လက်ပံတောင်းတောင်ရှိ မြန်မာ-၀မ်ဘို ကြေးနီသတ္တုစီမံကိန်းမှ စွန့်ပစ်မြေများ စုပုံခြင်းအတွက် ယာမြေပိုင်ရှင်တောင်သူများက ဆန္ဒပြ

၂၀၁၂ ခုနှစ် ဇွန်လ ၂ ရက်နေ့တွင် မုံရွာခရိုင် ဆားလင်းကြီးမြို့နယ် လက်ပံတောင်းတောင် စီမံကိန်းမှ မြေကားများဖြင့် မြေစာများယာ မြေများတွင် စွန့်ပစ်ခြင်းကို ဆည်တည်းနှင့် ၀က်မှေးရွာများမှ တောင်သူများက ဆန္ဒပြမှုဖြစ်ပွားခဲ့ကြောင်း သတင်းရရှိသည်။ဆားလင်းကြီးမြို့နယ် လက်ပံတောင်းတောင် စီမံကိန်းအတွက် တောင်ဖြိုရာမှရရှိလာသော စွန့်ပစ်မြေများကို ကျေးရွာသူရွာသားများပိုင်သော မြေယာများ စိုက်ခင်းများတွင် လာရောက်စွန့်ပစ်ရာမှ ပဋိပက္ခဖြစ်ပွားရခြင်းဖြစ်ကြောင်း သိရသည်။

''မြေယာလျော်ကြေးဆိုတာ သုံးနှစ်စာပဲ လျော်တယ်။ စွန့်ပစ်မြေတွေ လာပစ်တာက မြေယာတွေပျက်စီးတာ နှစ်ပေါင်းများစွာ ဖြစ်ရတာပဲ။ ရွာနားမှာရှိတဲ့ ယာတွေမှာ မြေလာပုံတော့ ရွာကထွက်တားတယ်။ မရဘူး။ ဒါကြောင့် ရွာသားတွေက ဇွန်လ ၂ ရက် မနက် ၁၀ နာရီလောက်က နေစထွက်ပြီး လက်ပံတောင်းတောင် တရုတ်ဆိုက်အထိ သွားပြီး ဆန္ဒပြမှုတွေ ဖြစ်ရတာပဲဖြစ်တယ်။ ရွာအနေနဲ့ တောင်းဆိုချင်တာကတော့ သုံးနှစ် စာလျော်ကြေးပေးပြီး လာရောက်စွန့်ပစ်တဲ့ စွန့်ပစ်မြေပုံတာတွေ ရပ်ဖို့၊ ရွာပိုင်တဲ့ ယာမြေတွေထဲမှာ အဆောက်အဦတွေ မဆောက်ဖို့၊ ရွာမှာချိပ်ပိတ်ထားတဲ့ ဘုန်းကြီးကျောင်းကို ပြန်ဖွင့်ပေးဖို့၊ ရွာကို ရွှေ့မပေးဖို့နဲ့ ရွာကကလေးငယ်တွေ ပညာသင်ပေးဖို့ မူလတန်းကျောင်းရွှေ့သွားတာကို ရွာမှာ ကျောင်းပြန်စီစဉ်ပေးဖို့တို့ပဲ ဖြစ်ပါတယ်။ တရုတ်ဆိုက်မှာ ဇွန်လ ၂ ရက်ညနေပိုင်းအထိ ညှိရာမှာ စွန့်ပစ် မြေမပုံဖို့ ပြောတာကို မရဘူးဖြစ်နေတယ်''ဟု ဆန္ဒပြရာတွင် ပါဝင်သူတစ်ဦးက ပြောပြခဲ့သည်။
ဇွန်လ ၄ ရက်နေ့တွင် ရွာသားများ၏ တောင်းဆိုချက်များအနက်မှ စွန့်ပစ်မြေများစုပုံခြင်းအား ယာယီရပ်ဆိုင်းပေးထားမည်ဟု အကြောင်းပြန်ကြားခဲ့ကြောင်းနှင့် မရွှေ့ပြောင်းရသေးသည့် နေအိမ်များအား ညှိနှိုင်းနေစဉ်ကာလအတွင်း ရွှေ့ပြောင်းခြင်းမပြုရန် ခေတ္တသဘောတူညီမှု ရရှိခဲ့သည်ဟု သိရသည်။  

 

ပိတ်ဆို့မှု လုံးဝရုပ်သိမ်းပေးဖို့ သမ္မတ အကြံပေးက တိုက်တွန်း

ဒါကြောင့် ပိတ်ဆို့ အရေးယူမှုတွေကို ဆိုင်းငံ့ထားရုံနဲ့ မလုံလောက်ဘဲ လုံးဝရုပ်သိမ်းလိုက်မှသာ နိုင်ငံခြားကုမ္ပဏီတွေ မြန်မာနိုင်ငံမှာ ရေရှည် ရင်းနှီးမြုပ်နှံမှုတွေလုပ်ဖို့ ဆွဲဆောင်နိုင်မှာ ဖြစ်တယ်လို့ ဦးကိုကိုလှိုင်က ပြောသွားကြောင်း သိရှိရပါတယ်။မြန်မာအစိုးရအပေါ် ချမှတ်ထားတဲ့ ခရီးသွားလာခွင့်နဲ့ ဘဏ္ဍာရေးဆိုင်ရာ ပိတ်ဆို့မှုတွေကို ရုပ်သိမ်းသွားမှာဖြစ်ကြောင်း သြစတြေလျ နိုင်ငံခြားရေး ဝန်ကြီး Bob Carr က ကြေညာလိုက်ပြီး နောက်ပိုင်းမှာ ခုလို ပြောသွားတာပါ။
မြန်မာနိုင်ငံက ဒီမိုကရေစီ အသွင်ကူးပြောင်းရေး လုပ်ငန်းစဉ်တွေကို အားပေးတဲ့အနေနဲ့ သြစတြေလျ အစိုးရရဲ့ မြန်မာနိုင်ငံအတွက် အကူအညီကို ၂ ဆ တိုးမြှင့်သွားမယ်လို့ သြစတြေလျ ဝန်ကြီးက နေပြည်တော် ခရီးစဉ်အပြီး ကြေညာခဲ့ပါတယ်။

ဘိုနိုနဲ့အတူ ဖျော်ဖြေဖို့ ဇေယျာသော်ကို ဖိတ်ကြားထား

အိုင်ယာလန်နိုင်ငံမှာ ဇွန်လ ၁၈ ရက်နေ့ ကျင်းပမဲ့ ကမ္ဘာကျော် U2 တေးဂီတအဖွဲ့ရဲ့ ဒေါ်အောင်ဆန်းစုကြည် ဂုဏ်ပြုဖျော်ဖြေပွဲမှာ အဆိုတော်ဘိုနိုနဲ့အတူ ပါဝင်ဖျော်ဖြေဖို့ အမျိုးသားဒီမိုကရေစီအဖွဲ့ချုပ် လွှတ်တော် ကိုယ်စားလှယ် ဦးဖြိုးဇေယျာသော် (ခေါ်) Hip Hop အဆိုတော် ဇေယျာသော်ကို ဖိတ်ကြားထားကြောင်း သိရပါတယ်။
ဒါနဲ့ ပတ်သက်ပြီး ကိုဇေယျာသော်ကို RFA က ဆက်သွယ်မေးမြန်းကြည့်တဲ့အခါ U2 တေးဂီတအဖွဲ့က ရန်ကုန်မြို့ ဗြိတိသျှသံရုံး ( British Council ) ကနေတဆင့် သူ့ကို ဖိတ်ကြားခဲ့တာဖြစ်ပါတယ်။ ဒါပေမယ့် အချိန်အခက်အခဲကြောင့် ပါဝင်ဖျော်ဖြေနိုင်မယ့် အခြေအနေကို ညှိနှိုင်းနေဆဲပါပဲလို့ ပြောပါတယ်။
အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ရဲ့ ဥရောပခရီးစဉ်မှာ ကိုဇေယျာသော် လိုက်ပါဖို့ရှိပြီး ဒေါ်အောင်ဆန်းစုကြည်နဲ့အဖွဲ့ဟာ နော်ဝေနိုင်ငံကနေ အိုင်ယာလန်နိုင်ငံကို အထူးလေယာဉ်နဲ့ သွားရောက်မှာ ဖြစ်ပါတယ်။
အဲဒီနောက် ဒေါ်အောင်ဆန်းစုကြည်ဟာ အိုင်ယာလန်နိုင်ငံ Dublin မြို့မှာ ၁၈ ရက်နေ့ ညနေပိုင်းကျင်းပမဲ့ ဂုဏ်ပြုအခမ်းအနားမှာ နိုင်ငံတကာ လွတ်ငြိမ်းချမ်းသာခွင့် အဖွဲ့က ရွေးချယ်ခြီးမြှင့်ခဲ့တဲ့ “မျှော်လင့်ချက် ခိုင်မာပြတ်သားမှု” ဆုကို လက်ခံရယူမှာဖြစ်ပါတယ်။အဲဒီပွဲကို Board Gais Energy ဇာတ်ရုံခန်းမကြီးမှာ ကျင်းပမှာဖြစ်ပြီး အဆိုတော်ဘိုနိုက ဒေါ်အောင်ဆန်းစုကြည်ကို AI အဖွဲ့ကိုယ်စား ဆုပေးအပ်မှာ ဖြစ်ပါတယ်။ အဲဒီနောက် ဆုပေးပွဲနဲ့တဆက်တည်း ဂီတဖျော်ဖြေပွဲကို ကျင်းပဖို့ အစီအစဉ်ရှိပါတယ်။
U2 တေးဂီတအဖွဲ့ဟာ ဒေါ်အောင်ဆန်းစုကြည်ရဲ့ မြန်မာပြည် ဒီမိုကရေစီရေးအတွက် အနစ်နာခံ ဆောင်ရွက်မှုတွေကို လွန်ခဲ့တဲ့နှစ်ပေါင်းများစွာ ကတည်းက ထောက်ခံအားပေးခဲ့တဲ့ အဖွဲ့ဖြစ်ပါတယ်။ အဖွဲ့ရဲ့ ပင်တိုင်တေးသံရှင် Bono က ဒေါ်အောင်ဆန်းစုကြည်ကို ပထမဆုံး ချီးကျူးဂုဏ်ပြုခဲ့တဲ့ Walk On တေးသီချင်းဟာ ကမ္ဘာကျော်သီချင်းတစ်ပုဒ် ဖြစ်ခဲ့ပါတယ်။ဒေါ်အောင်ဆန်းစုကြည်ဟာ ဥရောပခရီးစဉ်ကို ဇွန်လ ၁၃ ရက်နေ့မှာ စတင်မှာဖြစ်ပြီး နော်ဝေး၊ ဆွစ်ဇာလန်၊ အိုင်ယာလန်၊ ဗြိတိန် နဲ့ ပြင်သစ်တို့ကို သွားရောက်ကာ ဇွန်လ ၃၀ ရက်နေ့မှာ မြန်မာနိုင်ငံကို ပြန်လည်ရောက်ရှိပြီး ဇူလိုင် ၄ ရက်နေ့မှာ စတင်မယ့် လွတ်တော်အစည်းအဝေးတွေကို တက်ရောက်မှာ ဖြစ်ပါတယ်

မအေးယုအောင် အမှု ရဲ မဖော်ထုတ်နိုင်သေး

အိမ်အကူအလုပ်သမ တဦးအား မီးပူ၊ ဓား၊ ပုလင်းများနှင့် လက်ရောက် ကျူးလွန်မှုဖြင့် တရားစွဲခံထားရသော ပဲခူးမြို့ ဒုတိယ မြို့နယ် တရားသူကြီး၏ ဇနီး ဒေါ်ဖြူဝင်းသက်ကို ရှာဖွေနိုင်ခြင်း မရှိသေးသဖြင့် ယင်းအမှုကို မဖော်ထုတ်နိုင်သေးကြောင်း ပဲခူးမြို့နယ် ရဲတပ်ဖွဲ့ က ပြောသည်။
တရားလို အသက် ၁၅ နှစ်အရွယ် မအေးယုအောင်က အိမ်အကူအဖြစ်လုပ်ကိုင်စဉ် အိမ်ရှင်က ၎င်းအား နှိပ်စက်မှုများနှင့် ပတ် သက် ၍ ပဲခူးမြို့ အမှတ်(၃) ရဲစခန်းတွင် မေလ ၃ ရက်နေ့က အမှုဖွင့်တိုင်ကြားခဲ့သည်။ ထိုအမှုမှာ တလကျော် ကြာပြီဖြစ်သော် လည်း တရားခံမှာ တိမ်းရှောင်နေသဖြင့် အမှုဖော်ထုတ်ရန် ခက်ခဲနေကြောင်း အမှတ်(၃) ရဲစခန်းမှူး ဦးသိန်းဦး က ဧရာဝတီသို့ ပြော ပြသည်။
“တရားခံက ထွက်ပြေးနေတယ်။ နေတတ်တဲ့နေရာတွေ လိုက်ဖမ်းတော့ အဲဒီနေရာတွေမှာ သူမရှိဘူး။ ကျနော်တို့လည်း လိုက်ဖမ်း နေတာပဲ။ တရားခံက တိမ်းရှောင်နေ၊ ပုန်းနေတဲ့အခါကြတော့ မမိသေးဘဲ ဖြစ်နေတာ”ဟု ဦးသိန်းဦးက ဆိုသည်။
ဒေါ်ဖြူဝင်းသက်အမှုဖြစ်ပြီးနောက် ခင်ပွန်းဖြစ်သူ ဦးအောင်ဖုန်းဝင်းကို ပဲခူးတရားရုံးက တောင်တွင်းကြီးမြို့နယ်သို့ ရွှေ့ပြောင်း တာဝန် ပေးအပ်ခဲ့ပြီးနောက် ပဲခူးရဲတပ်ဖွဲ့အနေဖြင့် တောင်းတွင်းကြီးမြို့နယ် ရဲတပ်ဖွဲ့ အကူညီဖြင့် ထိုနေရာကို သွားရောက် စစ်ဆေး ခဲ့သော်လည်း မတွေ့ရှိခဲ့ကြောင်း ဦးသိန်းဦးက ဆက်ပြောသည်။
ရဲကတရားခံဟု သတ်မှတ်ထားသော ဒေါ်ဖြူဝင်းသက် ပျောက်ဆုံးနေမှုနှင့်ပတ်သက်၍ တာဝန်နှင့် တောင်းတွင်းကြီးမြို့ကို ရောက်ရှိနေသော ဦးအောင်ဖုန်းဝင်းကို ဧရာဝတီက ဆက်သွယ်မေးမြန်းခဲ့ရာတွင် ၎င်းအနေဖြင့် တောင်တွင်းကြီးမြို့တွင် ရွှေ့ပြောင်း တာဝန် ထမ်းဆောင်နေခြင်းဖြစ်သော်လည်း ဒေါ်ဖြူဝင်းသက်နှင့် အဆက်အသွယ်ပြတ်တောက်နေသည်မှာ တလကျော်ခဲ့ပြီဖြစ်ကြောင်းနှင့် နေရပ်ကိုလည်း စုံစမ်း၍ မရကြောင်း ပြောသည်။
“ကျနော့်အမျိုးသမီး အိမ်ကထွက်သွားတာ တလလောက်ကြာပြီဗျ။ ကျနော်နဲ့ စကားများပြီး ရန်ဖြစ်သွားတာ ဆိုတော့လေ။ ကျနော် လည်း ရှာနေတာပဲ၊ အဆက်အသွယ်မရသေးဘူး ဖြစ်နေတယ်”ဟု ဦးအောင်ဖုန်းဝင်း က ပြောဆိုသည်။
ပုန်းရှောင်နေသူ ဒေါ်ဖြူဝင်းသက်ကို ပဲခူးရဲနှင့် ခင်ပွန်းဖြစ်သူ ဦးအောင်ဖုန်းဝင်းတို့ ရှာမတွေ့နိုင်ဘဲဖြစ်နေသော်လည်း တရားခံဘက် က ဆွေမျိုးများက တရားလိုဘက်မှ အမှုကျေအေးပေးစေရန် ပဲခူးတိုင်း ဘုန်းတော်ကြီးသင် ပညာရေးကျောင်း ဥက္ကဌ မင်္ဂလာရာမ ကျောင်းတိုက် ဆရာတော် ဦးနန္ဒဝံသ ထံ လာရောက်လျှောက်ထားမှုများ ပြုလုပ်နေကြောင်း သိရသည်။
ထို့ကြောင့် ဆရာတော် ဦးနန္ဒဝံသ ကလည်း မအေးယုအောင်၏ အမှုဖြစ်စဉ်ကို လိုက်ပါဆောင်ရွက်ပေးနေသော လမ်းပြကြယ်အဖွဲ့ ခေါင်းဆောင် ဦးအေးမြင့် ကို ဆက်သွယ်ရန်ကြိုးစားနေကြောင်း ဆရာတော် ဦးနန္ဒဝံသ က မိန့်ကြားသည်။
“ဒေါ်ဖြူဝင်းသက်နဲ့တော့ တိုက်ရိုက် မတွေ့ရသေးဘူး။ သူ့ဆွေမျိုးတွေဆီကနေတဆင့် လာလျှောက်ထားတာပါ။ ဘုန်းကြီး တို့က လည်း လုပ်ပေးနိုင်အောင် ကြိုးစားနေပါတယ်။ ဦးအေးမြင့်ကိုတော့ ဟိုတနေ့က လမ်းမှာတွေ့လို့ ဒီကိစ္စ ပြောဖို့ ကျောင်း လာခဲ့ဦးလို့ ခေါ်ထားတယ်။ ခုထိမလာဘူး။ ဘုန်းကြီးတို့ဘက်ကတော့ သူတို့ဘက်က တောင်းဆိုတာလုပ်ပေးရမှာပေါ့”ဟု ဆရာတော် ဦးနန္ဒဝံသ က ဧရာဝတီသို့ မိန့်သည်။
အမှုဖြစ်စဉ်ကို တရားလိုဘက်မှ လိုက်ပါဆောင်ရွက်နေသူ ရှေ့နေဟောင်း ဦးအေးမြင့်က တရားခံဘက်မှ သြဇာရှိ ဆရာတော်များ၏ အထောက်အကူကိုယူကာ ဆက်သွယ်မှုများပြုလုပ်လာသော်လည်း တရားဥပဒေအရ အမှုမှန်ဖြစ်ပေါ်ရေးကိုသာ ဦးစားပေး ဆောင်ရွက် သွားမည်ဟု ဆိုသည်။
“တရားခံနဲ့ပတ်သက်တဲ့ နောက်က ဆွေမျိုးတွေက ဘုန်းကြီးတွေကိုကပ် အဲဒီကနေတဆင့် ကျနော့်ဆီကိုရောက်ရော၊ တရားလို ဘက်က ကျေနပ်ပေးဖို့ပေါ့။ ထိုက်ထိုက်တန်တန် နစ်နာကြေးပေးပါ့မယ်တို့ လုပ်နေတယ်။ ကာယကံရှင်ဆီကို တိုက်ရိုက် မသွားရဲတော့ ကျနော့်ဆီ ရောက်တယ်။ ကျနော်က ငြင်းလိုက်ပါတယ်”ဟု ဦးအေးမြင့် က ပြောသည်။
တရားလိုဘက်မှ ရဲစခန်းတွင် အမှုဖွင့်စဉ် ထွက်ဆိုချက်များအရ ယခုနှစ် မတ်လ ၂၅ ရက်နေ့က အိမ်ရှင် ဒေါ်ဖြူဝင်းသက်က အိမ် အကူ မအေးယုအောင်အား မီးပူဖြင့် ထိုးကပ်ခဲ့သဖြင့် လည်ပင်းနှင့် ရင်ဘတ်တို့တွင် အရေပြားလွှာများ ပျက်စီးသည်အထိ ဒဏ်ရာ များ ရရှိထားသကဲ့သို့ ဝမ်းဗိုက်တွင်လည်း ဓားနှင့် ခုတ်ထားပြီး ဦးခေါင်းတွင် ပုလင်းနှင့် ရိုက်ထားကြောင်း ထွက်ဆို ထားသည်ဟု သိရသည်။
လတ်တလောတွင် လက်ရောက်ကျူးလွန်သူ ဒေါ်ဖြူဝင်းသက်ကို အမှုဖွင့်တိုင်ကြားထားသကဲ့သို့ မိဘထံ ပြန်မပို့ဘဲ ဒဏ်ရာများပျောက်ကင်းသည်အထိ ထိန်းချုပ်ထားခြင်းနှင့် ယင်းဖြစ်စဉ်အား ဖျောက်ဖျက်ရန် ကြိုးစားခဲ့သော တရားသူကြီး ဦးအောင်ဖုန်းဝင်းနှင့် အမှု ထိန်ချန်ရန် ကြိုးစားခဲ့သော အမှတ် ၃ ရဲစခန်းမှူး ဦးသိန်းဦးကိုလည်း လမ်းပြကြယ် အကူအညီဖြင့် ဆက်တိုက် တရားစွဲဆိုသွားမည်ဟု တရားလိုဘက်က ပြောသည်။
ထို့အတူ ဦးအောင်ဖုန်းဝင်းက အမှုဖြစ်စဉ်အားဖျောက်ဖျက်ရန် ကြိုးစားရာတွင် ဝိုင်းဝန်းကူညီခဲ့ကြသော မအေးယုအောင်၏ ဇာတိ ပဲခူးတိုင်း ကျောက်ကြီးမြို့နယ်မှ မြို့နယ် အုပ်ချုပ်ရေးမှူး ဦးမြင့်ခိုင်၊ အမျိုးသမီးရေးရာ အဖွဲ့နှင့် ယင်းမြို့နယ် တရားသူကြီး ဦးသက်ထွန်း တို့ကိုလည်း စစ်ဆေးရန် တိုင်ကြားထားကြောင်း ဦးအေးမြင့် ကလည်း ပြောသည်။
တရားလိုဖြစ်သူ မအေးယုအောင်သည် ယခုအခါ မိခင်ဖြစ်သူနှင့်အတူ ပဲခူးတိုင်း ကျောက်ကြီးမြို့နယ်တွင် နေထိုင်လျက်ရှိသည်။ သို့သော် အိမ်ရှင်ဒေါ်ဖြူဝင်းသက် က မအေးယုအောင်အား ပုလင်းဖြင့်ရိုက်ထားခဲ့သည့် ဦးခေါင်းဒဏ်ရာမှာ မကြာခဏ နာကျင်ပြီး စိတ်ပုံမှန်အနေအထားတွင် မရှိကြောင်း မိခင်ဖြစ်သူ ဒေါ်ကြူကြူ က ပြောသည်။
“ဒီဒဏ်ရာကတော့ ရဲစခန်းရောက်မှ ရဲကမေးတော့ သူဟင်းချက်တာပေါ့လို့ဆိုပြီး ဒေါ်ဖြူဝင်းသက်က ပုလင်းနဲ့ ရိုက်ထားတာတဲ့။ ဒီဒဏ်ရာကြောင့်ပဲ တခါတလေ ကြောင်နေတတ်တယ်။ စိတ်ကပုံမှန် မဟုတ်ဘူး။ သိပြီးသားတွေ၊ ပြောပြီးသားတွေလည်း ချက်ချင်း မေ့လိုမေ့နဲ့”ဟု ဒေါ်ကြူကြူက ပြောဆိုသည်။

 

ခရိုင်မြို့ဖြစ်ရေး တီးတိန်တွင် ဆန္ဒပြ

ခရိုင်မြို့ဖြစ်မြောက်ရေး အဆိုတင်သွင်းမှု ပယ်ချခံရခြင်းကြောင့် ချင်းပြည်နယ်မြောက်ပိုင်း တီးတိန်မြို့တွင် ဈေးများ၊ ဆိုင်များကို ပိတ်၍ ဆန္ဒပြမှုများ ပြုလုပ်နေကြောင်း သတင်းရရှိသည်။
ချင်းပြည်နယ်ဝန်ကြီး ဦးဟုန်ငိုင်း တီးတိန်မြို့သို့ ယနေ့လာရောက်သည့် ခရီးစဉ်အတွင်း မြို့ခံများက ယခုကဲ့သို့ ဆန္ဒပြကြခြင်းဖြစ်ကြောင်း ဒေသခံများက ပြောသည်။
“တမြို့လုံးက ဆိုင်တွေ၊ ဈေးတွေကို မနက်ကတည်းက ပိတ်ထားတယ်။ အရင်လူစည်တဲ့ နေရာတွေဆို ခြောက်ကပ်နေတယ်။ လူသွားလူလာ များတဲ့နေရာတွေမှာ ‘ခရိုင်မရလို့ ၀မ်းနည်းစွာ ကြိုဆိုတယ်’ လို့ ရေးထားတဲ့ စာရွက်တွေရယ်၊ နံရံတွေမှာ မှုတ်ဆေးနဲ့ အဲလိုရေးထားတာတချို့ တွေ့ခဲ့တယ်” ဟု တီးတိန်မြို့ခံတဦးက ဆိုသည်။
တီးတိန်မြို့နယ်ကို ခရိုင်အဆင့်သို့ တိုးမြှင့်ပေးရန် ယခုလဆန်းပိုင်းက ပြုလုပ်ခဲ့သည့် ပြည်နယ်လွှတ်တော် အစည်းအဝေးတွင် အဆိုပြုတင်သွင်းခဲ့ရာ မဲရှုံးနိမ့်ခဲ့ကြောင်း၊ ဟားခါးနှင့် ထန်တလန်မှာ မဲအနိုင်ရရှိခဲ့ကြောင်း ခရိုင်ဖြစ်မြောက်ရေး လှုပ်ရှားသူများက ပြောသည်။
“ဟားခါးနဲ့ ထန်တလန်ကို ခရိုင်အဆင့်တိုးဖို့ မဲပေးခဲ့တာမှာ ကြံ့ခိုင်ရေးပါတီက ဘက်လိုက်ခဲ့တာတွေ ရှိတယ်။ ကျနော်တို့မြို့ကို ဒေသစွဲ၊ လူမျိုးစု အစွဲတွေနဲ့ ခွဲခြားဆက်ဆံတယ်လို့ ခံစားရတယ်။ လမ်းပေါ်ထွက်ပြီး ဆန္ဒပြတာတော့ မဟုတ်ပါဘူး။ စိတ်မကောင်းလို့ ကျနော်တို့ ဘယ်မှမထွက်ဘူး ဆိုတဲ့ သဘောပါ” ဟု လှုပ်ရှားသူတဦးက ပြောသည်။
ချင်းပြည်နယ်အတွင်း လက်ရှိ ခရိုင်ရုံးစိုက်ရာ မြို့များမှာ ဖလမ်းနှင့် မင်းတပ် မြို့နှစ်မြို့ဖြစ်ပြီး ပြည်နယ်မြို့တော်ဖြစ်သည့် ဟားခါးမြို့သည် မြို့နယ်အဆင့်ဖြစ်သည်။ အစည်းအဝေးအပြီးတွင် ပြည်နယ်မြို့တော် ဟားခါးနှင့် ထန်တလန်အား ခရိုင်တခုအဖြစ်လည်းကောင်း၊ မူရင်းရှိပြီးသည့် ဖလမ်းခရိုင်အောက်တွင် တီးတိန်နှင့် တွန်းဇံတို့ကို ထည့်သွင်း၍ ဖလမ်းခရိုင်အဖြစ် ဖွဲ့စည်းရန် ဆုံးဖြတ်ခဲ့သည်ဟု သိရသည်။
“ခရိုင်အဆင့်ဖြစ်ရင် အစိုးရရုံးတွေ ရှိလာမယ်။ အထူးသဖြင့်က အခုက အစိုးရ၀န်ထမ်းတွေက ဖလမ်း၊ မင်းတပ်တွေကို ရုံးသွားသွားနေရတယ်။ အကယ်လို့သာ တီးတိန်မှာ ခရိုင်ရုံးစိုက်ရင် စီးပွားရေး၊ ကျန်းမာရေး၊ ပညာရေး၊ လမ်းပန်းဆက်သွယ်ရေးကအစ ဒေသဖွံ့ဖြိုးတိုးတက်ရေးအတွက် အထောက်အကူ အများကြီး ဖြစ်မယ်” ဟု အဆိုပါ လှုပ်ရှားသူက ဆိုသည်။
တီးတိန်မြို့ခံများအနေဖြင့် ယခုကဲ့သို့ ဆိုင်များပိတ်၍ ဆန္ဒပြခြင်းသည် ခရိုင်ရရှိရေး တခုတည်းသာ မဟုတ်ဘဲ ချင်းအမျိုးသားတပ်ဦး (CNF) ၏ ဆက်ဆံရေးရုံးခွဲကို တီးတိန်တွင် ဖွင့်လှစ်မည်ကို မလိုလားခြင်းလည်း ပါဝင်သည်ဟု ဆိုသည်။
ချင်းအမျိုးသားတပ်ဦးနှင့် အစိုးရအဖွဲ့တို့ ငြိမ်းချမ်းရေး ဆွေးနွေးမှုများ ပြုလုပ်စဉ်က အဖွဲ့၏ ဆက်ဆံရေးရုံးခွဲများကို တီးတိန်၊ ထန်တလန်နှင့် မတူပီတို့တွင် ဖွင့်လှစ်ရန် သဘောတူညီထားခဲ့သည်။
ထိုစဉ်က ချင်းအမျိုးသားတပ်ဦး၏ ရုံးခွဲကို ၄င်းတို့မြို့တွင် ဖွင့်လှစ်ရန် သဘောမတူညီကြောင်း တီးတိန်ဒေသခံများက အစိုးရအဖွဲ့အစည်းများသို့ စာပေးပို့ တောင်းဆိုခဲ့သည်။ ထိုစဉ်က ဒေသခံများ၏ ဆန္ဒမပါဝင်ပဲ ရုံးခွဲများကို ဖွင့်လှစ်မည် မဟုတ်ကြောင်း ချင်းအမျိုးသားတပ်ဦးက ကြေညာချက် ထုတ်ပြန်ခဲ့သေးသည်။
“CNF ရုံးကို တီးတိန်မှာ လာဖွင့်ဖို့ သဘောမတူဘူးလို့ ကန့်ကွက်ခဲ့ပေမယ့် အစိုးရက လျစ်လျူရှုထားခဲ့တယ်။ အဲ့ဒီ ကိစ္စရယ်၊ ခရိုင်အဆင့် တိုးမြှင့်ပေးဖို့နဲ့ ကျနော်တို့ရဲ့ ရပိုင်ခွင့်ရဖို့ ကျနော်တို့ကတော့ ဆက်တောင်းဆိုသွားမယ်” ဟု ၎င်းက ဆိုသည်။

အဓမ္မ လုပ်အားပေးမှု ရပ်ဆိုင်းရေး ILO နှင့် အစိုးရ သဘောတူ

မြန်မာနိုင်ငံတွင် အဓမ္မ လုပ်အားပေး ခိုင်းစေမှုကိစ္စနှင့် ပတ်သက်၍ ဆွစ်ဇာလန်နိုင်ငံ ဂျနီဗာမြို့တွင် ကျင်းပသော အပြည်ပြည်ဆိုင်ရာ အလုပ်သမား အဖွဲ့ချုပ် (ILO) အထူး အစည်းအဝေးမှ မြန်မာအစိုးရနှင့် ILO တို့ သဘောတူညီချက် တချို့ရရှိသည်ဟု သတင်း ရသည်။
မြန်မာအစိုးရ လုပ်ဆောင်ခဲ့သည့် အဓမ္မ လုပ်အားပေး စေခိုင်းမှုများအတွက် အသုံးပြုသည့် ၁၉၀၇ ခုနှစ် မြို့ပြနှင့် ကျေးရွာ အက် ဥပဒေကို ယခုနှစ် ဖေဖော်ဝါရီလက ဖျက်သိမ်းခြင်း၊ ကလေးစစ်သား စုဆောင်းမှုနှင့်ပတ်သက်၍ ကျူးလွန်လျှင် အရေးယူမည် ဖြစ် ကြောင်း ကာကွယ်ရေး ဦးစီးချုပ်က ၂၀၁၂ မတ်လအတွင်း တိုင်း၊ ခရိုင် စသည့် အဆင့်ဆင့် တာဝန်ရှိသူများသို့ အမ်ိန့် ထုတ်ပြန်ခြင်း၊ အလုပ်သမား သမဂ္ဂများ ဖွဲ့စည်း မှတ်ပုံတင်ခွင့်ပြုခြင်းတို့ကို ILO အုပ်ချုပ်ရေး ကော်မတီက အသိအမှတ်ပြု သဘောတူ ခဲ့ကြောင်း သိရသည်။
“သဘောတူညီမှု တချို့တော့ ရပါတယ်။ အခု ကျနော်တို့ လုပ်ငန်းစဉ်က ဆက်လက် သွားနေဆဲပါပဲ”ဟု ဆွစ်ဇာလန်နိုင်ငံ ဂျနီဗာမြို့တွင် ရောက်ရှိနေသော မြန်မာနိုင်ငံဆိုင်ရာ ILO ဆက်သွယ်ရေး အရာရှိ ရန်ကုန်ရုံးခွဲ တာဝန်ခံ မစ္စတာ စတိဗ် မာရှယ် က ပြောသည်။
ဇွန်လ ၄ ရက်နေ့ ILO အထူးအစည်း အဝေးတွင် မြန်မာနိုင်ငံတွင်း အဓမ္မ လုပ်အားပေးခိုင်း စေမှု၊ ကလေးစစ်သား စုဆောင်းမှုစသည့် ILO နှင့် သက်ဆိုင်သော ကိစ္စများ မြန်မာနိုင်ငံတွင်း လုပ်ဆောင်နေမှု အခြေအနေ တိုးတက်မှုကို အသိအမှတ်ပြုပြီး ဆက်လက် လုပ်ဆောင်ရမည့် လုပ်ငန်းစဉ်များနှင့်ပတ်သက်၍ သဘောတူခြင်းဖြစ်သည်ဟုလည်း မစ္စတာ စတိဗ်မာရှယ်က ဆို သည်။
မြန်မာနိုင်ငံတွင် ၁၉၉၉ ခုနှစ်မှ စ၍ အဓမ္မလုပ်အားပေးခိုင်းစေမှု၊ ကလေးစစ်သားကိစ္စများနှင့်ပတ်သက်၍ ILO နှင့် ပူးပေါင်း လုပ်ဆောင်လာခဲ့ရာ၂၀၀၇ ခုနှစ် ဖေဖော်ဝါရီ ၂၆ ရက်နေ့မှစ၍ နားလည်မှု စာချွန်လွှာသက်တမ်းများ အကြိမ်ကြိမ် တိုးခဲ့ကြောင်း၊ ILO က ရန်ကုန်တွင် ရုံးခွဲထား၍ အနီးကပ် စောင့်ကြည့်လေ့လာမှုများ ပြုလုပ်ခဲ့ကြောင်း၊ မြန်မာအစိုးရဘက်က လိုက်နာမှုများ တွေ့ ရှိရသည့်အတွက် ILO က အသိအမှတ်ပြုပြီး ကြိုဆိုကြောင်း အစည်းအဝေး မှတ်တမ်း၌ ပါရှိသည်။
အလုပ်သမားအရေးလုပ်ဆောင်သူများအား အစိုးရကဖမ်းဆည်းထားခြင်းမှ ပြန်လွှတ်ပေးသည်ကို ကြိုဆိုပြီး ကျန်ရှိနေသေးသော သူများကိုလည်း အမြန်ဆုံး ပြန်လွှတ်ပေးရန်၊ ဆက်လက်ဖြစ်ပွားနေသော အဓမ္မ လုပ်အားပေးခိုင်းစေမှု စသည်တို့နှင့်ပတ်သက်၍ လည်း အစိုးရအနေဖြင့် ILO အပါအ၀င် ဒေသခံများနှင့် လက်တွဲလုပ်ဆောင်နေသည့် အဖွဲ့များနှင့် ပူးပေါင်းဆောင်ရွက်မှုအရှိန် ကို မြှင့်တင်ရန်လည်း တိုက်တွန်းထားသည်။မြန်မာနိုင်ငံတွင် ရင်းနှီးမြှုပ်နှံမှုလုပ်သူ အားလုံးအနေဖြင့်လည်း အဓမ္မလုပ်အားပေးခိုင်းစေမှုကို ရှောင်ရှားပြီး အပြည်ပြည်ဆိုင်ရာ အလုပ်သမား စံချိန်စံညွှန်းများကို လေးစားလိုက်နာသင့်ကြောင်းလည်း အစည်းအဝေးတွင် ကော်မတီက တောင်းဆိုတိုက်တွန်းထားသည်။သမ္မတ ဦးသိန်းစိန်ကလည်း မေလ ၁ ရက် အပြည်ပြည်ဆိုင်ရာ အလုပ်သမားနေ့ မိန့်ခွန်းတွင် ၂၀၁၅ ခုနှစ်တွင် အဓမ္မ လုပ်အား ပေးခိုင်းစေမှု ပပျောက်ရန် ဆောင်ရွက်သွားမည်ဟု ပြောဆိုထားသည်။
“အဓမ္မ လုပ်အားပေး ခိုင်းမှုတွေ ၂၀၁၅ မှာ ပပျောက်အောင် လုပ်သွားမယ်လို့ အစိုးရက ပြောဆိုခဲ့ပေမယ့် ရန်ကုန် ပြင်ပ မြို့ပေါ်တွေနဲ့ ကင်းကွာတဲ့ ဟိုး ရေတတန် ကုန်းတတန် သွားရတဲ့ ကျေးရွာလေးတွေမှာ အခုထက်ထိ ရှိနေပါသေးတယ်”ဟု အဓမ္မလုပ် အား ပေး စေခိုင်းမှု ပပျောက်ရေး ကြိုးစားနေသူ မစုစုနွေး က ပြောသည်။
မော်လမြိုင်ကျွန်းမြို့နယ်သို့ သဘောင်္စီး၍ သွားစဉ်က ကျေးရွာများတွင် ကင်းတဲများ ကိုယ်ထူကိုယ်ထ ဆောက်ရပြီး ကင်းစောင့် ခိုင်းခြင်း၊ ကင်းမစောင့်နိုင်သူ ကျေးရွာသားများကို ကျပ်၂၅၀၀ ပေးခိုင်းခြင်း၊ မပေးနိုင်ပါက မြေကျင်း ၅ ကျင်းမှ ၁၀ ကျင်းအထိ ဒဏ်ကြေးအဖြစ် တူးပေးကြရကြောင်း၊ ထိုအရာများသည် အဓမ္မ လုပ်အားပေးခိုင်းခြင်းဖြစ်ကြောင်း သူက ဆက်ပြောသည်။
“အဓမ္မ လုပ်အားပေးစေခိုင်းမှုတွေ ပပျောက်အောင်က ILO နဲ့ မြန်မာအစိုးရတို့ စာချုပ်တွေ ချုပ်နေရုံနဲ့ မရပါဘူး။ မြို့တွေနဲ့ ဝေး ကွာတဲ့ ကျေးလက်တွေအထိ အစိုးရကရော၊ အလုပ်သမားအဖွဲ့အစည်းတွေရော ILO ကရော ကွင်းဆင်းပြီး ဟောပြောပွဲတွေ လုပ်၊ ပညာပေးမှုတွေလုပ်ပြီး ဒေသခံတွေနဲ့ တွေ့ဆုံပြီး ဒီလိုမျိုးတွေရှိရင် တိုင်ကြားလို့ရတယ်ဆိုတာတွေ သေချာ လုပ်သင့်တယ်”ဟု မစုစုနွေးက ဆိုသည်။
ထို့အပြင် အလုပ်သမားများ အရေး ကူညီဖြေရှင်ပေးနေသည့် ၈၈ မျိုးဆက်ကျောင်းသားများ အဖွဲ့က ကိုဉာဏ်လင်း ကလည်း လက်ရှိ အလုပ်သမားအရေး လုပ်ဆောင်နေသူများနေဖြင့် အခက်အခဲများရှိကြောင်း၊ ရန်ကုန်နှင့် အနီးတ၀ိုက် အပါအ၀င် တချို့မြို့နယ်များရှိ စက်ရုံ အလုပ်ရုံများတွင် လုပ်ခ လစာ တိုးမြှင့်ရေး၊ အလုပ်သမား အခွင့်အရေး စသည့် ကိစ္စများနှင့် ပတ်သက်၍ ပြေ လည်ရန် မဖြေရှင်းပေးနိုင်သေးကြောင်း ပြောသည်။
“အဓမ္မ လုပ်အားပေးစေခိုင်းမှုတွေ၊ ကလေးစစ်သား စုဆောင်းမှုတွေ ပပျောက်ဖို့နဲ့ အလုပ်သမား အခွင့်အရေး ကိစ္စတွေ မှာ အစိုး ရ ဘက်က တာဝန်ရှိသူ အဆင့်ဆင့်ကရော၊ အလုပ်သမား အရေးလုပ်ကိုင်နေကြသူတွေရော နိုင်ငံသား တဦးချင်းစီကလည်း ပူးပေါင်း ဆောင်ရွက် သွားဖို့လိုမယ်လို့ ထင်ပါတယ်”ဟုလည်း သူက ပြောဆိုသည်။

ချည်မျှင်နဲ့ဆေးဆိုးစက်ရုံ အလုပ်သမား ၆၀၀ လစာတိုးပေးရေး ဆန္ဒပြ

မန္တလေးတိုင်းဒေသကြီး၊ ပြည်ကြီးတံခွန်မြို့နယ် ရတနာပုံ တက္ကသိုလ်သွားတဲ့ လမ်းဘေးမှာရှိတဲ့ နယူးစတုန်း ကုမ္ပဏီပိုင် အောင်စိန် ချည်မျှင်နဲ့ ဆေးဆိုးစက်ရုံက အလုပ်သမား (၆၀၀) လောက် မနေ့က့ မနက်ပိုင်းမှာ လုပ်ခလစာ တိုးပေးရေး ဆန္ဒပြ တောင်းဆိုတယ်လို့ စုံစမ်းသိရပါတယ်။
အောင်စိန် ချည်မျှင်နဲ့ ဆေးဆိုးစက်ရုံက မနက်ဆိုင်း ညဆိုင်း အလုပ်သမားတွေပေါင်းပြီး နေစရာ အဆောင်မပေးတဲ့အတွက် အခက်အခဲဖြစ်တဲ့ အခြေအနေနဲ့ လုပ်ငန်းခွင် ကျန်းမာရေး ကာကွယ်တဲ့စနစ် မရှိတဲ့အချက် အပါအ၀င် အလုပ်ချိန် တစ်နေ့ ၈ နာရီ သတ်မှတ်ပေးဖို့၊ နိုင်ငံတော် ရုံးပိတ်ရက်တွေအတိုင်း အလုပ်ပိတ်ပေးဖို့၊ မတရား ဒဏ်ကြေး ကောက်တာ ပယ်ဖျက်ပေးဖို့၊ စက်ရုံတာဝန်ရှိသူတွေရဲ့ အတင်းအကြပ် ခိုင်းစေတာကို ထိရောက်စွာ အရေးယူပေးဖို့၊ အခြေခံလစာ တိုးပေးဖို့ စတဲ့အချက် တွေကို မနေ့က မနက်ပိုင်းက ငြိမ်းငြိမ်းချမ်းချမ်း တောင်းဆို ဆန္ဒပြကြတာ ဖြစ်ပါတယ်။
မွန်းလွဲပိုင်းမှာတော့ ပြည်ကြီးတံခွန်မြို့နယ်က အလုပ်သမား ၀န်ကြီးဌာနက တာဝန်ရှိသူတွေနဲ့ မြို့နယ်အုပ်ချုပ်ရေးမှူး စတာတွေက စက်ရုံတွင်းဝင်ပြီး ကြားဝင် ညှိနှိုင်းပေးနေတဲ့ အခြေအနေကို ဆန္ဒပြရာမှာပါဝင်တဲ့ အလုပ်သမားက အခုလို ပြောပါတယ်။
"ကျွန်တော်တို့ လစာကို ညှိနှိုင်းနေတာပဲရှိသေးပါတယ်။ လစာကိုတော့ မသိရသေးဘူးပေါ့နော်။ ကျွန်တော်တို့ အနည်းဆုံး မိန်းကလေးက ရှစ်သောင်း၊ ယောက်ျားလေးက ကိုးသောင်းပေါ့။ အဲဒါကို တောင်းဆိုနေပါတယ်။ တစ်ချက်ပဲ ကျန်တော့တယ်။ ကျန်တာအားလုံး လိုက်လျောပြီးပါပြီ။ အဲဒါကြောင့်မို့လို့ လစာကိုတော့ ဒီကနေ့ပေါ့နော်၊ ညှိနှိုင်းမယ်။ ဒီကနေ့ ညှိနှိုင်းလို့မပြီးရင် နက်ဖြန်တော့ ထပ်ညှိနှိုင်းမယ်"
ဒီကနေ့ ညနေပိုင်းအထိ အလုပ်သမားတွေ တောင်းဆိုတဲ့ အချက် (၆) ချက်ထဲက အဓိကဖြစ်တဲ့ လုပ်ခလစာတိုးပေးဖို့ကိစ္စ ညှိနှိုင်းလို့ မပြီးသေးဘူးလို့ သိရပါတယ်။
သက်ဆိုင်ရာ အာဏာပိုင်တွေဘက်က စက်ရုံကိုလာရောက်ပြီး ကြားဝင်ညှိနှိုင်း ပေးခဲ့ပေမယ့် စက်ရုံဘက်က စက်ရုံလုပ်ငန်းရှင်ကိုယ်တိုင်မလာဘဲ လုပ်ငန်းရှင်ကိုယ်စားလှယ်နဲ့ ညှိနှိုင်းနေရတဲ့အခြေအနေကိုလည်း ဆန္ဒပြအလုပ်သမားတွေက မကျေမနပ်ဖြစ်နေတယ်လို့လည်း စောစောက အလုပ်သမားက ပြောပါတယ်။
အခုဆန္ဒပြတဲ့ အောင်စိန် ချည်မျှင်နဲ့ ဆေးဆိုးစက်ရုံမှာ အလုပ်သမားပေါင်း တစ်ထောင်နီးပါးလောက်ရှိပြီး တရုတ်လူမျိုး နိုင်ငံခြားသားပိုင်တဲ့ စက်ရုံလို့ သိရပါတယ်။

ကျပ် တသောင်းတန် သတင်းကြောင့် ဒေါ်လာဈေးကွက် လှုပ်ခတ်

ဗဟိုဘဏ်က ကျပ် ၁ သောင်းတန်ကို လာမည့် ဇွန် ၁၅ ရက်နေ့တွင် စတင်ထုတ်ဝေမည်ဟု သတင်း ထုတ်ပြန်လိုက် သောကြောင့် ယနေ့ ငွေလဲဈေးကွက်တွင် ဒေါ်လာဈေး အနည်းငယ်တက်သွားပြီး ဒေါ်လာနှင့် ရွှေဝယ်ယူမှု ရုတ်တရက် မြင့်တက်သွားကြောင်း ဈေးကွက်အတွင်းမှ စုံစမ်းသိရှိရသည်။
“တသောင်းတန် ထွက်မယ်ဆိုတော့ ဒေါ်လာဈေး နည်းနည်း တက်တယ်။ မနေ့က တဒေါ်လာကို ၈၃၅ ကျပ်လောက် ရှိနေရာကနေ ဒီနေ့တော့ ၈၄၅ လောက်အထိဈေးတက်သွားတယ်။ ဒေါ်လာဝယ်တဲ့သူ များတယ်” ဟု ပြင်ပဒေါ်လာ ၀ယ်ရောင်း လုပ်ကိုင်သူ တဦးက ပြောသည်။
လက်ရှိတွင် ပြည်တွင်းသို့ လူတိုင်းလွတ်လပ်စွာ ကားတင်သွင်းခွင့် ပြုထားသောကြောင့် ကားသွင်းရန် ဒေါ်လာဝယ်ယူသူ များပြားနေရာ တသောင်းတန် ထုတ်ဝေမှုကြောင့် ဒေါ်လာဈေးနှုန်းနှင့် ၀ယ်ယူမှု ထပ်မံမြင့်တက် လာနိုင်ကြောင်း နိုင်ငံခြား ငွေလဲဒိုင်များမှ သိရသည်။ပြည်တွင်း ရွှေဈေးကွက်တွင်မူ ကျပ် တသောင်းတန် သတင်းကြောင့် ရွှေဝယ်ယူမှု မြင့်တက်သွားသော်လည်း ရွှေဈေးနှုန်းမှာမူမြင့်တက်ခြင်းမရှိကြောင်း မြန်မာနိုင်ငံ ရွှေလုပ်ငန်းရှင်များအသင်းမှ ရွှေကုန်သည်များက ပြောသည်။
“မနေ့ညက တသောင်းတန် သတင်းကြောင့် ညတွင်းချင်း ရွှေအ၀ယ်အရောင်းတွေ များလာတယ်။ အခေါက်ရွှေ တကျပ်သား ကို ၇၂၅၀၀၀ လောက်ထိ ဈေးတက်သွားတယ်။ ဒါပေမယ့် ဒီနေ့မနက် ဈေးပြန်ဖွင့်တော့ ဈေးပြန်ကျပြီး ပုံမှန်ပြန်ဖြစ်သွားတယ်။ ဒီနေ့တော့ ရွှေဈေးကွက်မှာ ရွှေဝယ်တဲ့သူ များတယ်။ ဒါပေမယ့်လည်း ဈေးကတော့ အရမ်းကြီးမတက်နိုင်ဘူး။ ကမ္ဘာ့ရွှေဈေး ထိုးကျနေတာကြောင့်ပါ။ ပြည်တွင်းရွှေဈေး အရမ်းကြီး မတက်နိုင်ဘူး။ အခုအခေါက်ရွှေ တကျပ်သားကို ၇၀၉၈၀၀ ပဲရှိတယ်” ဟု ရွှေကုန်သည်တဦးက ရှင်းပြသည်။
ကျပ် တသောင်းတန် ထုတ်ဝေမည်ဟု သတင်းထွက်ပေါ်သော်လည်း ဘုရင့်နောင် ကုန်စည်ဈေးကွက်တွင် ဆန်၊ ဆီနှင့် အခြေခံစားသုံးကုန်ဈေးနှုန်းများ ငြိမ်သက်နေကြောင်း ကုန်သည်များကဆိုသည်။
“ဘုရင့်နောင် ဈေးကွက်မှာတော့ ဈေးမတက်တဲ့အပြင် အကျဘက်ပဲ ဦးတည်နေတယ်။ ကျပ် ငါးထောင်တန် ထွက်မယ်လို့သတင်း ထုတ်ပြန်တုန်းက ဆန်တွေအိတ်လိုက် ၀ယ်ကြ၊ ရောင်းကြ ဖြစ်သေးတယ်။ အခုတော့ အဲဒီလိုကို မဖြစ်ဘူး။ ငြိမ်နေတာပဲ” ဟု ဘုရင့်နောင်ဈေးကွက်မှ ပွဲရုံပိုင်ရှင်တဦးက ရှင်းပြသည်။
စီးပွားရေ ပညာရှင်များနှင့် အစိုးရအရာရှိတချို့ကမူ ငွေစက္ကူသစ် ထုတ်ဝေမှုသည် မြန်မာ့စီးပွားရေး အခြေအနေနှင့် ကုန်ဈေးနှုန်း အခြေအနေပေါ်တွင် သက်ရောက်မှုရှိမည်မဟုတ်ကြောင်း သုံးသပ်ပြောဆိုကြသည်။
“ငွေစက္ကူသစ် ထုတ်ဝေတာ ဆိုပေမယ့် ကျနော်တို့က ရိုက်ချင်တိုင်းရိုက်၊ သုံးချင်သုံးတာမျိုး မဟုတ်ဘူး။ လွှတ်တော်က သတ်မှတ်ထားတဲ့ အသုံးစရိတ်အတိုင်းပဲ ရိုက်နှိပ်အသုံးပြုရတာ။ ငွေကြေးဖောင်းပွမှု လုံးဝ မဖြစ်နိုင်ဘူး။ မဖြစ်အောင်လည်း ထိန်းသိမ်းမယ့် အစီအစဉ်တွေရှိပါတယ်။ ခေတ်ပြောင်းနေပါပြီ။ ကျနော်တို့မှာ ပွင့်လင်းမြင်သာမှုရှိပါတယ်” ဟုနေပြည်တော် ဘဏ္ဍာရေးနှင့်အခွန်ဝန်ကြီးဌာနမှ အရာရှိတဦးက ပြောသည်။
ရန်ကုန် စီးပွားရေးတက္ကသိုလ်တွင် ပါမောက္ခအဖြစ် တာဝန်ထမ်းဆောင်ခဲ့ပြီး လက်ရှိတွင် ပုဂ္ဂလိကစီးပွားရေး လုပ်ငန်းများ၌စီးပွားရေးအတိုင်ပင်ခံအဖြစ် တာဝန်ထမ်းဆောင်နေသူ ပညာရှင်တဦးကလည်း လက်ရှိ အခြေအနေတွင် ကျပ် တသောင်းတန် ငွေစက္ကူသစ် ထုတ်ဝေခြင်းကြောင့် ကုန်ဈေးနှုန်းတက်ခြင်းနှင့် ငွေကြေးဖောင်းပွမှုဖြစ်နိုင်သော အခြေအနေမရှိကြောင်း ရှင်းပြသည်။
“တသောင်းတန် ထွက်လာလို့ ဘာမှ အကျိုးသက်ရောက်မှု မရှိနိုင်ဘူး။ ပထမအချက်က ဗဟိုဘဏ်က ဒေါ်လာနဲ့ကျပ်ငွေလဲနှုန်းကို ထိန်းထားနိုင်ပြီ။ ဈေးကွက်မှာ ဒေါ်လာဈေး တက်လာရင် ဒေါ်လာထုတ်ရောင်းပြီး ဒေါ်လာဈေး တအားမတက်အောင် လုပ်နိုင်တဲ့ အနေအထား ရောက်နေပြီ။ ပြင်ပဈေးကွက် ဆိုတာက ဗဟိုဘဏ် သတ်မှတ်တဲ့ဈေးကို အခြေခံပြီး အရောင်းအ၀ယ် လုပ်နေရတာ” ဟု သူက ဆိုသည်။
၅၀၀၀ ကျပ်တန်ထုတ်ဝေစဉ်ကလည်း အစိုးရသည် ငွေကြေး ဖောင်းပွမှု မဖြစ်စေရန် ထိန်းထားနိုင်ခဲ့သည့် အတွေ့အကြုံ ရှိပြီးဖြစ်ကြောင်း ၎င်းက ဆက်ပြောသည်။
“ငွေတွေ ထုတ်ချင်တိုင်းထုတ် သုံးချင်တိုင်းသုံးလို့ရတဲ့ အစိုးရ မဟုတ်တော့ဘူး၊ လွှတ်တော်ရှိတယ်။ လွှတ်တော်က စိစစ် ခွင့်ပြုထားတာထက် ပိုသုံးရင်၊ ငွေတွေရိုက်ထုတ်ရင် အစိုးရပြုတ်ကျသွားမှာပေါ့” ဟု အဆိုပါ ပညာရှင်က ဆိုသည်။
မြန်မာ့ချေးငွေ သက်သေခံလက်မှတ် ရောင်းဝယ်ရေးကုမ္ပဏီမှ တာဝန်ရှိသူ တဦးကမူ မြန်မာနိုင်ငံတွင် ဘဏ်စနစ် အောင်မြင်ခြင်း မရှိသောကြောင့် ငွေသားကိုင်တွယ် အသုံးပြုနေရသဖြင့် အခက်အခဲ ရှိနေကြောင်း၊ စီးပွားရေး လည်ပတ် ရာတွင် နှောင့်နှေးလှကြောင်း၊ ဘဏ်ကတ်စနစ် မဖွံ့ဖြိုးသေးချိန်တွင် တသောင်းတန် ငွေစက္ကူသစ် ထွက်ပေါ်လာခြင်းကြောင့် ငွေရေရ၊ သယ်ဆောင်ရ လွယ်ကူမည်ဖြစ်ကြောင်း ပြောသည်။
“ဘဏ်တွေမှာ ငွေစက္ကူ အုပ်လိုက်ကြီးတွေနဲ့ တနေ့ တနေ့ လုပ်ကိုင်နေရတယ်။ အဲဒီတော့ အစိုးရအနေနဲ့က သယ်ရလွယ်ကူဖို့ လုပ်ရတယ်။ သူများနိုင်ငံမှာက ကတ်လေးတခု အတွင်းမှာ ငွေ ဂဏန်းပေါင်းမြောက်မြားစွာ သယ်လို့ရတယ်။ ဒီမှာက အခု အချိန်အထိ ငွေထုပ်သယ်ပြီး သွားနေရတုန်း။ အခုထုတ်တဲ့ တသောင်းတန်က ၁၂ ဒေါ်လာပဲ ရှိတယ်။ ငွေကြေး ဖောင်းပွမှုနှုန်း မဖြစ်နိုင်ဘူး” ဟု ၎င်းက ပြောသည်။
အမျိုးသားလွှတ်တော် ကိုယ်စားလှယ် ဦးဖုန်းမြင့်အောင်ကမူ တသောင်းတန် ထုတ်ဝေမှုသည် ဗဟိုဘဏ်၏ လုပ်ပိုင်ခွင့် ဖြစ်သော်လည်း အသုံးစရိတ်မှာမူ လွှတ်တော်က သတ်မှတ်ထားသည့် ပမာဏအတိုင်းသာ ထုတ်ဝေ ရိုက်နှိပ်ရမည်ဖြစ်သဖြင့် ကုန်ဈေးနှုန်း မတက်နိုင်ကြောင်း၊ သို့သော်လည်း ဤအခြေအနေအပေါ် အခွင့်ကောင်းယူ ဈေးကစားမှုများအား အစိုးရကထိန်းသိမ်းရန် လိုအပ်မည် ဖြစ်ကြောင်း သုံးသပ်သည်။
ယခုလ ၁၅ ရက်နေ့မှစ၍ ကျပ် ၁ သောင်းတန် ငွေစက္ကူများ တရားဝင် ဖြန့်ချိတော့မည် ဖြစ်ကြောင်း ယမန်နေ့ နိုင်ငံပိုင် ရုပ်သံ သတင်းစာများတွင် နိုင်ငံပိုင်ရုပ်သံမီဒီယာ များတွင် တရားဝင်ထုတ်ပြန် ကြေညာလိုက်သည်။ကျပ်တသောင်းတန် ငွေစက္ကူအသစ်၏ အရောင်မှာ အပြာရောင်ဖြစ်ပြီး မျက်နှာစာဘက်တွင် မြန်မာနိုင်ငံတော် ဗဟိုဘဏ်ဟု ရိုက်နှိပ်ထားသည့် စာတမ်းအောက်၌ ပြည်ထောင်စုသမ္မတ မြန်မာနိုင်ငံမြေပုံ၊ သပြေခက်နှစ်ခက်၊ ဆင်ဖြူနှစ်ကောင်နှင့် ကြာဖြူတပွင့် ပါရှိမည်ဖြစ်သည်။ ကျောဘက်တွင်မူ ရတနာပုံ မန္တလေး နန်းတော်၏ မြို့ရိုးနှင့် ကျုံးပုံကိုရိုက်နှိပ်ထားပြီး အရွယ်အစားမှာ ၁၅ x ၇ စင်တီမီတာဖြစ်၍ လက်ရှိတထောင်ကျပ်တန် အသေး၊ ကျပ် ငါးထောင်တန်တို့နှင့် အရွယ်အစား တူညီမည် ဖြစ်ကာ မြန်မာအင်္ဂလိပ်နှစ်ဘာသာဖြင့် ရိုက်နှိပ်ထားသည်။
ကျပ်ငွေ စက္ကူထဲတွင် တန်ဖိုးအကြီးဆုံးဖြစ်လာမည့် ငွေစက္ကူသစ်နှင့် ပတ်သက်၍ ပြည်သူ့လွှတ်တော် ကိုယ်စားလှယ် ဦးသိန်းညွန့်က “နိုင်ငံရဲ့ ငွေစက္ကူ ထုတ်တဲ့နေရာမှာ အရင်က နိုင်ငံ့ခေါင်းဆောင် ဗိုလ်ချုပ်အောင်ဆန်းရဲ့ ပုံနဲ့ ထုတ်ဝေခဲ့သလို နောက် ထုတ်တာတွေကိုလည်း ဗိုလ်ချုပ်ပုံနဲ့ပဲ ထုတ်စေချင်တယ်” ဟု ပြောသည်။
ယခုလ ၃ ရက်က သုဝဏ္ဏတွင် ပြုလုပ်သည့် ပြည်သူ့ဒီမိုကရေစီပါတီနှင့် လူထုတွေ့ဆုံပွဲ၌ လူထုက အစိုးရထုတ် ငွေစက္ကူ များတွင် အမျိုးသားခေါင်းဆောင် များ၏ ရုပ်ပုံများဖြင့် ရိုက်နှိပ်ဖော်ပြရန် လူထုကိုယ်စား လွှတ်တော်တွင်း တင်ပြ ဆွေးနွေးရန် တောင်းဆိုခဲ့ကြောင်း ၎င်းပါတီခေါင်းဆောင် ဦးသိန်းညွန့်က ဆိုသည်။ယမန်နှစ် လွှတ်တော်တွင်းတွင် လွှတ်တော်အမတ်တဦးက နိုင်ငံ၏ ငွေစက္ကူများအား နိုင်ငံ့ခေါင်းဆောင်များ၏ ဓာတ်ပုံများဖြင့် ရိုက်နှိပ် ထုတ်ဝေရန် အဆိုတင်သွင်းခဲ့သည်ကို ဘဏ္ဍာရေးနှင့် အခွန်ဝန်ကြီးဌာန ဝန်ကြီးက အစီအစဉ်မရှိကြောင်း ပြန်လည် ဖြေကြားခဲ့သည်။
၁၉၈၈ ခုနှစ်နောက်ပိုင်း မြန်မာ့ငွေစက္ကူ ထုတ်လုပ်မှုသမိုင်းတွင် ၁၉၉၀ ပြည့်နှစ်က တကျပ်တန် ငွေစက္ကူပေါ်တွင် ဗိုလ်ချုပ်အောင်ဆန်းနှင့် နဂါးသစ်ထွင်း ပန်းပုရုပ်ပုံကို လည်းကောင်း၊ ၁၉၉၄ ခုနှစ်တွင် စောင်းကောက်ပုံပါ ပြားငါးဆယ်ကို လည်းကောင်း၊ ခြင်္သေ့နှင့် ရန်ကုန်မြို့ ပြည်သူ့ရင်ပြင်ပုံပါ ၂၀ ကျပ်တန်ကိုလည်းကောင်း၊ ခြင်္သေ့နှင့် ရိုးရာလက်မှု ပညာရှင်ပုံပါ တရာကျပ်တန်ကို လည်းကောင်း၊ ခြင်္သေ့နှင့် ပန်းပုပညာရှင် ပုံပါ ငါးရာကျပ်တန် ကိုလည်းကောင်း၊ ၁၉၉၆ ခုနှစ်တွင် ခြင်္သေ့နှင့် ရန်ကုန်မြို့ ကန်တော်ကြီး လှေပြိုင်ပွဲပုံပါ တကျပ်တန်ကိုလည်းကောင်း အသီးသီး ထုတ်ဝေခဲ့သည်။
ထို့အပြင် ၁၉၉၇ ခုနှစ်တွင် ခြင်္သေ့နှင့် ခြင်းဝိုင်းပုံပါ ငါးကျပ်တန် ကိုလည်းကောင်း၊ ခြင်္သေ့နှင့် ကရဝိက် ဖောင်ပုံပါ တဆယ် ကျပ်တန် ကိုလည်းကောင်း၊ ခြင်္သေ့နှင့် ရိုးရာလက်မှုပညာရှင်ပုံပါ ငါးဆယ်ကျပ်တန်ကိုလည်းကောင်း၊ ၁၉၉၈ ခုနှစ်တွင် ခြင်္သေ့နှင့် သစ်ဆွဲဆင်ပုံပါ ၂၀၀ ကျပ်တန်ကိုလည်းကောင်း၊ ဆိုဒ်ကြီးခြင်္သေ့နှင့် ဗဟိုဘဏ် အဆောက်အဦပုံပါ တထောင်တန် ကိုလည်းကောင်း၊ ၂၀၀၄ ခုနှစ်တွင် ဆိုဒ်သေး ခြင်္သေ့နှင့် ဗဟိုဘဏ် အဆောက်အဦပုံပါ တထောင်တန်တို့ ကိုလည်းကောင်း အသီးသီး ထုတ်ဝေခဲ့သည်နောက်ဆုံးထွက်ရှိထားသည့် ဆင်ဖြူတော်နှင့် နေပြည်တော်ပုံပါ ငါးထောင်ကျပ်တန်ကို ၂၀၀၉ ခုနှစ် အောက်တိုဘာ ၁ ရက်နေ့တွင် ထုတ်ဝေခဲ့ပြီး တရိစ္ဆာန်ပုံကို အသုံးပြုထားခြင်းကြောင့် အများပြည်သူ၏ ဝေဖန်မှုကို ခံခဲ့ရသည်။