ရိုဟင်ဂျာအရေး မကျေနပ်သူ အင်ဒိုနီးရှား အကြမ်းဖက်သမား အဖမ်းခံ

ရခိုင် ပဋိပက္ခ စုံစမ်းစစ်ဆေးမှု စတင်

ရခိုင်ပြည်နယ်အတွင်း ဖြစ်ပွားခဲ့သော ပဋိပက္ခများနှင့်ပတ်သက်၍ ဖွဲ့စည်းထားသော စုံစမ်းစစ်ဆေးရေး ကော်မရှင် အဖွဲ့ဝင် များသည် ပဋိပက္ခ ဖြစ်ပွားရခြင်း အကြောင်းရင်းကို စတင်စစ်ဆေးမှု ပြုလုပ်နေပြီ ဖြစ်ကြောင်း သိရသည်။
ကျောက်တော်မြို့နယ် အတွင်းမှ မီးလောင်ကျွမ်းသွားသည့် ကျေးရွာများသို့ ကွင်းဆင်းကာ ဒုက္ခသည်များကို တွေ့ဆုံ မေးမြန်းကြောင်း၊ စုံစမ်းတွေ့ရှိချက်များကို အသေးစိတ် သုံးသပ်၍ ၃ လ အတွင်း သမ္မတထံ တင်ပြရမည် ဖြစ်ကြောင်း၊ ၃ လအတွင်း စစ်ဆေးမှု မပြီးပါက အချိန်ထပ်ယူကာ ဆက်လက် စစ်ဆေးမည်ဖြစ်ကြောင်း ကော်မရှင် အဖွဲ့က ပြောသည်။
ကော်မရှင်အဖွဲ့သည် ရခိုင်ပြည်နယ်၊ စစ်တွေမြို့သို့ စက်တင်ဘာလ ၇ ရက်နေ့က ရောက်ရှိနေပြီး ထိုမှတဆင့် ကျောက်တော်၊ မြောက်ဦး ဒေသများသို့ သွားရောက် စစ်ဆေးမှုများ ပြုလုပ်ခဲ့ကြကာ မောင်တောမြို့သို့ ယနေ့ရောက်ရှိ၍ စစ်ဆေးမှု လုပ် ဆောင်နေကြောင်း ကော်မရှင်အဖွဲ့ဝင် ရခိုင်ဒီမိုကရေစီအဖွဲ့ချုပ် (ALD)ပါတီ ဥက္ကဋ္ဌ ဦးအေးသာအောင် က ပြောသည်။
“မီးလောင်သွားတဲ့ ရွာသားတွေနဲ့ တွေ့ပြီး စစ်ဆေး မေးမြန်းမှုတွေလုပ်တယ်၊ မြောက်ဦးမှာလည်းပဲ မရမာလူမျိုးနေအိမ် တချို့မီးလောင်တာကို စစ်ဆေးတယ်၊ အဓိက စစ်ဆေးတာက ပဋိပက္ခ စတင်ဖြစ်ပွားရတဲ့ အကြောင်းရင်းပါ”ဟု ၎င်းက ဆိုသည်။
စုံစမ်းရေး ကော်မရှင်သည် ရခိုင်ဒေသတွင်း ပဋိပက္ခဖြစ်ရသည့် အကြောင်းရင်းကို အဓိက စစ်ဆေး၍ ထိုစစ်ဆေးမှု အပေါ် အခြေခံသုံးသပ်ကာ ရေရှည် တည်ငြိမ်ရေး၊ ရခိုင်ပြည်နယ် အတွက်သာမက နိုင်ငံတည်ငြိမ်ရေး၊ တရားဥပဒေ စိုးမိုးရေး၊ ဒေသတွင်း ဖွံ့ဖြိုးတိုးတက်ရေး အစီအစဉ်များ၊ ပြည်တွင်း လုံခြုံရေး အစီအစဉ်များ အတွက် ဆောင်ရွက်သွားမည်ဟု သိရသည်။
“လွတ်လပ်တဲ့ စုံစမ်းစစ်ဆေး မေးမြန်းမှုတွေ လုပ်နိုင်ပါတယ်၊ အာဏာပိုင်တွေ က လုံခြုံရေး ကိစ္စ စီစဉ်ပေးတာ လောက်ပါပဲ”ဟု ဦးအေးသာအောင် က ပြောသည်။
စုံစမ်းစစ်ဆေးရေး ကော်မရှင်သည် မောင်တောမြို့နယ်ရှိ မီးလောင်ကျွမ်းသွားသည့် မောရ၀တီ၊ သရေကုန်ဘောင် ကျေးရွာ များသို့ သွားရောက်၍ ဒုက္ခသည်များနှင့်တွေ့ဆုံ မေးမြန်း စစ်ဆေးမှုများ လုပ်ဆောင်ကြောင်း၊ မြို့ပေါ်ရှိ ဒုက္ခသည် စခန်းများသို့ လာရောက်ခြင်း မရှိသေးကြောင်း မောင်တော မြို့ခံ တချို့က ပြောဆိုသည်။
ဒေသခံ ရခိုင် တိုင်းရင်းသားများ၊ ရခိုင်မျိုးနွယ်စုများနှင့်ဘင်္ဂါလီဒုက္ခသည် အားလုံးနှင့် သီးခြားစီ မေးမြန်းမှု လုပ်ဆောင်ကြောင်း၊ ကျောက်တော်၊ မြောက်ဦးဒေသ တို့၌ မြို့မိ မြို့ဘများ နှင့်လည်း တွေ့ဆုံဆွေးနွေး၍ ရေရှည် တည်ငြိမ်ရေး ကိစ္စများကို ကော် မရှင် အဖွဲ့က ဆွေးနွေးသွားကြောင်း မြောက်ဦး ဒေသခံများကလည်း ပြောသည်။
ကော်မရှင်အဖွဲ့ က စစ်တွေမြို့နယ်ရှိ ဒုက္ခသည် စခန်းများသို့လည်း ယခုရက်ပိုင်းအတွင်း ထပ်မံသွားရောက်၍ စုံစမ်းစစ်ဆေးမှု ပြုလုပ်မည် ဖြစ် ကြောင်း၊ ထိုမှတဆင့် ကျောက်ဖြူ၊ ရမ်းဗြဲ၊ ကျောက်နီမော်၊ တောင်ကုတ် စသည့်ဒေသ များသို့ သွားရောက် စစ်ဆေးမည်ဖြစ်ကြောင်း ပြောဆိုသည်။
စစ်တွေမြို့နယ်၌ ဘင်္ဂါလီဒုက္ခသည် စခန်း ၇ ခုရှိပြီး လူဦးရေ ၆ သောင်းဝန်းကျင် ရှိကြောင်း၊ ၎င်းတို့ နေထိုင် စားသောက်ရေး ကိစ္စကို ပြည်နယ်အစိုးရက ဆောင်ရွက်ပေးနေကြောင်း၊ ကမ္ဘာ့ စားနပ်ရိက္ခာ အစီအစဉ်(WFP) အဖွဲ့က ဆန်ပေးနေသည့်အတွက် စားစရာ ပြည့်စုံမှုရှိကြောင်း ရခိုင်ပြည်နယ် အစိုးရ၏ သတင်းပြန်ကြားရေး ဆပ်ကော်မတီ ဥက္ကဋ္ဌနှင့်ပြည်နယ် ဥပဒေချုပ် ဦးလှသိန်း က ပြောသည်။
စစ်တွေ မြို့ရှိ ဘုန်းကြီးကျောင်းများ၌ ရခိုင်တိုင်းရင်းသား ဒုက္ခသည် စခန်း ၅ ခုရှိကြောင်း၊ ထိုစခန်း ၅ ခုကို တနေရာတည်းတွင် စုပေါင်းထားနိုင်ရန် နေအိမ်များ တည်ဆောက်နေကြောင်း ၎င်း က ဆက်ပြောသည်။
ယခုခရီးစဉ်သည် ပထမဆုံးဖြစ်ပြီး ကော်မရှင်တခုလုံးအနေဖြင့် စုံစမ်းစစ်ဆေးကြမည်ဖြစ်၍ လာမည့်ခရီးစဉ်များတွင် ဆပ်ကော် မတီ ၈ ရပ်က မိမိတို့တာဝန်ယူထားရာ ကဏ္ဍအလိုက် အသေးစိတ် ထပ်မံစစ်ဆေးမှု ပြုလုပ်ကြမည် ဖြစ်ကြောင်း အဖွဲ့ဝင်များ က ပြောသည်။ ၎င်းတို့၏ စစ်ဆေးတွေ့ရှိချက်များကို နိုဝင်ဘာလ ၁၇ ရက်နေ့တွင် သမ္မတထံ အစီရင်ခံစာတင်ပြရမည် ဖြစ် သည်။
စုံစမ်းရေး ကော်မရှင်အဖွဲအား သာသနာရေး ဦးစီးဌာန ညွန်ချုပ် အငြိမ်းစား ဒေါက်တာ မျိုးညွန့် ဦးဆောင်ပြီး ခရစ်ယာန် ဘာ သာရေး ခေါင်းဆောင်များ၊ အစ္စလမ် ဘာသာရေး ခေါင်းဆောင်များနှင့် နိုင်ငံရေးပါတီများမှ ခေါင်းဆောင်များ၊ ပညာရှင်များ စသည့် ၂၇ ဦးဖြင့် သြဂုတ်လ ၁၇ ရက်နေ့တွင် သမ္မတ က တာဝန်ပေးဖွဲ့စည်းထားခြင်းဖြစ်သည်။
သတင်းစာ ဆရာ မောင်ဝံသ၊ အနုပညာရှင် ဇာဂနာ၊ ၈၈ မျိုးဆက် ကျောင်းသား ခေါင်းဆောင် ဦးကိုကိုကြီး ၊ ရခိုင် တိုင်းရင်း သားများ တိုးတက်ရေးပါတီ (RNDP) ဥက္ကဋ္ဌ ဒေါက်တာ အေးမောင်၊ ဒေါက်တာ ကျော်ရင်လှိုင်(Myanmar Egress)၊ ဗဟု ဖွံ့ဖြိုး ရေး အဖွဲ့မှ ဦးအောင်နိုင်ဦး တို့လည်း ပါဝင်သည်။
ဇွန်လဆန်းမှ စတင်ခဲ့သော ရခိုင်ဒေသတွင်း ပဋိပက္ခများကြောင့် သေဆုံးသူ ၈၀ ၀န်းကျင်၊ ဒဏ်ရာရသူ ၁၁၂ ဦး၊ လူနေအိမ် ၅၀၀၀ ၀န်းကျင်၊ ဘုန်းကြီးကျောင်း ၁၄ ကျောင်း၊ စာသင်ကျောင်း ၃ ကျောင်း၊ ဗလီ ၁၇ ခု ပျက်စီးခဲ့ကြောင်း နယ်စပ်ရေးရာ ၀န်ကြီး ဒု ဗိုလ်ချုပ်ကြီး သိန်းဌေး က ဇူလိုင်လ ၃၀ ရက်နေ့ သတင်းစာ ရှင်းလင်းပွဲ၌ ပြောဆိုခဲ့သည်။
ရမ်းဗြဲမြို့နယ်၊ ကျောက်နီမော် ဒေသမှ မသီတာထွေး အသတ်ခံရမှု နှင့်ဆက်စပ်၍ တောင်ကုတ်မြို့၌ လူ ၁၀ ဦးအသတ်ခံ ရ သည့် ကိစ္စအား စုံစမ်းစစ်ဆေးရန် အတွက် အာဏာပိုင်များ ပါဝင်သည့် စုံစမ်းစစ်ဆေးရေးအဖွဲ တခုကိုလည်း ဇွန်လ တွင် ဖွဲ့စည်း ခဲ့သေးသည်။
ထိုအဖွဲ့ ၌ ပြည်ထဲရေး ဒု ၀န်ကြီ ဗိုလ်မှူးချုပ် ကျော်ဇံမြင့် ဦးဆောင်ပြီး မြန်မာနိုင်ငံ ရဲတပ်ဖွဲ့ ဒု ရဲချုပ်၊ ရခိုင်ပြည်နယ် ဥပဒေ အရာ ရှိ၊ ပြည်နယ် ရဲတပ်ဖွဲ့မှူး၊ ပြည်နယ် အထူးစုံစမ်းရေးအဖွဲ့ အကြီးအကဲ စသည့် ဌာနဆိုင်ရာ အကြီးအကဲ ၁၆ ဦးပါဝင်သည်။ ထိုအ ဖွဲ့ သည် ၎င်းတို့၏ စစ်ဆေးတွေ့ရှိမှုများကို ဇွန်လ ၃၀ ရက်နေ့တွင် နိုင်ငံတော် သမ္မတ ထံ အစီရင်ခံ တင်ပြရမည်ဟု အစိုးရက သတင်း ထုတ်ပြန်ခဲ့သည်။

ရခိုင်နဲ့ ကချင်အရေးကြောင့် စိတ်အနှောက်အယှက်ဖြစ်

မြန်မာနိုင်ငံမှာ  အခုထက်ထိ  ဒီမိုကရေစီရေး  ပြုပြင်ပြောင်းလဲမှုတွေကို   ဆက်ပြီး လုပ်နေတာ တွေ့ရတယ်လို့   ကုလသမဂ္ဂ လူ့အခွင့်ရေး ကော်မရှင်နာမင်းကြီး  Navi Pillay ပြောကြား လိုက်ပါတယ်။ဒါပေမယ့်လည်း  ရခိုင်ပြည်နယ်နဲ့  ကချင်ပြည်နယ်တွေ အတွင်း  ဖြစ်ပွါးနေတဲ့  အကြမ်းဘက်မှုတွေအတွက်တော့ စိတ်အနှောက်အယှက် ဖြစ်ရတယ်လို့ ဆိုပါတယ်။

မနေ့က  တနင်္လာနေ့   Switzerland   နိုင်ငံ ဂျနီဗာမြို့မှာစတင်တဲ့   ၂၁ကြိမ်မြောက် ကုလသမဂ္ဂ လူ့အခွင့်ရေးကေင်စီရဲ့ ညီလာခံမှာ  ကုလသမဂ္ဂ လူ့အခွင့်အရေး ကော်မရှင်နာမင်းကြီး နာဗီ ပီလေးက မြန်မာနိုင်ငံနဲ့ ပါတ်သက်ပြီး  လက်ရှိအခြေအနေမှာ ပြုပြင်ပြောင်းလဲမှုတွေ ဆက်ပြီးလုပ်နေတာတွေ့ရတယ်လို့  အခုလိုပြောပါတယ်။

“မြန်မာနိုင်ငံမှာ  ပြုပြင်ပြောင်းလဲမှုတွေ ဆက်ပြီး လုပ်နေတာတွေ့ရပါတယ်။ ဒီအထဲမှာ  သတင်းမီဒီယာတွေ အပေါ် ကန့်သတ်ပိတ်ပင်ထားတာ တချို့ ဖြေလျှော့ပေးတာအပြင်  နိုင်ငံရေး အကျဉ်းသားတွေ ထပ်ပြီးလွှတ်ပေးတာနဲ့  တရားရေး ဆိုင်ရာ ပြုပြင်ပြောင်းလဲမှုတွေ လုပ်နေတာမျိုးပါ တွေ့ရပါတယ်။  OHCHR  လို့ခေါ်တဲ့ ကုလသမဂ္ဂ လူ့အခွင့်ရေးဆိုင်ရာ မဟာမင်းကြီးရုံးက   မကြာခင်ကာလတွေ အတွင်း မြန်မာနိုင်ငံကို  ထိတွေ့ဆက်ဆန်မှုတွေ တိုးလုပ်လာသလို  မြန်မာနိုင်ငံရဲ့  အသွင်ကူးပြောင်းရေး ကာလအတွက် တကယ့်ကို အထောက်အကူတွေ ပေးခဲ့တယ်လို့ ကျမ ပြောပါရစေ။”

ကုလသမဂ္ဂက  မြန်မာနိုင်ငံ လူ့အခွင့်ရေး ဆိုင်ရာ အထူးကိုယ်စားလှယ် အဖြစ်  ၂၀၀၈ခုနှစ်က စပြီး  သောမတ်စ် အိုဟေး ကင်တားနားကို ခန့်အပ်ပြီး မြန်မာနိုင်ငံတွင်း လူ့အခွင့်ရေး ချိုးဖေါက်မှုတွေ လျော့ပါးစေဖို့ ဆောင်ရွက်ခဲ့ပါတယ်။   ယုံကြည်ချက်ကြောင့် အကျဉ်းကျခံနေရတဲ့  နိုင်ငံရေး အကျဉ်းသားတွေ လွှတ်မြောက်စေဖို့ အပြင် အဓမ္မ လုပ်အားစေခိုင်းမှုနဲ့ ကလေးစစ်သား ပပျောက်ရေး အပါအ၀င် လူ့အခွင့်ရေး အချိုးဖေါက်ခံရမှုတွေအတွက် စုံစမ်းစစ်ဆေးဖို့   မစ္စတာကင်တားနားဟာ  မြန်မာနိုင်ငံကို  ၆ကြိမ် လာရောက် ခွင့်ရခဲ့ပါတယ်။

နောက်ဆုံးအကြိမ်အဖြစ် ပြီးခဲ့တဲ့ လဆန်းမှာပဲ  မြန်မာနိုင်ငံကို  ၆ရက်ကြာခရီး လာရောက်ခဲ့တဲ့ နောက်မှာ  မစ္စတာကင်တားနားက  မြန်မာနိုင်ငံမှာ ဆိုးဝါးတဲ့ လူ့အခွင့်ရေး ချိုးဖေါက်မှုတွေ အခုထိရှိနေတုန်းပဲလို့ ပြောဆိုခဲ့ပါတယ်။ လူ့အခွင့်ရေး ကော်မရှင်နာမင်းကြီး နာဗီပီလေးကလည်း  မြန်မာနိုင်ငံမှာ  ကောင်းမွန်တဲ့ ပြုပြင်ပြောင်းလဲမှုတွေ ဆက်တွေ့နေရပေမယ့် လူ့အခွင့်ရေး ချိုးဖေါက်မှုတွေ ကိုတော့  တွေ့နေရဆဲပဲလို့ ပြောပါတယ်။

“ဘာပဲပြောပြော  အခုမြန်မာနိုင်ငံမှာ  အကြမ်းဖက်မှုတွေကို ရခိုင်ပြည်နယ်ထဲမှာ တွေ့နေရပြီး  ဒီအကြမ်းဖက်မှု အဓိကရုန်းတွေ ကြောင့်  အနည်းဆုံး လူ ၈၈ ယောက်  သေဆုံးခဲ့ရပြီး   လူပေါင်း (ရ) သောင်းလောက် အိုးအိမ်စွန့်ခွါ  ထွက်ပြေးနေကြရတာမို့  ဒါဟာ ဒေသခံတွေအားလုံးကို ကျယ်ကျယ်ပြန့်ပြန့် ခံစားစေတာပါ။ ဒါ့အပြင် ကချင်ပြည်နယ်ထဲမှာလည်း လူ့အခွင့်ရေး ချိုးဖေါက်မှုတွေ ဆက်ပြီး တွေ့နေရသေးတာမို့  ဒါက ကျမတို့ကို  စိတ်အနှောက်အယှက်ဖြစ်စေပါတယ်။

ရခိုင်ပြည်နယ်မှာဖြစ်ပွါးတဲ့ အဓိကရုန်းတွေနဲ့ ပါတ်သက်ပြီး သီးခြားလွတ်လပ်တဲ့ စုံစမ်းစစ်ဆေးမှုတရပ် လုပ်ပေးဖို့ ကုလသမဂ္ဂက တောင်းဆိုခဲ့ပြီး  မြန်မာအစိုးရက  သြဂုတ်လ ၁ရရက် နေ့မှာပဲ  အဖွဲ့ဝင် ၂၈ဦးပါဝင်တဲ့  စုံစမ်းစစ်ဆေးရေး အဖွဲ့တရပ်ကို ဖွဲ့စည်းလိုက်ကြောင်း ကြေငြာချက်ထုတ်ပြန်ပြီး စုံစမ်းစစ်ဆေးစေခဲ့ပါတယ်။

ကုလသမဂ္ဂရဲ့ မြန်မာနိုင်ငံ လူ့အခွင့်ရေး အထူးကိုယ်စားလှယ် သောမတ်စ် အိုဟေး ကင်တားနားဟာ မြန်မာနိုင်ငံရဲ့  လူ့အခွင့်ရေး အခြေအနေတွေနဲ့ ပါတ်သက်ပြီး  အောက်တိုဘာလထဲမှာ ကျင်းပမယ့်  ၆၇ကြိမ်မြောက်  ကုလသမဂ္ဂ အထွေထွေ ညီလာခံမှာ သူ့ရဲ့တွေ့ရှိချက်တွေကို တင်ပြမှာ ဖြစ်ပါတယ်။

ရခိုင်ပြည်နယ်အတွင်း လူသားချင်း စာနာကူညီရေးအခြေအနေ အမေရိကန် စိုးရိမ်

ပြီးခဲ့တဲ့ဇွန်လက ဖြစ်ပွားခဲ့တဲ့ အကြမ်းဖက် ပဋိပက္ခတွေရဲ့ဒဏ်ကြောင့် ရခိုင်ပြည်နယ်အတွင်းက လူသားချင်း စာနာကူညီရေးဆိုင်ရာ အခြေအနေတွေနဲ့ ပတ်သက်ပြီး အမေရိကန် ပြည်ထောင်စုက အထူးစိုးရိမ်ကြောင်း ရန်ကုန်မြို့ရှိ အမေရိကန်သံရုံးက ပြောကြား လိုက်ပါတယ်။
မြန်မာနိုင်ငံဆိုင်ရာ အမေရိကန်သံအမတ်ကြီး မစ္စတာ Derek Mitchell နဲ့ အမေရိကန် လက်ထောက် နိုင်ငံခြားရေးဝန်ကြီး မစ္စတာ Joseph Yun တို့ ရခိုင်ပြည်နယ်အတွင်း အကြမ်းဖက် ပဋိပက္ခဒဏ် ခံစားခဲ့ရတဲ့ နေရာတွေကို နှစ်ရက်ကြာ သွားရောက် ကြည့်ရှု လေ့လာခဲ့ပြီးတဲ့နောက် အမေရိကန် သံရုံးက ကြေညာချက် ထုတ်ပြန်ခဲ့တာ ဖြစ်ပါတယ်။
ဖြစ်ပြီးခဲ့တဲ့ ပဋိပက္ခဒဏ်ကို နှစ်ဖက်စလုံး အကြီးအကျယ် ခံခဲ့ကြရပြီး စာနာမှုကူညီရေး အခြေအနေကလည်း စိုးရိမ်စရာ ကောင်းနေဆဲ ဖြစ်ကြောင်း လိုအပ်နေတာတွေကို ချက်ခြင်းအမြန် ဆောင်ရွက်ပေးဖို့ အရေးကြီးတဲ့အပြင် ရေရှည်အတွက် အခြေခံကျတဲ့အလုပ်တွေ၊ တည်တံ့ခိုင်မြဲပြီး တရားမျှတတဲ့ ဖြေရှင်းမှုတွေ ချမှတ်ဖို့လည်း လိုအပ်ကြောင်းလည်း ဖော်ပြထားပါတယ်။
အမေရိကန် ပြည်ထောင်စု အရှေ့အာရှနဲ့ ပစိဖိတ်ရေးရာဌာန အကြီးအကဲလည်းဖြစ်တဲ့ မစ္စတာ Joseph Yun ဟာ ရခိုင်ပြည်နယ် အကြမ်းဖက်မှုကိစ္စ ဆက်လက် ဆွေးနွေးဖို့အတွက် မြန်မာနိုင်ငံကနေ ဘင်္ဂလားဒေ့ရှ် နိုင်ငံကို မနေ့က ထွက်ခွာသွားပါတယ်။

အမေရိကန် လက်ထောက်ဝန်ကြီး ၄ ဦး ရခိုင်ပြည်နယ်သို့ သွားရောက်လေ့လာခဲ့ – Hillary Clinton sent a delegation to visit Burma and Bangladesh

ရခိုင်ပြည်နယ်တွင် လူသားချင်း စာနာမှု ထောက်ပံ့ရေး အခြေအနေမှာ စိုးရိမ်ဖွယ်အခြေအနေတွင် ရှိသည်ဟု အမေရိကန် လက်ထောက် ၀န်ကြီး ၄ ဦးပါဝင်သည့်ကိုယ်စားလှယ်အဖွဲ့က ယနေ့ သတင်းထုတ်ပြန်လိုက်သည်။
အမေရိကန်နိုင်ငံခြားရေး ၀န်ကြီး ဟီလာရီကလင်တန် စေလွှတ်လိုက်သည့် ထိုကိုယ်စားလှယ်အဖွဲ့သည် ရခိုင်ပြည်နယ်တွင် ၂ ရက်ကြာ လေ့လာခဲ့ပြီးနောက် ထိုသို့ သတင်းထုတ်ပြန်လိုက်ခြင်း ဖြစ်သည်။
“လူ့အဖွဲ့အစည်းနှစ်ခုစလုံး ကြီးကြီးမားမား ထိခိုက်မှု ရှိနေပြီး လူသားချင်းစာနာ ထောက်ပံ့ရေး အခြေအနေက စိုးရိမ်စရာကောင်းလွန်းနေဆဲဖြစ်ပါသည်” ဟု ကိုယ်စားလှယ်အဖွဲ့က ဆိုသည်။
၎င်းတို့အဖွဲ့သည် စစ်တွေမြို့ အပါအ၀င် မြန်မာ ဘင်္ဂလားဒေ့ရ်ှနယ်စပ်ရှိ မောင်တောမြို့သို့ သွားရောက်လေ့လာပြီး အလွှာပေါင်းစုံနှင့် ထိတွေ့ခဲ့သည်ဟု သတင်းထုတ်ပြန်ထားသည်။
“ရေရှည်တည်တံ့ပြီး တရားမျှတမှုရှိရှိ ဖြေရှင်းဆောင်ရွက်ရန် အခြေခံအုတ်မြစ်ကိုလည်း ချရပေမည်” ဟု အဆိုပါ သတင်းထုတ်ပြန်ချက်တွင် ရေးထားသည်။
ဝါရှင်တန်မှ စေလွှတ်လိုက်သော လက်ထောက်နိုင်ငံခြားရေးဝန်ကြီး ၄ ဦးသည် ယနေ့ ဘင်္ဂလားဒေ့ရ်ှနိုင်ငံသို့ ထွက်ခွာသွားပြီဖြစ်ကြောင်း သတင်းထုတ်ပြန်ချက်တွင် ဖော်ပြထားသည်။

ကချင် စစ်ပြေး ဒုက္ခသည် ၅၀၀၀ နီးပါး တရုတ် ပြန်ပို့

တရုတ်နိုင်ငံတွင် ခိုလှုံနေသည့် ဒုက္ခသည် စခန်း ၆ ခုမှ ကချင် စစ်ပြေး ဒုက္ခသည် ၅၀၀၀ နီးပါးကို တရုတ် အာဏာပိုင်များက မြန် မာ ပြည်သို့ မကြာသေးခင်က ပြန်ပို့လိုက်ကြောင်း ဒုက္ခသည် အကူအညီပေးရေး အဖွဲ့က ပြောသည်။
မြန်မာနိုင်ငံသို့ ပြီးခဲ့သည့်လ၂၂ ရက် နေ့မှစ၍ တပတ်အတွင်းပြန်ပို့ခြင်း ခံရသည့် ယင်းဒုက္ခသည်များသည် တရုတ်နိုင်ငံ နန်တောင်းမြို့နယ် အတွင်းရှိ ရမ်လူး (Yang Lu)၊ လောင်ဖိုင် (Lau Hpai)၊ လုံဂရောက် (Lung Krawk)၊ နားကောင်းကောင် (Na Kawng Kawng)၊ ခဒေါင်ပါ (Hka dawng Pa)၊ ငါနောင်ပါ (Nga Nawng Pa) စခန်းများတွင် နေထိုင်သူများ ဖြစ်သည်။
ဒုက္ခသည်များ ပြန်ပို့သည့် အကြောင်းအရင်းကို မသိရသော်လည်း တရုတ်နိုင်ငံ ရွှေလီမြို့ အာဏာပိုင်များက ပြန်ခိုင်းခြင်း ဖြစ်ကြောင်း ကချင် ဒုက္ခသည်များ ကူညီကယ်ဆယ်ရေး ကော်မတီ ဥက္ကဋ္ဌ ဦးဒွဲပီဆာက ပြောသည်။ဒုက္ခသည် အများစုက မံစီမြို့နယ် အတွင်းရှိ မန်ဝိန်ကြီး ကျေးရွာသို့ သွားရောက်နေထိုင်ကြပြီး ခရစ်ယာန် ဘာသာရေးခေါင်းဆောင် များက ကူညီ ထောက်ပံ့ ပေးထားကြောင်း ၎င်းက ပြောပြသည်။
“ကျနော်တို့ ကူညီနိုင်တဲ့ စေတနာရှင်တွေကို ကူညီဖို့ တောင်းဆိုတာ လောလောဆယ်ဆယ် စားဝတ်နေရေး ဒီလောက်ပဲ စီစဉ်ပေး ထားနိုင်ပါတယ်”ဟုလည်း ဦးဒွဲပီဆာ က ဆိုသည်။
တခြားသော အစိုးရမဟုတ်သည့် NGO အဖွဲ့တချို့က ရိက္ခာနှင့်ဆေးဝါးများ လာရောက် ထောက်ပံ့မှုများရှိကြောင်းလည်း ၎င်းက ဆက်ပြောသည်။
“မန်ဝိန်ကြီး ဆိုတာ လက်ရှိ အစိုးရ ရဲစခန်း ရှိတယ်၊ နောက် စစ်ကြောင်း လှုပ်ရှားမှုတွေလည်း အမြဲတမ်းရှိတယ်၊ ဒါပေမယ့် အခုလော လောဆယ်တော့ ရဲစခန်းတွေက စစ်ပြေး ဒုက္ခသည်တွေကို ဘယ်လို နေရမယ် ဆိုတာလည်း မပြောဘူး၊ လာရောက်ကြည့် ရှုတာလည်း မရှိဘူး”ဟု ၎င်းက ရှင်းပြသည်။
ကုလသမဂ္ဂ ဒုက္ခသည်များ ဆိုင်ရာ မဟာမင်းကြီး ရုံး(UNHCR) ကလည်း မြန်မာပြည် မြောက်ပိုင်း လုံခြုံမှုမရှိသော စစ်မက်ဖြစ်ပွားရာ ကချင် ဒေသသို့ ကလေးလူငယ် အများအပြား ပါဝင်သည့် ဒုက္ခသည် ၅၀၀၀ ခန့်ကို တရုတ်အာဏာပိုင်များက ပြန်ပို့နေသည့် အတွက် အလွန် စိုးရိမ်မိကြောင်း ယခုလ ၇ ရက်နေ့က ထုတ်ပြန်ထားသည်။ကချင်ပြည်နယ် တရုတ်နယ်စပ်မှ လွယ်ဂျယ် ဒုက္ခသည် စခန်း ၄ ခု ရှိ ပြန်ပို့ခံရသော ဒုက္ခသည် ၁၂၀၀ ခန့်ကိုလည်း ယခုလဆန်း က တာပေါ်လင်စ၊ စောင်၊ ခြင်ထောင် နှင့် မီးဖိုချောင်သုံး ပစ္စည်းများကို သွားရောက်ထောက်ပံ့ ပေးခဲ့သေးသည်ဟု ထုတ်ပြန်ချက်၌ ပါရှိသည်။
ပြန်ပို့ခံရသည့် ဒုက္ခသည်များထဲမှ ၃၄၀၀ ကျော်မှာ တိုက်ပွဲများကြောင့် ပျက်စီးခဲ့သည့် ၎င်းတို့၏ အိုးအိမ်များတွင် ပြန်လည် နေ ထိုင်ရန် ကြောက်ရွံ့နေသည့်အတွက် ဒုက္ခသည် စခန်းများ၌ပင် နေထိုင်လျက်ရှိကြောင်း၊ စားရေရိက္ခာ၊ အမိုးအကာ နှင့် ဆေးဝါးများလည်း လိုအပ်လျက်ရှိကြောင်း သိရသည်။ထို့ကြောင့် တရုတ် အာဏာပိုင်များအနေဖြင့် ကချင် စစ်ပြေးဒုက္ခသည်များကို စစ်မက်ဇုန် အတွင်းသို့ ပြန်လည်ပို့ဆောင်နေခြင်း နှင့် ပတ်သက်၍ အကြိမ်ကြိမ် မေတ္တာ ရပ်ခံခဲ့ကြောင်းလည်း UNHCR ထုတ်ပြန်ချက်က ဆိုသည်။
ယင်း ဒုက္ခသည်များသည် ၂၀၁၁ ခုနှစ် ဇွန်လပိုင်းက အစိုးရတပ်များနှင့် ကချင်ပြည် လွတ်လပ်ရေး တပ်မတော် (KIA)တို့ အကြား တိုက်ပွဲများကြောင့် အိုးအိမ်စွန့်ခွာ၍ တရုတ်ပြည်ဘက်သို့ ထွက်ပြေးသွားကြသူများ ဖြစ်ကြောင်း သိရသည်။
KIA သည် ၁၉၉၄ ခုနှစ်တွင် အစိုးရနှင့် အပစ်အခတ်ရပ်စဲရေး လက်မှတ်ရေးထိုးထားသည့် တိုင်းရင်းသား လက်နက်ကိုင် အဖွဲ့ ဖြစ် ပြီး ၂၀၁၁ ခုနှစ် ဇွန်လတွင် တိုက်ပွဲများ ပြန်လည် ဖြစ်ပွားခဲ့ပြီးနောက် အပစ်အခတ် ရပ်စဲရေးလည်း ပျက်ပြားခဲ့သည်။ ယင်းတိုက်ပွဲများကြောင့် အစိုးရနှင့် KIA ကြား ငြိမ်းချမ်းရေး ပြန်လည် တည်ဆောက်ရန် ၂၀၁၁ ခုနှစ် နိုဝင်ဘာလမှ စတင်၍ ၂၀၁၂ ခုနှစ်အတွင်း အကြိမ်ကြိမ် တွေ့ဆုံခဲ့ကြသော်လည်း ယနေ့အထိ ရေရာသည့် သဘောတူညီချက် တစုံတရာ မရရှိသေးပေ။
ယမန်နှစ် ဇွန်လမှ စတင် ဖြစ်ပွားခဲ့သည့် တိုက်ပွဲများကြောင့် အိုးအိမ် စွန့်ခွာထွက်ပြေးရသော ဒေသခံ ဒုက္ခသည်များမှာ ကချင်ပြည် နယ်နှင့် ရှမ်းပြည်နယ်အတွင်း စုစုပေါင်း ၇၅၀၀၀ ခန့်ရှိကြောင်းလည်း ကုလသမဂ္ဂက ထုတ်ပြန်ထားသည်။