ကမ္ဘာ့သတင်းများ 12/03/2012
နိုင်ငံတကာသတင်း
ကုလကိုယ်စားလှယ် ဆီးရီးယားခရီးစဉ် အဖြေမထွက်ဘဲ အဆုံးသတ်
ဆီးရီးယားနိုင်ငံမှာ နှစ်ပေါက်အောင် ဖြစ်ပွားနေတဲ့ အရေးအခင်း အဆုံးသတ်ရေးအတွက် သဘောတူညီမှု တစုံတရာ မရရှိသေးဘဲ ကုလသမဂ္ဂနဲ့ အာရပ်အဖွဲ့ချုပ်ရဲ့ ငြိမ်းချမ်းရေး သံတမန် မစ္စတာ ကိုဖီအာနန်ဟာ ဒမက်စကတ်မြို့တော်ကနေ ပြန်လည် ထွက်ခွာသွားပါပြီ။ တချိန်တည်းမှာပဲ မစ္စတာ ဘက်ရှာ အယ်လ်အာဆဒ် ရဲ့ တပ်ဖွဲ့တွေက အတိုက်အခံတွေရှိတဲ့ နေရာကို တိုက်ခိုက်နေသလို နိုင်ငံအနှံ့မှာလည်း သူပုန်တပ်ဖွဲ့ဝင်တွေနဲ့ တိုက်ပွဲတွေ ဖြစ်ပွားနေပါတယ်။ တနင်္ဂနွေနေ့ ဆီးရီးယား နိုင်ငံကနေ မထွက်ခွာခင် သူ့အနေနဲ့ ဆီးရီးယား အရာရှိတွေကို အဆိုပြုချက်တွေ အများကြီး တင်ပြခဲ့ပြီး အကောင်းဘက်က ရှုမြင်ထားတဲ့အကြောင်း ကုလသမဂ္ဂ အတွင်းရေးမှူးချုပ်ဟောင်း ဖြစ်တဲ့ မစ္စတာ အာနန်က ပြောပါတယ်။
ဆီးရီးယားနိုင်ငံအတွင်း လူတွေကို သတ်ဖြတ်နေတာတွေ ချက်ချင်းရပ်တန့်ပေးဖို့နဲ့ အတိုက်အခံတွေအပေါ် အသေအကြေ အကြမ်းဖက် ဖြိုခွဲနေတာတွေကို နိုင်ငံရေးနည်းအရ အဖြေရှာမှုတရပ်အနေနဲ့ ပြုပြင် ပြောင်းလဲမှုတွေ လုပ်ဖို့ မစ္စတာအာနန်က တောင်းဆိုခဲ့ပါတယ်။ အာဖရိကန် စကားပုံတစ်ခုအတိုင်း တိုက်နေတဲ့လေကို လမ်းကြောင်းမပြောင်းနိုင်ခဲ့ရင် ကိုယ့်ရွက်ကိုပဲ ထိန်းကျောင်းရမှာဖြစ်တယ်လို့ မစ္စတာအာနန်က ပြောခဲ့ပါတယ်။ ဆီးရီးယား အစိုးရဘက်ကတော့ ဒီကိစ္စအပေါ် ဘာမှချက်ချင်း တုံ့ပြန်ပြောဆိုတာ မရှိသေးပါဘူး။ စနေနေ့ ပထမဆုံးအကြိမ် တွေ့ဆုံပွဲ အပြီးမှာတော့ မစ္စတာ အာဆဒ်က သူ့အနေနဲ့ အခုပြဿနာကို ဖြေရှင်းတဲ့နေရာမှာ ရိုးသားမှုရှိရမယ်ဆိုတဲ့ အချက်ကို ထောက်ခံကြောင်း မစ္စတာအာနန်ကို ပြောဆိုခဲ့တယ်လို့ ဆီးရီးယားနိုင်ငံပိုင် မီဒီယာတွေက ဖော်ပြခဲ့ကြပါတယ်။ ဒါပေမဲ့ အကြမ်းဖက်သမားတွေဘက်က ခြိမ်းခြောက်မှုတွေ ရှိနေသ၍ နိုင်ငံရေးအဖြေရှာမှု ဆိုတာကလည်း ဖြစ်နိုင်ခြေမရှိဘူး လို့လည်း မစ္စတာအာဆဒ်က ပြောခဲ့တယ်လို့ ဆိုပါတယ်။
ပြည်ပရောက် ဆီးရီးယား အဓိက အတိုက်အခံ အုပ်စုကလည်း အစိုးရနဲ့ တွေ့ဆုံဆွေးနွေးရေး ကိစ္စကို ပယ်ချထားပါတယ်။
ပါကစ္စတန် အကြမ်းဖက် တိုက်ခိုက်မှု ၁၅ ယောက်သေ
ပါကစ္စတန် နိုင်ငံ အနောက်မြောက်ဘက် ဒေသမှာ တာလီဘန်ဆန့်ကျင်သူ နိုင်ငံရေးသမားတစ်ဦး တက်ရောက်လာတဲ့ ဈာပန အခမမ်းအနားကို အသေခံဗုံးခွဲ တိုက်ခိုက်မှု တစ်ခုကြောင့် လူ ၁၅ ယောက်ထက်မနည်း သေဆုံးခဲ့ကြောင်း ရဲတပ်ဖွဲ့က ပြောပါတယ်။ နိုင်ငံရေးသမား Khusdil Khan ကို ပစ်မှတ်ထား တိုက်ခိုက်တာ ဖြစ်နိုင်တယ်လို့လည်း ရဲတပ်ဖွဲ့က ယုံကြည်ထားတာ ဖြစ်ပေမဲ့ တိုက်ခိုက်မှုအတွင်း အထိအခိုက်မရှိ လွတ်မြောက်ခဲ့တာပါ။ တိုက်ခိုက်မှုကြောင့် နောက်ထပ် လူပေါင်း ၃၀ လောက် ထိခိုက်ဒဏ်ရာတွေ ရခဲ့ကြပြီး ဒီအထဲက အများအပြားဟာ ဒဏ်ရာတွေ ပြင်းထန်တယ်လို့လည်း တာဝန်ရှိသူတွေက ပြောပါတယ်။ Khyber-Pakhtunkhwa ဒေသရဲ့မြို့တော် ပတ်ရ်ှဝါမြို့က တိုက်ခိုက်မှုဟာ သူတို့လက်ချက်လို့ ပါကစ္စတန် တာလီဘန်တွေက ကြေညာခဲ့ကြတာပါ။
တိုက်ခိုက်မှုမှာ ရှိနေတဲ့ နိုင်ငံရေးသမား Khan ဟာဆိုရင် ဘာသာရေး အစွဲမထားတဲ့ နိုင်ငံရေး ပါတီ တစ်ခုဖြစ်တဲ့ Awami အမျိုးသားပါတီက ဖြစ်ပြီး၊ ဒေသတွင်းက စစ်သွေးကြွ အုပ်စုတွေကို ဆန့်ကျင်လှုပ်ရှားနေသူ တစ်ဦးပါ။ ဒေသခံရဲအရာရှိ တစ်ဦးကတော့ တိုက်ခိုက်မှုဟာ ပါကစ္စတန်လုံခြုံရေး တပ်ဖွဲ့တွေနဲ့ စစ်သွေးကြွတွေကြား ပဋိပက္ခတွေရဲ့ တစိတ်တပိုင်းသာ ဖြစ်တယ်လို့ ပြောပါတယ်။ ပတ်ရ်ှဝါမြို့အနီး ခိုင်ဘာလူမျိုးစုဒေသမှာ စစ်သွေးကြွ ၃၉ ယောက်ကို သုတ်သင်နိုင်ကြောင်း ပါကစ္စတန် လုံခြုံရေး တပ်တွေက ပြောဆိုအပြီး နောက်တစ်နေ့မှာပဲ တိုက်ခိုက်မှု ကြုံခဲ့ရတာလည်း ဖြစ်ပါတယ်။
ဂျပန်ဆူနာမီ တနှစ်ပြည့် အောက်မေ့ဖွယ် ကျင်းပ
သမိုင်းမှာ အဆိုးရွားဆုံး နျူကလီးယား ပေါက်ကွဲမှုကြီး ဖြစ်စေခဲ့တဲ့ ငလျင်ဒဏ်နဲ့ ဆူနာမီ ဒီလှိုင်းကြီးတွေရဲ့ ဒဏ်ခံခဲ့ရတာ တနှစ်ပြည့်တဲ့ ဂျပန်နိုင်ငံမှာ အထိမ်းအမှတ် အခမ်းအနားတွေကို ပြုလုပ်ခဲ့ကြပါတယ်။ ဂျပန်ဧကရာဇ် အကီဟီတို ဦးဆောင်ပြီး သန်းနဲ့ချီတဲ့ ဂျပန်ပြည်သူတွေ ပါဝင် ဆုတောင်းခဲ့ကြတဲ့ တိုကျို မြို့တော်က အထိန်းအမှတ် အောက်မေ့ဘွယ်အခမ်းအနားကို ရုပ်မြင်သံကြားပေါ်ကနေ တိုက်ရိုက်ပြသခဲ့ပါတယ်၊
“လူတွေရဲ့ စိတ်အင်အားတွေကို ကျနော်တို့ အခုအချိန်မှာ အထူးကို အသိအမှတ်ပြုပါတယ်၊ အသက်ရှင် ကျန်နေခဲ့ကြသူတွေ၊ ဘေးဒုက္ခခံရတဲ့နေရာတွေဆီကို သွားပြီး ကူညီပေးကြသူတွေ၊ နျူကလီးယား စကရုံ ထိခိုက်ပျက်ဆီးမှု အခြေအနေ ပိုဆိုး မသွားအောင် ကြိုးစားလုပ်ပေး ခဲ့ကြသူတွေရဲ့ စိတ်ဓါတ်တွေကို လေးလေးနက်နက်ကို အသိအမှတ်ပြုပါတယ်။” - လို့ ဂျပန်ဧကရာဇ် အကီဟီတိုက ပြောသွားခဲ့တာဖြစ်ပါတယ်။
ပြီးခဲ့တဲ့နှစ် မတ်လ ၁၁ ရက်နေ့တုန်းက ပြင်းအား ၉ ရစ်ခ်ျတာ စကေးရှိတဲ့ မြေငလျင် လှုပ်ခတ်သွားခဲ့ချိန် ဂျပန်စံတော်ချိန် ညနေ ၁ နာရီ ၄၆ မိနစ်အတိမှာ ဂျပန်ပြည်သူတွေ ငြိမ်သက် ဆုတောင်းခဲ့ကြပါတယ်။ မြေငလျင်ကြောင့် ဂျပန်အရှေ့မြောက်ပိုင်းမှာ ဆူနာမီ ဒီလှိုင်းကြီးတွေ ဖြစ်ပေါ် ရိုက်ခတ်ခဲ့လို့ လူပေါင်း တစ်သောင်းကိုးထောင်ကျော် သေဆုံးပြီး သုံးထောင်လောက် ပျောက်ဆုံးခဲ့ကြပါတယ်။ ဆူနာမီဒဏ် အဆိုးဆုံးခံခဲ့ရတဲ့ အရှေ့မြောက်ပိုင်း ကမ်းရိုးတမ်း ဒေသဘက်မှာလည်း သီးသန့် အောက်မေ့ဖွယ် အခမ်းအနားတွေကို ပြုလုပ်ခဲ့ကြပါတယ်။
ဆူနာမီ ဒီလှိုင်းကြီးတွေကြောင့် ဖူကူရှီးမား ဒိုင်အိချိ (Fukushima Dai-ichi) နျူကလီးယား ဓာတ်အားပေး စက်ရုံမှာ ဓါတ်ပေါင်းဖို ၃ ခု ပျက်ဆီးသွားခဲ့ပြီး အဲဒီဒေသမှာ ဆယ်စုနှစ်ပေါင်းများစွာအထိ လူတွေနေလို့ မရနိုင်လောက်တဲ့ ပမာဏ ဓာတ်ရောင်ခြည် သင့်ခဲ့ပါတယ်။ တနှစ်ပြည့်ချိန်အထိ ဘဝတွေကို ပြန်လည် ထူထောင်ဖို့ ကြိုးစားနေကြရတဲ့ ဂျပန်ပြည်သူတချို့ဟာ ယာယီ အိမ်ယာတွေမှာ နေထိုင်နေကြရပြီး အများအပြားဟာလည်း အလုပ်အကိုင်မရှိ ဖြစ်နေကြပါတယ်။
ခုလို သေဆုံးသွားသူတွေအတွက် အောက်မေ့ဖွယ် အခမ်းအနားတွေကို ကျင်းပနေတဲ့ တချိန်တည်းမှာပဲ နျူကလီးယား ဆန့်ကျင်ဆန္ဒပြသူ ၅၀ လောက် တိုကျို လျှပ်စစ်ဓာတ်အားပေး ကုမ္ပဏီရှေ့မှာ စုဝေး ဆန္ဒပြခဲ့ကြပါတယ်။ ဆန္ဒပြသူတွေက နျူကလီးယား ဓာတ်အားပေး စက်ရုံတွေ အားလုံးကို ပိတ်ပစ်ဖို့ ကြွေးကြော် တောင်းဆိုခဲ့ကြပါတယ်။
အမေရိကန် စစ်သားလက်ချက်ကြောင့် အာဖဂန် အရပ်သား ၁၅ ဦး သေဆုံး
အာဖဂန်နစ္စတန်နိုင်ငံတောင်ပိုင်း Kandahar ပြည်နယ်အတွင်းမှာရှိတဲ့ စစ်အခြေစိုက်စခန်းတစ်ခုက အမေရိကန်စစ်သားတစ်ယောက် အပြင်ထွက်ပြီး သေနတ်နဲ့ပစ်ခတ်ခဲ့တဲ့အတွက် အရပ်သား ၁၅ ယောက် သေဆုံးသွားတယ်လို့ အာဖဂန်အရာရှိတွေနဲ့ မျက်မြင် သက်သေတွေက ပြောပါတယ်။
အဲဒီ စစ်သားဟာ တနင်္ဂနွေနေ့မနက် အစောပိုင်းမှာ စခန်းထဲကထွက်သွားပြီး Panjwayi ခရိုင်အတွင်းက အိမ်အတော်များများကို ပစ်ခတ်ခဲ့တာလို့ သက်ဆိုင်ရာ အရာရှိတွေက ပြောပါတယ်။ အဲဒီ ပစ်ခတ်ခဲ့တဲ့ စစ်သားကို ဖမ်းဆီး ထိန်းသိမ်းထားလိုက်ပြီး အခင်းဖြစ်ပွားမှုနဲ့ပတ်သက်လို့ စုံစမ်းစစ်ဆေးမှုတွေ ပြုလုပ်နေတယ်လို့ နေတိုးတပ်ဖွဲ့က ပြောပါတယ်။အခုလို ဖြစ်သွားခဲ့တဲ့အပေါ် အင်မတန် စိတ်မကောင်း၊ အံ့အားသင့်ရတဲ့အကြောင်း နေတိုး နိုင်ငံတကာ လုံခြုံရေးတပ်ဖွဲ့တွေရဲ့ ဒုတိယအကြီးအကဲ ဒုတိယဗိုလ်ချုပ်ကြီး Adrian Bradshaw က ပြောပါတယ်။
အခုလို အပြစ်မဲ ကျေးရွာသားတွေ သေကြေ၊ ဒဏ်ရာရလောက်အောင် ဖြစ်စေခဲ့တဲ့ ဒီ ရက်စက် ကြမ်းကြုတ်တဲ့လုပ်ရပ်ကို အဲဒီစစ်သားက ဘာကြောင့် လုပ်ခဲ့တယ်ဆိုတာ သူ့အနေနဲ့ ရှင်းမတတ်အောင် ဖြစ်မိကြောင်း ဒီကနေ့ ထုတ်ပြန်တဲ့ ကြေညာချက်ထဲမှာ Bradshaw က ဖော်ပြထားပါတယ်။ ဒီလုပ်ရပ်ဟာ နိုင်ငံတကာ လုံခြုံရေးတပ်ဖွဲ့တွေရဲ့ လုပ်ရပ်မဟုတ်ကြောင်း သူက ပြောပါတယ်။
ဒီပစ်ခတ်မှုမှာ တာဝန်ရှိသူကို ဥပဒေအရ အရေးယူသွားမယ်လို့လည်း အာဖဂန်မှာရှိတဲ့ အမေရိကန်သံရုံးက ကြေငြာချက်ထုတ်ပြန် ပြောဆိုလိုက်ပါတယ်။ အာဖဂန်မှာရှိတဲ့ အမေရိကန်တပ်စခန်း တစ်ခုအတွင်း ကိုရမ်ကျမ်းစာအုပ်ကို အမေရိကန်စစ်သားတွေက မီးရှို့ ဖျက်ဆီးလိုက်တဲ့အတွက် အမေရိကန်နဲ့ အာဖဂန်အကြား ဆက်ဆံရေးတွေ တင်းမာနေတဲ့အချိန်မှာ အခုလို ပစ်ခတ်မှု ဖြစ်ပွားခဲ့တာပါ။
မတ်လ ၉ ရက် မွန်းလွဲပိုင်းတွင် အစ္စရေးက လေကြောင်းမှ တိုက်ခိုက်မှုကြောင့် ဂါဇာရှိ Popular Resistance Committeess (PRC) မှ အတွင်းရေးမှူးချုပ် Zuhairal Qaisy နှင့် ဟားမားစ် စစ်ဘက်ခေါင်းဆောင်တစ်ဦးဖြစ်သူ Mahmoud Ahmad Al-Hanini တို့ အပါအ၀င် (PRC) အဖွဲ့ဝင်သုံးဦး သေဆုံးခဲ့သည်။ (PRC) မှာ ဟားမားစ်နှင့် မဟာမိတ်ပြုထားသောအဖွဲ့ဖြစ်ပြီး ၂၀၀၆ ခုနှစ်တွင် အစ္စရေးစစ်သား ဂီလက်ဒ်ရှာလက်ကို ပြန်ပေးဆွဲမှုဖြင့် ထင်ရှားသောအဖွဲ့ဖြစ်သည်။ ရော့ကတ်များဖြင့် ပစ်ခတ်မှုတွင် ဟားမားစ်က ၎င်းတို့ကိုယ်တိုင် တိုက်ရိုက်ပစ်ခတ်ခဲ့ခြင်း မဟုတ်ဘဲ ပါလက်စတိုင်းရှိ အဖွဲ့ငယ်များကို ပစ်ခတ်စေသည့်နည်းအား အသုံးပြုခဲ့သည်။ ယခင်က ဖြစ်ပွားခဲ့သော အစ္စရေးနှင့် အပြန်အလှန် ပစ်ခတ်မှုများတွင်လည်း ဟားမားစ်အဖွဲ့က ယင်းနည်းလမ်း အသုံးပြုခဲ့သည်။
လေကြောင်းတိုက်ခိုက်မှုများအပေါ် ဂါဇာရှိ ဟားမားစ်အဖွဲ့က ခြိမ်းခြောက်မှုပြုလုပ်ခဲ့ပြီး နာရီပိုင်းအကြာတွင် အစ္စရေးက မတ်လ ၁၁ ရက်အစောပိုင်း၌ တိုက်ခိုက်မှု ထပ်မံပြုလုပ်ခဲ့ခြင်း ဖြစ်သည်။အစ္စရေးသည် ၎င်းတို့၏ လုပ်ရပ်များအတွက် တန်ဖိုးပေးဆပ်ရမည် ဖြစ်ကြောင်း ဟားမားစ်အဖွဲ့မှ ပြောခွင့်ရပုဂ္ဂိုလ် Abu Obaida က ပြောကြားခဲ့သည်။ အစ္စရေးတပ်များကို အမြင့်ဆုံး တပ်လှန့်ထားပြီး လေယာဉ်များလည်း ဒေသတွင်း ကင်းလှည့်နေပြီး သံသယဖြစ်ဖွယ် စစ်သွေးကြွများကို ပစ်မှတ်ထား တိုက်ခိုက်နေကြောင်း အစ္စရေးကာကွယ်ရေးဝန်ကြီးဌာန IDF က ထုတ် ပြန်ခဲ့သည်။ အစ္စရေးပြည်သူများကို တိုက်ခိုက်ရန် စီစဉ်နေသူ မည်သူ့ကိုမဆို တိုက်ခိုက်သွားမည်ဖြစ်ပြီး တစ်ချိန်တည်းတွင် ကာကွယ်ရေးစနစ် ပိုမိုကောင်းမွန်အောင် လုပ်ဆောင်သွားမည်ဟု အစ္စရေးဝန်ကြီးချုပ် ဘင်ဂျမင် နေတန်ယာဟုက ပြောကြားခဲ့သည်။
အမျိုးသမီးသီးသန့်တက်ရောက်ရသော ဆော်ဒီတက္ကသိုလ်တစ်ခုတွင် ကျောင်းသူ ထောင်ပေါင်းများစွာက ကျောင်း၏ ၀န်ဆောင်မှုညံ့ဖျင်းမှုအပေါ် ကန့်ကွက်ဆန္ဒပြသည့်အနေဖြင့် မတ်လ ၁၀ ရက်တွင် အတန်းမတက်ဘဲ နေခဲ့ကြောင်း မျက်မြင်သက်သေများက ပြောကြားခဲ့သည်။ ယင်းမှာ ရှေးရိုးစွဲ အစ္စလာမ်မစ် ဘုရင့်နိုင်ငံတွင် အမျိုးသမီးများ၏ ရှားပါးသော ကန့်ကွက်ဆန္ဒပြမှုဖြစ်သည်။ ယခုဆန္ဒပြမှုမှာ နိုင်ငံတောင်ပိုင်း Abha မြို့ရှိ ခါလစ်ဒ်ဘုရင်တက္ကသိုလ်တွင် တစ်ပတ်အတွင်း ဒုတိယအကြိမ်မြောက် ဆန္ဒပြမှုဖြစ်ပြီး လုံခြုံရေးများက မတ်လ ၇ ရက်က ဖြိုခွင်းမှုကြောင့် ကျောင်းသားဒါဇင်များစွာ ဒဏ်ရာရခဲ့သည်ဟုသိရသည်။
ကျောင်းကသန့်ရှင်းရေးဝန်ဆောင်မှုကိုရပ်စဲကြောင်း ကြေညာခဲ့ပြီး ကျောင်းသားများကိုယ်တိုင် ကျောင်းသန့်ရှင်းရေး လုပ်သင့်ကြောင်း ညွှန်ကြားရာမှ ဆန္ဒပြမှုဖြစ်ခဲ့ခြင်းဖြစ်သည်။ သုံးရက်ဆက်တိုက် ပစ်ထားခဲ့သော အမှိုက်များမှ အနံ့ဆိုးများ ထွက်ခဲ့သည့်ကိစ္စမှာ အဓိကအကြောင်းရင်းဖြစ်ကြောင်း၊ အခြားအကြောင်းရင်းမှာ ကျောင်းသားများအပေါ် ဆက်ဆံမှု လွဲမှားနေမှုဖြစ်ကြောင်း အမည်မဖော်သော ကျောင်းသားတစ်ဦးက ပြောကြားခဲ့သည်။
မတ်လ ၁၀ ရက်တွင် YouTube ၀က်ဘ်ဆိုက်၌ တင်ခဲ့သော ဗီဒီယိုတစ်ခုတွင် အမျိုးသားများသီးသန့် ခါလစ်ဒ်ဘုရင်တက္ကသိုလ်မှ ကျောင်းသားများက ကျောင်းဝန်ဆောင်မှု ညံ့ဖျင်းမှုအပေါ် ဆန္ဒပြခဲ့ပြီး တက္ကသိုလ်ဥက္ကဋ္ဌ ဖယ်ရှားပေးရန် တောင်းဆိုခဲ့သည်။ ယင်းမြို့အနီး အက်ဆာပြည်နယ်မှ လက်ထောက်အုပ်ချုပ်ရေးမှူး အဘ်ဒယ်လ်ခါရင်မ်အယ်လ်ဟူနိုင်နီက ကျောင်းသားများသည် ၎င်းတို့၏ ဆန္ဒထုတ်ဖော်ခွင့်ရှိပြီး ၎င်းတို့၏ တောင်းဆိုချက်များကို ဖြေရှင်းပေးမည့် ဒေသဆိုင်ရာ ကော်မတီတစ်ရပ် ဖွဲ့သင့်ကြောင်း ပြောကြားခဲ့သည်။ ဆော်ဒီအာရေဗျနိုင်ငံမှာ လူငယ်အလုပ်လက်မဲ့ လျော့ကျရေးအတွက် ပညာရေးအပေါ် ရင်းနှီးမြှုပ်နှံမှု အကြီးအကျယ် ပြုလုပ်ထားသည့် နိုင်ငံဖြစ်သည်။
ယင်းဒေသမှ ခေါင်းဆောင်များအနေဖြင့် စေ့စပ်ဆွေးနွေးပွဲပြုလုပ်ရန် ဂျာလီက တိုက်တွန်းခဲ့ပြီး ကဒါဖီအစိုးရမှ အကြွင်းအကျန်များသည် ထိုးဖောက်စိမ့်ဝင်နေကြောင်း သတိပေးခဲ့ သည်။ ကိုယ်ပိုင်အုပ်ချုပ်ခွင့် ကြေညာ ခဲ့သော လစ်ဗျားအရှေ့ဘက်မှခေါင်း ဆောင်များက မိမိတို့သည် ထရီပိုလီ အခြေစိုက် အစိုးရများ၏ ဆယ်စုနှစ်များစွာ လျစ်လျူရှုမှုကို ခံစားခဲ့ရကြောင်း ပြောကြားခဲ့သည်။ ယင်းဒေသကို ယခင်က Cyreaica ဟုခေါ်ဝေါ်ပြီး ဘင်ဂါဇီမြို့တွင် ဒေသခေါင်းဆောင်များ တွေ့ဆုံခဲ့ပြီးနောက် အုပ်ချုပ်ခွင့်ပိုမိုပေးရန် တောင်းဆိုခဲ့ခြင်း ဖြစ်သည်။ ယင်းခေါင်းဆောင်များက ၎င်းတို့ ဒေသတွင်းလွှတ်တော်၊ ရဲတပ်ဖွဲ့နှင့် တရားရုံးများကို ထိန်းချုပ်ခွင့် တောင်းဆို ခဲ့သော်လည်း ပြည်နယ်ခွဲ ထွက်ခွင့်ကိုမူ မတောင်းဆိုခဲ့ပေ။ နိုင် ငံခြားရေးမူဝါဒနှင့်ပတ်သက်၍ ထရီ ပိုလီအစိုးရလမ်းစဉ်အတိုင်း လိုက်နာရန် သဘောတူခဲ့သည်။ သို့သော် ဂျာလီကမူ ''ကျွန်တော်တို့ ဒီကိစ္စကိုတားဖို့ အဆင်သင့်ပဲ။ လိုအပ်ရင် အင်အားသုံးရမယ်'' ဟု နိုင်ငံပိုင်ရုပ်သံမှပြောကြားခဲ့သည်။
လစ်ဗျားတွင် ၁၉၅၁ ခုနှစ်က လွတ်လပ်ရေး ရခဲ့ပြီးနောက် ဒေသကြီးသုံးခုတွင် ဖက်ဒရယ်အာဏာ ရရှိခဲ့ပြီး ၁၉၆၃ ခုနှစ်တွင် ပြည်ထောင်စုအဖြစ် ပေါင်းစည်းခဲ့သည်။ Cyreaica ဒေသမှာ နိုင်ငံအလယ်ပိုင်း ကမ်းရိုးတန်းမြို့ ဆာတီမှ နိုင်ငံအရှေ့ဘက်ရှိ လစ်ဗျား-အီဂျစ် နယ်စပ်အထိ ရောက်ရှိကာ နိုင်ငံတွင်းရှိ ရေနံသုံးပုံနှစ်ပုံခန့် ပိုင်ဆိုင်ထားသော ဒေသဖြစ်သည်။
လတ်တလောတွင် ပစိဖိတ်ဒေသတွင် အမေရိကန် ရေတပ်သင်္ဘောများမှ ၅၂ ရာခိုင်နှုန်းရှိပြီး လာမည့်နှစ်များအတွင်း လေယာဉ်တင်သင်္ဘော ခြောက်စီးအထိ ဖြန့်ချထားမည်ဖြစ်ကြောင်း Credit Suisse and Mc-Aleese and Associates က ဦးစီးပြုလုပ်သော စက်မှုကွန်ဖရင့်တစ်ခုတွင် ကာတာက ပြောကြားခဲ့သည်။ အမေရိကန် ကြည်းတပ်နှင့် မရိန်းတပ်များသည် အလှည့်ကျစနစ်ဖြင့် ပူးပေါင်းလုပ်ဆောင်နေသည့်အတွက် အာရှ- ပစိဖိတ်ဒေသအတွင်း အမေရိကန် တပ်ဖွဲ့ဝင်အင်အား လျော့နည်းနေမှုကို မြင်တွေ့ရမည် မဟုတ်ကြောင်း ၎င်း က ပြောကြားခဲ့သည်။
အမေရိကန်သမ္မတ အိုဘားမားက အာရှပစိဖိတ်ဒေသကို အာရုံပြန်စိုက်မည်ဟု ဇန်န၀ါရီလတွင် ကြေညာထားသည်။ အမေရိကန်တပ်များသည် ပြီးခဲ့သောနှစ် ၆၀ အတွင်း ပစိဖိတ်ဒေသတွင်း ပဋိပက္ခများဖြစ်ပွားမှုကို ကာကွယ်ပေးရာတွင် အရေးပါသော ကဏ္ဍမှ ပါဝင်ခဲ့ကြောင်း ကာတာက ပြောကြားခဲ့သည်။ ယင်းအခြေအနေကို မိမိတို့ မပြောင်းလဲလိုကြောင်း၊ ယင်းကဲ့သို့ ပါဝင်မှုကို ဆက်လက်လုပ်ဆောင်သွားမည်ဖြစ်ပြီး ယင်းကဲ့သို့ ဦးဆောင်ပါဝင်မှုမှာ မိမိတို့ ရည်မှန်းချက်ဖြစ်ကြောင်း ကာတာက ပြောကြားခဲ့သည်။
ဧပြီလ ၂၂ ရက် ပထမအကျော့ ရွေးကောက်ပွဲအတွက် CSA လူထု စစ်တမ်းကောက်ယူသည့်အဖွဲ့က ယခု သီတင်းပတ်အတွင်း စစ်တမ်းကောက်ယူရာတွင် ဟော်လန်ဒီသည် ထောက်ခံမှု ၃၀ ရာခိုင်နှုန်းအထိ တိုးတက်ရရှိခဲ့ပြီး ဆာကော်ဇီမှာ ၂၈ ရာခိုင်နှုန်းသာ ရရှိခဲ့သည်။ မေလ ၆ ရက် ဒုတိယအကျော့ ရွေးကောက်ပွဲအတွက် စစ်တမ်းကောက်ယူရာတွင် ဟော်လန်ဒီမှာ ထောက်ခံမှု ၅၆ ရာခိုင်နှုန်းဖြင့် ၄၄ ရာခိုင်နှုန်းရရှိသော ဆာကော်ဇီအပေါ် အသာရခဲ့သည်။
Web-site: www.nlabr.com
Subscribe to:
Post Comments (Atom)
0 comments:
Post a Comment