မြန်မာ သတင်းများ  အောက်တိုဘာ ၁၀ ၊ ၂၀၁၂

မြန်မာနဲ့ တောင်ကိုရီးယားသမ္မတတို့ ၂ နိုင်ငံဆက်ဆံရေးတိုးမြှင့်ဖို့ ဆွေးနွေး


မြန်မာသမ္မတ ဦးသိန်းစိန်ဟာ သူ့ရဲ့ တောင်ကိုရီးယားခရီးစဉ် ဒုတိယနေ့
မနေ့က ညနေစောင်းက သမ္မတ အီမြောင်ဘတ်နဲ့ တွေ့ဆုံပြီး ရင်းနှီးမြှုပ်နှံမှုတွေကို အာမခံမယ့် သဘောတူညီမှု ရ ရှိအောင် နှစ်နိုင်ငံအကြား ဆွေးနွေး ညှိနှိုင်းသွားကြမယ်လို့ တောင်ကိုရီးယားသမ္မတရုံးက သတင်း ထုတ်ပြန်ခဲ့ပါတယ်။ သမ္မတဦးသိန်းစိန်ကို မနေ့က ညနေစောင်းမှာ တောင်ကိုရီးယားသမ္မတ အီမြောင်ဘတ်နဲ့ ဆိုးလ်မြို့တော်မှာရှိတဲ့ Cheong Wa Dae သမ္မတ အိမ်တော်မှာ လက်ခံတွေ့ဆုံခဲ့တာပါ။

သမ္မတနှစ်ဦးရဲ့ ထိပ်သီး စည်းဝေးပွဲအတွင်း ရင်းနှီးမြှုပ်နှံမှုတွေကို အာမခံမယ့် သဘောတူညီချက် ရရှိအောင် နှစ်နိုင်ငံအကြား ဆွေးနွေး ညှိနှိုင်းသွားကြမယ့် အကြောင်း တောင်ကိုရီးယားသမ္မတရုံးက သတင်း ထုတ်ပြန်ခဲ့ပါတယ်။ ပြုပြင်ပြောင်းလဲမှုတွေ စတင်လုပ်ဆောင်ပြီး တံခါးဖွင့်ဝါဒကို စတင် ကျင့်သုံးနေတဲ့ မြန်မာနိုင်ငံ နဲ့ တောင်ကိုရီးယားနိုင်ငံအကြား ကုန်သွယ်ရေးနဲ့ ရင်းနှီးမြှုပ်နှံမှုတွေ တိုးချဲ့ လုပ်ဆောင်နိုင်ရေး အတွက် နီးနီးကပ်ကပ် ပူးပေါင်း ဆောင်ရွက်ကြဖို့လည်း ထိပ်သီးစည်းဝေးပွဲအတွင်း သဘောတူညီမှု ရရှိခဲ့တယ်လို့ ဆိုပါတယ်။

တောင်ကိုရီးယားနိုင်ငံက ကုမ္ပဏီပေါင်း ၅၂ ခုက မြန်မာနိုင်ငံမှာ အမေရိကန်ဒေါ်လာ သန်း သုံးထောင်နီးပါး ရင်းနှီးမြှုပ်နှံထားတာကြောင့် တောင်ကိုရီးယားဟာ မြန်မာနိုင်ငံအတွက် အရေးပါတဲ့ ကုန်သွယ်ဘက် နိုင်ငံတခု ဖြစ်နေတာပါ။

အစောပိုင်း သမ္မတ အီမြောင်ဘတ်နဲ့ မတွေ့ဆုံခင်တုန်းကတော့ သမ္မတဦးသိန်းစိန် ဟာ တောင်ကိုရီးယားနိုင်ငံက အလတ်စားနဲ့ အသေးစား စီးပွားရေးလုပ်ငန်းရှင်တွေ နဲ့ တွေ့ဆုံပြီး မြန်မာနိုင်ငံမှာ ရင်းနှီးမြှုပ်နှံမှုတွေ လုပ်ဆောင်ကြဖို့ တိုက်တွန်း ပြောဆိုခဲ့ပါတယ်။



GW မျိုးဆက်သစ် ၅ နှစ်ပြည့်ပြီ


၂၀၀၇ ရွှေဝါရောင်တော်လှန်ရေးမှာ စတင်ဖွဲ့စည်းခဲ့တဲ့ မျိုးဆက်သစ်လူငယ်များ (Generation Wave) အဖွဲ့ရဲ့ ၅ နှစ်ပြည့် မွေးနေ့ အခမ်းအနားကို မရမ်းကုန်းမြို့နယ်မှာရှိတဲ့ သမိုင်းမြို့မ ပရိယတ္တိစာသင်တိုက်မှာ မနေ့က မနက်ပိုင်းက ကျင်းပခဲ့ပါတယ်။
ယခုပြောင်းလဲလာတဲ့ နိုင်ငံရေး အခြေအနေကြောင့် ၂၀၁၁ ခုနှစ်က စတင်ပြီး  မြင်သာတဲ့ လှုပ်ရှားမှုတွေကို လုပ်ဆောင်လာတာ ဖြစ်တယ်လို့ မျိုးဆက်သစ်လူငယ်များအဖွဲ့ကို တည်ထောင်သူ တစ်ဦးဖြစ်တဲ့ ဦးဖြိုးဇေယျာသော်က ပြောပါတယ်။
" ကျွန်တော်တို့နိုင်ငံဟာ ပြုပြင်ပြောင်းလဲတဲ့ လမ်းစတစ်ခုကိုသာ ရောက်နေသေးတာပါ။ ကျွန်တော်တို့ ရောက်ချင်တဲ့ ပန်းတိုင်တွေကို ရောက်ဖို့ဆိုတာ အဝေးကြီးလိုပါသေးတယ်။ ကိုယ်လိုချင်တဲ့ ပန်းတိုင်တွေကို ရောက်ဖို့အတွက် ဆိုရင် ကျွန်တော်တို့အားလုံး တူညီတဲ့ ဒါရိုက်ရှင် တစ်ခုကို ဝိုင်းပြီး တွန်းနိုင်တော့မှ ကျွန်တော်တို့ လိုချင်တဲ့ ပန်းတိုင်က မြန်မြန်ဆန်ဆန် ချောချောမွေ့မွေ့ ရောက်နိုင်မှာ။"
မျိုးဆက်သစ် ကျောင်းသားများ အဖွဲ့ရဲ့ ၅ နှစ်ပြည့် အခမ်းအနားကို တက်ရောက်လာတဲ့ ဒိန်းမတ်နိုင်ငံ ခိုးဝါဟော့ခ် အထက်တန်းကျောင်းက ကျောင်းသားအဖွဲ့က အပြောင်းအလဲကို ငါတို့လုပ်နိုင်ခဲ့တယ် ဆိုတဲ့သီချင်းကို ဒိန်းမတ်ဘာသာနဲ့ သီဆိုဂုဏ်ပြုခဲ့ပါတယ်။
ကျင်းပတဲ့ အခမ်းအနားကို မျိုးဆက်သစ်လူငယ်များ အဖွဲ့ဝင်တွေ၊ ၈၈ မျိုးဆက်ကျောင်းသား အဖွဲ့ဝင်တွေ၊ နိုင်ငံရေးပါတီ အသီးသီးက တာဝန်ရှိသူတွေ အပြင် ဒိန်းမတ်နိုင်ငံ ခိုးဝါဟော့ခ် အထက်တန်းကျောင်းက ကျောင်းသား/ကျောင်းသူတွေ အပါအဝင် နိုင်ငံရေး တက်ကြွလှုပ်ရှားသူ ၂၀၀ ကျော် တက်ရောက်ခဲ့ပါတယ်။

မြေလွတ်မြေရိုင်း နည်းဥပဒေ အမြန်ဆုံး ပြဋ္ဌာန်းရေးတောင်းဆို


ညီညွတ်သော တိုင်းရင်းသားများ မဟာမိတ်အဖွဲ့ (UNA) အပါအ၀င် တောင်သူလယ်သမား အရေး နဲ့ လယ်ယာမြေအရေး ဆောင်ရွက်နေတဲ့ အဖွဲ့အစည်းတွေက အစိုးရ အနေနဲ့ မြေလွတ်မြေရိုင်း နည်းဥပဒေတွေ အမြန်ဆုံး ပြဋ္ဌာန်းပေးဖို့ မနေ့က တောင်းဆိုလိုက်ကြပါတယ်။
ရန်ကုန်မြို့ ဗဟန်းမြို့နယ်မှာ ရှိတဲ့ တော်ဝင်နှင်းဆီခန်းမမှာ မြေလွတ် မြေလပ် မြေရိုင်း စီမံခန့်ခွဲမှု ဆွေးနွေးပွဲ ကျင်းပခဲ့တာဖြစ်ပြီး အဲဒီကနေ သဘောထားအမြင် ၁၀ ချက် ထုတ်ပြန်ပြီး တောင်းဆိုလိုက်ကြတာပါ။  ဆွေးနွေးပွဲ တက်ရောက်ခဲ့တဲ့ UNA အဖွဲ့ဝင် ရှမ်းတိုင်းရင်းသားများ ဒီမိုကရေစီအဖွဲ့ချုပ်က အတွင်းရေးမှူး ဦးစိုင်းညွန့်လွင်က အခုလိုပြောပါတယ်။
"စာရင်းထဲမှာ နာမည်မပေါက်တဲ့ တောင်ယာတွေက အများစု ဖြစ်နေတယ်။ ဆိုတော့ မြေလွတ်မြေလပ် မြေရိုင်းတွေကို နိုင်ငံခြားသားတွေကို မြေပုံပေါ်မှာ ကြည့်ပြီး ငှားရမ်းလိုက်မယ်ဆိုရင် တောင်သူလယ်သမားတွေ အတွက် တော်တော်လေး ပြဿနာတခု ထပ်ပြီးတော့ ရင်ဆိုင်ရမယ်ဆိုပြီး ကျွန်တော်တို့ စိတ်ပူတယ်ဗျ။"
ထုတ်ပြန်ခဲ့တဲ့ သဘောထားမှတ်ချက်တွေမှာ မြေလွတ်မြေလပ်မြေရိုင်းဥပဒေ နဲ့ပတ်သက်တဲ့ နည်းဥပေဒေတွေကို အများပြည်သူ သိရှိအောင် နိုင်ငံတော်အနေနဲ့ ထုတ်ပြန်ပေးဖို့၊ သက်ဆိုင်ရာ တိုင်းနှင့်ပြည်နယ်တွေ အလိုက် မြေလွတ်မြေလပ်မြေရိုင်း ပမာဏတွေကို အများပြည်သူတွေ သိရှိအောင် ထုတ်ပြန်ကြေငြာပေးဖို့၊ ရင်းနှီးမြှပ်နှံမှု လုပ်ကိုင်ခွင့်ပေးရာမှာ သဘာဝပတ်ဝန်းကျင် ထိခိုက်မှု မရှိစေရန် ထိမ်းညှိဆောင်ရွက်ပေးဖို့ စတဲ့အချက်တွေ ပါဝင်ပါတယ်။
ဆွေးနွေးပွဲကို ရှမ်းတိုင်းရင်းသားများ ဒီမိုကရေစီအဖွဲ့ချုပ် ဥက္ကဋ္ဌ ဦးခွန်ထွန်းဦး အပါဝင် တခြား တိုင်းရင်းသားပါတီတွေက တာဝန်ရှိ ပုဂ္ဂိုလ်တွေ၊ ၈၈ မျိုးဆက်ကျောင်းသားတွေ၊ လယ်သမား အလုပ်သမားအရေး ဆောင်ရွက်သူတွေ၊ နိုင်ငံရေးပါတီတွေနဲ့ လူမှုရေး အဖွဲ့အစည်းတွေ ကိုယ်စားလှယ်တွေ တက်ရောက်ခဲ့ပါတယ်။
လာမယ့် ၁၁ ကနေ ၁၃ ရက်နေ့ အထိ ကျင်းပဖို့ ရှိတဲ့ နိုင်ငံခြား ရင်းနှီးမြှပ်နှံမှုဆိုင်ရာ ညီလာခံမှာ နိုင်ငံခြားသားတွေ အနေနဲ့ ရင်းနှီးမြှပ်နှံမှုတွေ လုပ်ပိုင်ခွင့်ရှိဖို့ အဓိကထား ဆွေးနွေးကြမှာလို့ သိရပါတယ်။ အဲဒီအစည်းအဝေး မတိုင်ခင် တိုင်းရင်းသားပါတီတွေ အပါအ၀င် အဖွဲ့အစည်းတွေက စုပေါင်း သဘောထား ပေးပို့ကြတာ ဖြစ်ပါတယ်။ ရှမ်းတိုင်းရင်းသားများ ဒီမိုကရေစီအဖွဲ့ချုပ် အတွင်းရေးမှူး ဦးစိုင်းညွန့်လွင်ကို အာအက်ဖ်အေ ၀ိုင်းတော်သား ဦးဝင်းနိုင်က ဆက်သွယ်မေးမြန်းထားပါတယ်။

ကျပ် သိန်း ၁၃၃၇၀ ကျော် တန်ဖိုးရှိ မူးယစ်ဆေးဝါးများ ဖမ်းမိ

စစ်ကိုင်းတိုင်း ကနီမြို့နယ် လက်ပံစု ကျေးရွာအနီး ချင်းတွင်းမြစ်အတွင်း မောင်းနှင်နေသော စက်လှေတစီးပေါ်မှ ကျပ်သိန်း ၁၃၃၇၀ ကျော် တန်ဖိုးရှိ မူးယစ်ဆေးဝါးများ စက်တင်ဘာ ၂၉ ရက်နေ့က ဖမ်းဆီးရမိကြောင်း သိရသည်။ မုံရွာ မူးယစ် အထူး အဖွဲ့မှ ဖမ်းဆီးရမိသော ယင်းမူးယစ်ဆေးများမှာ ဆာလာအိတ် ၅၆ အိတ်ဖြင့် ထည့်ထားသော ဆူဒို အက်ဖီဒရင်း အာနိသင်ပါ ဆေးများနှင့် အက်ဖီဒရင်း ဆေးများ ဖြစ်ပြီး တရားခံ ၅ ဦးကိုလည်း တပါတည်း ဖမ်းမိခဲ့သည်ဟု ယနေ့ထုတ် မြန်မာ့အလင်း သတင်းစာ၌ ပါရှိသည်။



တရုတ်က ဧရာဝတီတိုင်း အတွက် ဒေါ်လာ ၃ သန်း အတိုးမဲ့ချေး


ရေဘေး ဒုက္ခ ခံခဲ့ရသည့် ဧရာဝတီတိုင်းအား ရေနစ်မြုပ်မှုကင်းဝေးစေရန် တာတမံများ ပြုလုပ်၍ ထိန်းသိမ်းခြင်း ဆောင်ရွက်ရေး အတွက် တရုတ်နိုင်ငံက ဧရာဝတီတိုင်း ဒေသကြီး အစိုးရအဖွဲ့ကို အတိုးမဲ့ချေးငွေ အမေရိကန်ဒေါ်လာ ၃ သန်း ချေးပေးကြောင်း သိရသည်။ ထိုငွေများဖြင့် ဒေသအတွင်းရှိ တာတမံများ၊ တာပေါင်များကို မြှင့်တင်ရန်၊ ပန်းတာ၊ ဖျက်တာများ၊ ရေထိန်း တံခါးများ တည်ဆောက်ခြင်း ဆောင်ရွက်ရန် စီမံချက်များ ရေးဆွဲပြီး လယ်ယာ စိုက်ပျိုးရေးနှင့် ဆည်မြောင်းဝန်ကြီးဌာနသို့ တင်ပြထားပြီးဖြစ် ကြောင်း တိုင်းဒေသကြီး အစိုးရအဖွဲ့ ၀န်ကြီးချုပ် ဦးသိန်းအောင်က ပြောကြားသည်။

အလုပ်သမား သမဂ္ဂများ စုပေါင်းဗဟိုရုံး ဖွင့်မည်


ရန်ကုန်တိုင်း လှိုင်သာယာမြို့နယ် အတွင်း၌ အလုပ်သမား သမဂ္ဂများ ရုံးခန်းအဖြစ် အသုံးပြုနိုင်ရန်အတွက် အလုပ်သမား သမဂ္ဂများ စုပေါင်းဗဟိုရုံး ဖွင့်လှစ်သွားမည်ဖြစ်ကြောင်း သတင်းရရှိသည်။
ထိုရုံးခန်းအား လက်ရှိတွင် လှိုင်သာယာမြို့နယ်အတွင်းရှိ စက်ရုံအလိုက်ဖွဲ့စည်းထားသော အလုပ်သမားသမဂ္ဂ ၁၅ ခုကို စုစည်း၍အမှတ် ၈၈၊ ပီမိုးနင်းလမ်း၊ ၂/၆ ရပ်ကွက်၊ လှိုင်သာယာမြို့နယ်တွင် ဖွင့်လှစ်ထားပြီးဖြစ်ကြောင်း၊ နောက်ပိုင်းတွင် မြန်မာ တနိုင်ငံ လုံးမှ အလုပ်သမားအဖွဲ့များနှင့် ဆက်သွယ်၍ စုပေါင်းလုပ်ဆောင်သွားမည်ဖြစ်ကြောင်း အလုပ်သမားအရေး ဆောင်ရွက်နေသူ ကိုဇော်ရမ်းက ပြောပြသည်။
လှိုင်သာယာမြို့နယ်အတွင်းရှိ အလုပ်သမားသမဂ္ဂများ အားလုံး ရုံးခန်းအဖြစ် အသုံးပြုနိုင်ရုံသာမကဘဲ အလုပ်သမားများကို သင် တန်းများ၊ ဆွေးနွေးပွဲများ ပြုလုပ်ရန်အတွက်လည်း ရည်ရွယ်ကြောင်း၊ ထို့အပြင် လက်ရှိအခြေအနေအရ ဖြစ်ပေါ်နေသော အလုပ် သမားသမဂ္ဂများ ကွဲပြားနေခြင်းကို စုစည်းမိစေရန်လည်း ရည်ရွယ်ခြင်းဖြစ်ကြောင်း ကိုဇော်ရမ်းက ပြောသည်။အဆိုပါ ရုံး၏ ရေရှည်ရပ်တည်နိုင်ရေး၊ လုပ်ငန်းလည်ပတ်နိုင်ရေးများအတွက် အလုပ်သမားများကိုယ်တိုင် စုပေါင်းလုပ်ဆောင်သွားရမည်ဖြစ်ကြောင်း၊ လတ်တလောတွင် တနှစ်အထိသာ ရုံးခန်းငှားရမ်းထားကြောင်း၊ ရုံးခန်း ဆိုင်းဘုတ်၊ အလံနှင့် အမှတ်တံဆိပ်များ ကိုလည်း နောက်တပတ်အတွင်း အပြီး ဆောင်ရွက်သွားမည်ဖြစ်ကြောင်း သိရသည်။
ထို့အပြင် ရုံးခန်းကို အပတ်စဉ် တနင်္ဂနွေနေ့တိုင်း ဖွင့်လှစ်ထားမည်ဖြစ်ပြီး အလုပ်သမားသမဂ္ဂများ စုပေါင်းဆွေးနွေး၍ ရုံးအဖွဲ့များဖွဲ့စည်းပြီး လိုအပ်လျှင် ဆက်တိုက် ဖွင့်လှစ်နိုင်ရန် စီစဉ်သွားမည်ဖြစ်ကြောင်း၊ ရန်ပုံငွေများလည်း လိုအပ်နေသေးကြောင်း အလုပ် သမား ကိုယ်စားလှယ်တဦးဖြစ်သည့် ကိုမျိုးမင်းသိန်းက ပြောပြသည်။
တော်ဝင်မြန်မာ ဇာပန်ထိုး စက်ရုံမှ အလုပ်သမား ကိုယ်စားလှယ်တဦးကလည်း“ဒီလိုရုံးမျိုးက မြန်မာနိုင်ငံမှာ ပထမဦးဆုံးဖွင့်လှစ်နိုင် မယ့် အလုပ်သမား သမဂ္ဂတွေရဲ့ရုံးဖြစ်လာမှာပါ။ ဒီလိုရုံးမျိုး ရှိလာတဲ့အတွက် အလုပ်သမားအဖွဲ့တွေကြား တွေ့ဆုံမှုတွေ ကောင်း လာမယ်။ အလုပ်သမား အရေးတွေ ဆောင်ရွက်ရာမှာ အကူအညီ ပေးမယ့်သူတွေနဲ့လည်း တွေ့ဆုံရတာမျိုး၊ ဆွေးနွေးရတာမျိုးက အခုလို ရုံးရှိလာတော့ ကောင်းတယ်”ဟု ပြောသည်။
လက်ရှိမြန်မာနိုင်ငံတွင် အလုပ်သမားအဖွဲ့ပေါင်း ၂၆၄ ဖွဲ့ ဖွဲ့စည်းထားပြီး ဖြစ်ကြောင်း သိရသည်။
လှိုင်သာယာ စက်မှုဇုန် အပါအ၀င် မြန်မာနိုင်ငံ မြို့ကြီးများရှိ စက်ရုံ၊ အလုပ်ရုံများ၌ လုပ်ခ လစာ၊ အချိန်ပိုကြေး၊ အလုပ်ရှင် အလုပ် သမား ပြဿနာများနှင့် အလုပ်သမား အခွင့်အရေး ဆိုင်ရာ ပြဿနာများကြောင့် မကြာခဏ အလုပ်သမား ဆန္ဒပြမှုများလည်း ဖြစ် ပေါ်လျက် ရှိသည်။


LWIN PWIN
NLABR
Web-site:                   www.nlabr.com
Blog:                         http://wanna23-23.blogspot.com/
Facebook:                   Sa Maung

0 comments:

Post a Comment