၈၈ နှင့် ABSDF သတင်းများ စက်တင်ဘာ ၁၄၊ ၂၀၁၂
ကြေးနီတောင်စီမံကိန်း ရပ်တန့်ရန် တိုင်းဒေသအစိုးရ အဆုံးအဖြတ်မပေးနိုင် ဟု ၈၈ မျိုးဆက် ပြော
ခေါင်းဆောင်တဦးဖြစ်သူ ကိုဂျင်မီက ပြောသည်။
ဗုဒ္ဓဟူးနေ့တွင် ၈၈ မျိုးဆက်ကျောင်းသားခေါင်းဆောင် ကိုဂျင်မီနှင့် စစ်ကိုင်းတိုင်းဒေသကြီး ဝန်ကြီးချုပ်၊ သစ်တောနှင့် သဘာဝ ပတ်ဝန်းကျင်ဆိုင်ရာ ဝန်ကြီး ဦးသန်းထိုက်၊ စစ်ကိုင်းတိုင်း ဒေသကြီး လွှတ်တော်အမတ် ဦးသောင်းစိန်တို့တွေ့ဆုံဆွေးနွေးမှုအတွင်း စစ်ကိုင်းတိုင်းဝန်ကြီးချုပ်က ပြောဆိုသွားခြင်းဟု ကိုဂျင်မီကပြောသည်။
မုံရွာ ဗကသ ကျောင်းသားများက တောင်းဆိုထားသည့်အချက်များမှာ လက်ရှိ မြို့မဂါတ်ကျောင်း(ဘုန်းကြီးကျောင်း) တွင် လုံခြုံရေးကြောင့် တည်းခိုနေရသည့် ဝက်မှေးကျေးရွာသူ/သားများ ၎င်းတို့ နေရပ်ဒေသသို့ ဘေးရန်ကင်းစွာပြန်နိုင်ရေး၊ ဆန္ဒဖော်ထုတ်သည့် မုံရွာကျောင်းသားသမဂ္ဂမှ ကျောင်းသား/သူများကို အာဏာပိုင်များက မနှောင့်ယှက်ရေး၊ ကြေးနီတောင်စီမံကိန်းကို ရပ်ဆိုင်းထားရေး တို့ဖြစ်သည်။ အဆိုပါ အချက်များမှ လုံခြုံရေးနှင့် ပတ်သက်သည့် တောင်းဆိုချက်များကို လိုက်လျောခဲ့ပြီး စီမံကိန်း ရပ်တန့်ရေးကိုမူ လုပ်ဆောင်မပေးနိုင်ကြောင်း ဝန်ကြီးချုပ်က ပြောဆိုသွားခြင်းဖြစ်သည်။
သဘောတူညီမှုတွင် ဝက်မှေးကျေးရွာသူ/သားများကို ပြန်လည်လွှတ်ပေးမည် ဖြစ်သော်လည်း လုပ်ထုံးလုပ်နည်း အရသာ လုပ်ပေးမည် ဖြစ်ကြောင်း၊ မုံရွာကျောင်းသားသမဂ္ဂမှ ကျောင်းသား/သူများ၏ မိဘများကို ဖိအားပေးခြင်းများပြုလုပ်မည် မဟုတ်ဟုလည်း သဘောတူညီချက် ရရှိခဲ့သည်။
ကြေးနီတောင် စီမံကိန်း ရပ်တန့်ရန် တောင်းဆိုမှုအတွင်း စက်တင်ဘာ ၁၀ ရက်က ဖမ်းဆီးခံခဲ့ရသည့် ဆန္ဒဖော် ထုတ်သူ ၁၂ ဦးကို ပြန်လွှတ်ပေးရေးအတွက် မုံရွာမြို့ခံလူများနှင့် ဝက်မှေးကျေးရွာသူ/ရွာသားများသည် ယင်းနေ့ ညနေ ၄ နာရီတွင်ပင် ဆန္ဒပြတောင်းဆိုခဲ့ကြပြီး ဖမ်းဆီးခံ ၁၂ ထဲမှ ၉ ဦးမှာ ပြန်လည်လွတ်မြောက်လာပြီး မသွဲ့သွဲ့ဝင်း၊ မဖြူဖြူဝင်း၊ မအေးနက်တို့ သုံးဦးမှာ ဖမ်းဆီးခံထားရဆဲ ဖြစ်သည်။
ဖမ်းဆီးခံရသည့်ထဲမှ လွတ်မြောက်လာသူ အသက် ၂၇ နှစ်အရွယ်၊ ဝက်မှေးရွာသူ မစန်းစန်းလှက “ကျွန်မတို့ကို
ခွေးဆွဲသလို ဆွဲပြီး အချုပ်ခန်းထဲ ထည့်ထားကြတယ်၊ ပြီးတော့ ရဲမေတွေက အရမ်းကြမ်းတမ်းတာပဲ၊ ကျွန်မတို့ကို ကုတ်တယ်၊ ဆံပင်တွေ ဆောင့်ဆွဲတယ်၊ ကျွန်မတို့က ကယ်ကြပါ၊ ကယ်ကြပါလို့အော်တယ်၊ နောက်တော့ ကျန်တဲ့ သုံးယောက်ကို ဘယ်ခေါ်သွားမှန်းမသိလိုက်ဘူး၊ ကျွန်မကိုတော့ ပြန်လွှတ်ပေးလိုက်တယ်” ဟု ၎င်းတို့ ၁ဝ ရက်နေ့က ဖမ်းဆီးခံရခြင်းနှင့် ပတ်သက်၍ ပြောသည်။
စက်တင်ဘာ ၁ဝ ရက်က စတင်ဆန္ဒပြခဲ့ကြကာ ကျေးရွာသို့ မပြန်ရဲကြဘဲ လက်ရှိတွင် ဝက်မှေး ကျေးရွာသူ/သား ၃ဝ ခန့်သည် မုံရွာမြို့ မြို့မဂါတ်ကျောင်းတွင် တည်းခိုလျှက်ရှိပြီး မုံရွာ NLD, မန္တလေးစိမ်းရောင်စို၊ မုံရွာကျောင်းသား သမဂ္ဂ၊ ၈၈ မျိုးဆက်ကျောင်းသားများနှင့် မုံရွာမြို့ခံများက အစားအစာများ ထောက်ပံ့လျက်ရှိသည်။
အဆိုပါ ဆန္ဒပြသူများ တည်းခိုနေရာ မြို့မဂါတ်ကျောင်းကို ဘုန်းတော်ကြီးကျောင်းတွင် ကယ်ဆယ်ရေးစခန်း မဖွင့်ရ ဟုလည်း မုံရွာ သံဃာ့နာယကမှ စာပို့ထားကြောင်း ကျောင်းထိုင် သံဃာတစ်ပါးက မိန့်သည်။
ယခုလ ၇ ရက်က စတင်ကာ ဝက်မှေးရွာသူ/သားများသည် မုံရွာမြို့၊ ဆားလင်းကြီးမြို့နယ်ရှိ ကြေးနီတောင် စီမံကိန်း ကို ဖျက်သိမ်းပေးရေးနှင့် သိမ်းဆည်းခံ လယ်ယာမြေများ ပြန်လည် ရရှိရေးအတွက် ဆန္ဒဖော်ထုတ်ခဲ့ကြပြီး အဆိုပါ ဆန္ဒဖော်ထုတ်သည့်သူများ မုံရွာမြို့သို့အလာ၊ ဘုရားဖူးအပြီးတွင် လက်ရှိဖမ်းဆီးခံ ၃ ဦးအပါအဝင် ၁၂ ဦးကို ဖမ်းဆီး ထိန်းသိမ်းခဲ့သည်။
“ကျွန်တော်တို့က ဒီသိမ်းဆည်းထားတဲ့ လယ်မြေတွေအတွက် လျော်ကြေးပေးမယ်ဆိုရင်လည်း မလိုချင်ဘူး၊ ကျွန်တော်တို့က ကြေးနီတောင်ကြီးကို နှမြောတယ်၊ ပြီးတော့ ဒီမြေကနေလည်း ထွက်မသွားချင်ဘူး၊ ဒီမြေမှာပဲ လုပ်စားချင်တယ်၊ အဲ့ဒီအတွက် ကျွန်တော်တို့ ဆန္ဒပြခဲ့တယ်” ဟု လက်ရှိ မြို့မဂါတ်ကျောင်းတွင် တည်းခိုလျက်ရှိပြီး ဆန္ဒပြရာတွင် ပါဝင်သူ ကိုချမ်းမိုးက ပြောသည်။
ကြေးနီတောင်စီမံကိန်းသည် မြန်မာ့စီးပွားရေး ဦးပိုင်လီမိတက်နှင့် တရုတ်ကုမ္ပဏီ ဝမ်ပေါင်းတို့ ပေါင်းစပ် လုပ်ဆောင် သည့် စီမံကိန်းတစ်ခုဖြစ်ပြီး အဆိုပါစီမံကိန်းကြောင့် လက်ပံတောင်းတောင် ပတ်ဝန်းကျင်ရှိ စံပါယ်တောင်နှင့်ကြေးစင်တောင် နှစ်ခုသည် ယခုအခါ တွင်းကျယ်ကြီးများအဖြစ် ကျန်ရှိပြီး လက်ရှိစီမံကိန်း လုပ်ကိုင်လျက်ရှိသည့်ကြေးနီတောင်ကိုလည်း ယင်းတောင်များကဲ့သို့ ကွယ်ပျောက်သွားမည်ကို ပတ်ဝန်းကျင်ရှိ ကျေးရွာသူ/သားများက စိုးရိမ်လျက်ရှိသည်။
ထို့ပြင် အဆိုပါစီမံကိန်းကြောင့် လက်ပံတောင်းတောင် ပတ်ဝန်းကျင်ရှိ ကျေးရွာလေးရွာမှ စုစုပေါင်းအိမ် ခြေ ၂ဝဝ ခန့် ပြောင်းရွှေ့သွားပြီဖြစ်သည်ဟု အဆိုပါ ဝက်မှေးလယ်ယာမြေများနှင့် ကြေးနီတောင်စီမံကိန်း အရေးကိစ္စကို လွန်ခဲ့သည့် ၅ လခန့်ကပင် ဆောင်ရွက်နေသူ ၈၈ ကျောင်းသား ကိုမျိုးသန့်က ပြောသည်။
၈၈ မျိုးဆက် ကိုဂျင်မီနှင့် စစ်ကိုင်းတိုင်း ၀န်ကြီးချုပ် တွေ့ဆုံဆွေးနွေး
"စစ်ကိုင်းတိုင်း ဝန်ကြီးချုပ် ဦးသာအေး အပါအဝင် အစိုးရအဖွဲ့နဲ့ ကျွန်တော်တွေ့တယ်။ စစ်ကိုင်းတိုင်း အစိုးရအဖွဲ့က ကျွန်တော့်ကို အကြောင်းပြန်တာကတော့ လူတွေ ပြန်လွှတ်ရေး ကိစ္စက တရားရုံး လုပ်ထုံး၊ လုပ်နည်းနဲ့ အညီ ထိန်းသိမ်းထားတာ ဖြစ်တဲ့အတွက် တရားရုံးလုပ်ထုံး၊ လုပ်နည်းနဲ့ အညီပဲ ပြန်လွှတ်လို့ရမယ်လို့ ဆိုတယ်။ အဲတော့ ကျွန်တော်တို့ အချိန်တစ်ခု စောင့်ရမယ်လို့ ပြောတယ်။ ဆန္ဒပြပွဲမှာ ပါဝင်တဲ့သူတွေကို နောက်ဆက်တွဲ အရေးယူတာတွေကို မလုပ်ပါဘူး။ ကျောင်းသားတွေ ကိုလည်း ကျောင်းထုတ် ပစ်တာမျိုးတွေ မလုပ်ပါဘူး ဆိုပြီး အဲဒီ ကတိပြုချက် ရတယ်။ သူက ဒေသအတွင်းမှာ ရှိနေတဲ့အတွက် လုံခြုံရေးနဲ့ အုပ်ချုပ်ရေးပဲ တာဝန်ယူထားရတာကိုး။ အဲတော့ ပြည်ထောင်စု အစိုးရအဆင့်မှာ ဆောင်ရွက်ရမဲ့ ကိစ္စတွေ အများကြီးပဲ ရှိနေသေးတဲ့အတွက် သူတို့နဲ့ မပြီးနိုင်ဘူးလို့ ဆိုတယ်"
ကိုဂျင်မီဟာ လက်ပံတောင်းတောင် အရေးကို အကူအညီပေးဖို့ ၈၈ မျိုးဆက် ကျောင်းသားတွေရဲ့ ကိုယ်စားလှယ်အဖြစ် မနေ့က မုံရွာမြို့ကို သွားရောက်ခဲ့တာဖြစ်ပြီး သူနဲ့ ၀န်ကြီးချုပ် ဆွေးနွေးခဲ့တာတွေ အကောင်အထည် ပေါ်လာမှုရှိ၊ မရှိဆိုတာ စောင့်ကြည့်ဖို့ မုံရွာမြို့ မဂ္ဂင် ဘုန်းကြီးကျောင်းမှာ ဒီကနေ့ ဒေသခံတွေနဲ့ တွေ့ဆုံ ပြောကြားခဲ့ပါတယ်။
တပ်ဖြန့်ထားတဲ့ လုံခြုံရေးတပ်တွေ ရုပ်သိမ်းသွားပြီ ဆိုပေမယ့် ရဲကားတွေကတော့ မြို့ပေါ်မှာ ကင်းလှည့်တာ တွေ့နေရဆဲပဲလို့ ၀က်မှေး ရွာသားတွေက ပြောပါတယ်။
ဒါ့အပြင် လက်ပံတောင်းတောင် အရေးနဲ့ ပက်သက်ပြီး မကွေး၊ ပခုက္ကူ၊ ရေနံချောင်း၊ မိထ္ထီလာ စတဲ့မြို့တွေက ကျောင်းသားတွေနဲ့ ဖွဲ့စည်းထားတဲ့ မြေလတ်ဒေသ ဗကသများ အဖွဲ့ချုပ်က အချက် (၄) ချက်ပါ ကြေညာချက် တစ်စောင်ကို မနေ့က ထုတ်ပြန်လိုက်ပါတယ်။
လက်ပံတောင်းတောင် အရေးအတွက် လှုပ်ရှားဆောင်ရွက် သူတွေကို လိုက်လံ ဖမ်းဆီးနေတာကို ဆန့်ကျင် ကန့်ကွက်တဲ့အနေနဲ့ အခုလို ကြေညာချက် ထုတ်ပြန်ရတာ ဖြစ်တယ်လို့ မြေလတ်ဒေသ ဗကသများအဖွဲ့ချုပ် အတွင်းရေးမှူး ကိုမင်းသော်ဇင်က ပြောပါတယ်။
"လက်ပံတောင်းတောင်မှာ ကြေးနီ စီမံကိန်းကို နိုင်ငံခြား ကုမ္ပဏီတွေ ဝင်ရောက်လုပ်နေတဲ့အပေါ်မှာ ဒေသခံ တောင်သူ လယ်သမားတွေရဲ့ လယ်ယာမြေတွေကို ထိခိုက်တယ်။ နောက် ကျေးရွာတွေကို ရွှေ့ပြောင်းရတယ်။ ပြည်သူလူထုဟာ ထိခိုက် ဆုံးရှုံးနေရတယ်။ ထိခိုက်နစ်နာ ဆုံးရှုံးနေရတာကို ကျောင်းသားတွေက ပြည်သူ လူထုရှေ့မှာ မားမားမတ်မတ်ရပ် ဝင်ရောက်ဖြေရှင်းတယ်။ အဲဒီလိုဖြေရှင်းတဲ့ အပေါ်မှာ မိဘပြည်သူ ဖြစ်တဲ့ တောင်သူလယ်သမားတွေကို ဖမ်းဆီးတယ်။ ကျောင်းသားတွေ ကို ဖမ်းဆီးဖို့အတွက် ညဥ့်နက်သန်းခေါင်မှာ ရဲတွေက ဝင်ရောက်စီးနင်း ရှာဖွေမှုတွေလုပ်တယ်။ ဒီဟာကို ကျွန်တော်တို့က ပြင်းထန်စွာ ကန့်ကွက်တယ်ဆိုတာကို ပြောတာပါ"
မြေလတ်ဒေသ ဗကသများ အဖွဲ့ချုပ်အနေနဲ့ လက်ပတောင်းတောင် ကြေးနီ စီမံကိန်းကြောင့် အခွင့်အရေး ချိုးဖောက်ခံရတဲ့ ပြည်သူတွေအရေး ကိစ္စတွေမှာ ကူညီပါဝင် ဆောင်ရွက်ပေးသွားဖို့ ရှိတယ်လို့လည်း သိရပါတယ်။ အဲဒီစီမံကိန်းကို တရုတ်ဝမ်ပေါင်ကုမ္ပဏီနဲ့ မြန်မာစစ်တပ်ပိုင် ဦးပိုင်ကုမ္ပဏီတို့ ပူးတွဲ အကောင်အထည်ဖော်နေတာ ဖြစ်ပါတယ်။
ကိုမိုးသီးဇွန်နှင့်အဖွဲ့ အမေရိကန် သံအမတ်ကြီးနှင့်တွေ့ဆုံဆွေးနွေး
ဒီတွေ့ဆုံမှုမှာ မြန်မာနိုင်ငံမှာ ဒီမိုကရေစီကျင့်စဉ် ဆိုင်ရာတွေကို ပြည်သူတွေ ကြားမှာရော တပ်မတော်သားတွေ ကြားမှာပါ သင်တန်းပေးဖို့ လိုအပ်တဲ့အကြောင်း ပြောဆို ဖြစ်ကြတယ်လို့ ကိုမိုးသီးဇွန်က RFA ပြောပါတယ်။
"ဒဲရစ်မစ်ချယ်တို့ ကျွန်တော်တို့ ပြောတဲ့ အထဲမှာ စိတ်ဝင်စားစရာတွေက ဘာတွေလဲ ဆိုတော့ ဒီမိုကရေစီပေါ်မှာ သူတို့မှာတာဝန် ဘယ်လိုရှိတယ်ဆိုတဲ့ ကိစ္စတွေကို ဆွေးနွေးပါတယ်။ နောက်တစ်ခုက မြန်မာ့ တပ်မတော်ကို သင်တန်းပေးဖို့ ကိစ္စတွေလည်း ပါပါတယ်။ စစ်သားတွေကလည်း နိုင်ငံသားတွေပေါ်မှာ ဘယ်လို တာဝန်ရှိတယ်။ ဘယ်လိုပူးပေါင်း ဆောင်ရွက်သင့်တယ်ဆိုတဲ့ ဟာမျိုးတွေပေါ့။ သူ့အနေနဲ့ အကြံပေးတယ်ပေါ့။ အဲတာကို နိုင်ငံတကာ သိအောင်ထုတ်ပြန်ပါပေါ့။ ကျွန်တော်တို့ အဲတာမျိုးတွေ ဆွေးနွေးဖြစ်ကြပါတယ်"
သံအမတ်ကြီး ဒဲရစ်မစ်ချယ်ကလည်း ကိုမိုးသီးဇွန်တို့ရဲ့ လေ့လာတွေ့ရှိချက်တွေကို ခရီးစဉ်အပြီး အမေရိကန် ပြည်ထောင်စု ပြန်ရောက်တဲ့အခါ နိုင်ငံတကာသိအောင် ထုတ်ပြန်ဖို့ တိုက်တွန်းတယ်လို့ သိရပါတယ်။
LWIN PWIN
NLABR
Web-site: www.nlabr.com
Subscribe to:
Post Comments (Atom)
0 comments:
Post a Comment