မြောက်ကိုရီးယားနိုင်ငံက တာဝေးပစ်ဒုံးကျည် ပစ်လွှတ်မှု မအောင်မမြင် ပျက်ကျခဲ့ပေမယ့် ဒီလို ပစ်လွှတ်ခဲ့တာနဲ့ပတ်သက်ပြီး ကုလသမဂ္ဂအတွင်းရေးမှူးချုပ် ဘန်ကီမွန်းကရော နိုင်ငံတကာ ခေါင်းဆောင်အများအပြားကပါ ရှုတ်ချပစ်တင်လိုက်ပါတယ်။ မြောက်ကိုရီးယားက လွှတ်တင်လိုက်တဲ့ ဒုံးပျံဟာ လွှတ်ပြီးပြီးချင်း တစ်မိနစ် အတွင်းမှာပဲ ပင်လယ်ထဲကို ထိုးကျသွားခဲ့တာပါ။
မြောက်ကိုရီးယားအစိုးရသတင်းဌာနကတော့ ဒုံးပျံက အပိုင်းပိုင်းကွဲပြတ်သွားတာမို့ ကမ္ဘာပတ်လမ်းထဲ မသွားရောက်နိုင်ဘူးလို့ ဆိုပါတယ်။ သူတို့လွှတ်တင်တာဟာ မိုးလေဝသတိုင်းထွာရေး ဂြိုဟ်တုလို့လည်း ပြောပါတယ်။
နိုင်ငံတကာကတော့ မြောက်ကိုရီးယားမှာ စစ်လက်နက်ထိပ်ဖူး တပ်ဆင်လို့ရတဲ့ တာဝေးပစ်ဒုံးကျည်ကို မိုးလေဝသဂြိုဟ်တုတွေလို လွယ်လွယ်ကူကူ ပစ်လွှတ်လို့ရအောင် အခုလို စမ်းသပ်ပစ်လွှတ်တာလို့ ယုံကြည်ကြပါတယ်။
အဆင့်သုံးဆင့် ပစ်လွှတ်ရတဲ့ ရော့ကက်ဒုံးပျံဟာ ပဏာမအဆင့်မှာတင် ချို့ယွင်းမှုရှိပြီး ပျက်ကျခဲ့တာ ဖြစ်ပါတယ်။ ပျက်ကျတဲ့အပိုင်းအစတွေက မြေပြင်ကို မထိသလို နိုင်ငံတကာရေပြင်ပိုင်နက် ပင်လယ် အတွင်းမှာ သွားလာနေတဲ့ သင်္ဘောအများအပြားကိုလည်း မထိဘဲ ပင်လယ်ဝါထဲမှာ ထိုးကျခဲ့တာပါ။
ဒီသီတင်းပတ်ထဲမှာ မြောက်ကိုရီးယားရဲ့ ဒုံးပျံပစ်လွှတ်မယ့်နေရာကို နိုင်ငံတကာသတင်းထောက်တွေ သွားရောက်ခွင့် ရခဲ့ပေမယ့် အခုလို ပစ်လွှတ်ခဲ့တာနဲ့ပတ်သက်ပြီး သေသေချာချာ သိခွင့်မပေးသလို ပစ်လွှတ်ပြီးနောက်မှာလည်း ဘာမှ တိတိကျကျမသိရဘူးလို့ ပြုံယမ်းမှာရှိတဲ့ ဗွီအိုအေ သတင်းထောက်က ပြောပါတယ်။
မြောက်ကိုရီးယားရဲ့ အခုလုပ်ရပ်ဟာ နိုင်ငံတကာက တညီတညွတ်တည်း ဆုံးဖြတ်ထားချက်ကို ဆန့်ကျငလိုက်တာဖြစ်ပြီး ကုလသမ္မဂဆုံးဖြတ်ချက်ကို ချိုးဖောက်တာဖြစ်တယ်လို့ ကုလသမ္မဂ အတွင်းရေးမှူးချုပ် ဘန်ကီမွန်းက ပြောသလို အမေရိကန်သမ္မတ အိမ်ဖြူတော်ကလည်း မြောက်ကိုရီးယားရဲ့ အခုလုပ်ရပ်ဟာ ဒေသတွင်းလုံခြုံရေးကို ခြိမ်းခြောက်နေတယ်လို့ ဆိုပါတယ်။ ဒါ့အပြင် မြောက်ကိုရီးယားအတွက် စားနပ်ရိက္ခာ ထောက်ထပ်ပို့ပေးမယ့် အစီအစဉ်ကိုလည်း ဖျက်သိမ်းလိုက်တယ်လို့ ပြောကြားပါတယ်။


နိုင်ငံတကာရဲ့ ဆန့်ကျင်ကန့်ကွက်နေကြတဲ့ကြားက ဧပြီ (၁၃) ရက်နေ့ မနက်အစောပိုင်းက မြောက်ကိုးရီးယားက လွှတ်တင်ခဲ့တဲ့ ဒုံးပျံဟာ ဝေဟင်ထဲကို ရောက်ခဲ့ပြီး မကြာခင်မှာ ပေါက်ကွဲ ပျက်စီးသွားပြီးတော့ မြေပြင်ကို အထိအခိုက်မရှိဘဲ တောင်ကိုးရီးယားရဲ့အနောက်ဘက်က ပင်လယ်ပြင်ထဲကို ကျရောက်သွားခဲ့ပါတယ်။
အဆင့်သုံးဆင့်ပါတဲ့ဒုံးပျံဟာ ကမ္ဘာပတ်လမ်းကြောင်း ထဲကို ၀င်ရောက်နိုင်ခြင်း မရှိခဲ့ဘူးလို့ မြောက်ကိုးရီးယား အစိုးရက ကြေညာခဲ့ပြီး အခုလို မအောင်မမြင်ဖြစ်ခဲ့ရတဲ့ အကြောင်းရင်းကို မြောက်ကိုးရီးယား သိပ္ပံပညာရှင်တွေက ရှာဖွေနေတယ် လို့လည်း မြောက်ကိုရီးယားနိုင်ငံပိုင် KCNA က ပြောခဲ့ပါတယ်။
ကွမ်မြောင်ဆောင်း အမှတ်(၃) (Kwangmyongsong – 3) လို့ အမည်ပေးထားတဲ့ ဒုံးပျံကို မြောက်ပြုံဂမ်း (North Pyongan Province)၊ ချိုဆန်း ခရိုင် (Cholsan County) ဆိုဟေး ဂြိုလ်တု လွှတ်တင်ရေးဌာန (Sohae Satellite Station) ကနေ၊ ဧပြီ (၁၃) ရက်နေ့၊ သောကြာနေ့ ဒေသ စံတော်ချိန် မနက်(၇) နာရီ (၃၈) မိနစ်အချိန်မှာ လွှတ်တင်ခဲ့တာလို့ KCNA က ဆိုပါတယ်။ ဒီဒုံးပျံရဲ့ပထမအဆင့်အစိတ်အပိုင်းဟာ တောင်ကိုးရီးယားကမ်းခြေကနေ (၁၀၄) မိုင်အကွာမှာ ပျက်စီးသွားပြီး ပင်လယ်ဝါ (Yellow Sea) ထဲကို ထိုးကျသွားခဲ့ကြောင်းနဲ့ ဒုံးပျံ ကိုယ်ထည်တစ်ခုလုံး ရေထဲကိုကျမသွားခင်မှာ ကျန်တဲ့ ဒုံးပျံအစိတ်အပိုင်းတွေ လည်း ပျက်စီးသွားခဲ့တယ်လို့ အမေရိကန် ပြည်ထောင်စုရဲ့ ကမ္ဘာ့မြောက်ပိုင်းဒေသများ ဆိုင်ရာ စစ်ဌာနချုပ်(U.S. Northern Command) ရဲ့ ကြေညာချက်မှာ ဖော်ပြထားပါတယ်။
တောင်ကိုးရီးယားရဲ့အနောက်ဘက်က ပင်လယ်ပြင်ထဲ ပြုတ်ကျခဲ့တဲ့ မြောက်ကိုးရီးယားဒုံးပျံ အပိုင်းအစတွေ ကို ရှာဖွေနေတယ်လို့လည်း တောင်ကိုးရီးယား ကာကွယ်ရေးဝန်ကြီးဌာနက ပြောပါတယ်။ ဒီဒုံးပျံဟာ လေထဲကို တစ်မိနစ်လောက်ပဲ ပျံတက်နိုင်ခဲ့ပြီး ဝေဟင်ထဲမှာ အမြင့် (၇၂) မိုင် အထိရောက်ခဲ့ပြီးမှ လေးပိုင်းပြတ်ပြီး ပျက်စီးပြုတ်ကျပေါက်ကွဲသွားခဲ့ကြောင်းနဲ့ ဂျပန်နိုင်ငံရဲ့ နယ်နိမိတ်အတွင်းမှာ ဘယ်လို ထိခိုက်မှုမှ မရှိခဲ့ဘူးလို့ ဂျပန် နိုင်ငံခြားရေးဝန်ကြီး နာအိုးခိထာနာခါ (Naoki Tanaka) ကလည်း ပြောပါတယ်။
ဒီဒုံးပျံပေါက်ကွဲပျက်စီးသွားပြီး ချက်ချင်းလိုပဲ အမေရိကန်သမ္မတအိမ်ဖြူတော်ရဲ့ ပြောရေးဆိုခွင့်ရှိသူက ဒီ ဒုံးပျံလွှတ်တင်မှုကို မြောက်ကိုးရီးယားရဲ့ ရန်လိုတဲ့အပြုအမူအဖြစ် ပြစ်တင်ရှုတ်ချလိုက်ပြီးတော့ ဒါဟာ နိုင်ငံတကာဥပဒေတွေကို ချိုးဖောက်လိုက်ခြင်းနဲ့ ဒေသတွင်း လုံခြုံရေးကို ခြိမ်းခြောက်မှု ဖြစ်တယ်လို့ ပြောဆိုခဲ့ပါတယ်။ ဧပြီ (၁၃) ရက်နေ့ ကုလသမဂ္ဂရဲ့လုံခြုံရေးကောင်စီအစည်းအဝေးမှာ မြောက်ကိုးရီးယားဒုံးပျံ ပစ်လွှတ်တဲ့ကိစ္စကို ဆွေးနွေးကြမှာ ဖြစ်ပါတယ်။



မြောက်ကိုရီးယားနိုင်ငံအနေနဲ့ အမေရိကန်အပါအဝင် နိုင်ငံတကာက သတိပေးတားမြစ်နေတဲ့ ကြားထဲက ကုလသမဂ္ဂ လုံခြုံရေးကောင်စီရဲ့ ဆုံးဖြတ်ချက်ကို ဆန့်ကျင်ပြီး မကြာသေးခင် မိနစ်ပိုင်းအတွင်းကပဲ သုံးဆင့်ပစ် ဒုံးပျံကို လွှတ်တင်လိုက်ပြီလို့ သတင်းတွေ ထွက်နေပါတယ်။
မြောက်ကိုရီးယားအစိုးရက သောကြာနေ့မနက်ပိုင်းမှာ လုပ်ခဲ့တဲ့ ဒီ လွှတ်တင်မှုဟာ ဂြိုဟ်တုတစ်ခုကို ဂြိုဟ်ပတ်လမ်းကြောင်းထဲ ငြိမ်းငြိမ်းချမ်းချမ်း လွှတ်တင်တာသာဖြစ်တယ်လို့ ဆက်ပြောနေပါတယ်။
ဒါပေမယ့် အမေရိကန်အစိုးရနဲ့ သူ့ရဲ့မဟာမိတ် အာရှနိုင်ငံတွေဖြစ်တဲ့ ဂျပန်နဲ့ တောင်ကိုရီးယားနိုင်ငံတွေ ဘက်ကတော့ မြောက်ကိုရီးယား ဒေသစံတော်ချိန် ၇ နာရီ ၃၉ မိနစ်မှာ လွှတ်တင်ခဲ့တဲ့ ဒီလွှတ်တင်မှုဟာ ပဲ့ထိန်း ဒုံးကျည် စွမ်းပကားကို စမ်းသပ်ဖို့ ပုံဖျက်ပြီးလုပ်တာသာ ဖြစ်တယ်လို့ သံသယရှိနေကြပါတယ်။
G-8 ခေါ် ကမ္ဘာ့ထိပ်သီး စက်မှု ၈ နိုင်ငံက ဝါရှင်တန်မြို့တော်မှာ ကြာသာပတေးနေ့က ဆွေးနွေးကြရာမှာတော့ ဒီ လွှတ်တင်မှုကို မြောက်ကိုရီးယားအနေနဲ့ ပယ်ဖျက်ပေးဖို့ တောင်းဆိုခဲ့ပါတယ်။ အမေရိကန်နိုင်ငံခြားရေးဝန်ကြီး ဟီလာရီကလင်တန်က မြောက်ကိုရီးယားအနေနဲ့ ဒီဒုံးပျံလွှတ်တင်မှုကို ဆက်လုပ်သွားမယ်ဆိုရင် ကုလသမဂ္ဂ လုံခြုံရေးကောင်စီဘက်ကနေ နောက်ထပ် အရေးယူမှုတွေ လုပ်ရလိမ့်မယ်လို့ သတိပေးခဲ့ပါတယ်။

အပစ်အခတ်ရပ်စဲရေး ဆီးရီးယားလုံခြုံရေး ချိုးဖောက်

ဆီးရီးယားနိုင်ငံမှာတော့ တစ်ရက်ကြာ အပစ်အခတ်ရပ်စဲရေး သဘောတူညီချက် ပျက်ပြားသွားတဲ့ လက္ခဏာအဖြစ် အစိုးရလုံခြုံရေးတပ်တွေက ဆန္ဒပြသူတွေကို ပစ်ခတ်ခဲ့ရာမှာ အနည်းဆုံး လူသုံးဦး သေဆုံးသွားခဲ့ရပါတယ်။ သောကြာနေ့က ဆီးရီးယားနိုင်ငံတဝှမ်း ဆန္ဒပြပွဲတွေ ဖြစ်ပွားခဲ့ရာမှာ လုံခြုံရေးတပ်တွေဘက်က ဆန္ဒပြပွဲတွေ အဓိကဖြစ်ခဲ့တဲ့ ဟာမာမြို့အပါအဝင်နေရာများစွာမှာ ပစ်ခတ်ခဲ့တဲ့အတွက် အခုလို သေဆုံးမှု ဖြစ်ခဲ့ရတာပါ။
ဒါ့အပြင် တူရကီနယ်စပ်နားမှာလည်း ဆီးရီးယားအစိုးရတပ်တွေက သူပုန်တွေကို ပြင်းပြင်းထန်ထန် တိုက်ခိုက်ခဲ့တယ်လို့ တက်ကြွလှုပ်ရှားသူတွေက ဆိုနေပါတယ်။ ဒီဆန္ဒပြပွဲတွေနဲ့ တိုက်ခိုက်မှုတွေ ဖြစ်လာခဲ့ရတာက ဆီးရီးယားအစိုးရ၊ ကုလသမ္မဂနဲ့ အာရပ်အဖွဲ့ချုပ် အထူးသံတမန် ကိုဖီအာနန်တို့အကြား အပစ်အခတ်ရပ်စဲရေး သဘောတူညီချက်တစ်ခုကို ကြာသာပတေးနေ့ကပဲ ရအပြီး နောက်တစ်နေ့မှာပဲ ဖြစ်လာခဲ့ရတာပါ။
ဒီသဘောတူညီချက်အရ အစိုးရတပ်တွေအနေနဲ့ မြို့ပေါ်ကနေ ဆုတ်ခွာပေးဖို့နဲ့ တစ်နှစ်ကြာလာပြီဖြစ်တဲ့ အတိုက်အခံတွေအပေါ် အကြမ်းဖက်တိုက်ခိုက်မှုတွေကို ရပ်ဆိုင်းပေးဖို့ သဘောတူထားတာ ပါဝင်ပါတယ်။
အခုလို အပစ်အခတ်ရပ်ရေး ပျက်ပြားသွားတဲ့အပေါ် နိုင်ငံတကာမှာလည်း စိုးရိမ်မှုတွေ ကြီးမားစွာ ဖြစ်ပေါ်နေပြီး အနောက်နိုင်ငံတွေဘက်ကတော့ ရုရှားကကန့်ကွက်နေတဲ့ကြားကပဲ ဆီးရီးယားနိုင်ငံထဲ လေ့လာအကဲခတ်သူတွေ စေလွှတ်နိုင်ဖို့ ကုလသမ္မဂ လုံခြုံရေးကောင်စီ ဆုံးဖြတ်ချက်ကို ဒီသီတင်းပတ်ကုန်အတွင်းမှာပဲ ကြိုးပမ်းနေကြပါတယ်။