ကမ္ဘာ့သတင်းများ 27/03/2012
နိုင်ငံတကာသတင်း
ပုပ်ရဟန်းမင်းကြီး ကိုယ်စားလှယ် ဗီယက်နမ် လာခွင့် မပြု
ဗာတီကန် အသင်းတော်ကနေ သူတော်စင် တဦးအဖြစ် ချီးမြှောက်ဖို့ ဆုံးဖြတ်ရာမှာ ဆောင်ရွက်ရတဲ့ လုပ်ထုံး လုပ်နည်းတွေထဲ သက်ဆိုင်ရာ ပုဂ္ဂိုလ်ကို သိတဲ့သူတွေနဲ့ လူတွေ့ မေးမြန်းမှုတွေဟာ နောက်ဆုံး အဆင့်တဆင့် အဖြစ်နဲ့ အရေးကြီးလေ့ ရှိပါတယ်။ ဗီယက်နမ် အစိုးရကတော့ ဗာတီကန် ကိုယ်စားလှယ် တွေ ဗီဇာပယ်ဖျက်ခံရတယ် ဆိုတဲ့ သတင်းနဲ့ ပတ်သက်လို့တော့ တစုံတရာ မှတ်ချက်ပေး ပြောဆိုတာမျိုး မရှိသေးပါဘူး။
ဘုန်းတော်ကြီး Van Thuan ဟာဆိုရင် ကွန်မြူနစ် တပ်ဖွဲ့တွေလက်ထဲ မကျခံ သီတင်းတပတ်အလို (၁၉၇၅) ခုနှစ်မှာပဲ တောင်ဗီယက်နမ် ရဲ့ မြို့တော် ဆိုင်ဂုံမြို့ လက်ထောက် ဂိုဏ်းချုပ် ဆရာတော် အဖြစ် တာဝန် ပေးခံခဲ့ရ သူပါ။ ဗီယက်နမ် စစ်ပွဲ အဆုံးသတ်ခဲ့တဲ့နောက် ဟိုချီမင်းစီတီးအဖြစ် ပြောင်းလဲ ခေါ်ဝေါ်ခဲ့တဲ့ ဆိုင်ဂုံမြို့မှာပဲ ဘုန်းတော်ကြီး ဖမ်းဆီးခံခဲ့ရပြီး တရားရုံးတင် စစ်ဆေးခြင်း မရှိပဲ ၁၃ နှစ်ကျော် ဖမ်းဆီးခံ ခဲ့ရတာ လည်း ဖြစ်ပါတယ်။
ထိန်းသိမ်းရေး စခန်းမှာ ဖမ်းဆီးခံထားရတဲ့ ကာလအတွင်း ဘုန်းတော်ကြီး Van Thuan စာရွက် အတိုအစ လေးတွေပေါ်မှာ ရေးသားပြီး တိတ်တဆိတ် ပြင်ပကို ခိုးထုတ်ခဲ့တဲ့ စာတွေကိုတော့ နောက်ပိုင်းမှာ မျှော်လင့်ချက် လမ်း ဆိုတဲ့ အမည်နဲ့ စာအုပ်အဖြစ် ထုတ်ဝေခဲ့တာပါ။ ဆရာတော်ဟာ ထိန်းသိမ်းခံ ထားရာက (၁၉၈၉) ခုနှစ်မှာ ပြန်လွတ် လာခဲ့ပေမဲ့ ရောမမြို့မှာ တိမ်းရှောင် နေထိုင်ခဲ့ရပြီး (၂၀၀၂) ခုနှစ်မှာ ကွယ်လွန် ခဲ့တာ ဖြစ်ပါတယ်။
အမေရိကန် ရုရှား လက်နက် လျှော့ပေါ့ရေး နောက်တဆင့် ရှိလာနိုင်
၂၀၁၀ ခုနှစ်က ရုရှားနိုင်ငံနဲ့ ချုပ်ဆိုခဲ့တဲ့ START သဘောတူစာချုပ်ဟာ အနှစ် ၂၀ အတွင်း ပြည့်ဝခိုင်မာမှု အရှိဆုံး လက်နက်ဆိုင်ရာ သဘောတူ စာချုပ်တစ်ခု ဖြစ်တယ်လို့ သမ္မတ အိုဘားမားက ပြောပါတယ်။ ရုရှားသမ္မတ အဖြစ် အရွေးခံထားရတဲ့ Vladimir Putin နဲ့ နောက်ထပ် တစ်ကြိမ် နျူကလီးယား လက်နက်လျှော့ချရေး သဘောတူ ညီချက်ရအောင် လုပ်ဖို့ စီစဉ်ထားတယ်လို့လည်း မစ္စတာ အိုဘားမားက ပြောပါတယ်။
လာမယ့် သမ္မတ ရွေးကောက်ပွဲပြီးရင် မစ်ဇိုင်းဒုံးကျည် ကာကွယ်ရေး ကိစ္စနဲ့ ပတ်သက်ပြီး ပိုပြီးတော့ ကိုင်တွယ်ရ လွယ်ကူတဲ့ အခြေအနေ ရှိလိမ့်မယ်လို့လည်း မစ္စတာ အိုဘားမားက မစ္စတာ Medvedev ကို ပြောခဲ့သလို မစ္စတာ Medvedev ကလည်း သူ့အနေနဲ့ နားလည်ကြောင်းနဲ့ ဒါကို မစ္စတာ ပူတင်ကို ပြန်ပြောပြ သွားမယ့်အကြောင်း အပြန်အလှန် ပြောဆိုခဲ့ကြပါတယ်။ ဒီကိစ္စကို အများရှေ့ ထုတ်ပြောဖို့ မရည်ရွယ်ပေမဲ့ ခေါင်းဆောင်နှစ်ယောက် သူတို့ရှေ့က မိုက်တွေ ပွင့်နေတာကို သတိမထားမိခဲ့ဘဲ အားလုံးက ကြားခဲ့ကြရတာဖြစ်ပါတယ်။
၂၀၁၂ ခုနှစ်ဟာ အမေရိကန်နဲ့ ရုရှား နှစ်နိုင်ငံစလုံးမှာ ရွေးကောက်ပွဲ ကျင်းပကြတဲ့ နှစ်ဖြစ်တာမို့ ဒီလို အရေးကြီးတဲ့ ကိစ္စမျိုးတွေကို ဒီနှစ် အတွင်း ဆွေးနွေးမှာ မဟုတ်တဲ့အကြောင်း သမ္မတ အိမ်ဖြူတော်က ကြေညာချက် တစ်စောင် ထုတ်ပြန်ပါတယ်။ ဆီးရီးယားအရေးနဲ့ ပတ်သက်လို့ အမေရိကန်နဲ့ ရုရှား အကြား သဘောထား ကွဲလွဲမှုတွေ ရှိနေ ပေမဲ့လည်း ရုရှားနိုင်ငံဟာ အမေရိကန်နဲ့ ၁၀ နှစ်အတွင်း အကောင်းဆုံး ဆက်ဆံရေး တရပ် ထားရှိတဲ့ အကြောင်း ရုရှား သမ္မတ Medvedev က ပြောဆိုခဲ့ပါတယ်။
မြောက်ကိုးရီးယား ဒုံးကျည် လွှတ်တင်မှု အမေရိကန် နှင့် တရုတ် တုံ့ပြန်မည်
တောင်ကိုရီးယားနိုင်ငံ ဆိုးလ်မြို့မှာကျင်းပနေတဲ့ နျူကလီယားလုံခြုံမှုဆိုင်ရာ ထိပ်သီးညီလာခံ မှာ မြောက် ကိုးရီးယား က ဒုံး လက်နက် စမ်းသက် ပစ်လွှတ် မယ့် ကိစ္စက လွှမ်းမိုး နေခဲ့တာ ဖြစ်ပါတယ်။ ဒီကနေ့ တနင်္လာနေ့ မှာတော့ သမ္မတအိုဘားမား နဲ့ တရုတ်သမ္မတ ဟူကျင်းတောင် တို့ နျူကလီယား လုံခြုံမှု ထိပ်သီး ညီလာခံ ရဲ့ ပြင်ပ တစ်ဦးချင်း တွေ့ဆုံတဲ့ နေရာမှာ မြောက်ကိုးရီးယား နိုင်ငံရဲ့ ဒုံးလက်နက် စမ်းသပ် မယ့် အစီအစဉ် နဲ့ ပတ်သက်ပြီး တရုတ် သမ္မတ ဟူဂျင်းတောင် က တရုတ် နိုင်ငံ အနေနဲ့ အထူး တလည် စိုးရိမ် မကင်း ဖြစ်ရတယ် လို့ ပြောဆိုခဲ့တဲ့ အကြောင်း အမေရိကန် အမျိုးသား လုံခြုံရေး ဒုတိယ အကြံပေး ပုဂ္ဂိုလ် ဘန်ရုတ်စ် (Ben Rhodes) က သတင်းထောက် တွေကို ပြောဆို လိုက်တာပါ။
တရုတ် နိုင်ငံက သူတို့ စိုးရိမ် မကင်း ဖြစ်နေရတာ နဲ့ ပတ်သက် ပြီး မြောက်ကိုးရီးယားကို အလေးအနက် ပြောဆို ထားပြီး ဖြစ်တယ် လို့ လည်း ဆိုပါတယ်။ တကယ်လို့ မြောက် ကိုးရီးယား နိုင်ငံက သာ အဲဒီ ဒုံး လက်နက် ကို စမ်းသပ် ပစ်လွှတ် ခဲ့မယ် ဆိုရင် နောက်ထပ် ဘယ်လို ခြေလှမ်း တွေ ထပ်လှမ်းပြီးတော့ အရေးယူ မလဲ ဆိုတာ ကို စဉ်းစားသွား မယ် လို့ ခေါင်းဆောင် နှစ်ဦးက သဘော တူခဲ့ကြတာပါ။
မြောက်ကိုရီးယားက နျူကလီယား အရေး အံတု နေတဲ့အပေါ် တရုတ်နိုင်ငံ အနေနဲ့ မျက်စေ့ပိတ် မသိ ကျိုးကျွန် ပြုနေတာ ကို ရပ်တန်း က ရပ်ဖို့ နဲ့ တရုတ်ရဲ့ သြဇာ လွှမ်းမိုးနိုင်မှုကို အသုံးချပြီး နျူကလီးယား အကြံကြီးမှု ကိုဟန့်တား ပေးပါရန် သမ္မတ အိုဘားက တနင်္ဂနွေနေ့က တိုက်တွန်းလိုက်ပါတယ်။
တရုတ်နိုင်ငံဟာ မြောက်ကိုရီးယားနဲ့ အဓိကကျတဲ့ မဟာ မိတ်ဖြစ်သလို ကုန်သွယ် ဖက်လည်းဖြစ်ပေမဲ့ မြောက် ကိုရီးယား အပေါ် နိုင်ငံရေးအရ သြဇာ လွှမ်းမိုးနိုင်မှုကတော့ အကန့်အသတ် တွေရှိပါတယ်လို့ တရုတ် အစိုးရ ကပြောပါတယ်။'
ပုပ်ရဟန်းမင်းကြီး ကျုးဘားကို ဆိုက်ရောက်
ပုပ်ရဟန်းမင်းကြီးဟာ ကျူးဘားနိုင်ငံ အရှေ့ပိုင်းက ဒုတိယ အကြီးဆုံး ဆန်ဒီယေးဂိုး (Santiago) မြို့ကို အရင်ဆုံး သွားရောက်မှာ ဖြစ်ပါတယ်။ အဲဒီ ဆန်ဒီယေးဂိုး မြို့မှာ ကျုးဘား သမ္မတ ရားအူး ကက်စထရို (Raul Castro) ကနေ ပုပ်ရဟန်း မင်းကြီးကို ခရီးဦး ကြိုဆိုမှာ ဖြစ်ပါတယ်။ ကျုးဘား ပြည်သူတွေက အထွဋ်အမြတ်ထားတဲ့ Virgin of Charity of El Cobre မယ်တော် ရုပ်ပွားတော် ပူဇော်တဲ့ အနှစ် လေးရာ မြောက် နှစ်ပတ်လည်နေ့ နဲ့လည်း ပုပ်ရဟန်း မင်းကြီး ဘက်နဒစ် (Benedict) ရဲ့ ခရီးစဉ်က တိုက်ဆိုင်နေပါတယ်။
ပုပ်ရဟန်းမင်းကြီးရဲ့ ခရီးစဉ်မတိုင်မီ လေးရက် အလိုမှာဝန်းကျင်မှာ အစိုးရဆန့်ကျင်ရေးအဖွဲ့ဝင် (၇၀) အဖမ်းခံ ခဲ့ရတယ်လို့ အဖမ်းအဆီးတွေကို စောင့်ကြည့်တဲ့အဖွဲ့တွေကပြောပါတယ်။
အဲဒီ ဆန်ဒီယေးဂိုး မြို့မှာ ထင်ရှားကျော်ကြားတဲ့အတိုက်အခံ အဖြူရောင်ဝတ် အမျိုးသမီး (၁၅) ယောက် ထက်မနည်း အဖမ်းခံထားရတာဖြစ်ပါတယ်။ သူတို့အဖွဲ့ဟာ ကျူးဘားခေါင်းဆောင် ဖီးဒယ်လ် ကက်စထရို (Fidel Castro) ကို ဆန့်ကျင်မှုနဲ့ ၂၀၀၃ ခုနှစ်က အဖမ်းခံခဲ့ရသူ (၇၅) ယောက်ရဲ့ မိခင်တွေနဲ့ ဇနီးသည်တွေ ပါဝင်ဖွဲ့စည်းထားကြတာဖြစ်ပါတယ်။
ဆန်ဒီယေးဂိုး (Santiago) မြို့ ကနေ ကျူးဘားနိုင်ငံရဲ့ မြို့တော် ဟာဗားနား (Havana) ကို ပုပ်ရဟန်းမင်းကြီး ခရီးဆက်ဖို့ ရှိပါတယ်။
Lwin Pwin
Web-site: www.nlabr.com
Subscribe to:
Post Comments (Atom)
0 comments:
Post a Comment