနိုင်သောကြောင့် စိုးရိမ်နေကြရသည်။
မူရမ်ဘစ်ဂျီမြစ်သည် ၁၈၄၄ ခုနှစ်မှစ၍ ယခုကဲ့သို့သော မြစ်ရေကြီးမှုမျိုး မဖြစ်ပွားခဲ့ဖူးကြောင်း သိရှိရသည်။ ယခုချိန်ထိရေကြီးမှုကြောင့် အိမ် ၂၄၀ ခန့် ပျက်စီးခဲ့ပြီး ဖြစ်သည်။၂၀၁၁ ခုနှစ်အစောပိုင်းတွင်လည်း သြစတြေးလျအရှေ့ပိုင်း၌ ရေကြီးမှုများကြောင့် လူပေါင်း ၃၀ ကျော်သေဆုံးခဲ့ရကာ အိမ်ခြေထောင်ပေါင်းများစွာ ရေနစ်မြုပ်ခဲ့ရ၍ ကွင်းစ်လန်းပြည်နယ်၏ မြို့တော်အပါအ၀င် နိုင်ငံနေရာအတော်များများ ရေလွှမ်းခံခဲ့ရသည်။


ဝန်ကြီးချုပ် မန်မိုဟန်ဆင်း၏ အစိုးရအဖွဲ့အတွက် စမ်းသပ်မှုတစ်ခုအဖြစ် ယူဆထားသည့် ဒေသဆိုင်ရာ ရွေးကောက်ပွဲများတွင် အိန္ဒိယ၏ အာဏာရကွန်ဂရက်ပါတီသည် အရေးနိမ့်ခဲ့သည်။ အိန္ဒိယတွင် လူဦးရေအများဆုံး ရှိသောဥတာပရာဒေ့ရ်ှပြည်နယ်တွင် အဆင့်ဆင့်ပါရှိသည့် မဲပေးမှုမှမဲရ လဒ်များအရ ကွန်ဂရက်ပါတီသည် လွှတ်တော်ကိုယ်စားလှယ် ၄၀၃ ဦးရှိသည့်အနက် ၂၈ ဦးသာ အနိုင်ရရှိခဲ့ကြောင်း သိရသည်။မဲပေးသူများသည် ဒေသခံ Samajwadi ဆာမာ့ဂ်ျဝါဒီပါတီ (ဆိုရှယ်လစ်ပါတီ)ကိုသာ ထောက်ခံခဲ့ကြပြီး အမတ်နေရာ ၂၂၄ နေရာကို ယင်းပါတီက ရရှိခဲ့သည်။ အသက် ၃၈ နှစ်သာရှိသေးသည့် နိုင်ငံရေးသမား အာခီလက်ရ်ှယာဒက်ဗ်ဦး ဆောင်သော ဆာမာ့ဂ်ျဝါဒီပါတီသည် သြဇာကြီးမားသည့် ဇာတ်နိမ့်တစ်ဦးဖြစ်သူ ပြည်နယ်ဝန်ကြီးချုပ် မာယာဝတီကိုလည်း အနိုင်ရရှိခဲ့သည်။ ယာဒက်ဗ်သည် ဥတာပရာဒေ့ရ်ှပြည်နယ် ၀ါရင့်ခေါင်းဆောင် ပြည်နယ်ဝန်ကြီးချုပ်ဟောင်း မူလာယမ်ဆင်းယာဒက်ဗ်၏သား ဖြစ်သည်။
အာခီလက်ရ်ှယာဒက်ဗ်၏ ပါတီကို ဟိန္ဒ်ူဇာတ် အလယ်အလတ်ရှိသူများနှင့် မွတ်စလင်တို့က အဓိက ထောက်ခံနေသည်ဟု ယုံကြည်ရသည်။ ကွန်ဂရက်ပါတီသည် မျှော်မှန်းထားသည်ထက် များစွာကွာဟခဲ့ပြီး အဆိုပါပြည်နယ်တွင် အဆင့်လေးနေရာ၌သာ ရပ်တည်ခဲ့သည်။ မဲရလဒ်သည် မဲဆွယ်စတား ရာဟူးလ်ဂန္ဒီအတွက် ပုဂ္ဂိုလ်ရေးဆိုင်ရာ ထိုးနှက်မှုတစ်ခုဖြစ်ခဲ့သည်။ ''ဒါကျွန်တော့်ရဲ့ ရှုံးနိမ့်မှုတစ်ခုပါ။ ကျွန်တော် မတုန်လှုပ်ပါဘူး''ဟု အသက် ၄၁ နှစ်အရွယ် နေရူးဂန္ဒီမျိုးဆက် ရာဟူးလ်ဂန္ဒီက ပြောကြားခဲ့သည်။ ကွန်ဂရက်ပါတီသည် အမျိုးသားနိုင်ငံအဆင့်တွင် United Prog- ressive Alliance အစိုးရအဖွဲ့ကို ဦးဆောင်လျက်ရှိသည်။ ပြည်နယ်ငါးခုတွင်ကွန်ဂရက်သည် မဏိပူရတွင်သာ အမတ်နေရာ အများစုရရှိခဲ့သည်။


ရုရှားသမ္မတရွေးကောက်ပွဲတွင် အနိုင်ရရှိထားသော ဗလာတီမာပူတင်က ဘီလျံနာလုပ်ငန်းရှင် မစ်ခေးပရိုခိုရော့အနေဖြင့် အစိုးရအဖွဲ့တွင် လာရောက်လုပ်ကိုင်နိုင်ကြောင်း မတ်လ ၇ ရက်နေ့က အကြံပြုပြောကြားခဲ့သည်။
ပရိုခိုရော့သည် ရုရှားတွင် အချမ်းသာဆုံးပုဂ္ဂိုလ်များထဲမှ တစ်ဦးဖြစ်ပြီး ယမန်နှစ်ကမှ နိုင်ငံရေးလောကသို့ ၀င်ရောက်လာခဲ့သူဖြစ်သည်။ နိုင်ငံရေး ပြုပြင်ပြောင်းလဲမှုများနှင့် စီးပွားပြုပြင်ပြောင်းလဲမှုများ ဆောင်ရွက်သွား မည်ဟု မဲဆွယ်စည်းရုံးခဲ့သော ပရိုခိုရော့သည် သမ္မတရွေးကောက်ပွဲတွင် တတိယနေရာ ရရှိခဲ့သည်။ ပရိုခိုရော့က ပူတင်အစိုးရအဖွဲ့တွင် ရာထူးရယူမည်မဟုတ်ကြောင်း မတ်လ ၅ ရက် နေ့တွင် တရားဝင် ငြင်းဆိုပြောကြားခဲ့သည်။ ကရင်မလင် လက်ဝါးကြီးအုပ်ထားသော လက်ရှိနိုင်ငံရေးစနစ်တွင် မည်သည့်အခန်းကဏ္ဍကမှ ပါဝင် မည်မဟုတ်ကြောင်း ၎င်းကပြောကြားခဲ့သည်။


ပြည်နယ် ၁၀ ခုပါသော Super Tuesday အကြိုရွေးကောက်ပွဲများတွင် မက်ဆာချူးဆက်ပြည်နယ် အုပ်ချုပ်ရေးမှူးဟောင်း မစ်ရွမ်နေက အိုဟိုင်းယိုးအပါအ၀င် ပြည်နယ် ၆ ခု တွင် အနိုင်ရခဲ့ပြီး ရစ်ဆန်တိုရမ်က ပြည်နယ် ၃ ခုတွင်အနိုင်ရခဲ့ကာ နယူတန်ဂင်းရစ်ခ်ျက ဂျော်ဂျီယာပြည်နယ်တွင် အောင်ပွဲခံခဲ့သည်ဟု စီအင်န်အင်န်က ဖော်ပြခဲ့သည်။
ရွမ်နေသည် မျှော်လင့်ထားသည့်အတိုင်း ဗာဂျီးနီးယား၊ ဗားမောက်တ်၊ အိုင်ဒါဟိုနှင့် ၎င်း၏နေရပ်အဖြစ် မှတ်ယူခံရသော မက်ဆာချူးဆက်ပြည်နယ်တို့တွင် အလွယ်တကူ အနိုင်ရခဲ့သည်။ ထို့ပြင် ရွမ်နေသည် အရေးပါသော အိုဟိုင်းယိုးပြည်နယ်တွင် ပွတ် ကာသီကာ အနိုင်ရခဲ့ပြီး အလက်စကာ ပြည်နယ်တွင်လည်း အနိုင်ရခဲ့သည်။ အိုဟိုင်းယိုးပြည်နယ်တွင် အနိုင်မရဘဲ မည်သည့် ရီပတ်ဘလီကန်သမ္မတလောင်းမှ သမ္မတ ရွေးကောက်ပွဲတွင် အနိုင်မရဘူးသောကြောင့် အိုဟိုင်းယိုးပြည်နယ်မှာ အရေးကြီးသည်။ ဆန်တိုရမ်မှာ မြောက်ဒါကိုတာ၊ အိုကလားဟိုးမား၊ တင်နက်ဆီပြည်နယ်တို့တွင် အနိုင်ရခဲ့ပြီး ဂင်းရစ်ခ်ျမှာ ဂျော်ဂျီယာပြည်နယ်တစ်ခုတွင်သာ အနိုင်ရခဲ့သည်။
ရွမ်နေသည် ယခုအခါ သြဂုတ်လတွင် ကျင်းပမည့် ရီပတ်ဘလီကန် ညီလာခံ၌ ၎င်းအားထောက်ခံမည့် ကိုယ်စားလှယ် ၄၁၅ ဦး ရရှိထားသည်။ နိုဝင်ဘာလသမ္မတ ရွေးကောက်ပွဲတွင် ဘားရက်အိုဘားမားကို ယှဉ်ပြိုင်မည့် ရီပတ်ဘလီကန် သမ္မတလောင်းအနေဖြင့် ကိုယ်စားလှယ် ၁၁၄၄ ဦး၏ ထောက်ခံမှုရရန် လိုအပ်သည်။ Super Tuesday အကြိုရွေးကောက်ပွဲများတွင် မစ်ရွမ်နေကကိုယ်စားလှယ် ၂၁၂ ဦး ထက်မနည်း ရရှိခဲ့သည်။ မစ္စတာဆန်တိုရမ်မှာ ကိုယ်စားလှယ် ၈၄ ဦးထပ်မံရရှိခဲ့ပြီး ကိုယ်စားလှယ် ၁၇၆ ဦးထိ ရရှိထားကြောင်း အေပီက ဖော်ပြခဲ့သည်။ အိုဟိုင်းယိုးပြည်နယ်တွင် ကိုယ်စားလှယ် ၆၆ ဦးရှိရာ ရွမ်နေက ၃၅ ဦးရရှိခဲ့ပြီး ဆန်တိုရမ်က ၂၁ ဦးရရှိခဲ့သည်။ ဆန်တိုရမ်သည် အစောပိုင်းက အိုဟိုင်းယိုးပြည်နယ်တွင် အသာရခဲ့သော်လည်း မွေးနှုန်းထိန်းချုပ်ရေးနှင့် ဘာသာရေး၏ အခန်းကဏ္ဍတို့ကို ပွင့်ပွင့်လင်းလင်း ဝေဖန်ခဲ့ပြီးနောက် သဘောထား အလယ်အလတ် မဲပေးသူများ၏ ထောက်ခံမှု ဆုံးရှုံးခဲ့သည်။ ဂင်းရစ်ခ်ျသည် တောင်ကာရို လိုင်းနားပြည်နယ်တစ်ခုတွင်သာ အနိုင်ရခဲ့ပြီးနောက်ပိုင်း ထပ်မံအနိုင်မရတော့ဘဲ ဂျော်ဂျီယာပြည်နယ်တွင်မှ ပြန်လည်အနိုင်ရခြင်းဖြစ်သည်။
ရီပတ်ဘလီကန် ကိုယ်စားလှယ်လောင်းများသည် လာမည့် ၁၀ ရက် အတွင်း ကင်ဆက်၊ အလာဘားမား၊ မစ္စစ္စပီ၊ ဟာဝိုင်ယီပြည်နယ်များတွင် ဆက်လက်ယှဉ်ပြိုင်ရမည် ဖြစ်သည်။

ဆီးရီးယားတွင် အတိုက်အခံနှင့် အစိုးရတပ်ဖွဲ့များအကြား ဆွေးနွေးမှုစတင်ရန် တရုတ်က ဦးဆောင်တင်ပြသော အချက် ၆ ချက်ပါ ငြိမ်းချမ်းရေးအစီအစဉ်ကို ပူးပေါင်းဆောင်ရွက်သွားရန် အသင့်ရှိကြောင်း ဆီးရီးယားနိုင်ငံခြားရေးဝန်ကြီး ၀ါလစ်မူအာလန်က မတ်လ ၇ ရက်နေ့တွင် ပြောကြားခဲ့သည်။
ဆီးရီးယားနိုင်ငံဆိုင်ရာ တရုတ်သံအမတ်ကြီးဟောင်း လီဝါရှင်းနှင့် တွေ့ဆုံပြီးနောက် ဆီးရီးယား နိုင်ငံခြားရေးဝန်ကြီးက ငြိမ်းချမ်းရေးအစီအစဉ်ကို ကြိုဆိုကြောင်း သွေးထွက်သံယို ပဋိပက္ခများ ရပ်ဆိုင်းသွားရန် ရည်ရွယ်သည့် အစီအစဉ်ကို ပူးပေါင်းဆောင်ရွက်ရန် အသင့်ရှိကြောင်း ပြောကြားခဲ့သည်ဟု နိုင်ငံပိုင်ဆာနာသတင်းအေဂျင်စီက ပြောကြားခဲ့သည်။ မတ်လ ၄ ရက်နေ့တွင် တရုတ်က ဦးဆောင်တင်ပြခဲ့သော ငြိမ်းချမ်းရေးအစီအစဉ်တွင် သွေးထွက်သံယို ပဋိပက္ခများချက်ခြင်း အဆုံးသတ်ပြီး သမ္မတအာဆတ်အစိုးရနှင့် အတိုက် အခံတို့အကြား စေ့စပ်ဆွေးနွေးရန် တိုက်တွန်းထားသည်။ သမ္မတအာဆတ် အာဏာတည်နေသ၍ တွေ့ဆုံဆွေးနွေးမည် မဟုတ်ကြောင်း ဆီးရီးယားအတိုက်အခံတို့က ပယ်ချထားသည်။ တရုတ်အကြံပြုချက်များတွင် ဆီးရီးယားတွင် အစိုးရအပြောင်းအလဲအတွက် ပြင်ပမှဝင် ရောက်စွပ်ဖက်မှုကို ပယ်ချထားပြီး ကုလသမဂ္ဂ ပဋိညာဉ်၏မူများနှင့် ရည်ရွယ်ချက်အတိုင်း လုံခြုံရေးကောင်စီက ပါဝင်ဆောင်ရွက်မှုကို ထောက်ခံထားသည်။
ဆီးရီးယားတွင် အစိုးရဆန့်ကျင် ဆန္ဒပြမှုများကို အကြမ်းဖက်နှိမ်နင်းမှုအား ရှုတ်ချသည့် လုံခြုံရေးကောင်စီ ဆုံးဖြတ်ချက်နှစ်ခုကို တရုတ်နှင့်ရုရှားတို့က ပြင်းပြင်းထန်ထန် ဝေဖန်ထားသည်။ ယမန်နှစ် မတ်လက ကန့်ကွက်ဆန္ဒပြမှုများ စတင်ဖြစ်ပွားခဲ့ပြီးနောက် ဆီးရီး ယားတွင် သေဆုံးသူ ၈၄၀၀ ကျော်ခဲ့ပြီဖြစ်ကြောင်း ဗြိတိန်အခြေစိုက်အဖွဲ့ တစ်ဖွဲ့က မတ်လ ၇ ရက်နေ့တွင် ပြောကြားခဲ့သည်။


ကုလသမဂ္ဂ- ကုလသမဂ္ဂအဖွဲ့သည် ဖေဖော်ဝါရီလ ၂၃ ရက်နေ့တွင် ၎င်း၏ ယခင် ခေါင်းဆောင်ဟောင်း ကိုဖီအန်နန် အား ဆီးရီးယား အစိုးရက ဆန့်ကျင်ဆန္ဒ ပြသူများအပေါ် လူများသေကျေပျက်စီး သည့်တိုင် နှိပ်ကွပ်နေသူများ ရပ်တန့် ပစ်ရန် ကြိုးပမ်းသည့် နိုင်ငံတကာ ပြဿနာ ဖြေရှင်းရေး ခေါင်းဆောင် အဖြစ် ခန့်အပ်လိုက်သည်။၎င်းသည် ကုလသမဂ္ဂနှင့် အာရပ် အဖွဲ့ချုပ်၏ အထူးသံတမန်အဖြစ် အကြမ်းဖက်လုပ်ဆောင်မှုအားလုံးနှင့် လူ့အခွင့်အရေး ချိုးဖောက်မှု အားလုံး ကို ရပ်တန့်ပစ်ရန်နှင့် ဆီးရီးယားအကျပ် အတည်းနှင့် ပတ်သက်၍ ငြိမ်းချမ်းသော ဖြေရှင်းမှုများ တိုးတက်ဖြစ်ပေါ်ရေး တို့ကို လုပ်ဆောင်ရန် ကိုယ်စားလှယ် အဖြစ် တာဝန်ထမ်းဆောင်မည်ဖြစ် ကြောင်း နှစ်ဖွဲ့စလုံးက ထုတ်ပြန်ကြေ ညာချက်တစ်ရပ်ဖြင့် ထုတ်ဖော်ပြော ကြားလိုက်သည်။
ကုလအတွင်းရေးမှူးချုပ် ဘန်ကီမွန်း နှင့် အာရပ်အဖွဲ့ချုပ် ခေါင်းဆောင် နာဘီလ် အာလ်အရာဘီလိုတို့က ကိုဖီ အန်နန် အာရပ်ပြည်သူများ အတွက် အလွန်အရေးကြီးသော အဆုံးအဖြတ် ကို ပေးမည့် ဤအချိန်ကာလမျိုးတွင် အဆိုပါတာဝန်ကြီးအား လက်ခံလိုက် သည့်အတွက် ကျေးဇူးတင် ၀မ်းမြောက် ပါကြောင်း ထုတ်ဖော် ပြောကြားသည်။ အဆိုပါအဖွဲ့ကြီးများက အန်နန် အတွက် အာရပ်ဒေသမှ လက်ထောက် သံအရာရှိတစ်ဦးကိုလည်း မကြာမီ ခန့်အပ်စေလွှတ်မည် ဖြစ်ကြောင်း အဆိုပါကြေညာချက်တွင် ဆက်လက် ဖော်ပြလိုက်သည်။
ဆီးရီးယားတွင် သမ္မတ ဘာရှာ အာလ် အာဆတ်အား ဆန့်ကျင်ဆန္ဒပြသူပေါင်း ၁၁ လအတွင်း ၇,၅၀၀ ကျော် သေဆုံးခဲ့ ကြောင်း ဆန့်ကျင်လှုပ်ရှားသူများက ထုတ်ဖော်ပြောကြားခဲ့ပြီး နိုင်ငံတကာ ကလည်း လူအသေအပျောက်များသည့် အဆိုပါ နှိပ်ကွပ်ဖြိုခွင်း မှုများ ရပ်စဲ ရေးအတွက် ဦးဆောင်ဦးရွက်ပြုသည့် လုပ်ဆောင်မှုများအတွက် တိုးတက် ဖိအားပေး တောင်းဆိုလျက်ရှိသည်။
ဘန်ကီမွန်းသည် အန်နန်အား ကုလ၏ အထူးသံတမန်အဖြစ် ခန့်ထား မှုကို ဆီးရီးယားအစိုးရ၏ ကြမ်းကြုတ် ရက်စက်စွာ လုပ်ဆောင်နေမှုများအား ရပ်တန့်ပစ်ရန် ထပ်မံလှမ်းရမည့် ခြေလှမ်းနှင့် ပတ်သက်၍ အာလ်အာရဘီ နှင့် အခြား နိုင်ငံတကာ ခေါင်းဆောင်များ အား တွေ့ဆုံဆွေးနွေးပြီး နောက်တွင် မှ ကြေညာခဲ့ခြင်းဖြစ်သည်။
အမေရိကန်နိုင်ငံခြားရေးဝန်ကြီး ဟီလာရီကလင်တန်နှင့် ဗြိတိန်၊ ပြင်သစ်၊ အာရပ်နိုင်ငံများ၏ နိုင်ငံခြားရေးဝန်ကြီး များအနေဖြင့် တူးနစ်တွင် သောကြာ နေ့၌ ကျင်းပမည့် ဆီးရီးယားနိုင်ငံ၏ မိတ်ဆွေများ အစည်းအဝေးတွင် အန်နန် ၏ လုပ်ငန်းတာဝန်များအတွက် လူသိ ရှင်ကြားထောက်ခံအားပေးစကားပြော ကြားကြရန် မျှော်လင့်ထားကြသည်။


ဆရီနဂါ- အိန္ဒိယနိုင်ငံပိုင် ကက်ရ်ှမီး ယားပြည်နယ်ရှိ တောင်များမှ နှင်းထု နှင့် ကျောက်တုံးများ တစ်ဟုန်ထိုးလျှော ကျလာ ခြင်းကြောင့် ထိုနေရာတွင် တာဝန်ထမ်းဆောင်နေသော အိန္ဒိယ စစ်သား ၁၆ ဦးထက်မနည်း သေဆုံး ပြီး အခြားသုံးဦး ပျောက် ဆုံးနေကြောင်း တာဝန်ရှိသူများက ဖေဖော်ဝါရီလ ၂၃ ရက်နေ့တွင် ပြောသည်။
အိန္ဒိယနိုင်ငံနှင့် ပါကစ္စတန် နှစ်နိုင်ငံ ကြားရှိ ကက်ရ်ှမီးယားကို ပိုင်းခြားထား သော နယ်စပ်မျဉ်းအနီး တပ်စခန်း များပေါ်သို့ နှင်းထုနှင့် ကျောက်တုံး ကြီးများ တစ်ဟုန်ထိုးကျဆင်းမှု နှစ်ကြိမ် တိုင်တိုင် ဖေဖော်ဝါရီလ ၂၂ ရက်နေ့ ညကဖြစ်ပွားခဲ့သည်။ အထူးလေ့ကျင့်ထားသော စစ်သား များနှင့် ကယ်ဆယ်ရေးခွေးများကို ရှာဖွေရေးလုပ်ငန်းတွင် ကူညီရန် လေယာဉ်ဖြင့် ပို့ဆောင် ပေးခဲ့သည်။

ကင်ဘာရာ - အာဏာရလေဘာပါတီ ဦးဆောင်မှုနေရာအတွက် နိုင်ငံခြားရေး ၀န်ကြီးကယ်ဗင်ရတ်၏ စိန်ခေါ်မှုကို အနိုင်ရသွားသော ၀န်ကြီးချုပ်ဂျူလီယာ ဂီးလ်လဒ်က နိုင်ငံရေးဇာတ်လမ်းတစ်ခု ပြီးဆုံးသွားပြီဖြစ်၍ လာမည့် ပါလီမန် ရွေးကောက်ပွဲတွင် လေဘာ ပါတီအနိုင် ရရေး စူးစိုက်ကြိုးပမ်းသွားကြရန် နှိုးဆော် လိုက်သည်။ ဩစတြေးလျတွင် ပထမဆုံးအမျိုး သမီးဝန်ကြီးချုပ်ဖြစ်သူ ဂျူလီယာဂီးလ်လဒ်ကသူ့အားစိန်ခေါ်သူနိုင်ငံခြားရေးဝန်ကြီးကယ်ဗင်ရတ်(ယခင်ဝန်ကြီးချုပ် ဟောင်း)အား လေဘာပါလီမန်အမတ် ၁၀၃ ဦးတို့ လျှို့ဝှက်မဲခွဲရာတွင် ၇၁ - ၃၁ ဖြင့် အနိုင်ရသွားသည်။ လေဘာအမတ် တစ်ဦးပျက်ကွက်သဖြင့် ၁၀၂ မဲသာ ပေးခဲ့ကြသည်။
၂၀၁၀ ပြည့်နှစ်တွင် အာဏာရလေဘာ ပါတီတွင်း တင်းမာမှုများ ဖြစ်ပေါ်နေရာ ထိုစဉ်က ၀န်ကြီးချုပ်ဖြစ်သော ကယ်ဗင် ရတ်ကို လေဘာပါတီခေါင်းဆောင် နေရာမှ ဖယ်ရှားကာ ဂျူလီယာဂီးလ်လဒ် ၀န်ကြီးချုပ်ဖြစ်လာခဲ့သည်။၏၂၀၀၇ ခုနှစ် ရွေးကောက်ပွဲတွင် ဩစတြေးလျကို ၁၀ နှစ်ကျော် အုပ်စိုးလာခဲ့သော ကွန်ဆာဗေးတစ် ပါတီအား လေဘာပါတီက အပြတ် အသတ် အနိုင်ရကာ ကယ်ဗင်ရတ် ၀န်ကြီးချုပ်ဖြစ်လာခဲ့သည်။
သို့သော် နောက်ပိုင်းတွင် ပေါ်လစီအမှားများ ဆက်တိုက်လုပ်ဆောင်ခဲ့သဖြင့် ပါတီက သူ့ကိုဖြုတ်ချကာ ပို၍ လက်တွေ့ကျသော ဂျူလီယာဂီးလ်လဒ်အား ၀န်ကြီးချုပ် အဖြစ် တင်ခဲ့ကြခြင်းဖြစ်သည်။
ကယ်ဗင်ရတ်က ဂီးလ်လဒ်ကို ဘယ် တုန်းကမှ ခွင့်မလွှတ်ခဲ့ပေ။
လွန်ခဲ့သော သီတင်းပတ်က သူ ၀ါရှင်တန်သို့ ရောက် နေစဉ် နိုင်ငံခြားရေးဝန်ကြီးရာထူးမှ နုတ် ထွက်စာတင်လိုက်သည်။ ဩစတြေးလျ ပြန်ရောက်လာသောအခါ ပါလီမန်တွင် ဂီးလ်လဒ်ကို လေဘာခေါင်းဆောင် နေရာမှ စိန်ခေါ်ခဲ့ခြင်း ဖြစ်သည်။
ယခုပါတီတွင်း မဲခွဲဆုံးဖြတ်ရာတွင် သူ ရှုံးသွားသဖြင့် ကယ်ဗင်ရတ်က ပါတီဝင် အမတ်များ၏ အဆုံးအဖြတ်ကို သူလက်ခံပါကြောင်း၊ ပါတီခေါင်းဆောင် အဖြစ် ဂျူလီဟာဂီးလ်လဒ်ကို လာမည့် ရွေးကောက်ပွဲ၌ လေဘာပါတီအနိုင်ရ ရေးအတွက် ထောက်ခံသွားမည်ဖြစ် ကြောင်း ကတိပေးပြောကြားခဲ့သည်။ သူ့တွင် မည်သူ့အပေါ်တွင်မျှ မုန်းတီးမှု နှင့် အာဃာတများမရှိကြောင်း၊ သူ ပြောမှား၊ ဆိုမှား၊ ပြုမှားရှိခဲ့လျှင် သူ့ကိုခွင့်လွှတ်ပေး ကြပါရန် တောင်းပန် စကား ပြောကြားခဲ့သည်။ ၀န်ကြီးချုပ်ဂီးလ်လဒ်သည် အစိုးရ ၀န်ကြီးအဖွဲ့ကို ပြန်လည်ဖွဲ့စည်းရန် စီစဉ် လျက်ရှိသည်။ ဤစိန်ခေါ်မှုပြိုင်ပွဲတွင် သူ့အစိုးရ အဖွဲ့ဝင်ဝန်ကြီးအချို့မှာ ကယ် ဗင်ရတ်ဘက်မှ ထောက်ခံခဲ့သူများလည်း ရှိခဲ့သည်။ ၎င်းတို့အထဲတွင် သဘာဝရင်း မြစ် ၀န်ကြီးမာတင်ဖာဂူဆင်နှင့် လူဝင်မှု ကြီးကြပ်ရေးဝန်ကြီး ခရစ်အိုဝင်တို့ ပါဝင် သည်။


ဂျနီဗာ - အကြမ်းဖက်နှိမ်နင်းမှုများဖြင့် ထောင်းထောင်းကြေနေသော ဆီးရီးယားနိုင်ငံတွင်း၌ ဖြစ်ပေါ်နေသည့် လူ့ အခွင့်အရေးအခြေအနေကို ကုလသမဂ္ဂ ၌ ဆွေးနွေးလျက်ရှိရာ ဆီးရီးယားကိုယ် စားလှယ်သည် ထိုအစည်းအဝေးမှ ဆန္ဒပြထွက်ခွာသွားခဲ့သည်။
ဆီးရီးယား ၏ မဟာမိတ်အဖြစ် ရပ်တည်ခဲ့သော ရုရှားနိုင်ငံကိုယ်၌ကပင် ကုလသမဂ္ဂ လူသားချင်းစာနာရေး အကူအညီများ အား လက်ခံ ခွင့်ပြုပြီးပူးပေါင်းလုပ်ဆောင် ပေးရန် ဆီးရီးယားသမ္မတ အာဆတ် အစိုးရကို တိုက်တွန်းနားချနေရသည်။
ဆီးရီးယားတွင် သမ္မတဘာရှားအယ်လ် အာဆတ်အစိုးရကို ဆန့်ကျင်သည့်ဆန္ဒ ပြပွဲများ ၁၁ လအတွင်းသို့ပင် ရောက်ရှိလာ သည့်တိုင် သမ္မတအာဆတ်၏ စစ် တပ်က ဆန္ဒပြသမားများကို ရက်ရက် စက်စက်နှိမ်နင်းလျက်ရှိရာ ယခုအထိ လူ ၇,၆၀၀ ကျော်သေဆုံးခဲ့ပြီဟု အတိုက်အခံ တက်ကြွလှုပ်ရှားသူများက ပြောသည်။ ဆီးရီးယားအကျပ်အတည်းနှင့် ပတ် သက်၍ ကုလသမဂ္ဂလုံခြုံရေး ကောင်စီ ၏ ဆုံးဖြတ်ချက်ကို တရုတ်နှင့် ရုရှားတို့ က ဗီတိုအာဏာသုံး ပယ်ချခဲ့ကြရာ အမေ ရိကန်နှင့် အနောက်နိုင်ငံများက ဒေါသ ထွက် ခဲ့ကြသည်။
ယခုအခါ အပြည်ပြည် ဆိုင်ရာကြက်ခြေနီကော်မတီ (ICRC) ကို ဆီးရီးယား အရပ်သားဒုက္ခသည်များ အား ကူညီနိုင်ရေးအတွက် ပူးပေါင်း လုပ်ဆောင်ပေးရန် သမ္မတအာဆတ် အစိုးရကို ရုရှား ကိုယ်တိုင်တိုက်တွန်းနား ချနေရသည်။ ဆီးရီးယားနိုင်ငံ ဟုမ်းစ်မြို့မှ ၁၅ ကီလိုမီတာ (ကိုးမိုင်) ဝေးသော ကူဆာယာမြို့ကလေးကို ပျက်ဆီးကြေမွနေသည်ကို ဖေဖော်ဝါရီ လ ၂၇ ရက်နေ့က တွေ့ရစဉ်။ သူပုန်တို့က နယ်မြေအများစုကို ထိန်းချုပ်ထားနိုင်သော ဟုမ်းစ်ပြည်နယ် အလယ်ပိုင်းရှိ ကူဆာယာမြို့ကလေးကို ပြန်လည်သိမ်းပိုက်ရန်ကြိုးပမ်းချက်အဖြစ် ဆီးရီးယားတပ်မတော်က လက်နက်ကြီးများဖြင့် အပြင်းအထန်တိုက်ခိုက်ခဲ့သည်။
အပစ်အခတ်များကြားတွင်ပိတ်မိနေသောအရပ်သားများကို(ICRC)မှအကူအညီပေးရန်အတွက် နေ့စဉ် နှစ်နာရီအပစ်အခတ် ရပ်ပေးရေး အတွက် အာဆတ်အစိုးရနှင့် ဆွေးနွေး လျက်ရှိသည်။ ကာတာနိုင်ငံ၊ ဥရောပသမဂ္ဂ(အီးယူ) နှင့် အမေရိကန် ပြည်ထောင်စုတို့က ဆီးရီးယား အကျပ်အတည်းကိစ္စအရေး ခေါ်ယူရန် တိုက်တွန်းတောင်းဆိုချက် အရ ဂျီနီဗာလူ့အခွင့် အရေး ကောင်စီ (HRC) တွင် အစည်း အဝေးကျင်းပခဲ့ခြင်း ဖြစ်သည်။
ဂျနီဗာ (HRC) အစည်းအဝေးတွင် နိုင်ငံပေါင်း ၂၀ ကျော်မှ ကိုယ်စားလှယ်များ မိန့်ခွန်းပြောရန်ရှိနေသေးရာ ဖေဖော်ဝါရီလ ၂၈ ရက်နေ့အထိ ဆက်လက်ပြုလုပ်သွားမည်ဖြစ်သည်။ ပစ်ခတ်နှိပ်ကွပ်မှု အများဆုံးဖြစ်ပွား နေသော ဟုမ်းစ်မြို့တွင်းရှိ အရပ်သား ဒုက္ခသည်များအား ကူညီနိုင်ရေးအတွက် ICRC ကြက် ခြေနီနှင့် လူသားချင်း စာနာရေးအဖွဲ့များကို ၀င်ရောက်ခွင့် ပြုရေး ကာတာ၊ ဆော်ဒီအာရေဗျ၊ ကူဝိတ် နှင့် တူရကီနိုင်ငံတို့က တောင်းဆို ထားသည်။


ဘိုဘာ အင်န်ဂျီဒါ- ဆူဒန်နိုင်ငံနှင့် ချတ်ဒ်နိုင်ငံတို့မှ ပိုင်နက်ကျူးကျော်၍ တိရစ္ဆာန်ခိုးဖမ်းသူများကြောင့် နှစ်လ အတွင်း ကင်မရွန်း အမျိုးသားဥယျာဉ်၌ ဆင်ကောင်ရေ ၅၀၀ နီးပါး အသတ်ခံ ရကြောင်း တာဝန်ရှိသူတစ်ဦးက ဖေဖော်ဝါရီလ ၂၃ ရက်၌ပြောသည်။
"ဒီကနေ့ထိ ဆင်ကောင်ရေ ၄၈၀ ကျွန်တော်တို့ရဲ့ ဥယျာဉ်မှာ အသတ်ခံရ တယ်လို့ ခန့်မှန်းပါတယ်"ဟု တိရစ္ဆာန် များ လွတ်လပ်စွာ သွားလာသည့် ချတ်ဒ် နယ်စပ်အနီး မြောက်ပိုင်း ကင်မရွန်းရှိ ဘိုဘာအင်န်ဂျီဒါ အမျိုးသားဥယျာဉ်မှ မက်သီယူဖိုမီတာက ပြောသည်။ ဥယျာဉ်သည် ဟက်တာ ၂၂၀,၀၀၀ (ဧက ၅၄၀,၀၀၀) ကျယ်ဝန်း၍ အရေ အတွက် အတိအကျရရေးအတွက် မလွယ်ကူသောကြောင့် တရားဝင် တိရစ္ဆာန်အသေ ၄၅၈ ကောင်ကိုရေတွက် ခဲ့ရကြောင်း ၎င်းကပြောသည်။ကြာသပတေးနေ့၌ အေအက်ဖ်ပီ သတင်းထောက်က ဥယျာဉ်တွင်းနေရာ သုံးနေရာတွင် ဆင်သေကောင် ၁၂ ကောင်တွေ့ရာ အချို့မှာ အင်္ဂါနေ့က သတ်ပစ်ခံရသည်ဟု သိရသည်။
"တနင်္ဂနွေနေ့မှ အင်္ဂါနေ့အထိ သုံးရက် အတွင်း ကျွန်တော်တို့ရဲ့ အဖွဲ့ဝင်တွေက ဆင်သေကောင် ၂၀ ထက်မနည်း ရေတွက်ခဲ့တယ်။ ခိုးသတ်သူတွေဟာ ဥယျာဉ်ထဲမှာရှိနေဆဲဖြစ်ပြီး ဇန်န၀ါရီလ ကနေစပြီးသုံးလနေမယ်လို့ သိရတယ်" ဟု ဖိုမီတာက ပြောသည်။
အစိုးရအနေဖြင့် ထိုဥယျာဉ်လုံခြုံရေး အတွက် သိသာသော ဆောင်ရွက်မှု အဆင့်များ မရှိသေးပေ။ ဒါဇင်များစွာရှိသော တိရစ္ဆာန် ခိုးသတ် သူများသည် ဆူဒန်နှင့် ချတ်ဒ်နိုင်ငံတို့မှ ဖြစ်ပြီး စက်သေနတ်ကိုင်ဆောင်ကာ မြင်းစီး၍ အုပ်စုဖွဲ့ သွားလာနေကြ ကြောင်း International Fund for Animal Welfare မှ တာဝန်ရှိသူ စီလိုင်း စစ္စလာ ဘီအင်ဗီနျူးက IFAW ၀က်ဘ် ဆိုက်တွင် ဖော်ပြသည်။ အာရှသို့ အဓိကပို့မည့် ဆင်စွယ် အတွက် ကင်မရွန်း တောရိုင်းတိရစ္ဆာန် ဥယျာဉ်တွင် တိရစ္ဆာန်ခိုးသတ်သူများ မကြာမီလများ၌ ပိုများပြားလာပြီး မိဘမဲ့ ဆင်ပေါက်ကလေးများသည် မကြာမီ အစာရေစာငတ်ကာ သေဖွယ် ရာရှိသည်ဟု IFAW က ပြောသည်။


ခတ္တမန္ဒူ - အဓိက လျှပ်စစ်စွမ်းအင် အထောက်အပံ့မရှိသော နီပေါနိုင်ငံ တွင် အပူပေးရန်နှင့် အစားအသောက် ချက်ပြုတ်ရန် ဂက်စ်များကိုသာ အားကိုး အသုံးပြုနေရ၍ သဘာဝဓာတ်ငွေ့ ရှားပါးမှုကို ကြုံတွေ့နေရသည့်ပြင် တစ်ရက်လျှင် လျှပ်စစ်ဓာတ်အား ၁၄ နာရီဖြတ်တောက်ထား၍ နီပေါနိုင်ငံ သားများ အကြီးအကျယ် အခက်ကြုံနေရ သည်ဟု သိရသည်။
ဓာတ်ဆီနှင့် ဒီဇယ်ရှားပါးမှုကြောင့် ပြည်သူများသည် အစိုးရဓာတ်ဆီဆိုင် များတွင် နာရီပေါင်းများစွာ ကြာအောင် တန်းစီရခြင်း၊ မှောင်ခိုဈေးကွက်ဖြင့် ၀ယ်ယူရခြင်း၊ ယာဉ်များမောင်းနှင်ရန် နှင့် ဈေးဆိုင်မီးထွန်းရန် အစိုးရ လျှပ်စစ် မီးဖြတ်တောက်ချိန်တွင် ထိုသို့ ၀ယ်ယူ ရခြင်းဖြစ်သည်။ထိုသို့သော အကျပ်အတည်းကြောင့် အစိုးရအပေါ် ဝေဖန်ခံရခြင်းအပြင် မြို့ပြလူနေမှု မတည်ငြိမ်မှုများလည်း ဖြစ်ပွားနေသည်ဟု သိရသည်။ ကား လမ်းများကို ပိတ်၍ ဆန္ဒပြခြင်းများ၊ လောင်စာရရှိရန် ရာဇ၀တ်မှု ကျူးလွန် ရသည်အထိရှိကြောင်း သိရသည်။
ယခုလအစောပိုင်းက နီပေါနိုင်ငံသား တစ်စုသည် ဓာတ်ငွေ့သယ်ဆောင် လာသော ဓာတ်ငွေ့ဖြန့်ဖြူးရေးကားကို ရပ်တန့်စေကာ ဓာတ်ငွေ့ဘူးများကို မျှဝေယူခဲ့ကြသည်ဟု သိရသည်။
လောင်စာအကျပ်အတည်း ဖြစ်ပွား ခြင်း၏ အကျိုးဆက်များကို ခတ္တမန္ဒူ မြို့နေရာတိုင်းတွင် မြင်တွေ့ရနိုင်သည်။ ကျောင်းသားများက ဓာတ်ဆီဆိုင် များကို ၀င်စီးနင်းခြင်း၊ ဓာတ်ဆီဆိုင် များတွင် ဆီတန်းစီနေသော ယာဉ်တန်း မီတာ ရာချီရှည်လျားခြင်း၊ ဓာတ်ငွေ့ ဖြန့်ဖြူးရေးကားများတွင် လက်နက်ကိုင် အစောင့်အကြပ်များ ထားရှိရခြင်း၊ စားသောက်ဆိုင်များက ဓာတ်ငွေ့အသုံး လျှော့ချရန် ရောင်းချသော စားသောက် ဖွယ်ရာ စာရင်းလျှော့ချခြင်းတို့ဖြစ် ကြောင်း သိရသည်။

ဆိုးလ် - ကျူးကျော်ရေးအစမ်းလေ့ကျင့် မှုအတွက် လက်တုံ့ပြန်မည်ဟု မြောက် ကိုရီးယားမှ သတိပေးခြိမ်းခြောက်နေ သည့်ကြားမှ တောင်ကိုရီးယားနှင့် အမေ ရိကန်တို့သည် အဓိကနှစ်စဉ်စစ်ရေး လေ့ကျင့်မှုကို ဖေဖော်ဝါရီလ ၂၇ ရက် နေ့က စတင်ခဲ့သည်။
ဆိုးလ်၏ ပူးတွဲစစ်ဦးစီးချုပ်၏ ပြောရေးဆိုခွင့်ရှိသူက ပြည်ပမှ ၈၀၀ အပါအ၀င် တောင်ကိုရီးယားစစ်သား ၂၀၀,၀၀၀ နှင့် အမေရိကန် စစ်သား ၂,၁၀၀ ပါဝင်သော ကွန်ပျူတာဖြင့် အမိန့် ပေးထားသည့် စစ်ရေးလေ့ကျင့်မှုစတင် သည်ကို အတည်ပြုခဲ့သည်။
အမေရိကန်စစ်တပ်ကယင်းလေ့ကျင့်မှုသည်ရန်စသည့်အပြုအမူမဟုတ် ကြောင်းနှင့် လေ့ကျင့်ရေးရက်များကို လွန်ခဲ့သည့်တစ်လ ကပင် မြောက်ကို ရီးယားသို့ အကြောင်းကြားပြီးကြောင်း တရားဝင် ကြေညာချက်တွင် အတိ အလင်း ပြောကြားသည်။
သို့သော်ပြုံယန်း၏ တရားဝင်သတင်း အေဂျင်စီက ကွယ်လွန်သွားသည့် ကင်ဂျုံအီးလ်အတွက် ကြေကွဲနေကြဆဲ အချိန်တွင် မြောက်ရီးယား၏ ဂုဏ်သိက္ခာ နှင့် အချုပ်အခြာကို ခွင့်မလွတ်နိုင်သော ချိုးဖောက်မှုအဖြစ် မတ်လ ၉ ရက်နေ့ တွင် ပြီးဆုံးမည့် လေ့ကျင့်မှုကို ဖေဖော် ၀ါရီလ ၂၇ ရက်က ဖော်ပြခဲ့သည်။
"စစ်တပ်နဲ့ မြောက်ကိုရီးယားပြည်သူ တွေက သူတို့နဲ့ တိုက်ခိုက်ဖို့ လုံးဝ အဆင့်သင့်ဖြစ်ပါတယ်"ဟု သတင်း အေဂျင်စီက ပြောသည်။ ၎င်းက ဆိုးလ် နဲ့ ၀ါရှင်တန်အား ဖြစ်နိုင်ဖွယ် ကြီးမား လှသော အကျိုးဆက်များအဖြစ်သတိ ပေးခဲ့သည်။ မြောက်ကိုရီးယားနိုင်ငံ၏ အမျိုးသား ကာကွယ်ရေးကော်မရှင်က အသံတိတ် စစ်ကြေညာခြင်းအဖြစ် မတ်လ ၁ ရက် မှ ဧပြီလ ၃၀ ရက်နေ့အထိ ပြုလုပ်မည့် လေတပ်၊ ကြည်းတပ်၊ ရေတပ် ပူးတွဲ လေ့ကျင့်ရေး ဖိုအာလ်အီးဂဲလ် (Foal Eagel) အား ဖေဖော်ဝါရီလ ၂၅ ရက် က ရှုတ်ချကန့်ကွက်ခဲ့သည်။
"ကျွန်တော်တို့ တပ်မတော်နဲ့ ပြည်သူ တွေဟာ ကျွန်တော်တို့ရဲ့ ကိုယ်ပိုင် အထွတ်အမြတ်စစ်ပွဲနဲ့ စစ်ပွဲသစ်တစ်ခု အတွက် သစ္စာ ဖောက်အုပ်စုတွေရဲ့ လှုပ်ရှားမှုတွေကို နှောင့်ယှက်ဖျက်ဆီး ပစ်ရမယ်"ဟု မြောက်ကိုရီးယား၏ ထိပ်တန်းအုပ်ချုပ်ရေးအဖွဲ့စစ်သည် ကော်မရှင်က ပြောသည်။
အမေရိကန်သည် ၁၉၅၀ - ၅၃ ခုနှစ် စစ်ပွဲမှစ၍ တောင်ကိုရီးယားတွင် အမေရိကန်တပ်ဖွဲ့များကို အခြေစိုက် ထားရာ လက်ရှိ တပ်အင်အားသည် ၂၈,၅၀၀ ဖြစ်သည်။ပြုံယန်းက အမေရိကန်နှင့် တောင် ကိုရီးယားတပ်ဖွဲ့များ နှစ်စဉ်ပူးတွဲစစ်ရေး လေ့ကျင့်မှုကို ရှုတ်ချလေ့ရှိသော်လည်း ဆိုးလ်နှင့် ၀ါရှင်တန်ကမူ လေ့ကျင့်မှုများသည်ကာကွယ်ရေးသက်သက်အတွက်သာ ဖြစ်သည်ဟု ပြောသည်။ မြောက်ကိုရီးယားသည် ဒီဇင်ဘာ ၁၇ ရက်နေ့က ကင်ဂျုံအီးလ်ကွယ်လွန်ပြီး နောက် တောင်ကိုရီးယားအား ရန်လို သော လေသံများ ပစ်ခဲ့သည်။ ကင်ဂျုံအီးလ်နေရာတွင် ၎င်း၏ အငယ်ဆုံးသား ကင်ဂျုံအန်းဖြင့် အစား ထိုးခဲ့သည်။