ကမ္ဘာ့သတင်းများ 07/05/2012
နိုင်ငံတကာသတင်း
ပြင်သစ်သမ္မတရွေးကောက်ပွဲ ဆိုရှယ်လစ်ဝါဒီ Hollonde အနိုင်ရ
အခုတနင်္ဂနွေနေ့ ပြင်သစ်သမ္မတ ရွေးကောက်ပွဲမှာ ဆိုရှယ်လစ်ဝါဒီ ဖရွန်ဆွာအိုလွန်း(ဒ်) (Francois Hollande) က လက်ရှိ သမ္မတ နီကိုးလက်ဆာကိုဇီ (Nicolas Sarkozy) ကို အနိုင်ရရှိသွားပြီမို့ ပြင်သစ်မှာ ခေါင်းဆောင်မှုအသစ် မြင်လာရတော့မှာပါ။ အခု နောက်တကြိမ် ရွေးကောက်ပွဲလုပ်တဲ့ မဲရလဒ်တွေမှာတော့ မစ္စတာ အိုလွန်း (ဒ်) က မဲ ၅၂ ရာခိုင်နှုန်း၊ မစ္စတာဆာကိုဇီက ၄၈ ရာခိုင်နှုန်း ရရှိခဲ့တယ်လို့ ရွေးကောက်ပွဲ တာဝန်ရှိသူတွေက ပြောပါတယ်။
ပြင်သစ်နိုင်ငံမှာ အလုပ်လက်မဲ့ ပြဿနာကြီးမားလာတဲ့အပေါ် ပြင်သစ်မဲဆန္ဒရှင်တွေက မကျေမနပ် ဖြစ်ခဲ့ကြသလို လက်ရှိ သမ္မတ ဆာကိုဇီရဲ့ မောက်မာထောင်လွှားတဲ့ နိုင်ငံရေးပုံစံကိုလည်း မကြိုက်ဖြစ်လာပါတယ်။ အခုလို ရှုံးနိမ့်တဲ့အပေါ်မှာ သူ တာဝန်ယူပါတယ်လို့ မစ္စတာ ဆာကိုဇီက ပြောပါတယ်။
မစ္စတာ အိုလွန်း(ဒ်) ဟာ နှစ်၂၀ နီးပါးအတွင်း ပြင်သစ်နိုင်ငံရဲ့ ပထမဆုံး လက်ဝဲခေါင်းဆောင်တဦး ဖြစ်လာပါတယ်။ သူဟာ သဘောထား ပျော့ပြောင်းတဲ့ နိုင်ငံခြားရေးသမားတဦးလို့လည်း အများက သတ်မှတ်ခံရသူဖြစ်ပါတယ်။ လက်ရှိ ပြင်သစ်နိုင်ငံရဲ့ အသုံးစရိတ်ကာမိအောင် ချမ်းသာသူတွေကို အခွန်အကောက်တိုးယူပြီး၊ အစဉ်အလာ ဆိုရှယ်လစ်ပုံစံ အခွန်အကောက်နဲ့ သုံးစွဲရေးအစီအမံတွေကို အကောင်အထည် ဖော်သွားမယ်လို့ မဲဆန္ဒရှင်တွေကို သူက ကတိပြုထားပါတယ်။ ဒါ့အပြင် ဂျာမန်ဝန်ကြီးချုပ် အန်ဂျဲလာ မာခဲလ်နဲ့ သူဟာ ပထမဆုံး တွေ့ဆုံပြီး ဥရောပသမဂ္ဂရဲ့ အသုံးစရိတ်လျှော့ချရေး အစီအစဉ်ကိစ္စကို ပြန်လည် ညှိနှိုင်းလိမ့်မယ်လို့လည်း မျှော်လင့်ထားကြပါတယ်။
ပြင်သစ်ရွေးကောက်ပွဲ ဆာကိုဇီ ရှုံးနိမ့်ဖွယ်ရှိ
ပြင်သစ်နိုင်ငံ သမ္မတရွေးကောက်ပွဲရဲ့ ပထမအဆင့် ရွေးကောက်ပွဲအတွင်း အနိုင်ရခဲ့ကြတဲ့ ကိုယ်စားလှယ်လောင်း ၂ ယောက် ထိပ်တိုက်ရင်ဆိုင်ရတဲ့ တကြော့ပြန် ရွေးကောက်ပွဲအတွက် ပြင်သစ်နိုင်ငံသားတွေ ဒီကနေ့ မဲပေးနေကြပါတယ်။
လက်ရှိသမ္မတ Nicolas Sarkozy ဟာ သူ့အပေါ် အသာစီးရနေတဲ့ အဓိကပြိုင်ဘက် ဆိုရှယ်လစ်ပါတီ သမ္မတလောင်း ဖရွန်ဆွာ အိုလွန်း(ဒ်) (Francois Hollande) နဲ့ သူ့အကြားက ကွာဟမှုကို နီးစပ်အောင် အတော်လေး လုပ်ဆောင်လာနိုင်နေပေမယ့် ရှုံးနိမ့်မယ့် အလားအလာ ရှိနေတယ်လို့ နောက်ဆုံး ကောက်ယူခဲ့တဲ့ လူထုစစ်တမ်းတွေမှာ ဖော်ပြထားပါတယ်။
ဖရွန်ဆွာ အိုလွန်း(ဒ်) ကတော့ တချိန်က သူမြို့တော်ဝန်အဖြစ် တာဝန်ထမ်းဆောင်ခဲ့တဲ့ Tulle မြို့မှာ ဒီကနေ့ မနက် မဲပေးခဲ့ပါတယ်။ သမ္မတ ဆာကိုဇီးနဲ့ ဇနီး Carla Bruni တို့ကတော့ ပါရီမြို့တော်မှာ မဲပေးခဲ့ကြပါတယ်။သူသမ္မတအဖြစ် တာဝန်ထမ်းဆောင်ခဲ့တဲ့ ၅ နှစ်တာကာလအတွင်း တိုင်းပြည်စီးပွားရေး ကိုင်တွယ်ဖြေရှင်းခဲ့ပုံနဲ့ သူ့ရဲ့ နေထိုင်ပုံတွေအပေါ် ဝေဖန်ပြော ဝေဖန်တာတွေကို သမ္မတ ဆာကိုဇီး ခံခဲ့ရတာပါ။မစ္စတာ အိုလန်း(ဒ်) ကတော့ ဆိုရှယ်လစ်ပါတီကို နှစ်ပေါင်းများစွာ ဦးဆောင်လာခဲ့သူတဦး ဖြစ်ပေမဲ့ အစိုးရအတွင်းက ထိပ်တန်းရာထူးတွေကို လုပ်ဆောင်ဖူးသူ မဟုတ်ပါဘူး။
အမေရိကန်နိုင်ငံခြားရေးဝန်ကြီး အိန္ဒိယရောက်
အိန္ဒိယနိုင်ငံမှာ ရောက်ရှိနေတဲ့ အမေရိကန် နိုင်ငံခြားရေးဝန်ကြီး ဟီလာရီ ကလင်တန်က အရေးယူဒဏ်ခတ်မှုတွေ ချမှတ်ခံထားရတဲ့ အီရန်ဆီကနေ ရေနံဝယ်ယူနေတာကို လျှော့ချပစ်ဖို့ အိန္ဒိယအစိုးရကို သူ့အနေနဲ့ တိုက်တွန်းသွားမှာပါ။ တရုတ်နိုင်ငံနဲ့ ဘင်္ဂလားဒေ့ရှ် နိုင်ငံတွေကို သွားရောက်ပြီးတဲ့နောက် ဒီကနေ့မှာ ၀န်ကြီး ကလင်တန်ဟာ အိန္ဒိယနိုင်ငံ ကာလကတ္တားမြို့မှာ ရောက်ရှိနေတာပါ။ ၀န်ကြီး ကလင်တန်ဟာ အိန္ဒိယနိုင်ငံရဲ့ ထိပ်ပိုင်းခေါင်းဆောင်တွေနဲ့ တွေ့ဆုံဖို့အတွက် မနက်ဖြန်မှာ နယူးဒေလီမြို့ကို ထွက်ခွာမှာဖြစ်ပါတယ်။
အိန္ဒိယနိုင်ငံဟာ အီရန်အပေါ် ရေနံအတွက် မှီခိုအားထားနေရမှုကို လျှော့ချခဲ့ပေမဲ့ တောင်အာရှ နိုင်ငံတွေကတော့ အကြီးအမား စွမ်းအင်လိုချက်တွေ ရှိနေတာပါ။ အီရန်ဆီက ရေနံတွေ ၀ယ်ယူနေတဲ့ တိုင်းပြည်တွေက ဘဏ်တွေအပေါ် အရေးယူ ဒဏ်ခတ်မှုတွေ ပြဌာန်းထားတဲ့ အမေရိကန်ရဲ့ ဥပဒေကိုလည်း အိန္ဒိယနိုင်ငံက ပြင်းပြင်းထန်ထန် ဆန့်ကျင်နေတဲ့ နိုင်ငံတခုလည်း ဖြစ်ပါတယ်။
အီရန်ရဲ့ နျူကလီးယား ရည်မှန်းချက်အပေါ် အမေရိကန်နဲ့ အနောက်အုပ်စု နိုင်ငံတွေက အပြစ်ပေး အရေးယူထားတာလည်း ဖြစ်ပါတယ်။ အိန္ဒိယနိုင်ငံခရီးစဉ် မတိုင်ခင်မှာတော့ ၀န်ကြီး ကလင်တန်ဟာ ဘင်္ဂလားဒေ့ရ်ှနိုင်ငံ ဒါကာကို သွားရောက်ခဲ့ပြီး အဲ့ဒီမှာ ဒီကနေ့ လူထုနဲ့ အမေးဖြေကဏ္ဍ ပြုလုပ်ခဲ့ပါတယ်။ အဲ့ဒီထဲမှာတော့ ဘင်္ဂလားဒေ့ရ်ှနိုင်ငံသား နိုဘဲလ်ငြိမ်းချမ်းရေးဆုရှင် Muhammad Yunus စတင်တည်ထောင်ခဲ့တဲ့ Grameen ဘဏ်ရဲ့ လုပ်ငန်းစဉ်တွေကို သူ့အနေနဲ့ ထောက်ခံကြောင်း ၀န်ကြီး ကလင်တန်က ပြောပါတယ်။
သူမအနေနဲ့ Yunus ရဲ့ လုပ်ငန်းတွေအပေါ်ရော၊ Yunus အပေါ်မှာရော လေးစားတဲ့အကြောင်း ပြောပါတယ်။ ဘင်္ဂလားဒေ့ရ်ှအစိုးရက Muhammad Yunus ရဲ့ လုပ်ငန်းတွေ သိမ်ငယ်အောင် လုပ်ဆောင်တာမျိုးကို သူ့အနေနဲ့ မမြင်လိုဘူးလို့လည်း ၀န်ကြီး ကလင်တန်က ပြောပါတယ်။
LWIN PWIN
NLABR
Web-site: www.nlabr.com
Subscribe to:
Post Comments (Atom)
0 comments:
Post a Comment