စုပေါင်းဆောာင်းပါးများ (လူထုစိန်ဝင်း )

ဇွတ်မညှိနဲ့ မတူတာကို လက်ခံနိုင်အောင်ကြိုးစား (လူထုစိန်ဝင်း )

ညီညွတ်ရင် အလုပ်တွင်တယ်။ ကောင်းတယ်။ မညီညွတ်ရင် အလုပ်မတွင်ဘူး။ ဖင့်နှေးတယ်။ ဒါပေမဲ့ မညီညွတ်တာ မကောင်းဘူးလို့တော့ တထစ်ချပြောလို့မရဘူး။ ညီညွတ်တိုင်း ကောင်းတယ်လို့ ပြောမရနိုင်တာမျိုးရှိသလို မညီညွတ်လို့ ကောင်းသွားတာမျိုးလည်းရှိတယ်။
ကျွန်အဖြစ်တော့မနေဘူးအင်္ဂလိပ်လက်အောက်မှာ နေရတာကောင်းတယ်။ အဘက်ဘက်က တိုးတက်တယ်လို့ လူတိုင်းတညီတညွတ်တည်း သဘောထားနေကြရင် လွတ်လပ်ရေးဆိုတာ ရှိခဲ့မှာတောင် မဟုတ်ဘူး။ မျက်နှာဖြူတွေကို သခင်ခေါ်၊ ရှိခိုးဦးတင်လုပ်ပြီး သူတို့စားကြွင်းစားကျန် အရိုးအရင်းကိုက်ရတဲ့ ကျွန်အဖြစ်နဲ့တော့မနေဘူး။ ကိုယ့်မင်းကိုယ့်ချင်း သခင်ဘ၀နဲ့ ထမင်းကြမ်းပဲ ယပ်ခတ်စားနေမယ်ဆိုတဲ့ သဘောကွဲသူတွေကြောင့်သာ အခုလို လွတ်လပ်တဲ့ နိုင်ငံအဖြစ် ရပ်တည်နိုင်ခဲ့တာဖြစ်တယ်။ အင်္ဂလိပ်လက်အောက် နေရတာကောင်းတယ် ဆိုသူတွေက လွတ်လပ်ရေးရပြီးမှ ဘယ်မှာကောင်းကောင်းနေရတာရှိလို့လဲလို့ အပြစ်ပြောကြတယ်။
ဒုက္ခတွေများကြမှန်တယ်။ လွတ်လပ်ရေးရပြီးနောက် ဖြစ်လာတဲ့ ပြည်တွင်းစစ်ကြောင့် အိပ်ကောင်ခြင်းမအိပ်ရ၊ စားကောင်းခြင်းမစားရနဲ့ ဒုက္ခတွေများကြရတယ်။ တောသူတောင်သားတွေ လယ်တွေယာတွေ စွန့်ပစ်ပြေးကြရပြီး မြို့မှာ ကြုံရာကျပန်း အလုပ်ကြမ်းတွေ လုပ်ကြရတယ်။ အာရှတိုက်ရဲ့ အချမ်းသာဆုံးနိုင်ငံအဖြစ်ကနေ အဆင်းရဲဆုံးနိုင်ငံအဖြစ် လျောကျသွားခဲ့ရတယ်။ ဒါပေမဲ့ ဒါတွေဟာ လွတ်လပ်ရေးကြောင့်ဖြစ်ရတာ မဟုတ်ဘူး။ အများပြောနေကြသလို မညီညွတ်လို့ဖြစ်ရတာ မဟုတ်ဘူး။ ညီညွတ်ရေးဆိုတဲ့စကားကို အဓိပ္ပာယ်ကောက်လွဲလို့ ဒီမိုကရေစီရဲ့ အနှစ်သာရလို မျက်ကွယ်ပြုကြလို့ဖြစ်တယ်။
လူ ၁၀ ယောက်၊ အကြိုက် ၂၀
ညီညွတ်ရေးအကြောင်း ပြောကြတဲ့အခါမှာ 'ရေကိုသားလို့အကြားမထင်' ဆိုတဲ့စကားနဲ့ တင်စားပြောဆိုလေ့ရှိတယ်။ ဒါက စကားအဖြစ်သာပြောတာ။ လက်တွေ့လူ့လောကမှာ ဖြစ်နိုင်တာမျိုးမဟုတ်ဘူး။ လူတစ်ကိုယ် အကြိုက်တစ်မျိုးရှိခြင်းဟာ ဓမ္မတာတရားဖြစ်တယ်။ လူ ၁၀ ယောက်ရှိရင် စိတ် ၁၀ မျိုးနဲ့ အကြိုက် ၂၀ တောင် ရှိနိုင်သေးတယ်။ တစ်မိတည်းဖွားတဲ့ ညီအစ်ကိုမောင်နှမများတောင် စိတ်သဘောထားချင်း တစ်ထပ်တည်းကျတယ်လို့ မရှိနိုင်ဘူး။ တစ်ယောက်အကြိုက် တစ်မျိုးရှိကြမှာပဲ။ ဒါပေမဲ့အိမ်ဆိုတဲ့ အမိုးတစ်ခုတည်းအောက်မှာ အတူနေနိုင်ကြတယ်။ အတူနေရင်း ကိုယ်နှစ်သက်ရာ ၀ါသနာပါရာ လုပ်ကြမြဲဖြစ်တယ်။
စိတ်ကြိုက်ရွေးချယ်ခွင့်
တင်းနစ်ရိုက်ဝါသနာပါတဲ့ အစ်ကိုအကြီးဆုံးက တခြားညီတွေ၊ နှမတွေကို တင်းနစ်မကစားလို့ဆိုပြီး ရန်လုပ်လို့ဘယ်ဖြစ်မှာလဲ။ ဘောလုံး ကန်ချင်သူကန်ပါစေ၊ ဘတ်စကက်ဘော ကစားချင်သူကစားပါစေ၊ ကရာတေး ကစားချင်သူ ကစားပါစေလို့ သဘောထားရမှာပဲ။ ဘာအားကစားမှ ၀ါသနာမပါဘူးဆိုပြီး ဘာမှ မလုပ်ချင်သူလည်း နေပါစေပေါ့။ လူတစ်ကိုယ် အကြိုက်တစ်မျိုးမို့လူတိုင်း လုပ်ချင်တာကို လွတ်လွတ်လပ်လပ် လုပ်ခွင့်ရှိတာကို အသိအမှတ်ပြုရမှာပါ။ လူတိုင်း လူတိုင်း ကိုယ်လုပ်ချင်တာကို လွတ်လွတ်လပ်လပ်၊ စိတ်ကြိုက်ရွေးချယ် လုပ်ပိုင်ခွင့်ရှိခြင်းဟာ လွတ်လပ်ခြင်းရဲ့သဘောသဘာဝဖြစ်တယ်။ ဒါမှမရှိရင် လွတ်လပ်ခြင်းဆိုတာ အဓိပ္ပာယ်မရှိတော့ဘူး။
ဇွတ်အတင်းဆွဲသွင်းလို့
ညီညွတ်ချင်းဆိုတာ တစ်ဦးချင်းလွတ်လပ်မှုတွေကို နားလည်လက်ခံပြီး တည်ဆောက်ရတာဖြစ်တယ်။ မညီမညွတ်ဖြစ်ပြီး ကွဲကြ၊ ပြဲကြတယ်ဆိုတာဟာ တစ်ဦးချင်းရဲ့ လွတ်လပ်မှုကို အသိအမှတ်မပြုလို့ဖြစ်တယ်။ ဂျီစီဘီအေလည်းကွဲတယ်။ တို့ဗမာအစည်းအရုံးလည်းကွဲတယ်။ ဖဆပလလည်းကွဲ၊ ကွန်မြူနစ်လည်းကွဲတယ်၊ ဆိုရှယ်လစ်လည်းကွဲ၊ ပြည်သူ့ရဲဘော်လည်းကွဲ၊ တည်မြဲသန့်ရှင်းလည်းကွဲဆိုတဲ့ အကွဲအပြဲဇာတ်လမ်းတွေဟာ တစ်ဦးချင်းလွတ်လပ်ခွင့်ကို အသိအမှတ်မပြုဘဲ တစ်သွေးတစ်သံတစ်မိန့်အောက်ကို ဇွတ်အတင်းဆွဲသွင်းလို့ ပေါ်ပေါက်လာရတာ ဖြစ်တယ်။ ဖဆပလအဖွဲ့ကြီးဆိုတာဟာ ကွန်မြူနစ်တွေ၊ ဆိုရှယ်လစ်တွေ တပ်မတော်သားတွေ၊ ပြည်သူ့ရဲဘော်တွေအပြင် ဘယ်ပါတီမှမပါတဲ့ မျိုးချစ်ပုဂ္ဂိုလ်တွေလည်း ပူးပေါင်းပါဝင်ဖွဲ့စည်းထားတဲ့ တပ်ပေါင်းစုကြီးဖြစ်တယ်။
ဂျပန်ကပါတီကြီး
တပ်ပေါင်းစုရဲ့သဘောက ရည်ရွယ်ချက်တူတာတွေကို အတူလက်တွဲလုပ်ဆောင်ပြီး မတူတာတွေကို ကိုယ့်ပါတီနဲ့ကိုယ် သီးခြားလွတ်လပ်စွာ လုပ်ကိုင်ဆောင်ရွက်ခွင့်ရှိခြင်းဖြစ်တယ်။ ဒီအတိုင်း လက်တွေ့မကျင့်သုံးနိုင်ခဲ့လို့ ကွဲကြခွဲကြရတာဖြစ်တယ်။ ဂျပန်နိုင်ငံက 'အယ်လ်ဒီပီ' ဆိုတဲ့ လစ်ဘရယ်ဒီမိုကရက်တစ်ပါတီဟာ စစ်ပြီးကတည်းက အာဏာကို အကြာကြီးဆုပ်ကိုင်ထားနိုင်တဲ့ သက်တမ်းအရှည်ဆုံးပါတီကြီးဖြစ်တယ်။ အဲဒီပါတီကြီးအတွင်းမှာ ဂိုဏ်းဂဏအုပ်စုပေါင်း တစ်ဒါဇင်လောက် အတိအလင်းတည်ရှိနေခဲ့တယ်။ ပါတီတွင်းက အာဏာလုပွဲတွေ ခဏခဏဖြစ်ပြီး ပါတီဥက္ကဋ္ဌတွေ တစ်နှစ်တစ်ယောက်လောက် ပြောင်းလေ့ရှိတယ်။ ဒါပေမဲ့ ပါတီထဲက တစ်ယောက်စ၊ နှစ်ယောက်စထွက်သွားပြီး သီးခြားပါတီထောင်တာမျိုး ရှိပေမယ့် ပါတီအကြီးအကျယ်ကွဲသွားတယ် ဆိုတာမျိုးတော့မရှိခဲ့ဘူး။ ဂိုဏ်းအုပ်စုအားလုံးက 'အယ်လ်ဒီပီပါတီ'ကို စွဲစွဲမြဲမြဲဖက်တွယ်ထားကြတယ်။
မတူသူများရဲ့ ပေါင်းစည်းမှု
အယ်လ်ဒီပီစိတ်ဓာတ်ဟာ ဒီမိုကရေစီစိတ်ဓာတ်၊ ဒီမိုကရေစီကျင့်စဉ်ဖြစ်တယ်။ အမြင်မတူသူများရဲ့ ပေါင်းစည်းညီညွတ်မှုဖြစ်တယ်။ တစ်သွေးတစ်သံတစ်မိန့်ကို နာခံဖို့ အတင်းအကြပ်မတောင်းဆိုဘူး။ လူတိုင်းကိုယ့်သီးခြားအမြင်၊ မတူတဲ့ အယူအဆကို ဆုပ်ကိုင်ထားပြီး ပါတီတွင်းမှာ လွတ်လွတ်လပ်လပ် ပြောဆိုခွင့်ရှိတယ်။ စည်းရုံးတာလည်း လုပ်နိုင်တယ်။ ပါတီဝင်အများစုက ထောက်ခံရင် ပါတီခေါင်းဆောင် ဖြစ်လာနိုင်တယ်။ ပါတီခေါင်းဆောင်ဆိုတာ ဂျပန်နိုင်ငံရဲ့ဝန်ကြီးချုပ်လည်း ဖြစ်တယ်။ ပါတီဝင်အများစုက မကြိုက်တော့ဘူးဆိုရင်လည်း လပိုင်းနဲ့ ပြုတ်ကျသွားနိုင်တယ်။
ကြောက်လို့ ငြိမ်နေရတာနိုင်ငံရေးစကားပြောကြတဲ့အခါတွေမှာ လူတိုင်းညီညွတ်ရေးစကား ပြောမြဲဖြစ်တယ်။ ညီညွတ်တာ ကောင်းတယ်။ ဒါပေမဲ့ ဘယ်လိုညီညွတ်ရေးမျိုး ဖြစ်သင့်တယ်ဆိုတာကိုလည်း ရှင်းလင်းပြောကြားသင့်တယ်။ အာဏာရှင်စနစ်အောက်မှာ ကြောက်လို့ငြိမ်နေရတဲ့ တစ်သွေးတစ်သံတစ်မိန့် ညီညွတ်ရေးမျိုးမဖြစ်ဖို့တော့ လိုပါတယ်။ ၀ါသနာချင်း၊ အကြိုက်ချင်း၊ စရိုက်ချင်းမတူကြတဲ့ ညီအစ်ကိုမောင်နှမတွေ တစ်အိမ်တည်းမှာ ချစ်ချစ်ခင်ခင်၊ ပျော်ပျော်ပါးပါး နေထိုင်ကြတဲ့ ညီညွတ်ရေးမျိုးသာ ဖြစ်သင့်တယ်။ တစ်အူထုံ့ဆင်းမောင်နှမ ရင်းချာတွေဖြစ်ပေမယ့် စိတ်ချင်းတစ်ထပ်တည်းကျတယ်ဆိုတာမျိုး မရှိနိုင်တာကို အားလုံးနားလည်လက်ခံပြီး နေထိုင်ကြတဲ့ညီညွတ်ရေးမျိုးသာ ဖြစ်သင့်တယ်။
ပန်းတိုင်းပွင့်စေရမယ်
အတင်းအကြပ်ပေါင်းစည်းခိုင်းရင် ပိုပြီးဝေးကွာသွားမှာသေချာတယ်။ မတူတာကိုတူအောင်ဇွတ်ညှိရင် နှစ်ဦးနှစ်ဖက်ထိခိုက်မှာသေချာတယ်။ မတူတဲ့အတိုင်း ပေါင်းစည်းနေထိုင်ခြင်းဟာ ဒီမိုကရေစီရဲ့ အနှစ်သာရဖြစ်တယ်။ ငါနဲ့မတူ ငါ့ရန်သူလို့ သဘောထားခြင်းဟာ နိုင်ငံရေးအရ ရင့်ကျက်မှုမရှိတဲ့ သဘောဖြစ်တယ်။ ဒီမိုကရက်တစ် လူ့အဖွဲ့အစည်းမှာ အရောင်အသွေးအမျိုးအစားစုံ ပန်းတိုင်းပွင့်စေရမယ်။ အတွေးအခေါ်အယူအဆပေါင်းစုံ လွတ်လွတ်လပ်လပ်ထွန်းကားစေရမယ်။ အားလုံးလွတ်လွတ်လပ်လပ် ငြင်းခုန်ဆွေးနွေးဖို့အားပေးရမယ်။ ငြင်းခုန်ခြင်းဟာ ရန်ဖြစ်တာမဟုတ်ဘူး။ မတူတဲ့ အယူအဆတစ်ခုကို ထုတ်ဖော်တင်ပြတာဖြစ်တယ်။ ရှေးခေါမခေတ် လူသားတွေအပြန်အလှန် ဆွေးနွေးငြင်းခုန်လုပ်ကြရာက ဒီမိုကရေစီသဘောတရားတွေ ပေါ်ထွန်းလာရတာမဟုတ်လား။

ဇွတ်မညှိနဲ့ မတူတာကို လက်ခံနိုင်အောင်ကြိုးစား

ညီညွတ်ရင် အလုပ်တွင်တယ်။ ကောင်းတယ်။ မညီညွတ်ရင် အလုပ်မတွင်ဘူး။ ဖင့်နှေးတယ်။
ဒါပေမဲ့ မညီညွတ်တာ မကောင်းဘူးလို့တော့ တထစ်ချပြောလို့မရဘူး။ ညီညွတ်တိုင်း
ကောင်းတယ်လို့ ပြောမရနိုင်တာမျိုးရှိသလို မညီညွတ်လို့ ကောင်းသွားတာမျိုးလည်းရှိတယ်။
ကျွန်အဖြစ်တော့မနေဘူး
အင်္ဂလိပ်လက်အောက်မှာ နေရတာကောင်းတယ်။ အဘက်ဘက်က တိုးတက်တယ်လို့
လူတိုင်းတညီတညွတ်တည်း သဘောထားနေကြရင် လွတ်လပ်ရေးဆိုတာ ရှိခဲ့မှာတောင် မဟုတ်ဘူး။
မျက်နှာဖြူတွေကို သခင်ခေါ်၊ ရှိခိုးဦးတင်လုပ်ပြီး သူတို့စားကြွင်းစားကျန် အရိုးအရင်းကိုက်ရတဲ့
ကျွန်အဖြစ်နဲ့တော့မနေဘူး။ ကိုယ့်မင်းကိုယ့်ချင်း သခင်ဘ၀နဲ့ ထမင်းကြမ်းပဲ
ယပ်ခတ်စားနေမယ်ဆိုတဲ့ သဘောကွဲသူတွေကြောင့်သာ အခုလို လွတ်လပ်တဲ့ နိုင်ငံအဖြစ်
ရပ်တည်နိုင်ခဲ့တာဖြစ်တယ်။ အင်္ဂလိပ်လက်အောက် နေရတာကောင်းတယ် ဆိုသူတွေက
လွတ်လပ်ရေးရပြီးမှ ဘယ်မှာကောင်းကောင်းနေရတာရှိလို့လဲလို့ အပြစ်ပြောကြတယ်။
ဒုက္ခတွေများကြ
မှန်တယ်။ လွတ်လပ်ရေးရပြီးနောက် ဖြစ်လာတဲ့ ပြည်တွင်းစစ်ကြောင့် အိပ်ကောင်ခြင်းမအိပ်ရ၊
စားကောင်းခြင်းမစားရနဲ့ ဒုက္ခတွေများကြရတယ်။ တောသူတောင်သားတွေ လယ်တွေယာတွေ
စွန့်ပစ်ပြေးကြရပြီး မြို့မှာ ကြုံရာကျပန်း အလုပ်ကြမ်းတွေ လုပ်ကြရတယ်။ အာရှတိုက်ရဲ့
အချမ်းသာဆုံးနိုင်ငံအဖြစ်ကနေ အဆင်းရဲဆုံးနိုင်ငံအဖြစ် လျောကျသွားခဲ့ရတယ်။ ဒါပေမဲ့ ဒါတွေဟာ
လွတ်လပ်ရေးကြောင့်ဖြစ်ရတာ မဟုတ်ဘူး။ အများပြောနေကြသလို မညီညွတ်လို့ဖြစ်ရတာ
မဟုတ်ဘူး။ ညီညွတ်ရေးဆိုတဲ့စကားကို အဓိပ္ပာယ်ကောက်လွဲလို့ ဒီမိုကရေစီရဲ့ အနှစ်သာရလို
မျက်ကွယ်ပြုကြလို့ဖြစ်တယ်။
လူ ၁၀ ယောက်၊ အကြိုက် ၂၀
ညီညွတ်ရေးအကြောင်း ပြောကြတဲ့အခါမှာ 'ရေကိုသားလို့အကြားမထင်' ဆိုတဲ့စကားနဲ့
တင်စားပြောဆိုလေ့ရှိတယ်။ ဒါက စကားအဖြစ်သာပြောတာ။ လက်တွေ့လူ့လောကမှာ
ဖြစ်နိုင်တာမျိုးမဟုတ်ဘူး။ လူတစ်ကိုယ် အကြိုက်တစ်မျိုးရှိခြင်းဟာ ဓမ္မတာတရားဖြစ်တယ်။
လူ ၁၀ ယောက်ရှိရင် စိတ် ၁၀ မျိုးနဲ့ အကြိုက် ၂၀ တောင် ရှိနိုင်သေးတယ်။ တစ်မိတည်းဖွားတဲ့
ညီအစ်ကိုမောင်နှမများတောင် စိတ်သဘောထားချင်း တစ်ထပ်တည်းကျတယ်လို့ မရှိနိုင်ဘူး။
တစ်ယောက်အကြိုက် တစ်မျိုးရှိကြမှာပဲ။ ဒါပေမဲ့အိမ်ဆိုတဲ့ အမိုးတစ်ခုတည်းအောက်မှာ
အတူနေနိုင်ကြတယ်။ အတူနေရင်း ကိုယ်နှစ်သက်ရာ ၀ါသနာပါရာ လုပ်ကြမြဲဖြစ်တယ်။

စိတ်ကြိုက်ရွေးချယ်ခွင့်
တင်းနစ်ရိုက်ဝါသနာပါတဲ့ အစ်ကိုအကြီးဆုံးက တခြားညီတွေ၊ နှမတွေကို တင်းနစ်မကစားလို့ဆိုပြီး
ရန်လုပ်လို့ဘယ်ဖြစ်မှာလဲ။ ဘောလုံး ကန်ချင်သူကန်ပါစေ၊ ဘတ်စကက်ဘော ကစားချင်သူကစားပါစေ၊
ကရာတေး ကစားချင်သူ ကစားပါစေလို့ သဘောထားရမှာပဲ။ ဘာအားကစားမှ ၀ါသနာမပါဘူးဆိုပြီး
ဘာမှ မလုပ်ချင်သူလည်း နေပါစေပေါ့။ လူတစ်ကိုယ် အကြိုက်တစ်မျိုးမို့လူတိုင်း လုပ်ချင်တာကို
လွတ်လွတ်လပ်လပ် လုပ်ခွင့်ရှိတာကို အသိအမှတ်ပြုရမှာပါ။ လူတိုင်း လူတိုင်း ကိုယ်လုပ်ချင်တာကို
လွတ်လွတ်လပ်လပ်၊ စိတ်ကြိုက်ရွေးချယ် လုပ်ပိုင်ခွင့်ရှိခြင်းဟာ လွတ်လပ်ခြင်းရဲ့သဘောသဘာဝဖြစ်တယ်။
ဒါမှမရှိရင် လွတ်လပ်ခြင်းဆိုတာ အဓိပ္ပာယ်မရှိတော့ဘူး။
ဇွတ်အတင်းဆွဲသွင်းလို့
ညီညွတ်ချင်းဆိုတာ တစ်ဦးချင်းလွတ်လပ်မှုတွေကို နားလည်လက်ခံပြီး တည်ဆောက်ရတာဖြစ်တယ်။
မညီမညွတ်ဖြစ်ပြီး ကွဲကြ၊ ပြဲကြတယ်ဆိုတာဟာ တစ်ဦးချင်းရဲ့ လွတ်လပ်မှုကို အသိအမှတ်မပြုလို့ဖြစ်တယ်။
ဂျီစီဘီအေလည်းကွဲတယ်။ တို့ဗမာအစည်းအရုံးလည်းကွဲတယ်။ ဖဆပလလည်းကွဲ၊ ကွန်မြူနစ်လည်းကွဲတယ်၊
ဆိုရှယ်လစ်လည်းကွဲ၊ ပြည်သူ့ရဲဘော်လည်းကွဲ၊ တည်မြဲသန့်ရှင်းလည်းကွဲဆိုတဲ့ အကွဲအပြဲဇာတ်လမ်းတွေဟာ
တစ်ဦးချင်းလွတ်လပ်ခွင့်ကို အသိအမှတ်မပြုဘဲ တစ်သွေးတစ်သံတစ်မိန့်အောက်ကို ဇွတ်အတင်းဆွဲသွင်းလို့
ပေါ်ပေါက်လာရတာ ဖြစ်တယ်။ ဖဆပလအဖွဲ့ကြီးဆိုတာဟာ ကွန်မြူနစ်တွေ၊ ဆိုရှယ်လစ်တွေ တပ်မတော်သားတွေ၊
ပြည်သူ့ရဲဘော်တွေအပြင် ဘယ်ပါတီမှမပါတဲ့ မျိုးချစ်ပုဂ္ဂိုလ်တွေလည်း ပူးပေါင်းပါဝင်ဖွဲ့စည်းထားတဲ့
တပ်ပေါင်းစုကြီးဖြစ်တယ်။
ဂျပန်ကပါတီကြီး
တပ်ပေါင်းစုရဲ့သဘောက ရည်ရွယ်ချက်တူတာတွေကို အတူလက်တွဲလုပ်ဆောင်ပြီး မတူတာတွေကို
ကိုယ့်ပါတီနဲ့ကိုယ် သီးခြားလွတ်လပ်စွာ လုပ်ကိုင်ဆောင်ရွက်ခွင့်ရှိခြင်းဖြစ်တယ်။ ဒီအတိုင်း
လက်တွေ့မကျင့်သုံးနိုင်ခဲ့လို့ ကွဲကြခွဲကြရတာဖြစ်တယ်။ ဂျပန်နိုင်ငံက 'အယ်လ်ဒီပီ' ဆိုတဲ့
လစ်ဘရယ်ဒီမိုကရက်တစ်ပါတီဟာ စစ်ပြီးကတည်းက အာဏာကို အကြာကြီးဆုပ်ကိုင်ထားနိုင်တဲ့
သက်တမ်းအရှည်ဆုံးပါတီကြီးဖြစ်တယ်။ အဲဒီပါတီကြီးအတွင်းမှာ ဂိုဏ်းဂဏအုပ်စုပေါင်း တစ်ဒါဇင်လောက်
အတိအလင်းတည်ရှိနေခဲ့တယ်။ ပါတီတွင်းက အာဏာလုပွဲတွေ ခဏခဏဖြစ်ပြီး ပါတီဥက္ကဋ္ဌတွေ
တစ်နှစ်တစ်ယောက်လောက် ပြောင်းလေ့ရှိတယ်။ ဒါပေမဲ့ ပါတီထဲက တစ်ယောက်စ၊ နှစ်ယောက်စ
ထွက်သွားပြီး သီးခြားပါတီထောင်တာမျိုး ရှိပေမယ့် ပါတီအကြီးအကျယ်ကွဲသွားတယ်
ဆိုတာမျိုးတော့မရှိခဲ့ဘူး။ ဂိုဏ်းအုပ်စုအားလုံးက 'အယ်လ်ဒီပီပါတီ'ကို စွဲစွဲမြဲမြဲဖက်တွယ်ထားကြတယ်။
မတူသူများရဲ့ ပေါင်းစည်းမှု
အယ်လ်ဒီပီစိတ်ဓာတ်ဟာ ဒီမိုကရေစီစိတ်ဓာတ်၊ ဒီမိုကရေစီကျင့်စဉ်ဖြစ်တယ်။
အမြင်မတူသူများရဲ့ ပေါင်းစည်းညီညွတ်မှုဖြစ်တယ်။ တစ်သွေးတစ်သံတစ်မိန့်ကို နာခံဖို့
အတင်းအကြပ်မတောင်းဆိုဘူး။ လူတိုင်းကိုယ့်သီးခြားအမြင်၊ မတူတဲ့ အယူအဆကို ဆုပ်ကိုင်ထားပြီး
ပါတီတွင်းမှာ လွတ်လွတ်လပ်လပ် ပြောဆိုခွင့်ရှိတယ်။ စည်းရုံးတာလည်း လုပ်နိုင်တယ်။
ပါတီဝင်အများစုက ထောက်ခံရင် ပါတီခေါင်းဆောင် ဖြစ်လာနိုင်တယ်။ ပါတီခေါင်းဆောင်ဆိုတာ
ဂျပန်နိုင်ငံရဲ့ဝန်ကြီးချုပ်လည်း ဖြစ်တယ်။ ပါတီဝင်အများစုက မကြိုက်တော့ဘူးဆိုရင်လည်း
လပိုင်းနဲ့ ပြုတ်ကျသွားနိုင်တယ်။
ကြောက်လို့ ငြိမ်နေရတာ
နိုင်ငံရေးစကားပြောကြတဲ့အခါတွေမှာ လူတိုင်းညီညွတ်ရေးစကား ပြောမြဲဖြစ်တယ်။
ညီညွတ်တာ ကောင်းတယ်။ ဒါပေမဲ့ ဘယ်လိုညီညွတ်ရေးမျိုး ဖြစ်သင့်တယ်ဆိုတာကိုလည်း
ရှင်းလင်းပြောကြားသင့်တယ်။ အာဏာရှင်စနစ်အောက်မှာ ကြောက်လို့ငြိမ်နေရတဲ့
တစ်သွေးတစ်သံတစ်မိန့် ညီညွတ်ရေးမျိုးမဖြစ်ဖို့တော့ လိုပါတယ်။ ၀ါသနာချင်း၊ အကြိုက်ချင်း၊
စရိုက်ချင်းမတူကြတဲ့ ညီအစ်ကိုမောင်နှမတွေ တစ်အိမ်တည်းမှာ ချစ်ချစ်ခင်ခင်၊ ပျော်ပျော်ပါးပါး
နေထိုင်ကြတဲ့ ညီညွတ်ရေးမျိုးသာ ဖြစ်သင့်တယ်။ တစ်အူထုံ့ဆင်းမောင်နှမ ရင်းချာတွေဖြစ်ပေမယ့်
စိတ်ချင်းတစ်ထပ်တည်းကျတယ်ဆိုတာမျိုး မရှိနိုင်တာကို အားလုံးနားလည်လက်ခံပြီး
နေထိုင်ကြတဲ့ညီညွတ်ရေးမျိုးသာ ဖြစ်သင့်တယ်။
ပန်းတိုင်းပွင့်စေရမယ်
အတင်းအကြပ်ပေါင်းစည်းခိုင်းရင် ပိုပြီးဝေးကွာသွားမှာသေချာတယ်။
မတူတာကိုတူအောင်ဇွတ်ညှိရင် နှစ်ဦးနှစ်ဖက်ထိခိုက်မှာသေချာတယ်။
မတူတဲ့အတိုင်း ပေါင်းစည်းနေထိုင်ခြင်းဟာ ဒီမိုကရေစီရဲ့ အနှစ်သာရဖြစ်တယ်။
ငါနဲ့မတူ ငါ့ရန်သူလို့ သဘောထားခြင်းဟာ နိုင်ငံရေးအရ ရင့်ကျက်မှုမရှိတဲ့ သဘောဖြစ်တယ်။
ဒီမိုကရက်တစ် လူ့အဖွဲ့အစည်းမှာ အရောင်အသွေးအမျိုးအစားစုံ ပန်းတိုင်းပွင့်စေရမယ်။
အတွေးအခေါ်အယူအဆပေါင်းစုံ လွတ်လွတ်လပ်လပ်ထွန်းကားစေရမယ်။
အားလုံးလွတ်လွတ်လပ်လပ် ငြင်းခုန်ဆွေးနွေးဖို့အားပေးရမယ်။
ငြင်းခုန်ခြင်းဟာ ရန်ဖြစ်တာမဟုတ်ဘူး။ မတူတဲ့ အယူအဆတစ်ခုကို ထုတ်ဖော်တင်ပြတာဖြစ်တယ်။
ရှေးခေါမခေတ် လူသားတွေအပြန်အလှန် ဆွေးနွေးငြင်းခုန်လုပ်ကြရာက
ဒီမိုကရေစီသဘောတရားတွေ ပေါ်ထွန်းလာရတာမဟုတ်လား။
(လူထုစိန်ဝင်း)

ပါတီတွေရဲ့ ရွေးကောက်ပွဲ ပလက်ဖောင်းက ဘာလဲ

စာမူလာတောင်းတဲ့ လူငယ်ဂျာနယ်သမားတစ်ယောက်နဲ့ စကားပြောရင်း နိုင်ငံရေးပါတီတွေ အကြောင်း၊ ရွေးကောက်ပွဲတွေအကြောင်း ရေးတဲ့အခါမှာ ပါတီတွေရဲ့ ရွေးကောက်ပွဲ ပလက်ဖောင်းက ဘာလဲဆိုတာကို စာဖတ်ပရိသတ်၊ မဲဆန္ဒရှင်များ သိအောင် ရေးပေးဖို့လိုကြောင်း ပြောလိုက်တော့ သူက မျက်လုံးပုတ်ခတ်ပုတ်ခတ် လုပ် ပြီး ကြည့်နေတယ်။
တောင်မှန်း မြောက်မှန်းမသိ
ဒါလောက်ဆို သဘောပေါက်သွားပြီ၊ ရွေးကောက်ပွဲ ပလက်ဖောင်းဆိုတာ ဘာမှန်း သူသိပုံမရဘူး။ သူ့အသက်က အစိတ်ဝန်းကျင်ပဲ ရှိတာမို့ အပြစ်မတင်ပါဘူး။ နိုင်ငံရေး တို့ ရွေးကောက်ပွဲတို့ဆိုတာ အခုမှ နဖူးတွေ့ဒူးတွေ့ကြုံ တွေ့ဖူးတာ မဟုတ်လား။ ဒါပေမဲ့ သူ့လို အသက်မငယ်တော့တဲ့၊ နိုင်ငံရေးပါတီတွေမှာလည်း ပါဝင်လုပ်ကိုင်နေတဲ့ ပုဂ္ဂိုလ်တချို့ကို ပြောတဲ့အခါမှာလည်း သူလိုပဲ ကြောင်ကြည့်နေတာနဲ့ ရင်ဆိုင်ရတယ်။ နိုင်ငံရေးလုပ်မယ့်သူဆိုပြီး ဒါကိုတောင် မသိဘူးဆိုတော့ အတော် စိတ်ပျက်သွား တယ်။ သူ များယောင်လို့ လိုက်ပြီးယောင် အမောင်တောင်မှန်း မြောက်မှန်းမသိ ဆိုတဲ့ နိုင်ငံရေးသမားမျိုးတွေနဲ့ ရှေ့ ခရီးဆက်ရမယ့်အရေး တွေးတွေးပြီး ရင်လေးမိတယ်။
အားလုံး ဒီမိုကရေစီ
အခုအချိန်မှာ ရှိနေတဲ့ နိုင်ငံ ရေး ပါတီအားလုံးက ဒီမိုကရေစီ ဖော်ဆောင်ရေးအတွက်ဆိုပြီး လူသိရှင်ကြား ကြွေးကြော်ထားကြတယ်။ တမြန်နှစ်ကအထိ စစ်အစိုးရရဲ့ ကျောရိုးအဖွဲ့အစည်းအဖြစ် ရှိနေခဲ့တဲ့ ကြံ့ခိုင်ဖွံ့ဖြိုးရေးအဖွဲ့ကလည်း အခု ဒီမိုကရေစီ ပါတီဖြစ်နေပြီ။ အားလုံးက ဒီမိုကရေစီ ဖြစ်နေတော့ မဲထည့်တဲ့ ပြည်သူတွေက ဘာကိုကြည့်ပြီး ရွေးရမှာလဲ။ မူကွဲမရှိတော့ လူပဲကြည့်ပြီး ရွေးရမလို ဖြစ်နေတယ်။ အဲဒီလိုဆို မှန်နိုင်ပါ့မလား။ နိုင်ငံရေးလုပ်တဲ့ နေရာမှာ လူကို ဦးစားပေးမှု လွန်ကဲတာ မကောင်းဘူးမဟုတ်လား။ လူကို ဦးစားပေးလွန်းတော့ ပုဂ္ဂိုလ်ရေးကိုးကွယ်မှု ပေါ်ပေါက်လာနိုင်တယ်။ အဲဒီက နောက်တစ်ဆင့် တက်သွားရင် အာဏာရှင်ဆန်ဆန် ဖြစ်သွားတတ်တယ်။
ကိုယ်ပိုင်ဝါဒလမ်းစဉ် ရှိရမယ်
ရွေးကောက်ပွဲတို့ လွှတ်တော်တို့နဲ့ တက်လာပေမယ့် နောက်ဆုံးကျတော့ အာဏာရှင်လို တစ်သွေးတစ်သံတစ်မိန့် အုပ်ချုပ်သွားတဲ့ နိုင်ငံတွေ အတော်များများ ရှိပါတယ်။ လစ်ဗျားခေါင်းဆောင် ကဒါဖီတို့ ဆီးရီးယားက အာဆတ်တို့ဟာ ဒီလိုအာဏာရှင်တွေ ဖြစ်တယ်။ နိုင်ငံရေးမှာ လူထက်မူကိုသာ အဓိကထားသင့်တယ်။ နိုင်ငံရေးပါတီတိုင်း မှာ ကိုယ်ပိုင်မူဝါဒ၊ ကိုယ်ပိုင်လမ်းစဉ် ရှိရမယ်။ ဘာမှ ကွဲပြားခြားနားမှု မရှိဘဲ အားလုံးအတူတူ ဖြစ်နေရင် ဘာ့ကြောင့် သီးခြားပါတီတွေ ထောင်နေတော့မှာလဲ။ ဧရာမ ဒီမိုကရေစီ နိုင်ငံကြီး ဖြစ်တဲ့ အမေရိကန်နိုင်ငံမှာ အဓိက ပါတီကြီးနှစ်ခုပဲ ရှိတယ်။ နှစ်ခုစလုံးက ဒီမိုကရေစီနဲ့ လွတ်လပ်တဲ့ ဈေးကွက်စီးပွားရေးစနစ်ကို အပြည့်အဝလက်ခံ ယုံကြည်ကြတယ်။ အခြေခံအားဖြင့်တော့ အားလုံးအတူတူ ဖြစ်တယ်။
စွက်ဖက်မှု ရှိရေး မရှိရေး
ဒါပေမဲ့ နည်းဗျူဟာ ပိုင်းကျတော့ မတူတော့ဘူး။ ရီပတ်ဘလစ် ကန်ပါတီက စီးပွားရေးရော၊ အုပ်ချုပ်ရေးမှာပါ အစိုးရဝင်ရောက် စွက်ဖက်မှု လုံးဝမရှိစေဘဲ ဈေးကွက် သဘာဝအတိုင်း ထားရှိပြီး အစိုးရ အသုံးစရိတ်ကို အနည်းဆုံးအထိ လျှော့ချဖို့ ဖြစ်တယ်။ ဒီလိုလျှော့ချ ရင် အခွန်အတုပ်တွေလည်း ကျ ဆင်းပြီး ဘတ်ဂျက်လိုငွေပြမှု နည်း ပါးသွားလိမ့်မယ်လို့ ယူဆတယ်။ ဒီမိုကရက်တစ်ပါတီကတော့ စီးပွားရေးမှာ အစိုးရထိန်းချုပ်မှု လုံးဝမရှိရင် ကုန်ဈေးနှုန်းတွေ တက်ချင်တိုင်းတက်ပြီး တစ်ဦးတည်း လက်ဝါးကြီး အုပ်မှုတွေ ရှိလာနိုင်တယ်။ ငွေလုံး ငွေရင်းနည်းပါးတဲ့ အလတ်စားနဲ့ အသေးစားလုပ်ငန်းရှင်တွေ ထိ ခိုက်စေနိုင်တယ်။ ဒါကြောင့် အတိုင်းအတာတစ်ခုအထိ အစိုးရက ထိန်း ချုပ်ပေးဖို့ လိုတယ်လို့ ယူဆတယ်။
ကွန်ဆားဗတစ်နဲ့ လစ်ဘရယ်
ဒါ့အပြင် ပညာရေး၊ ကျန်းမာရေးလိုကိစ္စများမှာ ဆင်းရဲသားများကို ထောက်ပံ့ကူညီမှုတွေ ပေးဖို့ လိုအပ်တယ်။ ဒီအတွက် အခွန်အတုပ်တွေ တိုးမြှင့်ကောက်ခံရမယ်။ ဆင်းရဲသားများထက် ချမ်းသာသူများနဲ့ ဧရာမလုပ်ငန်းကြီးများကို ပိုမိုကောက်ခံရမယ်လို့ သဘောထားတယ်။ ယေဘုယျအားဖြင့် ရီပတ်ဘလစ်ကန်ပါတီကို စီးပွားရေးလုပ် ငန်းရှင်ကြီးများရဲ့ ပါတီ၊ ကွန်ဆား ဗတစ်ပါတီလို့ ခေါ်ကြပြီး ဒီမိုကရက်တွေကိုတော့ လူလတ်တန်းစားများရဲ့ပါတီ၊ လစ်ဘရယ်ပါတီလို့ ခေါ်ကြတယ်။ အခြေခံပါတီတိုင်းက အဲဒီလိုရှိတာကို လူတိုင်း သိပြီးဖြစ်တော့ ပါတီထောက်ခံသူတွေကြားမှာ ဘာပြဿနာမှမရှိဘူး။ ကိုယ့် ပါတီကလူကို ထောက်ခံကြမှာပဲ။
ပလက်ဖောင်းဆိုတာ

အရေးကြီးတာက ဘယ်ပါတီကိုမှ တစ်သမတ်တည်း ထောက်ခံလေ့မရှိတဲ့ သာမန်မဲဆန္ဒရှင် ပြည်သူလူထု ဖြစ်တယ်။ ဒီလူတွေက အများစုလည်း ဖြစ်တယ်။ ဒီလူတွေကို စည်းရုံးဖို့အတွက် ပါတီနှစ်ခုစလုံးက ကြိုးစားကြတယ်။ အဲဒီအတွက် ရွေးကောက်ခံရရင် ဘာကို ဦးစားပေးဆောင်ရွက်မယ် ဆိုတဲ့ အချက်တွေကို လူသိထင်ရှား ထုတ် ပြန်ကြေညာပြီး စည်းရုံးရတယ်။ အဲဒါကို ”ရွေးကောက်ပွဲ ပလက်ဖောင်း” လို့ခေါ်တယ်။ ဥပမာ အိုဘားမားပထမအကြိမ် သမ္မတရွေး ကောက်ပွဲဝင်တော့ ဆင်းရဲသားတွေ ကို ကျန်းမာရေး စောင့်ရှောက်မှု ပိုပြီးပေးနိုင်တဲ့ ဥပဒေပြဋ္ဌာန်း နိုင်အောင် လုပ်မယ်ဆိုတဲ့ ပလက်ဖောင်းနဲ့ စည်းရုံးလှုံ့ဆော်ခဲ့တယ်။ ရီပတ်ဘလစ်ကန် ဂျွန်မက်ကိန်းကတော့ ဘတ်ဂျက်လိုငွေလျှော့ချရေး နဲ့ အခွန်အတုပ်တွေ လျှော့ချရေး ကို ပလက်ဖောင်းတင်ခဲ့တယ်။
အလုပ်လက်မဲ့ လျှော့ချရေး
ခုတစ်ကြိမ် ရွေးကောက်ပွဲမှာ ရီပတ်ဘလစ်ကန်ျဘက်က ဘာနဲ့ ထွက်လာမယ် မသိရသေးပေမယ့် အိုဘားမားကတော့ စီးပွားရေးအရှိန် မြှင့်ပြီး အလုပ်လက်မဲ့နှုန်း ကျဆင်း ရေးကို အဓိကထား ပြောကြားနေတာ တွေ့ရတယ်။ ဒီနေ့ မြန်မာနိုင်ငံ က နိုင်ငံရေးပါတီတွေဟာ ဘယ်ကိစ္စကို ဦးစားပေးအဖြစ် ပလက် ဖောင်းတင်မယ် ဆိုတာ အခုအချိန် ထိ ထုတ်ပြန်ကြေညာတာ မတွေ့ရဘူး။ လိုအပ်ကြောင်း မသိလို့ပဲလား မပြောတတ်ဘူး။ တချို့က အခြေခံဥပဒေ ပြင်မယ်၊ ပညာရေးနဲ့ ကျန်းမာရေးစနစ်တွေ ပြင်မယ်လို့ တော့ ပြောကြတယ်။ ဒါပေမဲ့ အခြေခံဥပဒေထဲက ဘာတွေကို ပြင်မှာလဲ၊ ဘယ်လိုပြင်မှာလဲ။ ပညာရေးနဲ့ ကျန်းမာရေးကိုရော ဘယ်လို ပြင်မှာလဲ။ ဘယ်လောက်ထိ ပြင် မှာလဲ၊ ရှေးကလို အခမဲ့ ပညာရေးတို့ အခမဲ့ ကျန်းမာရေးတို့ ပြန်လုပ် မှာလား တိတိကျကျ ပြတ်ပြတ်သားသား ပြောဖို့လိုတယ်။ အဲဒီ အချက်တွေကို မဲဆန္ဒရှင်တွေ သိ အောင် တင်ပြရမယ်။ အဲဒါဟာ သူတို့ပါတီတွေရဲ့ ရွေးကောက်ပွဲ ပလက်ဖောင်းဖြစ်လိမ့်မယ်။ သူတို့က မပြောရင် သတင်းသမားတွေက မေးခွန်းမေးပြီး ပြောအောင် လုပ် ပေးရမယ်။ ဒါမှ မဲဆန္ဒရှင် ပြည်သူတွေက ရွေးချယ်တတ်မှာ ဖြစ်တယ်။ သတင်းသမားတွေ မေးခွန်းမေးတတ်ကြပါစေ။
(လူထုစိန်ဝင်း)

Lwin Pwin

Blog: http://wanna23-23.blogspot.com/

Web-site: www.nlabr.com